قصيدة

إعادة التغريد بالقصيدة دليل اعجابي الشديد بها، المتابعه والإعجاب والتفاعل الأحق به شاعر القصيدة لذلك أرى أنه من الأولى دعم حساب الشاعر نفسه=من تغريدته المنشورة، ومن رأيي الشخصي أن الدعم الحقيقي يعني نشرها باسم صاحبها وحسابه.

ياقديم الود.. مدّ الله بقاك، وعاد عيدك وعاد عيد الناعس المكحول، والكف المحنّا ٰ

راح عيد و مر عيدين واللي جاي عيد والليالي كلها عيد .. ماهي هينه كيف قالو ما يفلّ الحديد إلا الحديد ؟ و انا قلبي فلته يد .. كانت لينه جعل يسقى كل صبحً طلع مطلع قصيد ما اشرقت شمسه على شانها متزينه

تفضلوا القصيده مع الاسامي وصحة السنتهم والله يعطيكم العافيه واعذرونا على القصور 💐🤍

كل عام وأنتِ ضحكتك مستمرة.

معك صار العيد غير، وفيك توّ العيد بادي

منزالك الأهداب.. يا ناسع الجِيد إليَا تجوَّد كلّ خلٍّ — فـ خلَّه! أساوَم عيونك، وأداريك، وأزيد أمانتك سيف الزعل، لا تسلَّه.. مهما تثنَّت في هوَاك العناقيْد أنا أعْرِفك، وأعْرِف هوَاك، ومحلَّه وشلون أساوِي ضحكتك فأوَّل العيد؟ وضحكتك أرقّ من أوَّل العيد كلَّه!

قِدْ ضاع في غبْ الوساع المساويد قلبٍ عجز ياصل لـ يابس ضفافك من عقْب ماهو يقطع البيد .. والبيد جفافها ماكنّه الّا جفافك والله لو انّ الراحه فْـ راحة الايد ماشفتني قدامك ، ولا خلافك لكن وش اسوّي بقلبٍ مقيريد يغليك ، وانت لـ دمّ الاجواد سافك متعلّقٍ بين النحر ، واتلع الجيد ولا طرا في باله انّه يعافك تزعل ، وتنضب لا زعلت المواريد على حبيبٍ يرتجيك ، ويخافك وعلى رضى قلبك تفزّ الجراهيد وان لاح برّاق الحيا من رهافك يميل عودك ، واتّدلّى عناقيد ثمرْك .. وآحنّ لـ مواسم قطافك لا صدفةٍ جابتْك .. ولا مواعيد يبدو لي ان هذا هو آخر مطافك يا سِعد عينٍ تلمحك في ضحى العيد ترفل بنفنوفٍ توشّى عفافك يا موقّف الدنيا ، واهلها على حيد مافيه احد قدْ مرّ جنبك ، وطافك محسود من شافك من بعيد لـ بعيد وشلون عاد اللي من قريب شافك !

افك الستاير و انتظر من ورا الشباك متى الليل يجبر خاطري واكسر سهاده أنا أحق بـ أنسام الهوى من غصون الراك لو أني ما اميل أن هبت النود بزيادة معي بعد هذاك الغياب الطويل ادراك ادراك اللي يدري بـ الخطا كل ماعاده حبيبي من الـ لبيه لا يا عساه فداك ماعندي لك الا قلبٍ بما نبض جاده يناديني النسيان ، و اسمعّه ذكراك على صوت فيروز وعلى القهوة السادة يازين الحظوظ اللي رمتني على مرماك عنودٍ تقود الصيد و اليوم منصاده لا تستغرب اللهفه على ضحكتك و رضاك رضاك السحاب و ضحكتك صوت رعاده تماديت في قلبٍ جبره الحنين و جاك و معجبني انه فيك " مسلوب الإرادة " تمادى علي أكثر ، مادام الغلا ولاّك لك القلب مرتاح و لك الروح منقادة أحبك ، قبل لا أختار في وصلك و فرقاك ولا فيه احد يختار موته و ميلاده وش العيد و ايام الغلا و المطر لولاك ؟ يا فرحة ملذات العمر و أجمل أعياده انا لو دريت اني بحبك قبل لا القاك ماعشت آتمنى حظ ليلى و ولادة ولو اني عرفت أسمك قبل طلة محياك نقشت اول حروفه على عنقي قلادة

عاد عيدك مايسة عود ممشوقة قوام " يابعد من نقّشت بـ الخضاب كفوفها "

عيّدي يا ام الحسن لا مثلك ولا زيك ما خبرت من البنات اللي حلاها قدك هي وجيه الناس تاخذ نورها من ضيك؟ هو نهار العيد يبدا مشرقه من خدّك؟ جعلني فدوة عيون الفاتن المتشيك والجواهر والذهب في جيدك وفي يدك

يوم عيدي يوم أشوفك تشترين الغالي من حلالي لو يروح العمر مديونيّة أرثعي في راس مالي دام راسك مالي لا يهمك كم بقى فأرصدتي البنكيّة مثل ما أنتي تستحقين اسمي و موّالي تستحقين الذهب و الماس و العيديّة

يا لبيه يا وجه الرضا و الجناب السمح يا عذب الوصوف و شف بالي و ترويقة مضارب رموشك في خفوقي مضارب رمح عليك الله ارفق فـ الخفوق و معاليقه معك لـ القريحة لهفة و لـ المشاعر جمح تهادى ولك عذب القصيد و طواريقه انا اقول عاتبني يا مجمول وأكتب وامّح علي الحرام اني معك ما اعرف الضيقه

في يدينك زمام الشرق واسمك زعيمه ..

يقول صالح التويجري: "لا تُعاشر الحيادي، سيخذلك يومًا ما؛ لأنه أجبن من أن يتخذ موقفًا." ويقول ظافر بن فرحان : "بان وجه الحفيف وقمت تتبع مراده عندك مجامل الاخصام شي اعتيادي لكن ليا استوت عينك وعين الجراده فالعدو اللدود ؛ ولا الرفيق الحيادي."

القصيدة كاملة 🙏🏻

من يطير ويحسب الطيره زعامة لاوقع يلقى بابوسلمان حلّه جارنا لو عنده شويّة شهامة كان من دون العرب؟ عرقه يتلّه لاهداه الله ولاشرّف مقامه فرصة رضانا مهي دوم تحصلّه فيه بالتاريخ لأشكاله قمامة ماتليق الا على شرواه والله.

المجد للشعب السعودي بيت بيت اللي يظلّون الخليج بظلّهم ياسيّدي واحوالنا من يوم جيت تموّت ضعاف النفوس بغلهّم انت أشّر وتبشربنا لو ماحكيت اذا تبي نحتلّهم؟ نحتلّهم نعذرك لو بالشرق الاوسط مارقيت حثالته والله ماهو ياقلّهم لايمكن نوقّف ليامنّك مشيت اللي ماهم كفو المعالي خلهم مايعتلينا راس من يوم اعتليت يبغون في عمق الوحل ننزلّهم لو ندري انك بالمسفّه مادريت نحط عاقلهم على منحلّهم لو ينهجى من بينهم واحد هجيت ليه اكتب ابيات الهجاء واجلّهم لاشفت منظرهم من الذل استحيت امفشّل الشعب الكويتي ذلّهم والله لو ان الازمة تخصّ الكويت ماشفت عبّاد الدراهم .. كلّهم

جميلة جدًا

يوم أضيّع دروبي .. ليه أدور دليله ؟ دام سبة ضياعي عين نجلا و شامه مادريت إن قلبي كان .. راعي طويله لين واجه جروح الفاتنه : بـ ابتسامه تدري ان "ذبحة الغيله" بـ يدها نبيله ليتها ما درت واقفت بحب .. و كرامه جرحها إللي على صدري وسام و فضيله و من مقامه لقى فـ القلب حسن الاقامه راح عمري أضم الجرح في ( كل ليله ) لين ما ناحت الذكرى .. بدال الحمامه صح عيني .. عيون إللي مضيّع خليله بس ماضاع منها غير " وجه السلامه " هي كريمة وصل .. بس الليالي بخيله عذرها إللي تقوله لا نويت ( الملامه ) عادها الغايه .. اللي تفتقد لـ الوسيله لو رمتني مابين الغطرسه .. و الزعامه كل ماقلت أبي لي نوض برقٍ و آخيله قالت البرق والله في جبيني ( علامه ) جاعلٍ مابقى فالعمر رهن الجديله جعلها ما توردني " حياض الندامه " - عتيم

يا الفتنة اللي مايضاهيها مساء ولا صباح الصبح يتنفّس هواها و المسا يزها بها تسيّد حضورك شعور القلب ياسيد الملاح ولا فيه نبضة قلب.. رمشك مايثير إعجابها والذكريات اللي لو تزاح الرواسي.. ماتزاح مثل ماعشت إلا بها.. ماراح أموت إلا بها ياملح نجد وزين نجد من الرياض ليا رماح شعرك لياليها.. وطغيانك غرور أعرابها تجاوزي حزنك مثل ما اتجاوز اعداء النجاح اللّي ما احسب حسابها .. لا تحسبين حسابها - محمد الكريدي