كـــاڤ

عندي صديقة من عرب 48 بعرفها من 2023، مسلمة سنية محجبة ملتزمة، تعرفت عليها بتركيا بترابزون كانت مع اهلها سياحة وانا كنت مع رفقاتي كمان سياحة، تعرفنا صدفة بلعبة كرة يد وصرنا نحكي وكتير حبت اني من سوريا وانا كمان كتير تحمست انها من فلسطين وعايشة فيها، بعد الحكي وتعارف فرجتني جوازها وكنت اول مرة بنصدم هيك، ان كيف حدا عربي وفلسطيني بجواز اسرائيلي، المهم صرنا نحكي وحكتلي نحن ما بنحبهم بس عايشين مبسوطين وماناقصنا شي ، بالدوام عندها 98% يهود وصهاينة وحكتلي عادي زملاء ومافي بيناتنا اي مشاكل، وبالحي تبعهم مختلط في يهود وفي عرب مسلمين، عندهم مصبغة ومعرض سيارات وكل سنة ما شاء الله ببلد سياحة وحكتلي اغلب العرب جوا هيك، (مصاري سياحة سيارات عيشة بيحلم فيها السوري واللبناني والأردني والمصري وكل حدا شايل قضية فلسطين ع راسو وزابل بلدو) المهم حكتلي عنا أقارب كتير بالضفة بدهم يسكنوا متلنا جوا وعم نزبطلهم أوراق بشرط يتخلوا عن جنسيتهم "حكتلي ماعندهم مشكلة" وفي ناس بدها تنتقل لتشتغل وتعيش عادي، ويلي استغربتو اكتر ان مانها محبة ولا اهلها لاسرائيل ك محتل بس ماعندهم مشكلة معها ك دولة واخدين فيها حقوقهم وعايشين طبيعي، من بعدها صرت اسأل واحكي ودور ع ناس بذات من الداخل ومن الضفة، وكل ماحكيت ناس اكتر كل ماعرفت ان مافي غير المناطق يلي تغلغلت فيها ايران هي يلي الناس عايشة فيها فقر وكذب واستغلال ومغسولين دماغ، بينما يلي بفلسطين واسرائيل يادوب عم يفكروا بهالقصص وهمهم يعيشوا بكرا او يسافروا او يشتغلوا بالداخل. لليوم أنا وهي رفقات والصيف الماضي شفتها بهولندا.