Mohamed Arafa retweetledi
عشان بس الناس ماتفهمش غلط.
انا مشكلتي الوحيدة هي في انه الناس تعتاد انه فيه طبقات منسحقة و ده قدرها، و انه عادي انهم يشتغلوا شغلانة صعبة و دخلها قليل جدا بدون ما يكون عندهم فرصة للترقي او الخروج خارج دايرة القهر اللي هو فيها. لانه ده مدعاة لقسوة القلب.
الناس لا قدر الله ممكن يجيلها بلاء فجأة يقلب حياتها رأسا علي عقب. اي حد فينا لو تعب تعب كبير لا قدر الله ممكن يقعد من شغله.
فهو لو فيه حد شايف انه الطبقية دي طبيعية و انه طبيعي انه فيه ناس معينة تعاني ده اللي انا مختلف معاه. و عشان بس ماحدش يخلق straw man argument انا مابقولش مايسترزقوش: لا يسترزقوا لكن ما يبقاش ده تمامهم و نهاية اللي يقدروا يعملوه.
و قصة انه 'الحكومات بتعمل ايه' الحكومات في اي مكان في العالم ليست حريصة سوي علي بقاء أفرادها و مصالحهم منذ عقود من الزمان. الحكومات مش فارق معاها شعوبها قد ما فارق معاها احتياجها لانها تنتخب تاني.
انا مابقولش انه الناس كلها تشيل الهم و تشيل نفسها فوق طاقتها لكن اللامبالاة الرهيبة دي مخوفاني.
و بعدين الواحد بقي بيشوف نفسه في كل شخص عنده معاناة. مع انه بيحمد ربنا انه ربنا معافيه بس فيه ناس تانية طالع عينها من غير ذنب منها. و الكلام ده موجود في كل الطبقات مش في الطبقة الغلبانة دي فقط.
ربنا يعافينا و يعافي كل المسلمين و يجبر كل غلبان و يغني الناس من فضله و يرفع عنهم البلاء و يهدينا لما يحبه و يرضاه.
العربية
