Sabitlenmiş Tweet
Nguvu ya ujuaji wa vijana inaweza kuwa chachu ya maendeleo endelevu nchini Tanzania. Hata hivyo, kutokana na tofauti za umri na vizazi, viongozi wanaweza kuwa na upinzani wa ndani kimyakimya dhidi ya uwezo wa vijana, wakiuona kama ujuaji usio na tija. Uongozi bora unahusisha uwezo wa kukumbatia na kuelekeza nishati ya vijana iliyojificha ndani ya ujuaji wao. viongozi wanapaswa kutambua kwamba kuna uwezo mkubwa uliofichika chini ya kinachoitwa ujuaji. Wiki iliyopita, nilipata nafasi ya kufanya mahojiano kupitia moja ya vipindi vinavyofuatiliwa sana kwa sasa hapa nchini, kipindi cha "Kasri la Kikeke" kinachoendeshwa na Mtangazaji nguli @kikeke na mtangazaji mahiri kijana mbunifu @imaniluvanga. Nilialikwa mimi na kijana mtaalamu wa masuala ya teknolojia @named_jacquilin, tukiwakilisha @EUYSBTanzania Katika moja ya mazungumzo haya, nilipata nafasi ya kuelezea umuhimu wa viongozi Tanzania kuwa na mbinu za kugeuza ujuaji wa vijana kuwa nishati ya mabadiliko. Kwa takribani miaka mitano, nimepata nafasi ya kuwezesha viongozi zaidi ya 1000 wa ngazi mbalimbali za serikali, AZAKI na makundi mengine ya kijamii, na moja ya mijadala ambayo nimekuwa nikiipigia chapuo ni matumizi sahihi ya nguvu za kiuongozi ili kuwawezesha viongozi hao kuwa na mbinu za kuwawezesha vijana kujisikia huru kutumia akili zao katika kuchangia maendeleo. Hii inamaanisha kuunda nafasi ambapo mawazo mapya na ubunifu wa vijana unathaminiwa na kupewa nafasi ya kutekelezwa. Viongozi wanapaswa kuwa tayari kusikiliza, kutoa mwongozo, na kuwezesha vijana kutumia uwezo wao katika kutafuta suluhu za changamoto za jamii. Kwa kufanya hivyo, tunajenga taifa lenye vijana wenye ujasiri na ubunifu, ambao wataongoza mapinduzi ya maendeleo. Nashukuru sana kupata jukwaa kubwa kama hili kuzungumzia suala hili.
#Leadership
#Youth2030
Indonesia
