ِ

معدل الاحتراق الوظيفي للأطباء حسب التخصص صورة

احد الجوانب السوداوية الي مايتكلم عنها بعض الاطباء، هو جانب التعامل مع المرضى. طيب احد منكم جرب يدخل عليه مريض ويرمي ورقة الانتظار في وجهه ويقوله خلصونا ورانا سحور؟ :) ولا شخص يصرخ يقول ابي ل ولدي كمام "بخار nebulizer " بمشي وراي شغل ماني فاضي!!😅 طيب لحظة ولدك قدامه عشرين مريض ينتظر وحالته مو طارئة اصبر شوي !! بينما فيه مريض عندك فيه اشتباه جلطة قلبية وتحاول تعطيه تركيزك. ولا مريض يشتكي عليك عشانك ما عطيته اجازة، لانه قرر اليوم يكمل نومته واحلامه الخلابة وما يداوم.. طيب وش اكتب بتقريرك الطبي؟ "كثر نوم وكبر المخدة " !! والمشكلة يصارحك ويقولك دكتور انا منتظر ساعتين ابي اجازة بس بتعطيني ولا شلون؟ 🤨 طيب الاجازة هذي امانة وفي رقبة الطبيب ولو جهة العمل طلبت تقرير من بيتورط غيره؟ تخيلوا معاي بعض المرضى يجون كل اسبوع يبون اجازة فقط !! تفتح ملفه تحصل له كمية زيارات جنونية! والمشكلة بعضم يلفق على نفسه اعراض ويوهمك بس عشان تعطيه الاجازة! وهذا التصرف فوق انه حرام وكذب، يستهلك وقت الطبيب وموارد المستشفى في شيء كاذب 🤥 يمكن البعض يشوف الكلام هذا من وحي الخيال، لكن للاسف ان 10-20% من وقتك ك طبيب يُستهلك انك تهدّي اعصاب المريض وتعلمه النظام، وتوضح له ان قدامه مالا يقل عن عشر مرضى جايين قبله ويستحقون العلاج مثل ماهو يستحقه. لذلك انك تعمل في تخصص فيه انتظار عالي ك طب الاسرة وطب الطوارئ وغيره.. انت في وجه المدفع ! ولازم تراجع نفسك عشر مرات قبل اختيارك لتخصص فيه لود عالي ومقابلة مستمرة مع المرضى. تصدقون اني مرات اجلس بالمصلى اصلي ركعتين واستغفر شوي عشان اطرد الطاقة السلبية؟ وارجع للعيادة بنفس طيبة اقابل فيها المراجعين، لان طاقتي صفّرت، نفدت، استهلكت. 😅 وهذا الامر لن ينتهي لان انا ملاحظ نسبة من المجتمع حار جداً وعجول وغير صبور! يبي الاشارة تفتح بسرعة، ويبي يخالف بالطريق، ويبي ينفذ كل شيء بحياته بسرعة، ويبي يدخّل المستشفى ويتعالج بعشر دقايق ويمشي! الشخص لازم يتأنى ويركد ويصبر، ويحترم الاخرين ويصبر على نفسه .

مرا جاني طفل العيادة وكان متوتر مزحت معاه اخفف عنه جو التوتر الولد ضحك والاب ضحك بس الام ماضحكت اليوم الثاني رافعين علي شكوى اني مستهتر وتشخيصي غلط الظاهر الذبه ما عجبت الام الزبده صار عندي تبلد من الشكاوي

لو كان الأمر بيدي .. اي ممارس من الكادر الصحي يصور في حرم المستشفى صور شخصيه سلفي بالزي الطبي الرسمي وينشرها للملأ ( يتميلح ) اسحب منه الرخصه المهنيه واخليه يكمل ممارسة هواية التصوير في الشوارع مكان معاناة البشر ليس مكان للاستعراض

📌تغريدة مهمة جداً ونعاني منها للأسف يجونا بالطوارىء بمكملات مصروفه من الصيدلي والمريض نفسه ماشي على ادويه تتعارض مع بعض المكملات . ترا الجرعات الزائدة من الفيتامينات (خصوصًا الذائبة في الدهون مثل A و D و E و K) ممكن تسبب تسمم أو أضرار بالكبد أو الكلى وكثير من الناس يأخذون مكملات بدون حاجة، مع أن التحاليل تبين ما يعانون من نقص أصلاً وطالما ما فيه نقص وامورك طيبه ( الاكل افضل لك من ناحية الامتصاص وسهولة الهضم والجسم يمتص الفيتامينات من الطعام بشكل آمن ومنظم ) 💡فيه دراسة مؤخرا عام ٢٠٢٢من جامعة هارفارد أظهرت أن معظم الناس الذين يتناولون المكملات لا يحصلون على فائدة واضحة في الوقاية من الأمراض المزمنة مثل أمراض القلب أو السرطان، ما لم يكن لديهم نقص مثبت 💡 دراسة في مجلة JAMA (2018): ذكرت أن أكثر من 23,000 حالة دخول طوارئ سنويًا في أمريكا سببها تفاعلات أو آثار جانبية من المكملات الغذائية #استشر_طبيبك