ججزل العاازمي

@mrmflh95 الله الله 💘

على باب شوال وشهر راح كله صوم وكبدي من الشعار والشعر مندبله سلامي عليكم لو بعد ذا السلام علوم سلام البختري … كل ما صافح الربله انا مشكلة يومي لاطول قضيته نوم اخاف انسجن : والسبه افكاري الخبله هواوي وتجذبني محبة حسين القوم واسوي ماسوى عنتر العبسي لعبله على صوت ابو بكر وفيروز وام كلثوم براسي قبيله جن ترقص على الطبله (علي عيدك مبارك بداية عتاب ولوم عسى خير يامزنه صفق برقها جبله ) بعد ماقطع وصله وهو بالوصل ملزوم قطعني صدى صوته وانا صوته اطربله هقيته يعايدني وانا عادني محروم لي اسبوع اجهز له كلامي وارتبله #العيد_الجمعة

@42llk الله الله 💘

على عنقك الفضه تحقر الذهب والألماس ويزداد ثمنها ويتضاعف مية مره دخيل الوساع اللي تناعس بدون نعاس ترفق علي ان كان ماهي بمضطره بشفتك خمر ،،، مايوصفه ابو نواس ولا أنكره مالك في الموطا ولا اقره اشوف الليالي ماتشابه وجيه الناس وأشوف لشهر شوال في غرتك غره 🤍

@l25_79 الله الله 💘

@u88v_ الله الله 💘

يامقدم وردة البستان صبح صبح ليه تقطفها وهي في وجنتك موطنها نوعها يحسد عليه القاني المتربح تكسر عيون الثقال وتقصر من السنها لو نديم في غبة غلاك مطبح لو صفت له مقبلة الايام لا يامنها وخيل شفي في الدروب اللي تجي له ضبح تهزل بها غيبته و وصاله يسمنها سعيد بن محماس .

@3oni0 الله الله 💘

ضيّقتك ظروف الأيام يا الصدر الرحوب بين تقليب المواجع وبين أهل الحسد ما توسّع ضيق صدري نسانيس الهبوب ظنّي لو أشمّ هوا نجد كله ما يسد راح عنّي ما معه عذر ولا بمغصوب و الهوى جفّت عروقه من الهجر و فسد كل جرحٍ من عنا الوقت ماهوب محسوب من يفرّق بين جرح المشاعر والجسد

@Rv__9 الله الله 💘

من عقبك الصبر أخذ دور المواسي وأجاد وأنا لو أخذت دور أيوّب ماني/// نبي أجاهد الشوق بعد غيابك أعظم جهاد أي والله أبيك ! ؛لكن المراجل تبي؛

@alajm3ii الله الله 💘

شارد البال لا طالت بك شفوفي هذي سنين عمري فـ المدى عجلة أتنقل وأخيط جروحي وصوفي وأنت عينك ديار وضحكتك خجلة قد تلاقت ظروفك فـ أول ظروفي قبل سربك يطير فروحك الوجلة الهوى والقصيد، وحزني، وخوفي كان ما هي لأجل ضحكتك من لأجله ؟

@lia9et الله الله 💘

حسبي الله على زيني وحسبي على بليس زيني يلف رقاب وابليس شاطر من شاف زيني ودفعته الهواجيس عانق وصالي لو حدته المخاطر لاجا يترجم ما احتوته الاحاسيس يقول قلبه قول! وش انت ناطر الي ظفر في شوفتي فيس تو فيس معاد له في باقي الناس خاطر #مساااااااااؤ 🙈

@iibsa0 الله الله 💘

عاد عيدك وانت تحت الأرض لا تشعر بخيبة لي ثمان سنين أجي للمقبرة وابكي لحالي ودك اني يوم أجي واروح ماحي دريبه بس أنا من دخلت اخوانك علي؟ ياويل حالي ودي ان اللّٰه بعث بك روح ل الارض الرحيبة واقدر أجلس في مكانك يوم وتعيّد بدالي

@gv7io الله الله 💘

مع الليل .. ادور كل صدفه تفج النور ويجي الصبح واسأل قمري العوسجه عنه اواسي جروح القلب ، والخاطر المكسور وخوف المشاعر طمعتي ماتكفنهااااااااااااااا هقيت الفرج في يمتي ، والفرح منثور وانا كل يوم اقول [[ ربي يزينهاااااIIIاااااااI ]] اخذني من الضيق وعنى ضيعتي ، والجور قبل لاكره دروب المحبين ، واللعنهاااااااااااا تبي تعرف ان الحزن في داخلي .. مقبور شوف الضحكه اللي قاسي الوقت لونهااااااا اقول الهجر .. مايلحق الطيبين قصور وانا اللي لاشافك لهفته صعب يضمنهااااااا حنيني عليك من الغلا .. حنت المقهور وانا مجري الهياب والقوم ممنهاااااااااااااااااا كلام العرب ماهو كلام العيييون الحور علي من عيونك ، "والعرب ماعلي منهااااااااااا"✌🏼🔥.

@2z2GI الله الله 💘

باس يا راسٍ ملته التفاكير وعاف المنام وعاف لين الوسادة لابد من عقب المصاعب تياسير والآدمي يصبر وصبره عبادة نتعب ونقطع بالركادة مشاوير وسعي الطفاقه غير سعي الركادة بكره يبين الصبح ويغرد الطير وأمشي مع العالم وأوزع سعادة

@nijlxi الله الله 💘

«وأذكر إني مانسّيتك ويغريني الرجوع ياغرامٍ تنشد الناس . . وينه ياترى والغرام أنواع والقلب مدهل كل نوع والله إعلم منهو اللي من الحّدب وورا وأنت ياللي منزلك ماورا حدب الضلوع تدري إنك من وراها وغيرك . . مادرا تمتلكني يا اطرق العود من عادك فروع قبل تغريك المدينه ويطغيك الثرى »

@___8lu الله الله 💘

الصمت كيّ . . والكلام انفصاحي والآدمي مابين .. "هذي" و "تلكا" إن باح . . جرّ المسمعات الصياحي وإن صمت . . بان الضيق فيه وتأكّا!

@RrORr100 الله الله 💘

طبعك عنيدٍ ما يلين إنقياده أتعبتي قلبي يوم أنوّخ عنادك ماهو كل فارس يقوده عناده كم فارسٍ قبلي تهيّب مرادك منك تعلمت الصبر و الإراده علمتي قلبي ما يذل في قيادك لين صرتي لي مصدر سعاده وكوني يشرق في ظلال سوادك كني أسيرٍ لك فاقد بلاده لاغبتِ عني ما أقوى بعادك إنتي فرس حِبك على غير عاده زايد على الحب الطبيعي ودادك - أبياتي ✍️

@zt6we الله الله 💘

في ذمتي خاطرك ماودي إزعاجه لكن معك غيرتي أخاف تـهلكني أنا تربيت من صغري على حاجه أغلى الهدايا محد فيها يشاركني.

@allulll_ الله الله 💘

ان زعلتي تمتلي الدنيا عتب وان رضيتي تحجب النجمه سحاب وان سمحتي ماعلى الدنيا رهب منك امان القلب لو صدك عذاب اضحكي والوجه الابلج لاشحب عافت الريضان مخراج الخضاب وكحلك اللي من صفا دمعك شرب انتثر من فوق خدّينك وذاب دمعك الطاهر مطيحه فالهدب الدموع بيوتها بطن السحاب

@9link_ الله الله 💘

دقيت رقمه ليتني ما تسرعت وأنا على بالي بيرد بحفاوة يا ليتني في هقوتي ما تهورت وأمسيت في ليلي بعز وكرامة

@bird32x الله الله 💘

عطيتك من بشوت الهقاوي ثلاث بشوت ولا فيه بشتٍ جاء مقاسك ولا قدك أحسبك من اللي لا دعيته يرد الصوت و أثاريك تسمعني وودك ولا ودك أنا والله المخطي خطأ ما عليه ثبوت عطيتك سلاحِ يرتعد في كنف يدك و ذخرتك لو أنك ما تنذخر في لعب بلوت و تقدمت بك حدٍ ماهو و الله بحدك

@3uonk___ الله الله 💘

وأخاف لامنك بغيتي تنامين ما أحد يمد لحافك ليا استويتي وأخاف ما أحد يقول لك يوم تدعين أبشرك زانت بعد ما دعيتي وأخاف لا قمتي وخاطرك شين ما أحد يعرف من نظرتك وش بغيتي وأخاف واجد واجد إنك تروحين يا ويلي ان رحتي ولا عاد جيتي

@Mq_453 الله الله 💘

- حين يخذل المرء بسبب عدم تهنئة من يحب له لن يجد ابيات تصف حاله مثل ابيات سعد علوش : الدموع اللي أحبسها طوال السنين كلها في ضحى ذا العيد نزلتها عايدوك المسيحيين و المسلمين وانا روحي على معايدك عللتها يا حسافة على الرفقة و طول السنين حتى كل عام و أنت بخير ما قلتها .