كساب

الحسن بن هبه المكرمي🤍

عبدالله بن زويبن / مادام انا وانتي على الارض حيين يا سعد عينك لو بكيتي شويه والله لا انسيك الزعل لين ترضين وامهد لك الدنيا فجوجٍ فضيه واحماك مثل حماية الجفن للعين وكلش فداك اليا بغيتي شريه

محمد بن الذيب / حاكم الساحة الشعرية لله دره والابداع جادلٍ : ما عندها فزعه ولا منها سلامه تأكل و تشرب معه وهي من الحد و وراها أيتهانى نسمّة من " نجد " لو تزعل تهامه و الشمال إلها شذّاها و الجنوب إلها شذّاها لين تأتي من دبي . . شرقيةٍ يحيي غرامه أيتمثناها الهوى ويسّج من نجد و هواها ليت : طول الليل في عين الحزين اللي منامه ! مثلها فـ عين الذي . . دنياه ما مره شقاها كان راس شعيل ما عوّد على ذروة سنامه و الذلول اللي قديمً وسمّها يرعى حماها ماخبرت أضعف من قلوبٍ " تبكيها حمامه" ! يوم ناحت فـ إرضها . . والله موسع في سماها غير قلبٍ كل ما هب الهوى شرقه و شامه يدهر و قلوب عشاق الهوى ؟ قد ذا جداها هايمٍ والقلب ؟ مايبحث خفاه ألاّ هيامه لو عذلته قال ؛ بلا دمع يا جعله فداها آية الحسن و بدّايات الغلا العَذب و ختامه بين بسم الله عليش وبين و الشمس وضحاها أتبختر بـ النحر و ترز للحساد ؟ هامه و يتزايد بـ الغوايه . . كل ما زادت غياها يوم شافت من على خدّي من الفرقى علامه ! قامت تسمي غلا وتقول ، خدّك وش بلاها ؟ قلت ؛ هذا ماهوب خدّي هذا وادي سلامه تسمعين بـ سيل جده ما وطى جده وطاها كيف أكف دموع عينٍ تشتهي شوفك مدامه لا بكّت وحده بكّت الأخرى من اللهفه معاها يا عواذيل الوصل كفوا عن العاشق ملامه إن وصلها حيّ ولا . . مات عند الله جزاها إن زعلتوا وإن رضيتوا مايلحقني ملامه الزعل والله " زعلها " والرضاء والله رضاها تذبح الولهان تكشيره. . و تحييه أبتسامه والمحبّه رحمة الله . . داءها منّه ودواها ما تشابه نشوّة السكران . . يا كاس المدامه نشوّة " الولهان من وصل الهنوف اللي غلاها مثل ماهو لو تلاحق يومه و شهره و عامه والله إنه مثل ماهو كل ليله في رجاها كنّها ذبحت كليب وكنّها حزن اليمامه ليلة " الفرقى " وعينٍ جفنها ما شح ماها يوم قالتها وهي مترحله مَع السلامه ! لا هداها الله على ردّ السلام ولا هداها تسدل اللثمه على خدٍ لو إن مافيه شامه يوم شافه قال جعل الله ينسى من نساها !

محمد ابن الذيب/ لـ تعليم شرف الخصومة عند الرجال

عويد النجود / يسلام عليه ابداع من المطلع للقفله لله دره تشرق الشمس و تجلّا و أنا احس بظلام كنّ شمسي غير عن شمس سكان بلدي! أحتري صبح ليا طِلّ .. من خلف اللّثام إنطلق شوفي و عود بـ روحي لجسدي إن لحظني بالوساع النجل صار الكلام ياصل أبلغ من وصوله بحرفه الابجدي صفة رموش الهدب صفّ رمّاية سهام وأي رميه تخترقني —— تجدّد مولدي فالثمان اللي ورا شفته سرّ الغرام تاخد بلحظة تبسام عشقٍ سرمدي ترفة من كثر ماهيب رويانة قوام إيتهزع: طلعها الغض بالعود الندي لا يصيبك مني جفال يا ريم العدام فتنتك تستدرج القلب لو أنه أجودي يتحرر خوف الأنسان من قيد الملام لا أدرك إن العمر مرّه والأيام تعدي لا متى و أنا أعشقك في حدود الأحترام المحبَّه: مالها إلا .. البساط الأحمدي : لهفة العاشق تجيبه ب نزعات إنتقام إعذريني ! كل ما جيت جية .. معتدي ما إنتظرت إلّا " لياليك " يا بدر التمام لو تغنج لي .. ليالي الثرياء، والجدي لا تعدت حاجة الطيب يدين الكرام صد منها : لا تهيّت من يدين الردي

@83lk_ مرحبابك و بمشاركتك

@5b2z1 ابقاك الله ، ووجهة نظر تحترم ياكساب وانا اعطيك رايي من باب المشاركة لا اكثر ولا اقل

وجهة نظر / الأعلام عطاها اكبر من حجمها وليست من اول 5 قصايد النبط الشعري ،

@83lk_ مرحبا ومسهلا اخوي جريس : مانيب ظالم حظي لاكن هاذي وجهة نظر . اما شاعريه بن جدلان ما فيها كلام

@5b2z1 لاتظلم حظك ياكساب قصيدة من الطراز الاول من يوم سمعتها الى يومك هذا وهي في كل مره كأني اسمعها من جديد وخص البيت اللي يقول فيه مصير الوقت يشرح لك ظروفه لو غلفت ونمت يصحيك الزمان اللي يصحي كل من نامي والله يرحمه ويغفرله عزالله شاعر مايتكرر

ضيدان بن قضعان / أعظم قصيده غزليه كتبها ضيدان لله دره ؛ يا وجودي كل ما هب نسناس الشمال وجد من حده زمانه على اللي ما يبيه   و يا وجودي كل ما أضحيت ثم مال الظلال لا غفت عيني و لا ذقت شيءٍ مشتهيه   وجد من قفى و هو في رجا كلمة تعال و التفت من عقب ما أقفى و لا أحدٍ لد فيه   و يا عذابي لا دنا الليل من روس الجبال و أنتهى يوم من العمر ما عاد أرتجيه   و أنتي أبعد من سما الحلم و وصالك محال يا بعد من هل دمعي ضحى الفرقا عليه   يا غناتي لا تحسبين دمعي يوم سال ضعف و لا خوف و لا كذا ولا كذيه   و الله إني من رجالٍ يضدون الرجال لكن الحظ الردي ساق دمعي كل أبيه   و الله أني كل ما دار حواليك الجدال قمت كن الموت يشر على قبري بيديه   و الله إن قد لي و أنا أصد لا جالك مجال صدة اللي لا تضايق تذكر قبر أخيه   و من سألني قلت مدري و إذا عاد السؤال قلت له تكفى سؤالك ترى ما هو وجيه   وش تبيني أقول عمن ترى ذبحي حلال و الخطا منها علي صرت أحبه و أهتويه   عذرها لو ما تعذر مثل و أضرب مثال واحدٍ ما يعرف الحر الأشقر يشتويه   و أن رجعنا للتواصيف لله الكمال لا أنتهى ليل المزايين جاتك تبتديه   كنها غفلٍ مع البدو طاويها الحيال ما يميز وصفها إلا نبيه من نبيه   واهني اللي وصلها وذاق الزلال رشفة مع غفلة الناس من فيها لفيه   و عزتي للي سواتي عشق ما لا يطال و يوم طاله ضيع الحلم بين أمه وأبيه   يا أول أحلام الطفوله على حد الخيال الرجا بالي حمى البيت من حملة برّيه   حال دونك سيف عنتر وتاسع حول حال بثر حول حال دونك و أنا أدعي هيه هيه   هيه ياللي غرك الحسن و أطغاك الجمال و الله إن أموت ما شفت لأوصافك شبيه   لو يسام الحسن والتيه بجنيه و ريال ما بقى في سوق غيرك ريال ولا جنيه   كيف أهدك للمقادير و أنتي راس مال راس مال و مال و المال ما يعطى السفيه   حافظك حفظي لعيني و رمشي لك جلال و أنتي تشحين بالماء و أنا شفي مويه   شايفٍ ظلمك و ساكت و طال الليل طال لا تركتي طعن قلبي و أنا ما قلت ليه   لو بقى للهيل صبرٍ على فوح الدلال ما بقى للقلب صبرٍ على شيءٍ يجيه   كنت أحسبٍ أن الغلا زال و أثره لايزال فالحشا ما كنه إلا دخيلٍ في الوجيه   ساقني حبك على الموت و سنيني هزال و الظروف أقسى من الظلم للعرض النزيه   و أنتي تسوقين عقلي على حد الهبال تحسبين أن من بغى شي يقدر يشتريه   ولا أنا يا وجد حالي وجودٍ ما يقال وجد من ضحى بغاليه لرضا والديه   و يا وجودي يا أول العمر قبل ألبس عقال وجد من باع آخر العمر في رغبة ذويه   و يا وجودي كل ما هب صوتك من شمال وجد من حده زمانه على اللي ما يب

دخيّل الحميداني / يسسلام عليك اببداع لله درك ي دخيل : كل ما ضاقت علي شبه الجزيره ودي أخذ صوت ابو نوره وأجره يوم غنى "شرهة العاشق كبيره" خذت لي بين السماء والارض فرّه والطريق اللي ورى مفرق عْشيره ودك تمره ولا ودك تمره ما أشين من الحب فالايام الاخيره لا أحدٍ يشره عليك ولا تشره يابري حالي ترى الدنيا صغيره والمحبه والعمر والموت "مره" حتى لو ان المفارق فيه خيره انا راضي بالوصل خيره وشره اذبح المري ولا تسرق بعيره العرب ما يسرقون من ال مره! حتى لو انك من القوم المغيره وش تسوي كان لك فالارض جره تدري ان الارض كوره مستديره والسماء ما ضاق بنجوم المجره وكانك تشوف البحر الابحر بحيره انا اناظر فالجبل واقول حرّه ومن يسل السيف الابيض من جفيره كلكم قولو معي : لـ الله دره البخيل يموت ويدينه قصيره والكريم يموت ويدينه تْشره والمجامل ماهو موديك ديره لا تجاملني ولا اجاملك مرّه

شاركونا / وش قالو الشعار فى البل .!

@Al_ruwqi_511 جميع قصايد ابن الذيب الغزليه 🏃‍♂️

وش اجمل قصيدة غزل سمعتها ؟

@ciiz67 الله عليييك 👏👏

مخلّي حبك .. فـ وجهي وشنبي ! حاول تعاملني على / نفس السياق اجرح على كيفك وسوّ اللي تبي إلا الفراق أرجوك ! لا تطري الفراق - عتيم

الصاحب اللي يجازي الخير بصده ما جاه منا خطا لا كنه متعمد ابي رفيقً معي فى اللين والشده تقول مدغم ابو شيبه مع محمد كساب

عوض ابوفقايا : ابداع ابداع منقطع النظير / يارب وفقنا بتوفيقك وحظً ما يخيب وجعل لنا عزمً ثقيلات الحمول شيلها وقسم لنا خيرً مع اهل الخير وهل الطيب طيب من للعلا تشعب ركايبها وتسرج خيلها يارب جملنا جميلً فى القريب وفى الصحيب ونك تعاونا على الاعدا وتردي حيلها ا شف حق بالمعروف ذا القرب يبو عقلً لبيب ايت كتاب من عرف الايه عرف تاويلها من لا تجمل فى القريب ما تجمل فى الغريب لو يدبل المده ويدبل صاعها مع كيلها واللي يصاحب لجنبي ويسل سيفه للقريب يرجع كما الردادي اللي حدها في ذيلها ونا اشهد انه العله اللي ما يداويها طبيب مهما تعالج مستحيل ان العلاج يزيلها طبعً يغث الكبد ويحط القريب اكبر حريب ولاهو طبع ربعيً طبع ناسً مهوب حليلها انا احمد الله لابتي من منبع الساس العريب ربعي تعرف اللي عليها تعرف ايش اللي لها ولا على اهل الجود زود وكل شمسً لو تغيب يبدي لها نورً على دور الفلك يبدي لها ما يجحد الحق المصيب الى رديين النصيب والعدل عند اللي ليا مالت يعدل ميلها والايدي اللي تشعل الفتنه عسى تصبح عطيب والله لا يوسي لراعيها ولا يسوي لها حوادث الدنيا تدور وعلمها في سر غيب كم اسقت ابن ادم شهدها وسقت من ويلها تحد من بعد النظر وتضيق الصدر الرحيب وحيان ما تقدر تميز صبحها من ليلها وحيان تعطي درس وتخلص طليبً من طليب والاستفاده من تجاربها بعد تنكيلها والانسان ماله عن مقاسيمه تطيب او ما تطيب على مدار سنينه من ابريلها لربيلها كم واحدً جاته حظوظه عكس ماوده تجيب وده يبدلها ولا يقدر على تبديلها وكم مستهين بعض الاشياء ومرها ذنبً قطيب ساكن بطون الاوديه يمكن يدمه سيلها ومن كثرت خطوب الحياه وميلت الوقت العجيب عزي لصافين القلوب ولاهو بعزي لها اهل الوفا لو شابت الحاهم وفاهم ما يشيب يبقى يعيش بجيلها وجيال تتبع جيلها وتشين وتزين الظروف ودون شك ودون ريب ارض الكنانه ما ضوى قندليها الى نيلها

محمد بن الذيب / احد معلقاته فى الامير محمد بن سلمان يالله تغفر الذنوب وتجلي الغمه شييت حسن الضنون فى قوم ثم رمد والسيف من جارده والعبد من عمه يابوي سلمان سلم لي على محمد في الدوله اللي لركب المجد منضمه تاريخها في عروق المفخرة ممد مليكها الحالي الي ضفها كمه بحد الاجرب لراس المعتدي سمد ومليكها القادم الي حطها يمه للعز والفخر و جروح العرب ضمد يزمها للسماء وتروح منزمه والناس مابين متشكر ومتحمد رجل على امه لا قام ورجل عن امه وقف ودم العدو فالعرق متجمد ولي نشدني خبيثٍ والعرب لمه ثم قال من ذا قلت مفرح الكمد ومن اشرف ملوك الاوض وخير الأئمه لو نزعل اهل المقام قصير العمد فعله مسميه لحد يقولي سمه ما بنكره غير خبل او شخص متعمد واللي لو معزبك يرجع لبطن امه وابوه يحضر كبير الجن ابو همد ويذبح له العجل ويغسله من دمه ويصيح من شهر ذو الحجه الي جمد ويصير به حمل والحمل الله يتمه ثم قيل سمه محمد والحديث امد والله والله ثم في ذمتي ذمه الذمة اللي يجية العلم ويعمد ان يولد وياصل التسعين ويطمه ويشيب عارضه ويجي عينة الرمد ماهو منافس ولد سلمان فالقمّه لكن من الكاس كيّف راسك وخمّد ناس تخوض المعارك مالها همه تبغا تحوز النصر وسيوفها غمّد وتنافس اللي يعوي الذيب لا شمه طغى بذكره وعاد أذكارهم خمّد كل القمم داجها ولا خذت همه عينه على البرق لامن لاح متصمّد مافيه قمه مجاها عاصب الهمه دور وتلقى عليها جرة محمد

سعد بن جدلان / من نواد بن جدلان وابداعه الله يرحمه ؛ آمــنـــت بالله رب أرجـــيـــه و آســـالـــه و آمـنـت بأحمـد نبـي الأمــة و هاديـهـا يالله بــحـــظٍ كـبــيــر ٍ يــرفـــع الـقــالــه و الـنـاس بالـعـرف فيـهـا مـــا مكفـيـهـا يـا عالـم الشـعـر لــب الشـعـر لصغـآلـه يـعـنـي تـمـعـن بـهــا تـعــرف معانـيـهـا الشـعـر عـالـم فـلـك و بـحـوث و رسـالـه رسـالـتــه يـعــجــز الـدكــتــور يـديــهــا بالطـب يمـكـن يجـيـد عـلاج كـم حـالـه وفـيه التــواريـخ حــاضـرهـا وماضيهـا كــم مـن صـبـي ٍعـلـى مـركـاه و دلالــه شهـادة أرقـى الجوامـع فــي مخابيـهـا إيضـاح نـص القصـيـدة ويــش تعنـالـه يـدخـلـك فـيـهــا مـــن أولــهــا لتـالـيـهـا علـى كــذا نـتـرك الجمـهـور فــي حـالـه وواصـــل الطــرقـه الـلـي كـنـت ناويـهـا ظـلــت جـــلال الـكــلام تـعـانـق طـوالــه تــعــزف مـواويـــل ويـغــنــي مـغـنـيـهـا تمخـضّـت مــن بـنـات الـفـكـر مخـتـالـه كنها تـشيل القمر و الشمس في ايديها تقـلـط لفـيـصـل ولـــد خـالــد و تـهـدالـه قــلـايــد الـمـجــد زاهـيــتــه وزاهـيــهــا فـــي كـــل عـــد طـويــل تـــآرد حـبـالــه ولـــد مــلــك مـشــغـل الـدنـيـا ومالـيـهـا ولــد مـلــك شامــخ الـهـامـات تحـنـالـه ولــد مــلــك يــزعــل الـدنـيـا ويرضـيـهـا ولـد مـلـك تسـتـظـل الـنــاس بـظـلـالــه ولــد مـلـك يطـعـم الأنـفــس و يسقـيـهـا ولـد ملـك كــل مجـلـس صــدر يفضـالـه عـنــه الــأكــابــر مـوخـرتــن ٍكـراسـيـهـا ولـــد جــلالــة مــلــك و مـعـنــز ٍ خــالــه عــلــى حــــرار ٍ مـعـربـتــن مـجـانـيـهـا علـى الدوامـــر عمـى الحاسـد وسـلاّلـه مـن روس شـيخـان يـام و مـن دواهيهـا يــوم الـوفــي دايـــم ٍ لـلـنــاس تـبـرالــه كــم سـربــة بـعّــد الــدامــر منـاهـيـهـا مـن قـوم راكـان بــن حثلـيـن و ابطـالـه فـي طـبـلـة الـمـجـد رنـانــة أسـامـيـهـا وفيـصـل تراكـا عـلـى يمـنـاه و شمـالـه مـن حيـث ماجـت لـه البيـضـا يحييـهـا تجـمـل عـيال الملوك و فيـصـل لـحالـه مـواقـفــه مـــا حـــدٍ غــيــره يـسـويـهـا فـي ذمتـي ما يجيـبـن النـسـاء أمثـالـه لــو ولّـــدن مــع منـاخـرهـا و أفامـيـهـا تمـت و صلـوا علـى سيـد البشـر و آلـه والـنــاس بالـعـرف فيـهـا مـــا يكفـيـهـا

مزيد الوسمي ; الله علييييك ي مبدع ابداع ابداع / ماعاد تكفي مرحبا مليون بالصوت الجهور المرحبا مليون للي مابعد شاف وعرف وانا عرفت اميّز الطلقه من اول ماتثور وانزل العالم منازلها صدر ولا طرف واردها رد الكريم اللي مايلحقه القصور لو كان راعيها من اللي لا ضمير ولا شرف يالله عليك ولا على هقوة يبور ولا مايبور اليا طغو كيالة الميزان والعدل انحرف الألسن اللي ماهيب تعرب عن اللي فالصدور ما تنؤمن حتى على زاد اليتيم المنغرف حنّا نعاف اللقمه اللي ناشبه في كل زور ومن المعزّه دمعنا ماهوب عادي ينّذرف واليا ظلمنا الحظ مرّه ما نلف وندور هذه تبي من يمتهن دور الذليل ويحترف العبد غير لوجه ربّي عبد في كل الأمور متقلّب الوجهين مثل العملة اللي تنصّرف ولا الحرار اللي تصافق بالجناح من الوكور تاخذ على كبد السما حومة قبل ماتنحرف واليا انحرف فيها دليل الفطره اللي ماتشور شامت عن الطفسه وعن سيل القطيع المنجرف يعوضها عن شجرةٍ حطت بها كل الطيور وكرٍ ماهو بيسام من شلة مسّحبت الغرف

@ciiz67 صح السانك ي عتيم 👏👏👏

شلون بسمح من وصالك و وجهك سموح يا إللي .. على باقي الترفات ( متعاليه ) إن رحتي أروح في دربك أجل وين أروح مكانتي غاليه !.. و أنتي بعد غاليه ماهو بـ عيب أعتبر جرحك مثابة طموح العيب .. لو منك سنين العمر خاليه لو تنشديني وش اللي جازلك فـ الجروح جروحك الاوله … و جروحك التاليه - عتيم