السفير:)

هاااااا كذا القصيد : زايد بن ذعار يتجلا ويبدع اسمع الشعر الحقيقي إذا ما شوش راسك راجع مرجلتك)؛

" القمر " كنّه مواري خِل غايب والنجوم السامره مثل الحسايف —— خالد الفديع

لا عاد تغريني بطاري المطاريش انا عذلت من المطاريش بالي من يوم شفت اهل السفينه على الجيش ما عاد دورت الظبا فالمفالي :) ترى كلام مدورين العراميش اشد وطئاً من " كتاب الغزالي " لله در الطيبين الدراويش اللي تهمشهم ظروف الليالي خلوني اغني على محمل الطيش ما عاد لي في محمل الجد غالي حتى الطموح العالي و لقمة العيش قامت تساومني بخيرة حلالي ! حن قد بغينا نغبطك يا اشقر الريش بس استحينا من قصيد الشمالي :)

ــــ مرحبا ، يالغاليّن : فلا تنّشد بعيد الدار لا منه رجع وش جاب ؟ تعذر له ، ترى يمكن طواري البعّد موجعته !

وعن عتاب محمود درويش: لا تغيبوا طويلاً ثم تأتوا تسألوا عن الحال•••فـ التفاصيل تموت مع الوقت والحكايات تتغير •• الشاعر:خالد الفديع يحذر من هاذي المرحله: «اخـاف انـك تـعوّد وانـا الـشوق م اشعر به بــرود الـوصـل يـمـكن مـع الـوقت نـسّاني»

عزة النفس: «راسـي اللـي كـل عـليا مـا تـكوده وحاجةٍ بـيد الخلايق مـا نبيهــا» ❣️❣️❣️.

عنوان المرحلـة على لسان محمود درويش / « لا شيءَ يُعْجبُني أُريـــدُ أن أبكي »

ــــــ❣️Cv استسلم الك القلب في وضح النهار تحت مراسم للولاء “ نذر “ وقسم في وسط ’ عينك ’ جيش هتلر والتتار من صابته “ نظرتك “ ما رد : النسم غنجك ياخذ من غنج قحص المهار لا شاركت فالعرض في : ليلة حسم فيك الوصوف “ الأنثوية “ باختصار امن ( الكلام ) اليا ( المزايا ) فالجسم - نواف بن سعد

راكب إللي عسى ماله على الأرض عينه ما يسوقه سوى إللي في حياته مفادي كل شي .. متبدّل فيه غير ( المكينه ) عمره الأفتراضي راح حسب إعتقادي لا مشى ؟ .. كنه إللي صابته غرغرينه يحبي ما معه رجلين .. ولا أيادي لونه أسود قبل لا آشريه من بايعينه و يوم جبناه عند البيت كنه رمادي من كثر ما سمعنا فيه أغاني حزينه ؟ صار ما يمشي إلا لين يسمع ( عبادي ) الزمن قد شربنا من " فناجيل صينه " لين جات المراره فيه .. شي إعتيادي العيون إغرقت بـ الدمع مثل السفينه دمع عيني محيطٍ ليته يصير .. هادي لو مدحت الغني و أعطاني من الخزينه أنا غادي بـ مدحي .. ولا مانيب غادي ؟ مره أقول عادي ؟ .. مره أقول شينه ؟ مره أقوله شينه ؟ .. مره أقول عادي ؟ كيف تبغوني أخذ مدةٍ .. من يمينه و أنا حتى يوم إني طفل ما آخذ عيادي صح أنا .. واحدٍ من ساكنين المدينه بس فيني طبايع ساكنين .. البوادي كل راسي عناد .. و كل عمري غبينه ودي أصالح الدنيا و أعاند .. عنادي عزة النفس زينه .. و الملايين زينه والله ما يذبح الرجال غير المبادي _ جمال بندر

« انا وش الي جابني للحب غير اني عنيد احارب اكثر من ثغر واواجه اكثر من عدو » - مزيد الوسمي ؛.

عطونا أبيات نرجسيّه مثل : ماني والله بهيّن ولاني بعد مغرور عزيزٍ يشوف العزّ به طبع وجبلّه .

أوّل طريق الحب .. من حب إطلاع و نهايته بين الحقيقه .. و المكر من غيبتك ما شفت فـ الدنيا متاع كن الحزن يصطاد فـ الماء العكر مهما نويت أستخدم إسلوب الدفاع طاريك في بالي مثل ( غزو الفكر ) لـ جروحك إللي بعد لحظات الوداع في كل يوم .. أقدّم " رسالة شكر " —تركي بن جويعد

« لو إنه شاف موته من مقاديره بعض الأحيان يشوف إن الصباح اللي يشوفك فيه ميلاده » _تركي بن جويعد

الضعافه ما تورّدك . . المناوي ما يورّدك الشفوف الا الشراسه خصمك اليا طاح فالارض متساوي حط في راسه سلاح و طش راسه (: لا تفكر بـ المحاسن والمساوي ما ورى التفكير . . غير الانتكاسه ! تُولد الفكره بـ صندوق الشكاوي وتُقتل الفكره . . بـ قيد الدراسه انطح صياح العزاوي . . بـ العزاوي (: واترك اصحاب السياسه لـ السياسه

«تستحق انها تغطّرس وتلعب بـ القلوب وش عزيزة مصر ؟ هذي عزيزة عصرها» _علي ابا السيقان.

"للمروءة عدة اجزاءٍ تضيف للحياة الفانية شكل ومذاق - صاحبي غير ان له قلبٍ نظيف له مروءة جاوزت حد النطاق - مستحيل يناظر عيون الكفيف ومستحيل يقوم قدام المعاق" —يزيد الفوازي

"بعض الوجيه تعلّمك معنى الحياه و بعض الوجيه أستغفرالله العظيم" _ محمد ظافر

"فـيك مـن ريـح الـخزاما ومـن لـون المغيب الـطـف مــن الـغيم واحـلى مـن اريوم الـفلا" —خالد الفديع

عند النشاما خطوطٍ حمر حسّاسّه ادرا عليها مثل ماادرا على صيتي والله لو إنّ الحبيبه قطعه الماسه اهم ماعندي سلومي وتربيتي ماهان شاعرك يا اللي هنتي احساسه ولاهوب راعي ردا مهما ترديتي ان ضاع قلبه ماهوب مضيّعٍ راسه حتى ولو يلحق العنابي الزيتي :) فهد بن قطنان|@Fahad_Qatnan

شاعر اليوم - مبارك بن رادعه ؛. - امتعونا بذائقتكم :؛

المرجله والمحبه تتجسّد في — أرتعي في روض صدري وأسفهّلي أنتي مهمه / وأنا قد المهمه « إما كذا ولا فلا »