Awami National Party

خیبر پختونخوا میں جاری مسلسل بارشوں سے جانی و مالی نقصانات، عوامی نیشنل پارٹی کا اظہار افسوس، صوبائی جنرل سیکرٹری حسین شاہ یوسفزئی کا حکومت سے فوری اقدامات کا مطالبہ 🔵بارشوں کے باعث مختلف واقعات میں قیمتی جانوں کا ضياع نہایت افسوسناک ہے، حسین شاہ یوسفزئی 🔵عوامی نیشنل پارٹی متاثرہ خاندانوں سے دلی تعزیت اور مکمل یکجہتی کا اظہار کرتی ہے 🔵مسلسل اور شدید بارشوں سے فصلوں، باغات اور املاک کو بھی شدید نقصان پہنچا ہے 🔵مختلف علاقوں میں گھروں کی چھتیں اور دیواریں گرنے کے افسوسناک واقعات پیش آئے ہیں 🔵حکومت حالات سے غافل ہے، عوام اپنی مدد آپ کے تحت مشکلات کا سامنا کرنے پر مجبور ہیں 🔵مشکلات سے دوچار عوام اور متاثرین کی داد رسی میں غفلت اور تاخیر ناقابل قبول ہے 🔵این ڈی ایم اے سمیت تمام متعلقہ صوبائی محکموں کو فوری طور پر متحرک اور فعال کیا جائے 🔵قدرتی آفات انسان کے بس میں نہیں ہوتیں لیکن بروقت اقدامات سے نقصانات کو کم کیا جاسکتا ہے 🔵خطرات سے دوچار تمام علاقوں میں پیشگی حفاظتی اقدامات کو یقینی بنایا جائے 🔵صوبائی حکومت فوری طور پر صوبہ بھر میں نقصانات کا جامع تخمینہ لگانے کیلئے اقدامات کرے 🔵جانی و مالی نقصان اٹھانے والے خاندانوں کو بروقت اور منصفانہ معاوضہ فراہم کیا جائے 🔵عوامی نیشنل پارٹی ہر مشکل گھڑی میں عوام کے شانہ بشانہ کھڑی ہے #ANP | #ANPPakhtunkhwa | #HussainShahYousafzai

گزشتہ 79 برس ملک میں جو اقتدار رہا ہے اس میں مقتدرہ قوتوں کے ساتھ ساتھ سب سے بڑا حصہ مسلم لیگ کا رہا ہے۔ معلوم نہیں یہ لوگ اقتدار تک پہنچ کر اپنے ووٹرز کو کیوں بھول جاتے ہیں۔ 2014 میں یہ ہدف رکھا گیا کہ اگر آمدن 6800 ارب ہوجائے تو ملکی معیشت کے مسائل حل ہوجائیں گے لیکن اس دوران ڈی چوک میں ایک تماشہ رچایا گیا اور اس تماشے کو آگے لے جاکر جس بھنور میں ہم پھنسے ہیں، آج 11000 ارب کے ریونیو میں بھی ہم خود کو بچانے سے قاصر ہیں۔ احسان اللہ خان مرکزی ترجمان عوامی نیشنل پارٹی @ANPSpox #ANP | #PetrolPrices

موجودہ معاشی مسائل کسی بھی طور اٹھارہویں آئینی ترمیم نہیں۔ اصل مسئلہ یہ ہے کہ اس ترمیم کو مزید آگے لے کر نہیں لے جایا گیا، ابھی بھی وفاق کے پاس ایسے صوبائی وزارتیں اور محکمے ہیں جن کس کا بوجھ وفاق اٹھا رہی ہے۔ یہ صوبوں کو منتقل ہوجانے چاہیئے تھے۔ صوبوں میں بھی صوبائی فنانس کمیشن بننے چاہیئے تھے۔ وفاق سے اختیارات صوبوں اور صوبوں سے مقامی حکومتوں کو اختیارات منتقل ہوجانے چاہیئے تھے۔ ہم نے تجویز دی ہے کہ مقامی حکومتوں کو باقاعدہ طور پر آئین کا حصہ بنایا جائے۔ احسان اللہ خان مرکزی ترجمان عوامی نیشنل پارٹی @ANPSpox #ANP | #PetrolPrices

2021 میں عالمی سطح پر کروڈ تیل 144 ڈالر فی بیرل جبکہ پاکستان میں شرح مبادلہ 158 روپے فی ڈالر تھا۔ اس وقت پاکستان میں ڈیزل کی قیمت 170 روپے فی لیٹر سے زیادہ نہیں تھی۔ آج اگر بین الاقوامی سطح پر خام تیل کی قیمت تقریباً 111 ڈالر فی بیرل اور 280 ہمارا شرح مبادلہ ہے تو قیمت کسی بھی صورت 250 روپے فی لیٹر سے زيادہ نہیں بن سکتی۔ ڈھائی سو سے زيادہ یہ لوگ کیوں وصول کررہے ہیں؟ اگر یہ لوگ 100 روپے لیوی بھی لگا دیتے تو ڈیزل 320 تک جبکہ ڈیزل 350 کے لگ بھگ ہوتا، ڈیزل کی قیمت 521 روپے کس بنیاد پر رکھی گئی ہے؟ احسان اللہ خان مرکزی ترجمان عوامی نیشنل پارٹی @ANPSpox #ANP | #PetrolPrice

🔴جو قرضے ماضی میں لیے گئے اور جو اب لیے جا رہے ہیں، ان سے عام عوام کو اب تک کیا فائدہ ہوا ہے؟ میاں افتخار حسین 🔴حقیقت یہ ہے کہ ان قرضوں کا براہ راست فائدہ صرف حکمران طبقے اور اشرافیہ کو پہنچا ہے 🔴عوام مسلسل مہنگائی، بے روزگاری اور بدامنی کی دلدل میں دھنستے جا رہے ہیں 🔴عالمی مارکیٹ کے مقابلے میں پاکستان میں پٹرولیم مصنوعات کی قیمتیں پہلے ہی بلند ترین سطح پر ہیں 🔴حکومت کی ناکام معاشی پالیسیوں کے باعث ملک کی آدھی سے زیادہ آبادی خطِ غربت سے نیچے جا چکی ہے 🔴معیشت کی بہتری کے تمام دعوے بے بنیاد ثابت ہوئے ہیں، موجودہ بحران نے قلعی کھول دی ہے 🔴عوام پہلے ہی بدامنی اور مہنگائی کے دوہرے عذاب میں مبتلا ہیں اور حکومت مزید بوجھ ڈالنے کے درپے ہے 🔴عوامی نیشنل پارٹی ہر صورت عوام کے حقوق کے تحفظ کے لیے اپنی جدوجہد جاری رکھے گی #ANP | #ANPPakhtunkhwa | #MianIftikharHussain

🔴پٹرول کی قیمت میں شربا اضافہ کرکے پھر 80 روپے کمی کا ناٹک عوام کے ساتھ مذاق ہے، میاں افتخار حسین 🔴پٹرول کی قیمت میں محض 80 روپے کمی قابل قبول نہیں، پرانی قیمتیں فوری بحال کی جائیں 🔴عالمی سطح پر معاشی بحران اپنی جگہ موجود ہے، مگر حکومت کا طرزِ عمل انتہائی افسوسناک ہے 🔴حکومت ہر مشکل کا بوجھ صرف عوام پر ڈال رہی ہے اور انہیں ہی قربانی کی تلقین کی جا رہی ہے 🔴کیا عالمی بحران کا اثر صرف پاکستان پر ہے؟ دیگر ممالک اسی صورتحال میں اپنے عوام کو ریلیف فراہم کر رہے ہیں 🔴پاکستان واحد ملک بن چکا ہے جہاں اس مشکل وقت میں سارا بوجھ غریب عوام پر منتقل کیا جا رہا ہے 🔴پٹرولیم مصنوعات کی قیمتوں میں حالیہ اضافہ عالمی بحران کا نتیجہ نہیں 🔴حکومت کی جانب سے ہوشربا اضافہ آئی ایم ایف کی شرائط پوری کرنے کی کوشش ہے #ANP | #ANPPakhtunkhwa | #MianIftikharHussain

🟤آج متوسط طبقے کا شہری بھی ان سوچوں میں گم ہو گیا ہے کہ اگلا مہینہ کیسے گزارے گا؟ 🟤آئی ایم ایف کی شرائط پوری کرتے ہوئے حکومت عام آدمی سے جینے کا حق چھین رہی ہے 🟤جب عام آدمی ہی نہ ہوگا، تو پھر مملکت خداداد آئی ایم ایف سے قرضوں پر قرضے کن کے لیے لے رہی ہے؟ 🟤ایران، جہاں جنگ جاری ہے، وہاں قیمتیں بڑھائی نہیں جارہی، لیکن یہاں عوام کو تباہ و برباد کرنے کے لیے تمام وسائل بروئے کار لائے جا رہے ہیں 🟤اے این پی، حکومت سے مطالبہ کرتی ہیں کہ وقتی اور دھوکہ دہی والے اعلانات کے بجائے حقیقی اور مستقل ریلیف فراہم کیا جائے ایمل ولی خان مرکزی صدر عوامی نیشنل پارٹی #ANP | #AimalWaliKhan | #AwamiNationalParty

🟤عالمی مارکیٹ کے مطابق اس وقت پاکستان میں پٹرول کی قیمت 298 روپے فی لیٹر ہونی چاہیے تھی، مگر حکومت نے کل 458 اور اب 378 روپے مقرر کر کے عوام کی جیبوں پر حملہ کیا ہے 🟤ڈیزل کی قیمتیں بھی 520 روپے فی لیٹر تک پہنچا دی گئی ہیں، جس نے ٹرانسپورٹ اور اشیائے ضروریہ پر اثر ڈال کر مہنگائی کا دائرہ مزید وسیع کر دیا ہے 🟤اب دنیا کے بہترین ایڈمنسٹریٹر شہباز شریف صاحب یہ بتائیں کہ مہنگائی کا ڈائریکٹ تعلق ڈیزل کی قیمتوں سے ہے، اس حوالے سے حکومت کی کیا پالیسی ہے؟ ایمل ولی خان مرکزی صدر عوامی نیشنل پارٹی #ANP | #AimalWaliKhan | #AwamiNationalParty

🟤عوام مہنگائی کے طوفان کا شکار ہیں، حکومت غیر ذمہ دارانہ ڈرامہ بازیوں میں مصروف ہے، ایمل ولی خان 🟤حکومت نے پہلے ایک غیر معقول، غیر جمہوری اور عوام دشمن اقدام اٹھا کر یک دم 137 روپے فی لیٹر کا اضافہ کیا، اب جزوی کمی کا اعلان کر کے 80 روپے کم کئے گئے 🟤مگر حقیقت یہ ہے کہ عوام اب بھی ہر لیٹر پر 80 روپے اضافی بوجھ برداشت کر رہے ہیں 🟤یہ کھیل عوامی نفسیات کے ساتھ ہے، جس میں پہلے غیر معمولی اضافہ کر کے دباؤ ڈالا جاتا ہے اور پھر جزوی کمی کو 'ریلیف' کے نام پر پیش کیا جاتا ہے ایمل ولی خان مرکزی صدر عوامی نیشنل پارٹی #ANP | #AimalWaliKhan | #AwamiNationalParty

بنوں، تحصیل ڈومیل میں خودکش حملہ، صدر عوامی نیشنل پارٹی خیبر پختونخوا میاں افتخار حسین کی مذمت ⬛️اگر دہشتگردوں کی دوبارہ آبادکاری جیسے فیصلے نہ کیے جاتے تو آج حالات یقیناً مختلف ہوتے ⬛️موجودہ حالات کے ذمہ دار وہ لوگ ہیں جنہوں نے دہشتگردوں کی سہولت کاری، وکالت اور آبادکاری کی ⬛️بدقسمتی سے اب تک اس سازش میں ملوث کرداروں کے خلاف کوئی کارروائی دیکھنے میں نہیں آئی ⬛️صوبائی اور وفاقی حکومت اقدامات کی بجائے حالات کی ذمہ داری ایک دوسرے پر ڈال رہے ہیں ⬛️امن کا قیام صوبائی حکومت کی اولین ذمہ داری ہے، مگر یہ ان کی ترجیح میں شامل ہی نہیں ⬛️مرکزی حکومت بھی کسی طور خود کو موجودہ حالات سے بری الذمہ قرار نہیں دے سکتی ⬛️عوامی نیشنل پارٹی ہر قسم کی انتہاپسندی اور دہشتگردی کے خلاف اپنے مؤقف پر قائم ہے ⬛️امن، انصاف اور عوام کے جان و مال کے تحفظ پر کوئی سمجھوتہ قبول نہیں کیا جائے گا #ANP | #ANPPakhtunkhwa | #MianIftikharHussain

بنوں، تحصیل ڈومیل میں خودکش حملہ، صدر عوامی نیشنل پارٹی خیبر پختونخوا میاں افتخار حسین کی مذمت ⬛️تحصیل ڈومیل، بنوں میں گزشتہ شب ہونے والا خودکش حملہ انتہائی قابلِ مذمت ہے، میاں افتخار حسین ⬛️دلخراش واقعے میں تین خواتین سمیت پانچ افراد کی شہادت انتہائی افسوسناک ہے ⬛️معصوم اور بے گناہ شہریوں کو نشانہ بنانے والے عناصر انسان کہلانے کے بھی مستحق نہیں ⬛️ہر گزرتے دن کے ساتھ صوبے میں امن و امان کی صورتحال مزید سنگین اور خطرناک ہوتی جا رہی ہے ⬛️وقتی اور ناکام پالیسیوں کی قیمت آج عوام اپنے خون سے ادا کر رہے ہیں ⬛️غیر سنجیدگی اور کمزور حکمت عملی کے باعث دہشتگرد عناصر پہلے سے زیادہ منظم ہو چکے ہیں ⬛️مختلف اضلاع سے مسلسل دہشتگردوں کے کھلے عام گشت کی خبریں آ رہی ہیں #ANP | #ANPPakhtunkhwa | #MianIftikharHussain

🔴پوری دنیا اپنے عوام کو سہارا دے رہی ہے، پاکستان میں الٹا عوام پر مزید بوجھ ڈالا جا رہا ہے 🔴قیمتوں میں یکدم اتنا بڑا اضافہ غریب اور متوسط طبقے کے لیے ناقابل برداشت ہے 🔴حالیہ ہوشربا اضافے کے اثرات صرف ٹرانسپورٹ اور صنعتوں تک محدود نہیں رہیں گے 🔴اس کے منفی اثرات اشیائے خوردونوش سمیت روزمرہ زندگی کے ہر شعبے پر مرتب ہوں گے 🔴مہنگائی کا ایک نیا طوفان آئے گا جس کا بوجھ عام آدمی برداشت نہیں کر سکے گا 🔴حکومت فوری طور پر پٹرولیم لیوی میں کمی کرے اور قیمتوں میں اضافہ واپس لے 🔴پالیسیوں پر نظرثانی نہ کی گئی تو اس کے معاشی اور معاشرتی نتائج نہایت سنگین ہوں گے #ANP | #AwamiNationalParty | #AimalWaliKhan

پٹرولیم مصنوعات کی قیمتوں میں حالیہ ہوشربا اضافہ / عوامی نیشنل پارٹی کے مرکزی صدر ایمل ولی خان کا ردعمل 🔴پٹرولیم مصنوعات کی قیمتوں میں حالیہ ہوشربا اضافہ شرمناک اور عوام دشمن اقدام ہے 🔴حکومت عالمی حالات اور قیمتوں کو جواز بنا کر عوام پر ظلم ڈھا رہی ہے 🔴بے رحمی کے ساتھ بڑھائی گئیں قیمتیں ایک سوچی سمجھی پالیسی کا نتیجہ معلوم ہوتا ہے 🔴موجودہ قیمتیں عالمی منڈی نہیں بلکہ حکومتی ٹیکسز، لیوی اور معاشی پالیسیوں کا براہِ راست نتیجہ ہیں 🔴کفایت شعاری کا ناٹک کیا جا رہا ہے مگر حقیقت یہ ہے کہ سارا بوجھ عوام پر ڈالا جا رہا ہے 🔴عوام سے قربانیوں کا مطالبہ کیا جا رہا ہے مگر اشرافیہ کے شاہانہ اخراجات آج بھی بدستور جاری ہیں 🔴پٹرولیم لیوی میں حالیہ اضافہ ثبوت ہے کہ حکومت عوام سے مزید وسائل نچوڑنے میں مصروف ہے #ANP | #AwamiNationalParty | #AimalWaliKhan

عوامی نیشنل پارٹی کے مرکزی صدر ایمل ولی خان کی سابق صوبائی وزیر فرید طوفان کی شریک حیات اور اے این پی پختونخوا کے جائنٹ سیکرٹری حامد طوفان کی والدہ محترمہ کی وفات پر تعزیت #ANP | #AwamiNationalParty

عوامی نیشنل پارٹی کی رکنِ صوبائی اسمبلی خدیجہ بی بی کا اسمبلی اجلاس میں خطاب ارندو، ضلع چترال کا ایک ایسا علاقہ ہے جہاں حالات انتہائی خراب ہیں۔ چھ سو سے زائد خاندان بے گھر ہو چکے ہیں اور دروش سمیت دیگر علاقوں اور پشاور میں پناہ لینے پر مجبور ہیں، کیونکہ وہاں ایک مسلسل تنازع جاری ہے۔ حکومت سے گزارش ہے کہ آئندہ بجٹ میں متاثرین کو آئی ڈی پیز کا درجہ دیا جائے، تاکہ ان کے تباہ شدہ گھروں، فصلوں اور مویشیوں کے نقصانات کا ازالہ ممکن ہو سکے۔ عوامی نیشنل پارٹی کی حکومت کے دور میں بغیر سود کے چھوٹے قرضے دیے جاتے تھے، مگر اب یہ سہولت صرف ڈپلومہ ہولڈرز تک محدود کر دی گئی ہے۔ جو غریب، بیوہ یا غیر تعلیم یافتہ افراد ہیں، وہ کہاں جائیں؟ میری گزارش ہے کہ نئے بجٹ میں ایسے افراد کے لیے بھی آسان شرائط پر چھوٹے قرضوں کا اجرا کیا جائے تاکہ وہ اپنا روزگار شروع کر سکیں۔ سوشل ویلفیئر ڈیپارٹمنٹ کے تحت پہلے سی سی بی کے ذریعے بے روزگار افراد اور خواتین کو روزگار کے مواقع فراہم کیے جاتے تھے۔ آج بڑھتی ہوئی بے روزگاری کے پیش نظر اس نظام کو دوبارہ فعال کرنے کی ضرورت ہے۔ جہیز فنڈ کے حوالے سے کہا جا رہا ہے کہ یہ دیا جا رہا ہے، لیکن حقیقت میں مستحق افراد تک یہ سہولت نہیں پہنچ رہی۔ اگر یہ فنڈ دیا جا رہا ہے تو اس کی مکمل تفصیلات ایوان کے سامنے لائی جائیں۔ چترال جیسے پسماندہ علاقوں میں نہ صنعتیں ہیں اور نہ روزگار کے دیگر مواقع۔ ایسے میں تعلیم اور صحت کے شعبوں پر خصوصی توجہ دینا ناگزیر ہے۔ اگر بچے تعلیم سے محروم رہیں گے تو وہ مستقبل میں کیا کریں گے؟ ہم اپوزیشن میں ہیں، لیکن ہمارا مقصد صرف تنقید نہیں بلکہ صوبے کے عوام کے مسائل کا حل ہے۔ اگر حکومت واقعی صوبے کو خودمختار بنانا چاہتی ہے تو ہمیں ساتھ لے کر چلے۔ ہم ہر اچھے اقدام میں حکومت کا ساتھ دیں گے۔ #ANP | #ANPPakhtunKhwa

🟥 حل شدہ پرچوں کی خرید و فروخت کا عمل محکمہ تعلیم اور صوبائی حکومت کی ناکامی ہے 🟥 یہ عمل صرف تعلیمی نظام کی ساکھ پر سوالیہ نشان نہیں بلکہ طلباء و طالبات کے مستقبل سے کھیلنے کے مترادف ہے 🟥 بورڈ آف انٹرمیڈیٹ کے دفتر کے عین سامنے یہ عمل متعلقہ اداروں کی کارکردگی پر ایک بڑا سوال ہے 🟥 پہلے صرف پرچے لیک ہونے کی خبریں آتی تھیں، اس دفعہ صورتحال مزید سنگین ہو گئی ہے 🟥 اس عمل سے ہونہار طلباء و طالبات کی حق تلفی ہو رہی ہے اور میرٹ کا نظام تباہ کیا جا رہا ہے 🟥 موجودہ حکمران امن و امان، تعلیم، صحت اور معیشت سمیت ہر شعبے میں ناکامی کا شکار ہو چکے ہیں 🟥 محکمہ تعلیم جیسے اہم شعبے کو بھی ایمرجنسی کے نام پر تباہی کے دہانے پر پہنچا دیا گیا ہے 🟥 یہ معاملہ آنے والی نسلوں کے مستقبل کا سوال ہے، جس پر کسی قسم کی غفلت ناقابلِ برداشت ہے 🟥 واقعے کی فوری تحقیقات کی جائیں، ملوث عناصر کے خلاف سخت قانونی کارروائی عمل میں لائی جائے 🟥 امتحانی نظام کو شفاف بنانے کے لیے ہنگامی بنیادوں پر اصلاحات متعارف کرائی جائیں #ANP | #ANPPakhtunkhwa | #MianIftikharHussain

ہمارے مرکزی صدر سینیٹر ایمل ولی خان ( سی ای او باچا خان ٹرسٹ) نے جب “انگازی پروڈکشن” قائم کیا تو انہیں شدید تنقید کا سامنا کرنا پڑا۔ تاہم، انگازی پروڈکشن اب تک کامیابی سے جاری ہے اور اس کے ذریعے نوجوانوں کو موسیقی کے مواقع فراہم کیے جا رہے ہیں۔ جب ہمارے معاشرے میں دوبارہ موسیقی اور ثقافت کو فروغ ملے گا تو انتہاپسندی خود بخود ختم ہو جائے گی۔ #ANP | #AwamiNationalParty | #IhsanUllahKhan

ریاست نے پشتونوں کو بندوق کے علاوہ دیا ہی کیا ہے؟ پچاس سال سے یہاں بندوق کے کلچر کو پروان چڑھایا گیا ہے۔ اس خطے کے لوگوں نے بمباری، گولیوں اور شہادتوں کے علاوہ آخر کیا دیکھا ہے؟ حالانکہ ہماری تاریخ میں حجرہ اور رباب تھا، ہم انتہاپسند نہیں تھے۔ ہمارے حجرے میں رباب بجتا تھا۔ لیکن مختلف مفادات کے تحت یہاں اسلحہ متعارف کرایا گیا۔ سرکاری ادارے اور بعض مذہبی جماعتیں بھی اسلحہ کے پھیلاؤ میں کردار ادا کرتی رہی ہیں۔ پشاور سے موسیقی کا خاتمہ ہو گیا وہ لوگ کہاں گئے، اور انہیں کس نے مجبور کیا؟ #ANP | #AwamiNationalParty | #IhsanUllahKhan

افغان مہاجرین کے ساتھ جو بھی غیر انسانی سلوک ہو رہا ہے، ہم اس کے سخت مخالف ہیں۔ جب انہیں عالمی طاقتوں، خصوصاً امریکہ کے مفادات کے لیے یہاں لایا گیا تھا، تب کیا صورتحال تھی؟ آج سیاسی اور سفارتی مسائل کا بوجھ عام لوگوں پر ڈالا جا رہا ہے، جس سے خیبر پختونخوا کے عوام متاثر ہو رہے ہیں اور تجارتی راستے بھی بند پڑے ہیں۔ #ANP | #AwamiNatioanlParty | #IhsanUllahKhan

گزشتہ 13 سالوں میں یہاں نہ کوئی مؤثر گورننس رہی اور نہ ہی کوئی صنعت قائم کی گئی۔ سرمایہ کار یہاں سے چلے گئے اور بے روزگاری عروج پر پہنچ چکی ہے۔ ایسے حالات میں لوگوں سے کیا توقع کی جا سکتی ہے؟ افسوس کی بات یہ ہے کہ حکومت کی ترجیحات صرف ایک قیدی کی رہائی تک محدود نظر آتی ہیں، جبکہ گورننس کا یہ عالم ہے۔ اگر پچھلے 13 سالوں میں یہاں کاروبار اور صنعت کو فروغ دیا جاتا تو نوجوانوں کو روزگار ملتا اور جرائم میں بھی کمی آتی، مگر بدقسمتی سے یہاں صنعت تقریباً ختم ہو چکی ہے۔ #ANP | #AwamiNationalParty | #IhsanUllahKhan