Aa🌸

اللهم صل وسلم وبارك على نبينا محمد 🤍

@Askmuhami اذاا هو طيب معك وقايم بكل امورك اللي تحتاجيها ويحترمك ارجعي عشان الطفل وعشان استقرارك النفسي وصدقيني انه بيعرف قدرك وبيعرف الفرق بينك وبين من يسبب له الاذى ، الله يألف بين قلوبكم جميعاً

من الخاص📩 السلام عليكم زوجي تزوج علي وانا حامل وبكريه او بالاصح رجع لطليقته ويتعذر ان عنده طفله منها مايبيها تضيع المشكله ان هذيالبنت السبب في سجنه وانا مقهوره وبنفس الوقت مصدومه ان كذب علي بكل شي ب انه متزوج قبلي وانها حامل الخ … اخذت اغراضي ورجعت ل اهلي والله يعلم بحبي له بس كسرني احتاج احد يعطيني الحل لاني اخاف اكمل ويطلع يكذب ب اشياء ثانيه واخاف اترك وياخذ طفلي مني وانا مدري شسوي ساعدوني عطوني حل اقتراح اي شي بس حنا بنات ونفهم شعور بعض

@Askmuhami قدك في المشنقه الله ينصرك وينصرها 😃

من الخاص📩 السلام عليكم حطيت نفسي في ورطه اعطي زوجتي مصروف ١٥٠٠ وقلت لها كل ما جبتي طفل لك ٥٠٠ والان نخطط ع تؤام وكمان شرطت عليها اذا جبتي لي تسعه مابفكر اعرس عليك وانا مستحيل ارجع بوعدي ولاني عارف كيف اطلع نفسي من هذه المشنقه

@Askmuhami طيب انتي مافكرتي في انك بتدمري حياة انسان سعى طول عمره عشان يتزوج ويرتاح في حياته ثم انتي تكون اسبابك جدا بسيطه وفي لها اكثر من حل باذن الله اذكري الله واقعدي في بيتك وتكلمي من انسانه تحبك وتفهمك وتهمها مصلحتك عن اسبابك اللي ذكرتيها لاتخلي الطلاق حل

من الخاص📩 السلام عليكم هل يجوز شرعاً اني اطلب الطلاق لعده أسباب كثيره وأولها عدم الراحه النفسيه معه والإرهاق وعدم التوافق ؟

يازين الرياض زينااااااه 🤍🌷

@Askmuhami حركه ذكوريه ؟ جانب انثوي ؟ انا مدري كيف تجيبون هالكلام الغريب اعطي يختي من قلبك بدون تردد او هالكلمات العجيبه

من الخاص📩 السلام عليكم زوجي مقتدر ولله الحمد تنازل لي عن القرض العقاري وأخذت قرض عليه وإشتريت شقه ودي أكافئه على موقفه النبيل معاي أيش رايكم ودي أعطيه أول إيجار هديه كنوع من رد الجميل وإلا الحركة ذكوريه وبتزرع فيه جانب أنثوي ويتعود ياخذ مني وكيف أضمن حقي بحال لو خذلني يوماً ما

@Askmuhami كيف قدرتي تشغلي نفسك وحياتك في تصليح اخطاء غيرك لدرجه وصلتي للمرحله ذي هو ربي بيحاسبه لكن انتي لما كنتي مشغوله في تصليح حياتك بطريقه خطاء ظلمتي نفسك وظلمتي غيرك كان جدا سهل انك تتركيه لربي العالمين وكان الدعاء حل بين يدينك انك تدعي ربي يرده لك رداً جميلاً

من الخاص📩 السلام عليكم يمكن كلامي ما يعجب البعض، بس والله ما سويت كذا إلا عشان أحافظ على علاقتي مع زوجي. أنا جدًا جميلة ونظيفة وعاقلة وصبورة، وشايلته شيل، وأعرف إنه يحبني وأنا أعشقه، لكن للأسف زوجي يحب جنسية معينة، ودائمًا أصيده يكلم بنات من نفس الجنسية بأسامي مختلفة. في وحدة منهم كان يعرفها قبل الزواج ولسه مستمرة معه رغم إنها تعرف إني زوجته، وأحيانًا تتصل وأرد عليها وتقفل بوجهي. ورغم كل هذا، ولا مرة شفته يزني، وأنا متأكدة إنه ما يزني مع أحد، بس يسهر معهم ومع أصحابه، ويرجع لي متحمس للمعاشرة معي، وهذا الشي كان يخليني أتحمل وأحاول أصلح الموضوع بالكلام والعقل. كل مرة يوعدني إنه يوقف وما يرجع، وبعد فترة أكتشف إنه رجع لنفس الشي، لين تعبت نفسيًا وصرت أفكر بأي طريقة أحمي علاقتي وبيتي. فجتني فكرة: كل مرة أشوفه يكلم بنات أو أشك فيه، آخذ من أغراضه مثل عطور أو إكسسوارات أو ساعات أو بطايق، عشان يشك فيهم ويحس إنهم مو صادقين. وبنفس الوقت كلمته من رقم ثاني في الواتس على إني صديقة حبيبته القديمة، وصرت أدخل بينهم وأثير مشاكل بينهم وأقول كلام يخليه يشك فيها. والصراحة لاحظت إنه تغير، وصار أهدأ معي وأكثر اهتمام وندمان، وبدأ يبعد عنهم شوي. لكن الحين ضميري تعبني، وصرت أفكر كثير: هل أنا غلطت؟ خصوصًا إني دخلت بينهم وكذبت وقلت كلام مو صحيح عن البنت وتكلمت عنها في عرضها وقلت إنها على علاقة مع شخص ثاني. وحتى الأشياء اللي أخذتها منه عشان أوهمه إن البنات سرقوه، هل تعتبر حرام؟ رغم إني كنت أعوضه وأشتري نفس الأشياء أو أهديه مثلها، وكان هو يحس بتأنيب ضمير لما أهديه. أنا ما كان قصدي أضر أحد ولا أظلم أحد، وما عندي أحد غيره، وكل اللي سويته كان بدافع إني أحافظ على بيتي وزوجي وما أخسره

@FdFdHME السؤال المهم ايش دخل منصبك العالي؟ احترامك وتقديرك في نفوس الناس لايصنعه منصبك أو سلطتك أو ما تحمله من ألقاب بل يصنعه تعاملك انت أحسنت لنفسك وطلعت وهذا حفظ لك قيمتك لنفسك العزيزه لكن مايصلح كل ماقمت وقعدت قلت انا منصبي عالي وتنتظر الناس يعاملونك عشان منصبك لما معاد يكون لك منصب

#فضفضه كنت مدعواً كأحد الضيوف الرئيسيين في عشاء عيد. وافقت بعد دعوة رسمية وإلحاح من المضيف، وحجزت فندق في المنطقة. تأخرنا قليلاً للحضور بسبب تجهيز العائلة (ونحن أجانب في المنطقة)، وكان المضيف (أخو زوجتي الكبير) يتواصل معها باستمرار. و عند الوصول، استقبل أخته وأدخلها البيت، وبقيت أنا في المدخل بدون أي توجيه او ترحيب حار من المضيف نفسه. طلبت الدخول للمجلس فقال لي المضيف إن المجلس مغلق بسبب مرور النساء. انتظرت في ملحق خارجي مع الشباب والأطفال. و بعد فترة بدأ المضيف بتقليط الرجال وأنا لا زلت في الملحق. سمعت ذلك فغادرت المكان فوراً وطلبت من عائلتي اللحاق بي بعد العشاء. لاحظ البعض غيابي وحاولوا التواصل، لكنني لم أرد وانتظرت اتصال المضيف شخصياً ليعتذر وحتى الآن لم يتواصل معي. الحقيقة أن هذا الموقف كدر خاطري كثير. أنا شخص بمنصب عالي وأشتغل خارج المنطقة ولا يوجد هناك أي خلاف عائلي، المبرر الوحيد هي رفالة الأخ الكبير، ولاكن لاريد الموضوع أن يتكرر. وش الحل كيف احفظ كرامتي وموقفي أمام أولادي وزوجتي

«غنائم المرء تجاربه وإن أورثته الهزائم»

@Askmuhami انسانه تخطي عليك وتهددك تسعى لرجوعها لييييييه الله كرمك يا انسان بالعاقل كيف تسمحون لاانفسكم توصلون هالمرحله من الاهانه عشان شخص مايستاهل

من الخاص📩 السلام عليكم انا تزوجت قبل ٩ شهور بعدها اكتشفت ان مامعها لا ذهب وملابسها كلها قديمه مجرد عطور ممكن وشغلات بسيطه رغم اني دفعت مهر ٦٥ الف وقالت لي من ثاني يوم زواج انا ماراح اطبخ ولا اهتم في البيت ابدا بيني وبينك عقد نكاح وبعدها تطورت لدرجه انها تكلم امها وتسبني وهي في بيتي وتهدد انها بتخليني انا بنفسي ارجعها بيتهم وتطورت انها تمنع اني اطلع من البيت او احد يجيني وبعدها صارت تصور مقاطع لجسمها بكل مره ادخل بيتي اشوفها وواكتشفت ان عندها حسابات في السوشل ميديا وجا يوم مامسكت نفسي وطلقتها ومديت يدي للاسف واثبت الطلاق ووافقت عليه بعد الجلسه ورجعت تكلمني وانها تحبني وكل شي بيتعدل وتبي رضاوه ١٥ الف وترجع وعطيتها ورجعتها ومن رجعتها وهي تشتم وتحاول توصلني اقصاي لكني هالمره مسكت نفسي وخليتها قامت خذت عطورتها وطلعت من البيت وقالت انا ماعيش مع واحد فقير وبخلعك وبسوي وافعل ولها اسبوعين الان مدري عنها . عندي مقاطع تثبت سبها لي وهي تكلم امها وتهديد وحسبي الله ونعم الوكيل

@Askmuhami طيب ليه عطيتيه حسابك 😠 يالله الحين تحملي عقاب افعالك يمكن هو كان يخدعك او ماندري عن نيته لكن انتي اللي سمحتي له البنت المحترمه والله مايجيها شي

من الخاص📩 السلام عليكم أنا بدوام مختلط ونشب لي موظف كل يوم جايب قهوه وفطور وبعدين رحت له وقلت لا تجيب هذي الاشياء الزبده جاب رقمي وارسل لي انه لا تزعلين وانا احاول اعبر عن شي داخلي قلت الله يسعدك بس لا تجيب ذي بعدها بفترة كلمني وقال ابي حسابك واعطيته وفعلاً صار يحول فلوس ويقول ابي اتزوجك فاتت فترة وقلت له لا تحول لي شي ولا ترسل لي المهم قال بجيب كل التحويلات لك وارفع عليك قضية ، طيب صدق أنا مابيه ولا وعدته بشي هل علي شي ؟ والتحويل كان يحول يقول روحي انبسطي روحي تقهوي اشتري أشياء يحول لي ليلة العيد وزي كذا .

@Askmuhami والله صرنا معاد ندري بمن نثق الحين ذي ام عياله ورفيقة دربه عايشه معه السراء والضراء وحبايب وشوفوا وش سوت بزوجها لكن اسال الله ان يلطف بحالنا جميعاً ويعطي كل انسان على قدر نيته

من الخاص📩 السلام عليكم زوجتي تريد تقدم خلع تقول كثرت مشاكلنا ..وبينا أربعة أولاد وتونا ساكنين فلة دورين الارض باسمها وانا بنيت البيت فوق المليون .. تقول البيت بيتي واطلع برا و اتفاقنا البيت بيتنا ولعيالنا ماتًوقعت بتسوي كذا بيوم من الايام وكل يوم تهدد وهي موظفة ومبسوطة المهم كيف احفظ حقي منها ..!!

يا مسرّتي و سُروري مطر وعيد ياربي لك الحمد والشكر 🤍

العشرة غالية ، لا يعرف قيمتها إلا الأصيل فإن وجدت أصيلاً فتمسك به ، وإن كنت أنت الأصيل فلا تغيرك الدنيا وابق كما أنت ، نقي القلب ، ثابت المبدأ ، لأن العشرة غالية لا يعرف قيمتها إلا من كان غاليا بقيمته ، نبيلاً في أخلاقه ، أصيلاً في قلبه.

@Askmuhami يعني الحين اذا صارت العلاقه جافه عادي تتعرف على رجل وتخرج معه وتوثق بعد الحرام اللي تسويه ، استغفرالله بس اسال الله ان يسترنا بستره الانسان لازم يخاف من الله ويسال الله الحكمه في امور حياته ماهو من ادنى سبب نروح للحرام ونعصي ربي في امر مايسلينا الا دقايق لو مهما كانت احداث حياتك

من الخاص📩 السلام عليكم في وحدة متزوجة عندها طفلة 3 سنوات من زوجها .. كانت علاقتهم عادية زي اي زوجين بس اخر فترة ساءت علاقتهم جداً و كانت علاقة جافة لدرجة الزوجة اتجهت للتعرف على شخص اخر و الحديث معه و تقابلو بالخارج (كوفي) و بينهم صور و محادثات و بعدها بفترة الزوج شك و اتطلع على جوال زوجته بدون علمها و عرف الموضوع و صوّر المحادثات و اخذ صورها مع الشخص الثاني و ارسلها لابوها و ضربها و اخذ جوالها و اخذ بنته … و ناوي على الطلاق الاستفسار بهالحالة هل بإمكانها طلب الحضانة ؟ و هل تقدر ترفع عليه قضية تجسس على جوالها ؟

الامتنان .. عبادة.

@Askmuhami خلهم مع امهم وزورهم كل فتره وخذهم عندك الاجازات لان انت بتطلع لدوامك ومحد بيتحملهم الا امهم

من الخاص📩 السلام عليكم ، انا اعيش في الدمام وعندي ولدين 7 و 11 سنة وزوجتي من الجنوب اذا طلقتها هل استطيع ابقاء الاولاد معي خصوصاً انهم مولودين وعايشين حياتهم كلها في الشرقية ولايعرفون شيء عن الجنوب واذا انتقلت بهم زوجتي الى اهلها لن تكون حياتهم سهله وانا لن استطيع رؤيتهم لبعد المسافة كما أنهم أولاد ويحتاجون والدهم أكثر من أمهم . هل ستحكم لي المحكمة بالحضانه في حال الطلاق ؟ علماً انه ليس لدي نية الزواج مره اخرى حالياً .