Ali Raza retweetledi
شکریہ گل صاحب، عید مبارک
پہلی بات یہ ہے خان صاحب میری وجہ سے جیل میں نہیں بیٹھے نہ میرا کوئی اس میں کردار ہے نہ آپ کا۔وہ اپنی وجہ سے جیل میں ہیں جیسے اس ملک میں ہر اقتدار کا خواہشمند جیل جاتا ہے۔ وجوہات کچھ بھی ہوسکتی ہیں اور مختلف بھی۔
حاکم بننے کے جنون میں اپنے مخالفین کی جان لینی بھی پڑتی ہے اپنی جان دینی بھی پڑتی ہے۔ اس میں کیا نیا ہے؟
آپ بھی سب جانتے ہیں وہ گگا گوگی گجر بزدار مانیکا گینگ کی وجہ سے جیل میں ہیں جنہوں نے آپ کو بھی پنجاب سے نکلوا دیا تھا۔ آپ نے تو اس گینگ کی پنجاب میں کرپشن کے ثبوت خان صاحب کو بھی پیش کیے تھے۔ الٹا اس گینگ نے آپ کو نکلوا دیا۔وہ گینگ آپ سے خوفزدہ تھا وجوہات آپ کو معلوم ہیں۔
باقی ہر بندہ اپنی وجہ سے ہی مشکلات کا شکار ہوتا ہے میری یا آپ کی وجہ سے نہیں۔ پاکستان میں کون جیل میں نہیں گیا اور آج تک کس نے مانا ہے کہ وہ قصوروار ہے؟
جہاں تک چینل کی بات ہے تو آپ نے بھی وہی بات کی ہے جو میں نے کہی تھی بلکہ آپ تصدیق کر رہے ہیں۔
آپ نے پوچھا یا ہم دوستوں کی محفل میں ذکر ہوا جس میں آپ بھی روز شریک ہوتے تھے تو میں نے وہی بتایا جو مجھے کہا گیا تھا کہ وزیراعظم عمران خان سے مل لیں یا ڈی جی آئی ایس پی آر سے اور اپنے معاملات ٹھیک کریں۔ میں نے انکار کر دیا تو چھٹی ہوگئی۔
آپ بھی وہی بات کہہ رہے ہیں کہ میں نے بات کی تھی کیونکہ مجھے یہی بات کہی گئی تھی اور اس دن چینل کے سی ای او عمران خان سے مل آئے تھے اور ارشد نے مجھے ایف سیون میں اس میٹنگ کا بتایا تھا اور اس رات میری سی ای او سے میٹنگ ہوئی جس میں کہا گیا آپ عمران خان جکومت پر سیکنڈلز فائل کرنا بند کر دیں۔وہ ناراض ہیں اور ان سے مل کر معاملات سیدھے کریں۔
میں نے انکار کر دیا تھا جس کا آفتاب اقبال صاحب نے اپنے انٹرویو میں اعتراف بھی کیا اور شرمندگی کا اظہار بھی کیا۔
میں نے آج تک آفتاب اقبال سے گلہ کیا نہ شکوہ کہ دو ٹاپ چینلز کی آفر ٹھکر کر آیا تھا کہ آپ کے والد ظفر اقبال صاحب کے فون کا پاس رکھا تھا لیکن انہوں نے دو سکینڈز میں بات ختم کر دی کہ وزیراعظم اور ڈی جی سے معاملات جا کر طے کرو ورنہ چھٹی۔
میں مسکرا کر ان سے ہاتھ ملا کر چلا آیا تھا اور اس بات کو سات سال ہونے کو آئے ہیں کبھی ان سے ملا نہ رابطہ نہ کبھی گلا کیا یا تبرہ پڑھا۔
ان کا چینل جوائن کرنے کا وہ میرا فیصلہ تھا چاہے غلط ہی سہی اور اس کے نتائج کا میں نے سامنا کیا۔
میں نے اس کے بعد بھی کئی ماہ عمران خان یا ڈی جی کا ذکر نہ کیا جب تک آفتاب اقبال نے خود نصراللہ ملک کے شو میں انکشاف نہ کیا کہ رئوف کو کیوں اور کن وجوہات کی وجہ سے نکالا گیا تھا۔
ان کی مہربانی انہوں نے میرے بارے اچھے الفاظ کہے ورنہ وہ کچھ بھی میرے پر الزام لگا سکتے تھے جیسے عمران ریاض نے ریٹنگز کا لگا دیا۔
جہاں تک بات ہے خان کا اس معاملے سے تعلق تھا یا نہیں مجھے یہ سمجھ نہیں آتی سکینڈلز عمران خان حکومت/وزیروں کے خلاف بریک ہورہے تھے ہمارے شو میں لیکن تکلیف فوجی جرنیلوں کو ہورہی تھی اور وہ مجھے نکلوا رہے تھے؟ جرنیلوں کا کیا مفاد تھا اگر بقول آپ کے عمران خان کو مجھ پر اعتراض نہ تھا؟
پھر مجھے کیوں چینل انتظامیہ نے کہا عمران خان حکومت پر سکینڈلز بند کرو۔۔ یا جا کر خان سے خود بات کرو۔
بہرحال نہ مجھے اس وقت عمران خان سے گلہ تھا نہ آج ہے۔ صحافت ایک مشکل کام ہے جس میں آپ روز نئے دشمن بناتے ہیں خصوصا اگر آپ کسی پارٹی کے گود میں نہیں بیٹھتے۔ حکومتیں ہر دور میں میڈیا پر سختی کرتی آئی ہیں۔ آج بھی سختیاںہورہی ہیں۔ حکومتیں شکایتیں لگاتی آئی ہیں۔صحافیوں کو نکلواتی آئی ہیں۔ اس میں کون سی ایسی نئی بات تھی اگر عمران خان بھی جنرل باجوہ اور جنرل فیض کے بل بوتے پر یہ سب کر رہے تھے۔
خدا سے ہم سب کو ڈرنا چاہئے کہ وہی جو سیم پیج کے تکبر میں انسانوں کی قسمت کے فیصلے کر رہے تھے،سب کو فکس کر رہے تھے اور طاقت کا اندھا دھند کررہے تھےوہ تینوں آج کس حال میں ہیں۔
دعا گو ہوں کہ خدا ان تینوں کی مشکلیں آسان کرے۔
کسی کی اچھی بری قسمت، جیل جانے یا نہ جانے میں آپ کا یا میرا یا کسی کا کوئی دوش نہیں۔ ہم سب اپنے اپنے اچھے برے کرما کا پھل پاتے ہیں۔ قدرت سب کچھ دیکھ رہتی ہوتی ہے اور وہی فیصلہ کرتی ہے وہ کون سزا یا جزا کا حقدار ہے۔
Karma is a bitch.
The universe has a way of balancing things out, ensuring that the negative energy or poor treatment someone puts out into the world eventually comes right back to bite them.
Dr. Shahbaz GiLL@SHABAZGIL
محترمہ کلاسرہ صاحب عید مبارک۔ کیونکہ اس ٹوئیٹ میں میرا نام لیا گیا اس لئیے ریکارڈ کی درستگی کے لئیے : یقیننا آپ یہی سمجھتے تھے اور آپ نے یہ بات میرے سامنے بھی کی تھی۔ میں نے آپکو متعدد بار بہت سارے دوستوں کے سامنے یہ بار بار عرض کی خان صاحب کا اس بات سے کوئی لینا دینا نہیں۔ میں آج بھی پوری زمہ داری سے کہہ رہا ہوں خان صاحب کا اس سے کوئی لینا دینا نہیں تھا۔ آپ سرائیکی وسیب سے ہیں۔ جیل میں قید شخص پر وہ الزام لگانا جس کا اس سے کوئی لینا دینا نہیں درست بات نہیں ہے۔ آپکے علاوہ ایک اور اینکر کو نوکری سے ہٹایا گیا۔ اور چینل مالک نے کہا وزیراعظم کے دفتر سے آپکو ہٹانے کو کہا ہے۔ مالک سے میری اچھی دوستی تھی اور آج بھی ہے۔ میں نے فون کر کے کہا حضور یہ معاملہ ہم پر کیوں ڈال دیا ہے۔ مالک کا جواب تھا “ مجبوری ہے تنخواہ انکی انکے کام سے کہیں زیادہ ہے۔ اب مشکل ہو رہی ہے انکی جگہ تین آ جائیں گے۔ آپ اگنور کریں “
اردو
