El Condor

الاحصائية دى انتشرت مؤخرا ودى بتوضح ان معدل التمريرات والتمريرات المفتاحية والفرص الكبيرة والتمريرات ل التلت الاخير وداخل البوكس اللى بيستقبلها مبابي كل 90 دقيقة زى مانت شايف هو بيستقبل فرص كبيرة اكتر من 100% من المهاجمين فى الليجا وفرص كبيرة اكتر من 97% من مهاجمين الليجا وحرفيا كل الإحصائيات بتوضح ان الموضوع: الفريق كله بيلعب عشانه، وإحنا عارفين ده بيؤدي لإيه. هو بيستحوذ على كل الاهتمام، وفى النهاية تقريبًا بيحتاح معدل فرص كبير عشان يسجل واحدة، وكمان بيقلل الفرص اللي ممكن توصل لزمايله لان لا تحركاته بتساعد على خلق مساحات لزمايله ولا بيدى الفريق عمق هجومى فى البوكس ولا حتى لما بيخرج برا البوكس قدراته على الربط زى بنزيما وبيساعد الفريق فى كسر التكتلات .وعلى الرغم من كل مشاكله خارج الحيازة لانه فعليا بيضغط اقل من 96% من مهاجمين الليجا واقل مهاجم فى الليجا قام بأجراءات دفاعية فهو اساسا مش بيقدم للفريق الانتاجية اللى تتناسب مع كم المشاكلة اللى بيسببها للفريق على الكورة او من غيرها الفريق قدم افضل مبارتين ليه فى الموسم ضد سيتى فى غيابه والفريق فعلا كان افضل على الكورة وبدونها حتى فى الليجا الفريق ماخسرش فى غيابه الا مباراة واحدة ضد خيتافى ومن رجوعه فى مباراة مايوركا الفريق خسر وبدأت سلسلة تعثرات وخرجنا من الشاموبيونز ليج والريال ماكسبش فى الليجا الا مباراة الافيس فقط ومش معنى كلامى ان الريال بدون مبابي فريق متوازن بالعكس الريال عنده مشاكل كتير لكن مبابي بيزود عدم التوازن دا وبيقلل من ديناميكية الفريق وانسيابية اللعب وبيتحرك فى مساحات تقلل من انتاجية اللى حواليه بدل ما يساعدهم مبابي الموسم الحالى تانى اكتر لاعب فى الليجا ضيع فرص كبيرة بعد فيران توريس ب 18 فرصة واساسا مسجل بدون ضربات جزاء 16 جول نفس عدد اهداف موريكى واقل من توريس ب جول اللى مسجل 15 بل كمان موريكى مسجل ال 16 جول بتوعه من 13 هدف متوقع لكن مبابي مسجل ال 16 جول من 17.08 هدف متوقع وحتى توريس مسحجل 15 جول من 15.24 هدف متوقع يعنى مبابي مسجل من اللعب المفتوح اقل من المتوقع ب 1.08 واكتر من موريكى وتوريس اصلا الفكرة ان كل الماتشات اللى كان فيها تكتلات حتى فى فترة الونسو زى رايو - التشى - جيرونا - سيلتا حتى فى الابطال ماتشات زى يوفنتوس - ليفربول ماكنش ليه اى وجود يعنى سياقاته كلها تحولات ومساحات فى ضهر الدفاع سردية صناعة الفرص دى من اغرب الحاجات اللى سمعتها : مبابي صنع فى الموسم الحالى 8 فرص كبيرة فقط فى المركز ال 28 بالمناصفة مع فالفيردى وكارلوس سولير مبابي اساسا 3 اكتر لاعب فى الريال صانع فرص بعد جولر وفينسيوس اللى اساسا فى اقل حالاته صنع فرص اكتر ب 66 فرصة مقابل 63 ل مبابي واساسا فينسيوس بكل سوءه الموسم دا مسجل اقل منه ب 5 اجوال بس بدون ضربات جزاء فى الليجا رغم ان فينسيوس معدل استقباله للفرص حرفيا 1/3 اللى بيستقبله مبابي مبابي صفقة الريال ماكانش فى احتياج فنى ليها وكل اللى حصل انك جبت لاعب زود عدم التوازن اللى هو اساسا موجود وبيعبى اجوال على حساب الفريق بعد ما الاجوال كانت بتتوزع على فينسيوس - بلينجهام - خوسيلو - رودريجو - دياز بقا هو اللى بيسجل العدد دا لكن على حساب انتاجية اللى حواليه وكمان زود مشاكلك بدون الكورة

My goal is to make at least one genuine connection(friendship) from each Caribbean island. So far, I got Grenada, st.kitts/Nevis, st Lucia, Barbados, Panama Who next?!