FightForDream

@FdFdHME وش يجبرك عليه يابنتي ! سجلي صوته فويس وهو يتكلم ويخربط وسمعيه ابوك وخليه يفسخ العقد ورجعو مهره لاتصرفين هلله منه

#فضفضه ابي رد من ناس فأهمه هذا طبيعي ولا لا ابي اكلم ابوي واخواني قبل افهم الموضوع أو انا أنا مكبره السالفه أنا تملكت من أسبوع لواحد من أقاربي وتواصل معي ومن البدايه كذا كلامه غريب اول شي يقول سبب تأخري عن الزواج اني ماأتحمل المسؤوليه ويقول لا تصدقين كلام احد فيني لا خواتي ولا زوجات اخواني عادها لي ثلاث مرات خلال هالاسبوع بعدين قال الصراحه ابي لي غرفه خاصه وحمام ماحب ادخل بعد احد الحمام ويقول عندي فوبيا من الحمل إذا حملتي ٩ شهور خليك عند اهلك وانا ترا خواتي يقولون لي نرجسي إذا شفتك مبسوطه بخرب عليك ماحب أشوفك مبسوطه اسألكم بالله هذا عادي طبيعي أنا عمري ٢١ سنه وهو عمره ٣٠

@wallaharbkny ودوها لدكتوره كويسة ممكن معها بطانه مهاجرة

اختي الصغيرة عمرها 16 بكل مره تجيها الدورة كل البيت يتعب معها مو طبيعي لدرجة انها ماتقدر تاكل ولا تتحرك ومعها تقرير طبي بحيث اذا جتها ما تداوم لان ما تقدر تتحرك من شدة الالم حتى ابوي وامي تعبو معها راجعنا بها بكل المستشفيات تحاليلها مثالية وممشينها على نظام صحي مع ذلك مافي فايده

@CryptoNews2008 بصراحة مرتين بالاسبوع كوفي من برا ومرة ساندويتش معه لان هذا متعتي بالحياة واعتبره استثمار بنفسيتي اهم عندي من الملابس والماركات

🔴 نعم أتفق ولكن لا إطبق 😄👇 يقول الملياردير كيفن أوليري إن معظم الناس يهدرون 15,000 دولار سنوياً على أشياء تافهة، مثل أكواب القهوة التي يبلغ سعرها 5 دولارات. "توقفوا عن شراء القهوة بخمسة دولارات وخمسين سنتاً". "تذهب إلى العمل وتنفق 15 دولاراً على شطيرة؛ هل أنت أحمق؟! إن إعداد الشطيرة في المنزل وإحضارها معك لا يكلفك سوى 99 سنتاً". "أحضر معك ماءك الخاص، أو مشروبك الخاص، أو كوب القهوة الخاص بك. وإذا بدأت في حساب مجموع هذه النفقات يومياً، ستجد أنها تشكل مبلغاً هائلاً من المال". "إن معظم الناس الذين يبدأون مسيرتهم المهنية ويجنون أول 60,000 دولار لهم، يهدرون ما يقرب من 15,000 دولار سنوياً". 🔴 انت ماذا تقول ؟؟ إعطينا رأيك ؟؟

@Dr_Balfirm طيب نبغاك تناقش لنا نفسيا دور الاب المعدد اللي يتزوج كم حرمة ويجيب عيال مايدري عنهم في كل بيت كيف الاثر النفسي لقلة تواجده اليومي مع اطفاله وتأثيره عالمجتمع بانتاج اشخاص لديهم نقص عاطفي وعدم اشباع نفسي !!ماتعرفون تناقشون وتشيشون المجتمع الا باللي تبون على عمل المرأة!

يتطلّب الأمر أن تكون متوهمًا حتى تعتقد أن عمل المرأة لساعات طويلة أكثر من ٦ ساعات غير التنقل، ما يأثر على الإنجاب أو على جودة الرعاية المقدمة للطفل خصوصًا في سنواته الأولى. حضور الأم وتواجدها المباشر أمر محوري جدًا وأساسي لتحقيق نماء نفسي وجسدي صحيّ للطفل، وهذا أمر تدعمه الدراسات العلمية بشكل واضح. لهذا نرى دول مثل السويد تعطي حوالي ٤٨٠ يوم إجازة أمومة/أبوة مدفوعة. لكن حتى مع هذا الدعم الكبير، لا زالت السويد عندها معدّل الانجاب منخفض جدًا : ١.٤٣ طفل فقط ! فهل عمل المرأة ساعات طويلة هو العامل الرئيسي؟ طبعًا لا الموضوع معقد جدًا، ويتداخل فيه عوامل اجتماعية واقتصادية ونفسية وصحية تتفاعل مع بعض بشكل معقد. أكبر تحوّل حصل هو تغيير فهم البشر للحياة مع تطوّر الطب ووسائل منع الحمل والرخاء الإقتصادي غير المسبوق. أصبح الناس يميلون بشدة نحو الفردانية وتحقيق الذات، وهذا ليس مشكلة بحد ذاته. لكن نتيجته أن قيمة تكوين أسرة كبيرة انخفضت عند الكثيرين. فالمحصلة النهائية= تأخير الزواج → فرص إنجابية أقل → اضمحلال سكاني تدريجي. في السعودية انخفض معدل الإنجاب من أكثر من ٦ أطفال في السبعينات إلى ٢.١٢ طفل لكل امرأة في ٢٠٢٥. وكل مجتمع ينزل تحت 2.1 يبدأ يواجه مشاكل اقتصادية وسكانية حقيقية على المدى البعيد. فهل الحل أن نمنع عمل المرأة تمامًا؟ لا، لأن هذا سيضعف الاقتصاد والتنمية. لكن بنفس الوقت إنكار المشكلة لا يلغي أنّها موجودة وحقيقية ولها عواقب قد تكون كارثية، فكل شيء في الحياة له تبعات إيجابية وسلبية. فإعادة النظر في هذا الأمر ووضع حلول حقيقية تلائم مجتمعنا والتطور التقني اللي نعيشه، مثل: عمل مرن للمرأة اللي عندها أطفال، إجازات أمومة أطول، وبرامج دعم الخ.. لأن بالنهاية مستقبل الدولة يقع في بطون أمهات اليوم. والطفل اللي يكبر مع أم متواجدة راح يكون أصح نفسيًا وجسديًا وأكثر استقرارًا وإنتاجية. وكذلك الأم تحتاج دعم حقيقي حتى ما تضطر تعيش بين نارين: يا إمّا تضحي بحياتها العملية في سبيل الإنجاب، أو تضطر تحط ألف حساب للإنجاب لأنه يهدد حياتها العملية.

@byherchoice اللي مايجمع الناس في بيته لايتكلم ! لان البيت يصير مزبلة حرفيا بعدهم! المفترض يدور العيد في كل البيوت او اذا بيوتهم صغيرة يقطون في استراحة ومهما كان ماتوصل القطة الف! دايم نقط ولاعمرها وصلت هالقيمة

ليش الناس صاروا مايحبون البيوت ؟ انا مع القطات والطلعات برا من باب التغيير في فترات متباعده "ماتكون روتين" لان ليش دام فيه بيت كبير يجمعنا ؟؟ الطلعه اذا مكلفه تصير ثقيله ع القلب والجيب 🙉

@ashiq_almadi الفلبينين بموتون عليها

اصبح الموضوع طبيعي في المحلات الكبيرة

@Askmuhami وانت ليه تتزوج اصلا مره ثالثة وانت ما اتفقت على موضوع ولدك كأولويه! اذا كنت آخذ بنت شابه طبيعي انها بترفض تربي ولد مو ولدها! ليه مارحت تدور مطلقة عقيم او كبيرة بالعمر مثلا تتزوجها وتحتضن ولدك! الان مالك الا تجيب مربية للولد مهمتها الجلوس مع الولد والعناية به!تخبط وزواجات وانجاب !

من الخاص📩 السلام عليكم أم ولدي طلبت الطلاق وأصرّت ولا تريد ولدنا أبدا سرّحتها بإحسان بعد إصرارها، خطبت ويرفضوا لأن لدي ولد ، تمت الموافقة وتم الزواج من إبنة أحد الأسر ، وبعد الزواج قالت الزوجة ليس لي علاقة في ولدك أبدًا ولا تكلمني في مسؤوليته لا أكله ولا ملابسه ولا أجلس معاه وقت دوامك أبدا ولا شي والله تعبت نفسيتي ولا أعلم مالحل خسرت ومديون مع العلم أن لدي زوجة وأبناء رفضوا هذا الولد ولا يفعلوا لي شيء وأنا قائم بواجباتهم كاملة لا أكل ولا نوم ولا أدنى تقدير ، وليس لدي أخوات لكي يعيش معهم الطفل ، مالحل

@Askmuhami انتبهي تنقلين ملكية البيت لاحد غير اسمك! لا لامك ولا لابوك، يعيشون فيه اهلا وسهلا لين يتوفون بعد عمر طويل لكن ملكيته لك هذا تعبك وشقاك واخوانك مالهم حق فيه يشاركونك اياه

من الخاص📩 السلام عليكم أنا امرأة توظفت حكومي ولله الحمد وراتبي ١٣ الف ريال ، بسبب وضع اهلي المالي ، اضطرّيت اشتري بيت ملك للعائلة بقرض من البنك لمدة ٢٠ سنة ، ٦ آلاف شهرياً ، على اساس ان يكون الدفع مشاركة ، أنا ادفع ٣ آلاف و ١٥٠٠ من اخوي ( يعمل في قطاع خاص ) و ١٥٠٠ من والدي ( متقاعد) ، بحيث يحولون المبلغ لحسابي، ، كانت الأمور ماشية تمام، و لكن بعد سنة من القرض ، توقف اخوي وابوي عن الدفع معي بحجة عندهم التزامات مالية، استمرّ الوضع إني ادفع ٦ آلاف شهرياً و وقتها ماكانت عندي التزامات، مر على القرض ١٠ سنوات و متبقي ١٠ سنوات ، أنا الآن متزوجة و عندي أطفال ، والحياة أصبحت غالية ، ماعاد يبقي من راتبي شي ، كله يروح لأساسيات الحياة، و صارت عندي التزامات اكثر لنفسي و لأطفالي ، بالرغم من ان زوجي مايقصر معنا لكن الحياة أصبحت غالية ، هو يدفع ايجار البيت و الفواتير و مقاضي البيت و الأساسيات ، وأنا ادفع قيمة الحضانة و الروضة لأولادي حدود ٥ آلاف شهرياً لأني موظفة و مضطرة اوديهم خاصة يكون وقت دوامهم اطول ، حتى سيارة ماقدرت اشتري اللي خاطري فيها، اشتريت سيارة بسيطة على قد الفلوس اللي عندي، انا الآن ساكنة ايجار مع زوجي ، و البيت يسكن فيه اهلي ، و دي أتخلص من هذا القرض اللي استنزفني مادياً لكن مو عارفة كيف، و لا قادرة أبيع البيت لان امي و أبوي وأخوتي يعيشون فيه و ماعندهم مصدر دخل للإيجار . هذا الدين أ تعبني نفسياً لمدة ١٠ سنوات و متبقي له ١٠ سنوات ، والله إني في هم ما يعلم فيه إلا الله.

@numceo اتذكر استاذتي بالجامعة سعودية حجازية ماشا الله حاصلة على الدكتوراه من المملكة المتحدة عام ١٩٨٠ تقريبا تخيلو!

السعوديين اللي جربوا الابتعاث من بدايته حتى ٢٠١٦ اشوفها تجربة مجنونة من دولة منغلقة إلى دول منفتحة جداً اكيد انها كانت صدمة حضارية بالذات لو قبل الانترنت

@HendTAlsudairy معروفه عند اهل نجد ، قطمة رز قطمة سكر تستخدم مع الارزاق ( المواد الغذائية) الجافة اللتي تعبأ في خياش

اليوم سمعت كلمة ما ادري متى سمعتها اول مرة "قطمة" أحد يعرف معناها؟ تراها من الزمن الجميل

@SALIFATI9 لاتلومي نفسك مافيك قصور او خلل، الخلل عنده هو وهو لكونه مدمن عليه قبل الزواج فمايشبع رغبته الحلال اللي هو نكاح زوجته وانما يشبعها السلوك التحفيزي لهذه المقاطع وكونه يعلم انك منتبهه للموضوع وعادي فهو يضرب باحترامك عرض الحائط! ولو منعتيه بيعمله من خلفك يلزمه علاج سلوكي او ينقلع

#سالفتي أنا متزوجة، وزوجي بشكل واضح متعلق بالعادة السرية والمقاطع بشكل مبالغ فيه. أكثر من مرة ألاحظ إنه ينعزل لحاله على الجوال، وإذا جيت عنده يقوم مباشرة ويدخل الغرفة ويقفل على نفسه. المشكلة إنه يعرف إني منتبهة للموضوع، ومع ذلك يتصرف وكأنه شيء عادي. تكلمت معه وزعلت ووضحت إن الموضوع يضايقني ويأثر علي كزوجة، لكنه يرجع لنفس التصرف مرة ثانية. صرت محتارة: هل أتعامل معه بهدوء وأعتبره إدمان يحتاج دعم؟ ولا لازم يكون فيه موقف أقوى عشان يستوعب تأثير الموضوع على علاقتنا

@SALIFATI9 استفتي هيئة كبار العلماء

#سالفتي أنا حامل لكن ماابي الطفل لانه راح يذكرني بزوجي وانا ماابي اذكر لانه كان إنسان نرجسي وقذر لدرجة انه عرفت انه يزني مع أولاد ووقتها رفعة عليه قضية طلاق بنا افيدوني وش الحل هل اخلي الطفل ولا اسوي عملية اجهاض بموووووووت

@DRHANI_ALABDALY @hsmh2024 طيب متستر ماطلع الا كراعينه! يعني بيغرينا مثلا🙄!!

@hsmh2024 يمشي في الأسياب والاستقبال والانتظار والصيدلية وغيرها ،،، أليست أمام النساء ؟

ليس من الأدب الحضور إلى المستشفى بلباس (شورت قصير) ؛ ان لم يكن احتراماً للذوق العام —> فـ على الأقل احتراماً لفئة النساء في المستشفى ..!! حتى من يحضر لقسم العلاج الطبيعي مباشرةً مثلاً ؛ يجب عليه احترام الذوق العام داخل المنشآت الصحية 👍

@Askmuhami المرة الجاية ممكن يقتل بنتك وعيالها انتبهي اذا مريض فعلا بالفصام كماتقولين عافانا الله

من الخاص📩 السلام عليكم ابنتي قام زوجها بضربها ثم اقفل الكهرباء مدة ساعتين عليها ومعها طفلان اغلقو على انفسهم بغرفه واستنجدت بالجيران وشغالتها ايضا اغلقت على نفسها الباب والجيران ابلغو الشرطه وابلغت الشرطه ولماحضرت عند باب البيت ضربت الباب بالقوه وخرج واخذت ابنتي ورفض يعطينا مفتاح سيارتها الا ان الشرطه اخذو منه المفتاح وسحبنا السياره منه وتوجهنا للشرطه ثم للمستشفى وارفقنا تقرير كدمات على الوجه والفخذ والساق فدائما مزعجها بالتصوير وانه بيشهر بها عند الاقارب فهي اخذت جواله وحذفت صورها ثم انهار ليه تمسح صورها هي لها ست سنوات معه لكن حياه جحيم لاتطاق ورفعت بناجز وارفقت التقرير هل عليها شي لما حذفت صورها هي خاصه ابنتي اكتشفت اول زواج انه ياخذ ادويه انفصام ولم يخبرنا بذلك مالعمل

@FdFdHME المعدد اللي يدور زوجه تراه بياخذك انت او غيرك! يعني انت ماسعيتي وراه وخربتي بيته هو عازم النية وخالص فمافيها شي تزوجيه ووسعي صدرك

#فضفضه بكر عمري ٤٨ ولم يسبق لي زواج ماينقصني شيء ولله الحمد عابدة وعاقلة ولكن لا اجد من ييسر لي طريق الزواج من الاهل ومن يعزم و يتقدم يكون معدد وانا لااريد ان اخرب او احد يدعي علي ليس ذنبي اني ماتزوجت انجبر على شخص لا اريده بسبب كلام الناس، الرجاء عدم التجريح لأن الدنيا دوارة.

@uniquebirdd جشغ التاجرات والبوتيكات النسائية مرعب! تخيلو اثناء سيري للبحث عن فستان وجدت فساتين السعر مضاعف تماما يعني تاخذه من بلد المنشأ بنصف السعر وتبغا تتربح ربح جنوني! وفساتين من قبل الكورونا معروضة كنت شايفتها في محلات عماير السيركون ومازالت معروضة! ب٦٠٠٠ ريال ! استغفال! الاونلاين ارخص

قصة حزينة عن قد ايش احنا شعب مستَنزف ماديًا رحت محل في جدة وشفت عندهم فساتين بيضاء تشبه بالضبط فستان اخذته من تايلاند، نفس القماش ونفس اللون بس الموديلات مُختلفة سألتها البضاعة من وين، قالت لي تايلاند سألتها عن السعر، قالت لي الفستان ب ٧٠٠ اخذته ب ٥٠ ريال من تايلاند 👍🏼

@Toonzatt صارت مع اختي ومع كثرة المشاكل غيرو كيلون البيت! واذا عضبت امك انسخ مفتاح بيتها وعطه جدتك ام ابوك تدخل وتطلع هي وعماتك عليها اي وقت وتشوف ردة فعلها !

أنا متزوج وعايش في بيت مستقل، وأمي معها نسخة من مفتاح بيتي وتدخل وتطلع بأي وقت، وهذا الشيء يسعدني لأنها (الجالية والبركة). لكن زوجتي اليوم حطتني بين نارين، قالت لي بوضوح: (يا أنا يا مفتاح أمك! أنا ماني ماخذه راحتي في بيتي، وأدخل المطبخ أو الصالة وألقى خالتني بوجهي بدون موعد، هذي خصوصيتي وهذا حقي!). يوم قلت لأمي، زعلت وقالت: (يا حسافة تربيتي، الحين صرت غريبة عن بيتك وعينك على المفتاح؟). الحين أنا ضايع.. هل فعلاً من حق الزوجة تمنع أمي من دخول البيت بمفتاحها؟ ولا أنا اللي "قصرت" في حق أمي عشان خاطر زوجتي؟"

@jamilaafss مافيه كيميا بينهم كيف استمروا تسع سنوات جدا غريب

مو مستغربة انهم أنفصلوا .. مستغربة انهم تزوجوا وأستمروا ٩ سنوات !

@FdFdHME اذا هو يدرسهم يعني هو دكتورهم ( لانه مو واضح بالسؤال) فعادي جدا الرسائل والطلبات الدراسية وهي دايما تكون رسمية ومحترمة ومتعودين على ذلك بالجامعة لكن اذا كن زميلات دراسة بمعنى جميعهم يدرسون دكتوراه فسيكون هذا من باب تبادل المعلومات والاسئلة والبحوث بينهم فادعي ربك يحفظه منهم

#فضفضه بسالكم زوجي يدرس دكتوراه وعنده ٤بنات معاه بالدوام ويراسلهم خاص عن الواجبات والبحوث هل عادي؟ هل يحق لي اقول له مايصير كذا مولازم مساعدتهم لأني خايفه يصير بينهم إعجاب اقترحو لي وش اسوي خايفه يطلعو احلا مني ويعجب بوحده منهم.

@z21of مقصف مدرسة عشان المحتوى

لي فتره اتابع مقاطعها ومستغرب من طريقه تعاملها مع بناتها معقول فيه ام تعامل بناتها بالنظام ذا كأنهم داخل سجن اذكر على ايامي كنا نحط الصحن والكل يتشارك