هنا العنزي

قراءة ممتعة ✨ #اقتباسات

الانتقال إلى المرحلة الثانية من التقويم الذاتي ليس مجرد تطوير إجرائي… بل هو تحدٍّ لفريق العمل كاملًا 👌 وهنا يبرز سؤال مهم: هل يستطيع المعلم، مع ارتفاع أنصبة الحصص وضغط المهام، أن يوازن بين دقة التنفيذ وجودة التأمل والتحسين؟ التحدي اليوم ليس في “الإنجاز” فقط… بل في الاستمرارية والمحافظة على جودة الأثر رغم كثافة العمل

@Dreambehindream معاك 🤝

؛ ويارب كثر "العنودات" في فصولي.💕🍃 همسة: لا أحد يقول متأخرة في المنهج، عارفة.🥹 ؛

شاهد الفيديو .. إذا اعجبتك الفكرة حمل ورقة العمل من هنا : store.iconah-ksa.com/%D9%85%D9%86%D… التدريس باستخدام مثل هذه النماذج مفتاح لحصة إبداعية تفاعلية ... احكم بعد التجربة بإذن الله ستجد فيها فائدة عظيمة لو استمريت عليه 👍🏻

ملخص للرياضيات الملخص كامل👇🏻 t.me/t7silemlafat/35

@mesfer2773 كمقترح .. كل مرحلة تتفق على أساس مشترك من الاستراتيجيات .. وكل مادة تضيف اللي يناسبها… مو توحيد كامل يقيّد ولا تنوع مفتوح يشتّت… بل عمل تكاملي يجمع بينهم 👍🏻

في مدرسة فيها 50 معلمة كل معلمة مطالبة بـ 5 استراتيجيات = 250 استراتيجية! والنتيجة : تطبيق متفرق تكنيكات مختلفة لنفس الاسم ولا يوجد قياس أثر حقيقي والتقييم؟ كلما قدمت أكثر… أنت أفضل! هذه ليست جودة تدريس… هذا تشتيت منظم. إصلاح التدريس يبدأ من : •التركيز وليس التكديس •هوية تدريسية واضحة •فلسفة عمل مشتركة •وثيقة واحدة تُبنى على الثقة والتشخيص

عُلم ✋🏻

وانتهينا من اختبار نافِس… ✅ لكن النجاح الحقيقي لا ينتهي عند الاختبار بل يبدأ بعدها! 🌱 بعد نافِس: •تأملوا في تجربتكم وتعلموا من كل خطوة. •شاركوا إنجازاتكم وأخطاءكم لتصبحوا أقوى. •استمروا في تطوير مهاراتكم، لأن كل جهد اليوم هو رصيد غدكم..

كيف نظهر تكامل الفريق لأي زائر؟ 🤔 ببساطة… نخليه يشوفه قبل لا يسمعه 👌 استقبال جماعي منسجم، أدوار واضحة، عرض متسلسل، وطالبة تشارك بثقة… كل جهد يكمل الآخر بدون تداخل، ولغة واحدة تقول: “اشتغلنا – اتفقنا – أنجزنا” 🌿 هنا ما يحتاج نشرح… هو بنفسه يلاحظ: مو أفراد مميزين… بل فريق يمتلك فكر تكاملي مميز ✨

اليوم ما كانت إذاعة عادية… كانت قصة تحوّل 🌿✨ حكينا عن نافِس مو كاختبار، بل كرحلة تغيّرنا فيها خطوة خطوة كل طالبة كان لها صوت… وكان لها شعور 🤍 في التدريب… بدأنا نفهم أكثر، ونؤمن بأنفسنا وفي كل محاولة… كنا نقترب من النسخة الأفضل منا في الاختبارات… ما خفنا من الخطأ، بل تعلمنا منه… وكبرنا بسببه وحولنا؟ كان في دعم ما ينقطع… فريق يعمل، ويؤمن، ويدفعنا للأمام وأهلنا… كانوا القوة اللي ما تخلينا نوقف، والسند في كل خطوة نجاح وفي النهاية، ما كان إحساسنا مجرد إنجاز… كان يقين: إننا بدأنا الطريق فعلًا نافِس ليس محطة… بل بداية طريق نمشي فيه بثقة… نحو التميز ✨

اختبارات نافس للمرحلة المتوسطة الأسبوع القادم… ✨ مو لازم كل شيء يكون مثالي عشان تعرف إنك ماشي صح… يكفي تشوف طالبة تحاول، تناقش، وتشرح… وتتعلم من خطأها 🌿 قبل الاختبار اسأل نفسك: هل فهموا؟ هل جربوا؟ هل وثقوا بأنفسهم؟ إذا نعم… اطمئن 🤍 نافِس مو بس اختبار، هو أثر يبقى بعده ✨ لكل من كان سبب في التيسير… ولكل من زرع فكرة، أو قدّم دعم، أو أعطى من وقته وجهده شكرًا لأنكم كنتم جزء من هذه الرحلة 🤍🙏🏻

تذكير بسيط ،،، بس عميق جدا👌

كلمة “عمل جماعي” نقولها كثير… لكن هل نعيشها فعلًا؟ 🤔 العمل الجماعي ما يعني نشتغل سوا وبس، بل يعني نمشي في نفس الاتجاه 🌿 🎯 هدف واضح نتفق عليه 🧩 أدوار موزعة تكمل بعض 💬 تواصل مستمر بدون غموض 🌱 بيئة داعمة تشجع وتحتوي هنا فقط… يتحول العمل من مجهود فردي إلى إنجاز جماعي حقيقي له أثر ✨

ملخص حصة تدريب نافس ✨ ركّزنا على تنمية مهارات الطالبات في اختبار نافس باستخدام أوراق عمل من منصة أيقونة @iconah_ksa بدأنا بـ ورقة الباحث لتحليل الأخطاء، ثم حل ورقة العمل... كما تم تقديم ورقة علاجية بناءً على الأداء، مع متابعة الإحصائيات لدعم التحسين 📊

نحتفي اليوم بالعيد 🎉 وبإذن الله قريبًا نحتفي بنتائج #اختبارات نافس 🏅 عيدٌ مليء بالفرح وجهودٌ ستُزهر في كل اختبار لتتضاعف فرحتنا بالنجاح والتميّز 🌿

في أول حصة بعد الإجازة… لا نبدأ من جديد ... بل نعود بهدوء إلى ما فهمناه أوراق العمل هنا… ليست للشرح ... بل لاستعادة الثقة .. وترميم ما تسرّب بصمت .. @iconah_ksa

سيكلزباد .. تطبيق عملي 👍🏻 ربط أفكار وتكرار وتعلم عميق

نحن بين مهامنا الخاصة .. ومهام الفرق واللجان.. وأحيانًا كل شيء يتداخل… ويصير ضغط. بس بعد الإجازة، رتبها بشكل أخف .. فرق بين اللي لك… واللي عليك اعطي كل شيء وقته وضح الأدوار… عشان يمشي الشغل بسلاسة. أبدأ بالأهم ... وخفف من المثالية اللي تتعبك .. وتحرك بهدوء… بخطوات أوضح. بين الأخذ والعطاء… تعلم وعلّم في كل لحظة... بين الخاص والمشترك… رتب لترتاح … ووضح لتنجز ✨

الشغف مو شي كبير ومعقّد… هو إحساس بسيط يقول لك: كمل حتى لو تعبت. مو لازم تكون متحمّس طول الوقت أحيانًا الشغف يكون هدوء… إنك تمشي خطوة صغيرة كل يوم بس ما توقف. يمكن تتعب، تمل، تتردد… طبيعي بس الفرق إنك ترجع وتكمل، حتى لو ببطء. الشغف مو بداية قوية وبس الشغف إنك تستمر… لين توصل، أو على الأقل تصير أقرب لنفسك شوي ...