Hasan Naser Khan

یہ کوئی فلم کا سین ہے اور نہ ہی مصنوعی ذہانت کا کمال، آخر یہ موٹرسائیکل کیسے ہوا میں اچھل کر ٹریفک سگنل کے کھمبے پر جا لٹکی؟ جانیے مزید اس رپورٹ میں

محترم جناب، بری امام کے قرب و جوار میں واقع غیر قانونی آبادیوں کی منتقلی چھ ماہ کے مکمل قانونی عمل کے بعد کی گئی ہے۔ اسے اچانک یا من مانی قرار دینا اس طریقہ کار کی درست عکاسی نہیں کرتا۔ اس سلسلے میں محلہ وار نوٹسز جاری کیے گئے، دعوے طلب کیے گئے اور ان کا جائزہ لیا گیا، اور کسی بھی منتقلی سے قبل speaking orders جاری کیے گئے۔ متعلقہ DC CDA کی speaking order بھی جاری ہوئی جسے کسی فورم پر چیلنج نہیں کیا گیا۔ یہ معاملہ ہائی کورٹ میں بھی زیر غور رہا۔ واضح رہے کہ متعلقہ اراضی acquired land ہے، جس کا معاوضہ نقد، پنجاب میں اراضی اور I-9 میں پلاٹس کی صورت میں ادا کیا جا چکا ہے۔ جیسا کہ سپریم کورٹ نے 2011 میں واضح کیا کہ زمین کے حصول اور معاوضے کے بعد اس کی ملکیت مکمل طور پر ریاست میں منتقل ہو جاتی ہے۔ وقت کے ساتھ، جن علاقوں کی فوری ضرورت نہیں تھی، وہاں بعض افراد کو عارضی اجازت ناموں کے تحت رہنے دیا گیا۔ یہ اجازت نامے حلف ناموں کے ساتھ مشروط تھے، جن میں واضح تھا کہ اس سے کوئی ملکیتی حق پیدا نہیں ہوگا اور ضرورت پڑنے پر زمین خالی کرنا ہوگی۔ یہ انتظامات سہولت کی بنیاد پر تھے اور زمین کی قانونی حیثیت میں کوئی تبدیلی نہیں لاتے۔ یہ بھی واضح رہے کہ نوٹیفائیڈ ماڈل ولیج نور پور شاہان، جہاں سی ڈی اے نے 1980 کی دہائی میں پانچ ہزار روپے کی معمولی رقم پر پلاٹس پیش کیے تھے، موجودہ کارروائی سے مکمل طور پر باہر اور متاثر نہیں ہے۔ جہاں تک صدیوں پرانی بستی کے دعوؤں کا تعلق ہے، سیٹلائٹ امیجری ایک معروضی ریکارڈ فراہم کرتی ہے۔ 2005 کی تصاویر میں 3rd اور 4th Avenue کے درمیان واقع اس مخصوص علاقے کا بڑا حصہ خالی نظر آتا ہے، جبکہ 2025 تک انہی جگہوں پر نمایاں توسیع اور تعمیرات دیکھی جا سکتی ہیں۔ اس سے ظاہر ہوتا ہے کہ یہ آبادکاری وقت کے ساتھ بتدریج بڑھی ہے، نہ کہ کوئی مسلسل تاریخی بستی ہے۔ کارروائی کے دوران ریکارڈ کی جانچ پڑتال سے یہ بھی سامنے آیا کہ acquired land وقت کے ساتھ غیر رسمی قبضے میں آتی گئی۔ بہت سی جگہوں پر اس پر تعمیرات کی گئیں، اسے کرائے پر دیا گیا، اور اسٹامپ پیپرز کے ذریعے ناجائز خرید و فروخت کا سلسلہ بھی جاری رہا، جس سے نجی منافع کا ایک مستقل نظام قائم ہوا، جبکہ رہنے والے افراد قانونی تحفظ سے محروم رہے۔ جہاں کہیں سی ڈی اے کے اہلکاروں کی ملی بھگت سامنے آئی، وہاں متعدد انکوائریز کی گئیں اور ایف آئی آرز بھی درج کی گئیں تاکہ مکمل احتساب یقینی بنایا جا سکے۔ لہٰذا موجودہ کارروائی کسی کمزور طبقے کے خلاف نہیں، بلکہ اس طویل عرصے سے جاری صورتحال کو قانون، شواہد اور مقررہ طریقہ کار کے مطابق درست کرنے کیلئے کی جا رہی ہے