Abid Malik

یہ پراجیکٹ اک فراڈ تھا۔ پاکستان کے بڑے ترین فراڈ میں سے ایک۔ خریدنے والوں کو بھی پتہ تھا۔ اسی لئے یہ انکوائری ضروری ہے کہ کس نے کس وقت کتنے پیسے میں لیا۔ اکثر افسران جنہوں نے اس جرم میں کروڑوں کی رشوت لی انہوں نے ترقیاں پائیں۔ نون لیگ کے وہ سیاستدان جو اس کے پروردہ تھے وہ اس کے خلاف کچھ نہی ہونے دیں گیں۔ اس کے احتساب کا مطلب حکومت کا احتساب اور پاکستان کی ساری اشرافیہ کا احتساب۔ کون کرے گا یہ احتساب۔ کچی آبادیاں گرانا آسان ہے۔ دیکھتے ہیں اس کو سنبھال پائیں گیں۔ کیونکہ لڑائ حکومت اور اسٹیبلیشمنٹ میں آ چکی۔ وزیر داخلہ جائے گا یا دفاع ؟؟؟ سب کرپٹ افراد کے نام موجود ہیں اطہر منا اللہ کی رپورٹ میں۔ جس میں خریدنے والے کو بھی زمہ دار ٹھہرایا ہے کہ بغیر due diligence کے یعنی بغیر چھان بین کیے کہ اس بلڈنگ کے پاس سرکاری اجازت ہے؛ جس کو پراجیکٹ ملا اس نے منافع میں آگے بیچ دیا۔ یعنی کمپنی ہی بدل گئی؛ بغیر سی ڈی ای کی ادائگی کے اور بغیر اجازت نامہ کے کیسے انہوں نے ہوٹل کے نام پر لئے پلاٹ رہائیشی طور پر بیچنے شروع کر دئے۔ پاکستان کے سب سے بڑے فراڈ میں شامل اس پراجیکٹ کے باقی پہلو اجاگر کروں گا۔ مگر سب سے اھم یہ ہے کہ جب اسلاماباد ہائ کورٹ نے ان اشخاص کو جن کے ساتھ دھوکہ ہوا عدالت سے رجوع کرنے کا کہا تو بہت کم افراد نے کیا۔ کیونکہ زیادہ تر پلاٹ رشوت کے طور پر دیے گئے تھے۔ مفت میں یا رعائتی قسطوں پر۔ بعد میں جب قیمت بڑھ گئی تو آدھی یا اس سے بھی کم قیمت دینا تو آسان تھا۔ کیونکہ منافع ہی منافع تھا۔ یہ اک فراڈ پراجیکٹ تھا۔ اور کیونکہ اس میں پاکستان کی اشرافیہ بسی ہے اس پر وہ اصول نہی اپنائے جا رہے جو نسلہ ٹاور یا بری امام کی آبادیوں پر اپنائے گئے۔ ہاں رات کے وقت بغیر اعلان کے چھاپہ مارنا غلط تھا۔ مگر اس کو ڈھال بنا کر اس پراجیکٹ کے فراڈ کو کور نہی کیا جا سکتا۔

امریکہ کے صدر ڈونلڈ ٹرمپ نے کہا ہے کہ وہ ایران کی امن تجویز کا جائزہ لے رہے ہیں، مگر اسے تسلیم کرنے کے امکان پر شک کا اظہار کیا ہے۔ انہوں نے ایران کو خبردار بھی کیا کہ اگر اس نے غلط رویہ اختیار کیا تو دوبارہ حملے شروع ہونے کا امکان بھی موجود ہے۔

ٹرین کا سفر مجھے بہت پسند ہے۔ یہ محض سفر نہیں ہوتا بلکہ کئی ثقافتیں ایک ساتھ رواں دواں ہوتی ہے۔ اسی طرح ریلوے سٹیشنوں کا ماحول، رنگ رنگ کے مسافر، ٹرین میں صدائیں لگا کر سامان بیچنے والے اور مسافروں کے درمیان ہونے والی گپ شپ، نوک جھونک سب دلچسپ لگتے ہیں۔ ابھی چند دن قبل بہت مدت بعد لاہور اور راولپنڈی کے درمیان ریل کے ذریعے سفر کیا۔ یہ راول ایکسپریس تھی جو لاہور اور راولپنڈی سے ہر شب ٹھیک ساڑھے بارہ بجے نکلتی ہے۔ میرا گمان تھا کہ حنیف عباسی کے وزیر ریلوے بننے کے بعد ریلوے میں بہت بہتری آئی ہو گی لیکن اس سفر کے دوران مجھے کافی مایوسی ہوئی۔ ٹرین کی بوگیوں کی صفائی اور اس کے اندر کے ڈھانچے کی حالت تو ایک طرف، دونوں جانب سے یہ ٹرین ت مقررہ پر روانہ نہیں ہوئی۔ راولپنڈی سے روانگی کے وقت یہ آدھ گھنٹہ تاخیر سے نکلی جبکہ لاہور سے واپسی پر ایک پندرہ منٹ لیٹ تھی۔ حالانکہ یہ وہ ٹرین سروس تھی جس کے بارے میں نے چند برس قبل اپنی گھڑی سامنے رکھتے ہوئے ویڈیو پوسٹ کی تھی کہ یہ ٹھیک 12 بج کر 30 منٹ پر چل پڑتی ہے۔ ایک منٹ پیچھے اور نہ ایک منٹ تاخیر سے! اب کی بار لیکن ایسا نہیں تھا۔ راولپنڈی سیٹشن پر جب یہ ٹرین ادھوری بوگیوں کے ساتھ کھڑی تو مسافر پریشان تھے۔ ہر کوئی ایک دوسرے سے پوچھ رہا تھا کہ کیا واقعی لاہور جانے والی ٹرین یہی ہے۔ میں نے بھی لگ بھگ پانچ افراد سے یہی سوال وقفوں وقفوں سے پوچھا۔ عملے کے ایک شخص نے میرے سوال پر بتایا کہ اس کے اے سی والے ڈبے نہیں ہیں۔ابھی دوسری ٹرین پہنچی ہے، اس سے وہ بوگیاں اتار کر اِس کے ساتھ لگائی جائیں گی، اسی لیے تاخیر ہو رہی ہے۔ وہیں میرے قریب ٹرین کے عملے کا ایک اور جوان بھی کھڑا تھا۔ اس سے میں نے مختلف سوال کیے اور معاملے کو سمجھنے کی کوشش کی۔ جب میں نے اس سے پوچھا کہ پاکستان میں ریلوے نیٹ ورک کبھی سدھر سکے گا تو اس کا پنجابی زبان میں سیدھا جواب تھا کہ ’مجھے ایسی کوئی امید نہیں ہے۔‘ یہ سن میں کافی مایوس ہوا۔ میری معلومات کے مطابق اپنے غیرمنقولہ اثاثوں کے اعتبار سے پاکستان ریلوے ایک امیر ترین محکمہ ہے۔ گو کہ پاکستان ریلوے کو برباد کرنے میں کئی حساس قسم کے عوامل کا ہاتھ بھی ہے لیکن بنیادی ذمہ داری وزارت ریلوے کی ہے۔ میں دیکھ رہا ہوں کہ کئی برسوں سے پرانی بوگیوں پر رنگ روغن کر کے نئی سروسز چلانے کے اعلانات کیے جاتے ہیں۔ برسوں پرانے ریلوے ٹریکس کو جدید اور زیادہ محفوظ بنانے کی جانب کوئی توجہ نہیں ہے۔ یہ اچھا کہ ہے کہ ٹکٹ بکنگ اب آن لائن بھی ہو جاتی ہے لیکن اس عمل کا بالکل آسان بنانا ضروری ہے۔ یہ ابھی کافی پیچیدہ ہے۔ اس کے علاوہ ریلوے کے عملے کی تربیت اور ان کی نگرانی کا نظام بھی اپ گریڈ ہونا بہت ضروری ہے۔ سیٹشنوں پر کہیں کہیں فری وائی فائے کا بار کوڈ لگا دیکھا لیکن یہ سروس چلتی ٹرین میں بھی مہیا کی جانی چاہیے۔ بے شمار باتیں ہیں جو قابل توجہ ہیں۔ پچھلے دنوں پاکستان ریلویز نے ایک بیان جاری کیا کہ وی لاگرز اور کانٹینٹ کری ایٹرز بلااجازت ریلوے کی ’حساس تنصیبات‘ کی ویڈیو گرافی نہیں کر سکتے۔‘ میرا کہنا یہ ہے کہ ریل عام آدمی کی سواری ہے۔ اس کو حساس بنانے کی بجائے مثالی بنائیں۔ بوگیوں اور سٹیشنوں پر رنگ و روغن بدلنے سے بہتری نہیں آتی بلکہ اس کے لیے سٹرکچرل اوورہالنگ یعنی بنیادی ڈھانچے کی تبدیلی کی ضرورت ہے۔ امید ہے ریلوے کے حکام اور وزیر ریلوے اس جانب توجہ فرمائیں گے۔ ۔ فرحان احمد خان سنیچر، 02 مئی 2026 اسلام آباد