عادل فقط 🇸🇦

@Vib511 والله انك ما صدقت يا التسذوب الامعط

@Askmuhami والله انك بجيح يا ابو زنيفر

من الخاص📩 السلام عليكم بنى امام منزلي احدهم بوحدات سكنيه لها نافذتين كبيرتين تطل على حوشي وبشكل مباشر علي المسبح فهل لي الحق برفع قضية اقفال شبابيك هذا الوحدات. دلوني وفقكم الله.

@RSR_121 النسويات قبيحات جدا لدرجة أنهم عادي يكونون سلعة trophy ويناقضون مبادئهم

ايوه بنات كلهم كذا لو شخصيتك ووجهك وطريقتك وجسمك ماعجبته او بمعنى اصح ماراح تضيفين له له بيسحب عليييييك فا انتوا امشوا على هالمبدأ بالنهايه المرأة هي الجائزه بالعلاقه مو العكس يا يتوافق مع ستاندر حقك يا باي

@Askmuhami البينة على من ادعى واليمين لمن انكر

من الخاص📩 السلام عليكم انا شخص محافظ على صلاتي في المسجد الحمدلله وزوجتي رافعه دعوه فسخ نكاح وحاطه لا يصلي كيف اثبت من امام المسجد اني محافظ على الصلوات في المسجد؟

@Askmuhami عندك حلين: - تاخذينه غصب عنهم، و تدخلين في دوامة من المشاكل مالها نهاية - تبحثين عن شخص أفضل 🥰

من الخاص📩 السلام عليكم انا منفصله وتعديت الثلاثين من عمري ، وتقدم لي شخص بيننا علاقه ولي ٣ سنوات احاول باهلي ويأجلون الموضوع بحجة مااحنا متاكدين من نسبه ١٠٠٪ ولازم احد يشهد له عشان الناس مايتكلمون فينا ٣ سنوات احاول فيهم ، سالو عن الرجال لقو ان سمعته طيبه جدًا وموظف وظيفه مرموقه وكل شي فيه مناسب لكن معلقين على موضوع النسب ؟ انا مابي ادخل مشاكل مع اهلي والا ودي بالمحاكم وان ابوي ينكسر ، اعرف ان ابوي غلطان بحقي بس ابي حل وسط مايضايقه لان حتى خطيبي رافض الفكره ويقول مانبي نضايقه وخل نحاول اكثر بس العمر يمشي وهو معند حاولت بكل الاساليب وتوسطو ناس كثير وهو معند ف ايش اسلم حل ؟ نظامي

@Re90F محد قال لك تدفع فوق طاقتك على قولة السوريين: الله لا يعطيك عافية فوق تعبك 😂

انا رجل ع قد الحال وتزوجت ومن تزوجت وانا كل شوي اتدين من احد عشان خاطرها تبي كل شي واشياء تفوق قدرتي الماليه وفي واحد يبي فلوسه وكان مبلغ كبير علي شوي وجيتها البيت متضايق قالت شفيك وبكيت من القهر .. ردة فعلها كانت تضحك وتقول اول مره اشوف رجال يبكي وولا عطتني اي ردة فعل ثانيه ومن هالكلمه تركت البيت وولا اسألت لها ٤ ايام احس انكسر شي بالخاطر وعفتها لكن مدري ايش اسوي اطلاقها ؟؟. انا يعني لو كنت قادر كان جبت كل شي بخاطرها رغم اني حاولت وهالمحاولات كسرتني واخر شي تستهين بدمعتي اللي نزلت عشانها ".

@Geronimo900000 @Rjasair اعقب بس

@HeyJustAdel @Rjasair اقلب وجهك

ورطة #خالد_عبدالرحمن تابعت أصداء ما قاله خالد عبدالرحمن في لقائه الأخير مع المديفر، حين تحدث عن أغانيه الرومانسية القديمة وملابساتها، وكان واضحاً استياء بعض جمهور خالد من جرأته في تناول جوانب شخصية يرون أن فنانهم أكبر من التطرق لها. ورغم أن حديث الفنان الكبير لم يخرج عمّا عُرف عنه من أدب ووقار، وتناول المحاور الطبيعية التي يُعايشها أي فنان وأي شاعر من مواقف وغراميات تُحرك الشعور وتستفز الإبداع، إلا أن جزءاً من جمهوره لم يقبل هذا البوح. ما يجعلنا نسأل: كيف يمكن لجمهور هذه قِيمه ومبادئه أن يُعجب بفنان أغنية يتغنى بما يعترضون عليه ابتداءً؟ كيف أصبح هذا الجمهور المحافظ جمهوراً لخالد؟. هذا السؤال يفسر الورطة التي يعيشها خالد.. فخالد الذي نراه الآن ليس خالد الفنان بل خالد المشهور الذي يتابعه الجمهور مثلما يتابع أي مشهور آخر، يعجبون بشخصيته ومنطوقه وأفكاره، بعيداً عن فنه وأغانيه. خالد الفنان انتهى منذ عام 1996 مع ألبوم عقد وسوار، ولم يقدم بعدها أعمالاً غنائية ذات قيمة، والنتيجة المنطقية لذلك هي خفوت نجمه مثل بقية نجوم التسعينيات الذين تلاشى وهجهم، لكن الذي حصل مع خالد هو العكس تماماً، حيث ولد منذ ذلك الحين خالد آخر؛ خالد المقناص والمراجل والعلوم الطيبة، وكسب جمهوراً يحبه لأجل ذلك فقط، وهؤلاء هم من تفاجأوا بما قاله في لقائه. وخالد نفسه ساهم في صنع هذه الصورة البعيدة عن صورته كفنان، ونشأت بينه وبين جمهوره علاقة خاصة، عنوانها الأبرز أن خالداً يختلف عن غيره، خالد الملتزم والرجل الذي لا يقبل مشاركة المرأة معه في الفيديو كليب. ووافقهم خالد على ذلك، ونمت هذه الصورة وتضخمت حتى أصبحت قيداً يلف عنقه. وعندما أراد خالد الفنان أن يعود مع المديفر ويتحدث عن شوق ومصادر إلهامه الفني، اصطدم بصورته الأخرى، وبالجمهور الذي يعشق هذه الصورة الأخرى.

@FdFdHME فيه امهات مايقدرون يقتنعون ان ولدها كبر، ولازم تمتلكه او بيكون عاق حاولي تبينين لها انك لا زلتي بنتها وتحت امرها ولا تأخذين كل كلمة على محمل الجد

#فضفضه أرجوكم مابي انتقادات مابي احد يطقطق علي بكلام انا ابي حل انقذ فيه نفسيتي وعقلي من امي للاسف تحب تحطمني تخيلو غايبه عنها ٤ شهور بمنطقه ثانيه ويوم جيتهم كل كلامها تجريح ودي اني جلست ببيتي ولا جيتهم ابرك من الكلام الي كسر خاطري امدح لها عطري الجديد الي شريته وريحته حلوه وتجننن وشمته واعجبها وغيرت الموضوع قالت فجاءه شكلك صاير يخرع جسمك وكلك تخرعين وش فيك كذا مع انه جسمي جدا عادي ومليانه صدق بس الحمدلله عادي بصحتي وعافيتي يعني مو ذاك السمنه جرحتني بكلامها صايره تخرعيني وتكشر بوجها بدون اي مبرر كذا بوسط كلامي وانا امدح عطري لها ولخواتي وتحاول تكرهني بزوجي تتعبت مدري ليه تسوي كذا الحمدلله اني فاهمه هي وش قاعده تسوي ما اسمع كلامها وواثقه بنفسي بس شكلي والله اعلم احتاج استشاره نفسيه لانها تعبتني بكثير اشياء ماتنقال هنا والله بس حبيت افضفض واسمع حل من ناس نفس وضعي وقدرو يحلون هالموضوع لاني تعبت الله يصلحها يارب ويلين قلبها علي والله ماشافت مني الا كل خير الحمدلله.

@LAW_JAWAD اتففففففق

في ذمتي أن الشخص الذي يفتعل معك مشكلة قبل ايام مهمة في السنة ويحاول أن يحرمك لذة شعور الفرح هوا من اقذر الشخصيات الي ممكن تتعرف عليها مريض نفسي من الدرجة الاولى ولا يستحق هذه العلاقة مثل الي يتعمد ينكد عليك قبل العيد ، قبل رمضان ، قبل مناسبة مهمة ، قبل يوم تنتظره بفارغ الصبر ، حتى وإن كان صاحب حق يضل شخص غبي وسطحي واناني ابعدهم عن حياتك.

@Asaren101 بناء على كلامك: والمرأة فقط تسمع وتطيع وتنفذ

الرجل هو إللي يبادر هو إللي يبداً بالخطوة سواء في الصلح أو النقاش المرأة دورها تستقبل وتعطي مشاعر بقدر إللي اتقدم لها، مو مطلوب منها تمسك زمام الأمور ولا تشيل الحمل الأكبر نجاح العلاقة دايم يبدأ برجل عنده مبادرة وعطاء ، هو إللي يقول: "خلينا نصلح ، خلينا نحكي ونوضح" أما إللي يتركك للحيرة والظنون بدون ما يحاول يصلح أو يوضح شيء؟ هذا ما هو رجل حقيقي هذا واحد ينافسك في أنوثتك بس

@11hope111 أتفق معك فيه شكليات في أماكن العمل كل هدفها التعارف والكلام الفاضي وهذول ينعرفون من البداية لكن في أيضا أنواع أخرى (مثلك وشرواك) نفسيات ويبون يعيشون في عزلة عن باقي الموظفين، و هذول ما يفرقون عن النوع الأول بشيء

اكثر قرار ضاق صدري يوم صار بالواقع ( لانه صدر بدون تدريب وتثقيف مسبق). عملت في مكان مختلط ولاعت كبدي من بعض الموظفين الغير احترافيين بتاتا ولا يعرفون حدود بيئه العمل ويشوفون بنات الناس مشاريع صيد. كنت متستره ومحترمه نفسي ومع ذلك يجوني نوعيات يعرضون علي بشكل مستمر يشترون لي قهوه او سناك بشكل خاص ( مو للستاف كله ) واكثر من مره اردهم بس مافيه كرامه! او يجون يفتحون سوالف شخصيه انا مالي دخل فيها وخارج ايطار العمل الي بيننا !! انا جايه اشتغل ما اسولف معاك ولا عندي ذره اهتمام فيك او بحياتك😅 هذا غير الي مايعرف المساحه الشخصيه جسديا ويقرب بقوه كأنه بهيمه مايعرف القيم. تدرون وش صار بالنهايه؟ صاروا يطقطقون علي ويحشون فيني وعرفت من وحده انهم من وراي يسموني ( المطوعه ) ما يسموني بأسمي!! عموما وظيفتي الجايه اتمنى تكون اما في بيئه نسائيه او فيه بيئه احترافيه مافيها جحلط

@vxliliin @NOWTRND ؟؟؟

ترند " مقطع متداول " حلا عبدالعزيز: في وحده مشهوره احبها واتابعها صرت صديقتها وصار بيننا ستريك ٦٠٠ يوم صرنا نتقابل بالواقع لاحظت ما تصور معاي وتمنشن البنات الا أنا، بنات تكلموها ترد اممممم حبيبتي وتمسك الجوال، لو يجي ولد يتكلم معاها تمسك خط ماتسكت وضحك!

@gorgeous4ew كلامه صحيح هو ما يقصد الممثلين الجدد أو الموهوبين اللي يبون يدخلون عالم التمثيل هو يقصد المشاهير اللي ما يفهمون في التمثيل وداخلين عشان يرفعون المشاهدات

أشرف زكي، رئيس النقابة المصرية، ينفعل ويوجه سؤالًا لمذيع "العربية": هل تقبل أن يعمل مشاهير التيك توك مذيعين ويكونوا زملاء لك في قناة كبيرة مثل "العربية"؟😅

@ican_xxxx صحيح كان عندنا في المتوسط والثانوي الشنطة من خوارم المروءة 😂😂😂

معلومه على الهامش : هل تعلمون ان مواليد التسعينات من الذكور بالمدارس الحكوميه كانو يشيلون شناطهم بسجاده لانه عيب تشيل شنطة ظهر مثل الاطفال ؟ نقطه تذكرتها وانا حالياً بالمدينه واشوف شيوخ كبار صغار مطاوعه كل اطياف المجتمع لابسين باك باق

@FdFdHME أنا من رايي تكمل على نفس الخط عشان حياتك تصير أحلى 🤣

#فضفضه انا شخص صارم وحازم لدرجة انه بعض اقاربي ومجتمعي يسموني بكلمات مثل (عصبي ، شادها ) ماحد يتجرأ انه يمون علي مزح او جد، تزوجت قبل سنتين باختيار امي وفي البدايه كانت شخصيتي كذا حتى معها لين عرفتها زين وحبيتها وصرت معها انسان ثاني ومستحيل اقسى عليها او ارد لها كلمه والحاصل الحين انه ما صار لي كلمه معها صوتها ينرفع علي حتى بالاماكن العامه وتحلف علي وتمشي كلمتها مهما حاولت امشي كلمتي عاجز، وحاليا مابيدي حل غير اني افرض سيطرتي بالقوه وعلى حساب رضاها وهالشي مابيه ابي ارجع احترامي بعيون نفسي قبل كل شي لكن بدون ما اجرحها او اصغرها او اكسرها كيف اجمع بين الأمرين.

@GoldenDose حتى اليهود والبوذيين و الكائنات الفضائية يتجمعون في الأعياد

ديما: فيه ناس في أول يوم عيد ما يجتمعون مع أهلهم، وما عندهم نفس الفعاليات اللي المفترض الناس تكون عندها وفيه ناس تقول لهم عندكم تفكك أسري ترا عادي العوائل والحالات الاجتماعية تختلف لازم نتقبل هذي الحالات.

@Coach_Hind_ والله الشعور متبادل ويمكن شعور الرجل اسوأ اذا طلعت زوجته كريهة مثلك

آسفه متابعيني بس احتاج أفضفض؛ والله يالرجل طاقته زفت ومتعبه وخانقه حتى لو كان كويس ؛ واذا كان متعلق فيك اكسترا خنقه وغثاثه .. الله يعين المتزوجات صراحه على مقابل الغثاثه ذي ٢٤ ساعه ..

@S7ir44 اللي مصدق القصة يعطيني بلوك

بدال مايصير لها عون صار فرعون.؟