Sabitlenmiş Tweet
የእሁዱ ሃሳቦች
(ይህ ጽሁፍ የኔ ወቅታዊ አቋም ሲሆን አባል የሆኑኩባቸዉ ድርጅቶች የሚጋሩት ላይሆን ይችላል)
1. ብዙ ሰዎች ኢትዮጵያ ብለው የሚገልፁት ምኞታቸውን እንጂ በተግባር ምድር ላይ ያላቸውን ሀገር አይደለም። ኢትዮጵያ ከሌሎች አዳጊ አገሮች የተለየች አይደለችም። በጥላቻ እና ግጭት የምትታመስ፣ ድህነት የወረራት እና በተጨባጭ የፈረሰች ፣ በህግ እና ደፕሎማሲ ልትፈርስ ጫፍ የደረሰች በጥቅሉ ጣረሞት ላይ ያለች ሀገር ናት። ይህን መቀበል የመጀመሪያው ከእውነት ጋር የመታረቂያ ጉዞ ነው። የሃገሪቱ ጠቅላይ ሚኒስትር “ኢትዮጵያ አትፈርስም” ብሎ በየቀኑ የሚምልህ የመፍረስ እቅድ/አደጋ እሱ ስለሚያውቅ ነው።
2. ኢትዮጵዊነትን እንደማንነት ማጉላት የሚመኝ በኢትዮጵዊነት ዙሪያ ፖለቲካ መስራት የሚፈልግ ማህበረሰብ አለ። ይህ ማህበረሰብ በቁጥርም በፓለቲካ ሃይልም አናሳ (minority) ነው። በአመለካከቱ ምኞትን እውነት አደርጎ የሚነሳ እና political correctnessን ያስቀደመ ሃይል ሰለሆነ የፓለቲካ ትንተናዉ ብዙ ጊዜ የተሳሳተ ነው። ይህ ሃይል አሁን ባለው ሁኔታ ለፍላጎቱ ቀና አመለካከት ያለው አካል በሚፈጥረዉ coalition ወስጥ አጋዥ ከመሆን ያለፈ ሚና ሊጫወት አይችልም።
3. በአማሮች ላይ እየደረሰ ያለው ጥቃት የኢትዮጵያን ቀጣይነት በቅድመ ሁኔታ ብቻ የምንደግፍበት ደረጃ ላይ አድርሶናል ። አሁን ዋናው አጀንዳ የዘር ፍጅቱን እንዴት እናስቁም የሚለው ነዉ። ተገንጣይ ሃይሎች የራሳቸውን ሀገር ማቋቋም የአማራን የዘር ፍጅት በቋሚነት ለማስወገድ የሚረዳ ከሆነ ከሞት ይልቅ ህይወትን መምረጣችን ተፈጥሯዊ ነው። ትግላችን በወረራ የያዙትን አካባቢ እንዳይወስዱ ማድረግ ላይ ብቻ ይሆናል።
4. የሃይማኖት እና የባህል ተቋሞች በፖለቲካው ዉስጥ ያላቸው በጎ እና ጎጅ ሚና ተገምግሞ የባህል ማስተካከያ ማድረግ ያስፈልጋል።
5. ዴሞክራሲ የሃይል ሚዛን ተገዳደሪነት ውጤት እንጂ በቸርነት የሚሰጥ አይደለም። ትነህግም ሆነ ኦሆዴድ ታዛዥ አሰካገኙ ደረሰ አድራጊ ፈጣሪ ለመሆን መመኘታቻው ተፈጥሯዊ ነው። ብአዴንም ዋና የአምባገነንነት አመቻች፤ ፈፃሚ አና አስፈፃሚ የሆነው አፈጣጠሩ ለዚሁ አላማ ስለሆነ እና ይህንን ካለመረዳት በቀቢፀ ተስፋ ህዝብ ተደጋጋሚ እድል ስለሰጣቸው ነው።
6. ኢትዮጵያ ውስጥ የተደረጉ የዴሞክራሲ ሽግግር ሙከራዎችን በዋናነት ያከሸፈው ብአዴን ነው። በ1993 የህወሃት መሰንጠቅ ጊዜ መለስ አና ኢህአዴግን ያደናው ብአዴን ነበር። ያኔ መለሰ ቡድን ተሸንፎ ቢሆን ኖሮ የህወህት እና የሌሎች ፓርቲዎች ሚዛን የሳተ ግንኙነት የሚስተካከልበት እድል ነበር። በ1997 ምርጫ ቅንጅት ብዛት ያለው ወንበር ያሸነፈው "አማራ ክልል" ውስጥ ነበር። ብአዴን ድጋሜ "ምርጫ" ብሎ ያሸነፉትን ወንበሮች ከቅንጅት መቀማት ብቻ ሳይሆን በርካታ የቅንጅት አባል የነበሩ አማራዎችን በማሰር አና በማሳደድ የለውጥ ሃይል ከ10 ዓመታት በላይ ተዳክሞ የትነህግ የበላይነት እንዲቀጥል አድርገ። በ2008 ኢህአዴግ ተገዶ ለወጥ ማድረግ አለብኝ ብሎ ሲወሰን አሻሻጭ አና አዲሱን ጌታ አስተዋዋቂ እና አንጋሽ ብአዴን ነበር። አብይ ስልጣን ላይ እንደወጣ ፅንፈኛ የኦሮሞ ሃይል የበላይነት ሲገነባ የተቹ አማራዎችን በማሳደድ እና እውነታውን በመደበቅ ሃገሪቱ የአንድ ፓርቲ የበላይነት የነገሰበት የአምባገን ስርዓት በፍጥነት ተመልሳ እንድትገባ ያደረገው ብአዴን ነው።
7. በመሆኑም ሎሌነት እና የከርስ ፓለተካ (politics of the belly) የሰበሰበው ብአዴን ስልጣን ላይ እሰካለድረስ ኢትዮጵያ ብትቀጥል እንኳን ዲሞክራሲያዊ የመሆን እድል የላትም። የአማራ ህዝብ ደግሞ ብአዴን እሰካለ ድረስ የዘር ፍጅት ሰለባ መሆኑ ይቀጥላል።
8. የአማራ ህዝብ የመጀመሪያ ርምጃ በማንኛውም መንገድ ብአዴንን እና ተቀጥያዎች ከስልጣን ማባርር እና ድርጅታዊ እና ባህላዊ ሕልውናን ማጥፋት ነው። የብአዴን የላይኛው መዋቅር መጥፋት ያለበት ሲሆን የታችኛው እና መካከለኛው አመራር accommodate and transform ማድረግ ይቻላል ፤ ያስፈልጋልም።
1/2
AM
