ID🌹

إنا لله و إنا إليه راجعون أبـــــــــــــي في ذمة الله

@roo0oory22 استدراك … لو التصوير بعد انتهاء الحفل و مابقى الا الناس اللي يمونون على بعض فلابأس🤝😂

@roo0oory22 هذا من سفه الزمان نسأل الله أن ينعم علينا بركادة العقل و جمال المنطق و إدراك النعمه و شكرها ،،، لو فيه من أهل هذا المحفل رجل رشيد ما حصل مثل هذا لو على حساب قطع الأرحام و نبذ الجماعة و شق الصف !!!

والله شي يفشل مره 🤦🏻‍♀️🤦🏻‍♀️🤦🏻‍♀️ احترموا المناسبه والمكان وكبار السن عيشوا انبسطوا ماقلنا شي 🤷🏻‍♀️بس الزواجات مناسبه رسميه موب مهرجان استعراضي!!!!!!!!! ودي اعرف زوجته تفشلت ولا فخوره فيه 🦧🤕🤕🤕

@ii3snd المعروف والله صار صعب الناس قامت تحايل

بصراحة: لو شفت شخص منقطع على هالخط بليل او نهار تسعفه والا تخليه؟!

@uiqp16 حشفاً و سوء كيله ،،،

احسموها مين افضل قروب ب السعودية ؟

@AH__aM_ هي و اهلها لو عندهم عزة نفس ما أخذوها من البداية ، أو على الأقل كان ردوا بأدب ،،. يرسلون الهدايا اللي جاتهم من الرجال و يرفقون فيها اعتذارهم … أما الرفض برسالة واتس فهذي وقاحة و حماقة و رزقه الله أن الرفض من جهتهم فلا يناسب من كان هذا فعله ،،،

همهم الهدايا والفلوس ... 😭

@AJali_2030 الله يقويك و يوفقك والله انا فخورين بك لكن حبذا لو وجهت بعض من جهود الامانة لجودة الطرق خصوصاً الرئيسية منها ،

في عسير .. يُصنع المكان من أجل الإنسان ١٤ حديقة جديدة في أبها وخميس مشيط… أربعة منها على وشك الإنجاز في خميس مشيط، بها ٤١ مرفق ومبنى👇 وقريباً الإنتهاء من البقية حيث تنضم لأكثر من ٦٠٠ حديقة في أرجاء عسير، منها ١٥٠ حديقة تم تطويرها في الثلاثة أعوام الماضية

@Toonzatt وفي السماء طيور اسمها البقع إن الطيور على أشكالها تقع

أمس كنا نطلب عشاء، واحد من العيال قال: (أنا ماني جوعان، اطلبوا لي "أصغر" شيء بس أسد به جوعي!). اللي صار: • هو طلب أرخص وجبة (15 ريال)، وإحنا طلبنا وجباتنا (60 ريال الشخص). • لما وصل الأكل، الأخ سحب كرسيّه وجلس في "نص السفرة". • بدأ يمد يده: (ذوقوني من هذا، وعطوني وصلة من ذاك، والله صوصكم شكله بطل!). النتيجة: الأخ أكل من كل الوجبات الغالية، وشبع أكثر منا، وفي "القطيّة" دفع 15 ريال فقط! وحنا اللي دفعنا المبلغ الأكبر صرنا كأننا "عازمينه" بفلوسنا وهو اللي شبع! 🧐 هنا السؤال: • هل هذي "شطارة" وإنه ذكي وفر فلوسه وشبع؟ • ولا "قلة ذوق" واستغلال لصحون أخوياه؟ لو مكانكم.. المرة الجاية تحسبون قطيته "بالتساوي" غصب؟ ولا تخلونه ياكل لحاله؟ من مجهول

@misfer1398 هذا والله حقه يصير بواب مو موجه

والله لا أدري ما أقول!! لا ألوم الوزارة حين حذرت من التصوير.

@fawaz_dr والله السلطه ممتازه لكن ابحث عن مصدر جيد زراعتها في البيت ممتازه و آمنه أما المزارع والله شوف عيني يرشون بالمبيدات و المحفزات و و و ولا يهتم لفترة تحريم ولا غيرها ارم في السوق و الثلاث بريال و الاربع بريال وانت ماشي العالم تشييييل

لا أحب السَّلَطَات، ولم آكلها في حياتي، ولن آكلها بإذن الله. لا أتقبلها ولو مت من الجوع، هذا إلى أنها أعشاب، وما قدموس بعاشب، كما أني وجدتُ بعض مدمنيها كثيري الأمراض، قليلي المروءة، وأستثني آكليها باعتدال، أو حِمْيَةً ونحو ذلك. هذا رأيي الشخصي.. تغلطون أغلط. 😡

@Mishal_Rashid والله كثروا الـ….

اللي باقي في حياتها رجل طبيعي تحافظ عليه ؛ السوق مضروب .

@abqu19 يعني الحمد لله، مو وحدي اللي قاعد اشوف ان الدنيا تتقلب عجيييب والله فيييييه سر في أكل و لا دعوه و لا ايش أشياء تغيرت منطقيتها ومفاهيمها أجل ضيف و تبيني أدفع و بيطلب منك تجيب المويه والقهوه و يقول الاستضافة بتكون في بيتك و التصوير بيكون في الصاله و اهلك مانبي لهم حس !!!

تواصل معي فريق بودكاست وقالوا بنرتب معك لقاء قلت لهم تمام حاضر واتفقنا على المحاور أتفاجأ فيهم يقولون: المقابل تدفع لنا ٧٠٠٠ ريال. طبعا رفضت لأن هالصفقة طالعة علي أغلى من بيع السوق وهم المستفيد الأول والأخير.

الكلام هذا في رمضان و امس كانت واحده من حلقات النصب و الاحتيال التي أقع في فخها 🥺

والله ماتدري في أوقات ،، تتخلى عن عروبتك و أصالتك و بعض العادات الطيبة ولا تبقى وتتحمل اللي يجيك !!! في مطار الرياض … واجهت رجال في عمر ال48-50 معه أمه، قال انا عند الله ثم عندك ابي تسلفني حق التذاكر راحت رحلتنا و بنحجز تذاكر جديده و ترجع لك الليله . طلع نصاب و حرامي

@Toonzatt هذا ردي ولا فيه معروف !!! وان كان خويه مستغله يقهويه كل اسوع على كلامه فهو أردى منه ،،، ولكن سبق و قيل قل لي من تصاحب أقل لك من أنت !!! وفيه بيت جميل يقول وفي السماء طيور اسمها البقع إن الطيور على أشكالها تقع

أنا كنت عاطل عن العمل، وخويي يشتغل في شركة كبيرة. كلمني وقال: (يا فلان، أبشر بالفزعة، رفعت اسمك لمديري وضغطت عليهم بـ" لين وافقوا يوظفونك براتب 8,000 ريال.. استعد للمقابلة!). اللي صار: • توظفت والحمد لله، وجلست سنة كاملة وأنا "أشيل جميله" فوق راسي وأدعي له في كل صلاة إنه كان سبب رزقي. • الصدمة كانت أمس.. وأنا أسولف مع المحاسب في الشركة، عرفت إن الشركة عندهم نظام (مكافأة استقطاب - Referral Bonus). الحسبة الصادمة: • الشركة عطت خويي "راتب شهر كامل" (8,000 ريال) كاش، مكافأة لأنه جاب موظف جديد (اللي هو أنا)! • خويي طول هالسنة مأخذ الـ 8,000 في جيبه، وفوقها مسوي لي فيها "صاحب فضل" ومنّة، ويخليني أعشيه وأقهويه كل أسبوع على حسابي كـ "رد لجميله"! سؤالي لكم: • هل من حقه يآخذ "عمولة" من ورا ظهري ويسكت، ولا كان المفروض يعلمني أو حتى "يقهويني" من هالفلوس؟ لو مكانكم.. تواجهونه وتقولون له (رجّع العزايم اللي أكلتها بجميلك الكذاب)؟ ولا تسكتون عشان الوظيفة وتغسلون يدكم منه مجهول

بكرة اذا قابلتك في مناسبة و لا في دوامك و لا قدام غالين عليك وش يكون شعورك و انت حرامي نصاب !! طبعا الرجال جاني عند البيت قال نخيتك تكفى ابغى لي مبلغ لكذا و كذا وانا جارك وانا فلان بن فلان الفلاني …نصف ساعه اوصل البيت واحولها لك ولا اجيبها لبيتك واخذ رقمي و عطاني رقم له و 🏃🏽

@WAlmojaly @MOE_RYH ادارات التعليم تحب تسوي سبرايز للطلاب و الأهالي !! عندها تطبيق أنواء وعندها تحديث مع الأرصاد و البيئة يومي تعلق الساعه 11:30 عشان يتفاجئون الصباح !! ولا عشان تضمن ما يتلخبط جدول نومهم !! المهم ان في ادارات التعليم عقول معششه وبس

من المسؤول وكيف سيتم التعامل مع الإعلان المتأخر لتعليق الدراسة من قبل @MOE_RYH (الساعه 11:33 م) وتحويلها عن بعد ، والضغط الكبير على #منصة_مدرستي وتغيير الارقام السرية من قبل المنصة (الساعه 5:51 ص) مما نتج عنه عدم تمكن طلبة المرحلة الابتدائية في جلاجل من حضور الحصة الاولى اليوم ؟

@anzaroot1 قد يكون من ضمن الفعاليات السياحية ،،، كفرد ما اتوقع فيه نظام يخلي دورية ترافقه في كل منطقة ،، بالنسبة لي اشوف انه ازعاج و كأنه سوا شي فريد !! يمشي و ياكل و يركب ولا فيه أي مغامرة تذكر

مافهمت اللي كذا وش يستفيدون وش المغزى من ذا كله غير انك أشعلت الحكومة وراعي الدورية يمشي وراك بدون اي فايدة تذكر !

@kalshrhan اكوها

الان غسلت الكوسه وش الخطوة الثانية عشان مشتهي اسوي محشي

@Jk19364908 عندي عدة ملاحظات بسيطة و ترا من زواية متسعه @asirmunicipal @AJali_2030 1- كثير من الشوارع الرئيسية محفرة ولم يتم علاجها * طريق الملك فهد بالاتجاهين 2- بعض الأرصفة " مقالب " سوء تنفيذ + سوء اختيار رغم حداثتها 3- عمال النظافة في الشوارع تم اخيار ألوان ملابسهم بنفس لون الشارع !

معالي الأمين عنده أسلوب سلس في الكلام، ويتميز بأخلاق عاليه، هذا يعلمه كل من تعامل معه.. لكن الواقع يشهد بأن فترته شهدت أكبر تباطؤ في تاريخ الأمانة في أعمال الخدمات الأساسية كالزفلته والدهانات والأرصفه، والخدمات البلدية في الأحياء بالجملة ضعيفة ضعف لم يسبق في تاريخها.. معاليه اسبتدل الإنجاز بالظهور الإعلامي، وهذه من مصائب الأهالي في منطقة عسير وخاصة قطاع أبها كونه مرتبط بالأمانة بلا بلدية خاصة. الواقع وآراء الأهالي ومعاناتهم اليومية تشهد بخلاف ما يظهر إعلامياً.. معاليه يعلم أن المواطن يعلم بأنه يعلم أنه غير راضي عن الخدمات البلدية، وليس غير راضي فقط، بل لم تشهد المنطقة تباطؤ في الخدمات البلدية الأساسية فضلاً عن ارساء مشاريع نوعية كفترة معاليه.. هل سبب ذلك عدم توفر ميزانية مثلاً او كفاءة الإنفاق مثلاً ؟ هناك أمانات مجاورة تفتح مشاريع مليارية . خذ أمانة جازان قبل أشهر بسيطة دشنت مشاريع بحوالى ٦ مليارات.. من حق المواطن في منطقة عسير أن يسأل : هل معالي الأمين يطالب ويلح على الوازارة وكفاءة الإنفاق ويسعى لجلب الاعتمادات أم يكتفي بالرفع فقط؟ لماذ هناك أمانات لديها مشاريع نوعية مليارية وأمانة عسير بلا مشاريع نوعية ؟ بل وصل الأمر لحد ضعف أعمال اعادة الزفلته والأرصفه والإنارة؟ أذكر أن معاليه صرح قبل سنتين تقريباً بإعتماد ميزانية تبلغ ٦ مليارات لأمانة منطقة عسير، وصرح وقتها بأنها أكبر ميزانية في تاريخ الأمانة ! فماذا حصل ؟ أين المشاريع؟ رأيناها في جازان التي أصبحت ورشة عمل؟ معالي الأمين وفقه الله يتعامل مع المنطقة بمنطلق استثماري، متناسياً أن مهمة الأمانة توفير الخدمات البلدية وأن هناك وزارة أخرى خاصة بالاستثمار هي وزارة الاستثمار.. استمرار المسؤول في منصب المسؤولية بلا انجازات، فقط ظهور اعلامي، يدفع ثمنه الملايين من الأهالي والملايين من الأجيال القادمة .. أمانة منطقة عسير بلا انجازات، وخدمتها للأحياء ضعيفة واقع نشاهده ويشاهده الجميع، ومعاناة المواطن تزداد مع الصيف والمواسم بلا حلول البته، ندور في نفس فلك الخطة المرورية الفاشلة منذ سنين ولا مجيب.. نشكر معاليه من باب احقاق الحق على مشروع كبري تقاطع المطار مع الميه .. نتمنى في المرة القادمة أن نبرز انجازات طالما حلمنا بها لجودة حياة نفتقدها مع حياتنا اليومية، وسنبرزها ونفاخر بها . حالياً، كل من قدم على خدمة الرد واحد: في السرى حتى تتوفر ميزانية، وهذا الأمر سنين حتى تهالكت الأحياء وأصبحت في حال يرثى لها . أما وزير البلديات والإسكان فيكفي أنه زار عسير في الصيف ليزور مواقع مطاعم وكافيهات، وبعدها نزل لحازان يفتتح ويدشن مشاريع بحوالى ٦ مليارات.. هذا حظنا منه وياعيني حظنا تعبان .. ودمتم ..