آل

ما جابتك سود الليالي ، والأيام أنا أعرفـك من قبلها لو تْدقق متأكد أني كنت اشوفك فـ الأحلام الواضح أنك كنت حلم وتحقق - سعود بن مبارك

شكيتك عليك البارحة والسبب كوبلية على صوت ذكرى بعد غنت وش أخباري على حطة ايّدك يعتريني ضباب التيِّه ألملم بقايا قوتي .. وادفن أسراري تمنيت اجسّ القلب مع جرحك اللي فيه واغْسله مثل ما تغسل التوبة أوزاري مادامك تبي تبكي على اللي مضى ها ليه؟ تخليني اكحل رمشك الترف بْشعاري

ياونيسة قلبي العفو قدر المستطاع والعذر فـ الحب قسّم الطليق مْن الأسير الوساع اللي مضاريبها فيني وساع من رضى بدموعها الغالية مافيه خير حبك اللي كف نفسي عن دروب الضياع لايوردني على الموت فـ الفصل الأخير كِثر خيرك في فقيرٍ لقى الدنياء متاع واغتنى من بعد حبك وصار "أغنى فقير" - سعود بن مبارك

حبايب القلب قلبي لا تلومونه تراي أحسّ بوساوس حزن متّحده واضحك ليا احدٍ نشد عن حالي شلونه ماهيب ضحكة وناسة ضحكةٍ جحده واخاف من كل غندوره ومزيونه وما آداني الاجتماع،، اداني الوحده مجنون وامنيتي مْن الناس مجنونه وحده وراحت!! ماعاد ابغا ولا وحده

شعور الحنين اللي يجي كل ليلة عيد يلخبط شعور الفرحه اللي نصايدها اللي فاقد ٍ له بنت اكابر وشيخة غيد و قبل ما يعايد نص ربعه يعايدها يصوّت ضميري فـ الحشا كنه بن مهيد على الطلّه اللي فـ اول العيد فاقدها حلالاه ياذاك المعنّق و ذاك الجيد اليا علّقت فستانها و نقشت يدها :)

ياوليف الروح مع غيبتك ويش اسوّي العذر ماعاد ينفع و الوله متمادي احسبني طابت جروحي واثرني توّي في ملذات الهواء لا زال قلبي غادي قبل ماعرف الغرام و سيرته يا قوّي ومن عرفته لو اجيب العيد عندي عادي ياحبيبي من وصوفك كل شي يغوّي صرت أهيم بـ كل حاجه خل عاد الوادي ليت عندي صبر و عزوم و جهاز مقوّي ودّي ارفـع معنـوياتي و أزيـد عنـادي لو في صدري منصات الدفاع الجوّي كان مااستهدف سهم عينك صميم فوادي :)

ياهوى بالي ومطلوبي وكل امالي المشاعر بالمحبه والغلى جياشة ودي القط صورتك يوم تعرض في بالي لقطةً في خاطري ماهيب لقطة شاشة - عناد الشيباني

كسر خاطري ليل الفراق .. بـ معاناته وحرّك شعوري شخص ماهوب متواجد وانا العاشق اللي نبرة الحزن فـ ابياته تسلّط على المهموم .. وتثوّر الهاجد اعرف الهواء بـ دموعه وبـ ابتساماته ولا أعرف لذة عمري .. ألا وانا ساجد ترى كل شي .. ما ترضي الله بداياته نهاياته أبشع من بداياته .. بـ وااجد.

المهم أني فقدتك وشفت من العذاب اللي خلا خاطري ضايق و قلبي حزين ㅤ يا صوابي من غيابك ويا كبر الصواب مستحيل يردك الوقت أعرْف الوقت زين ㅤ حمّل كتوفي بـ حملٍ تثاقله الركاب من صواديف الليالي و صكات السنين ㅤ من سمعني قال شايب وانا لازلت شاب ومقتنع و الحمدلله رب العالمين

ماودي ادعي عليك ويقبل الله دعاي واشوف حالتك من عقب الدعا تندمر الله يغفر خطاك ويحسن الله عزآي عن كل لبيه بلساني وتآمر آمر اعذارك الكاذبة طوفتّها من وفاي لين اصبح العذر ماله خانه ولا ممر بغيب لي غيبتة ماهيب فتره وجاي لا والله اللي صدق .. غيبة عمر :)

كيف انتصر لأشواقي المظلومة والعقل يمنع كلمة المتكلّم !؟ كنت احسب انها وصلت المعلومة ! صوت المطر شكله ماعاد يعلّم !!

انا لا بغيت اسجّ عن صورتك جتني مع الطيف ولا علمك الناس ماجبته

دامك على حطّة يدي ( كلشن ) زين الموت لا كثرت عليك الايادي

كتبك ربي سبب حزني وانا راضي لا وصلك بـ هيّن ولا بُعدك بـ هيّن واعيني اللي تراجع صفحة الماضي من وجهك المستنير لعودك الليّن فيها من الشوق ( مايحكم به القاضي) وفيها من الحزن ما يجحد وهو بيّن

يا عين هلي صافي الدمع هليه وإلىَ انتهى صافيه هاتي سريبه يا عين شوفي زرع خلش وراعيه هذي معاويده وهذي قريبه يمرني ب الدرب ماقدر احاكيه مصيبتٍ و كبرها من مصيبه اللي يبينا عيت النفس تبيه واللي نبيه عيا البخت لا يجيبه

الكذب ماهو حل والصدق راحه و أكبر حرام ب سلمنا والعقيده ليه الوعود الزايفه والبجاحه و أنا رجل واضح وممشاي سيده الطير طيرك ليه تكسر جناحه أبطيت ماشفته وكفت غريده اهديتش الشهد الزلال وقراحه و كتبت لش من دم قلبي قصيده عندي سؤال وجاوبيه ب صراحه اللي بجوفك قلب والا حديده - سالم مقعد

الموقف اللي صار " بينك وبيني " حسّاس والوقفه تبي قلب حسّاس ..! من دون وجهي .. سقت مافي يديني وزودٍ عليها سقت وجهي على الناس

ليتنا ياصاحبي نقضي الدنيا شباب كان أعيفك المحبين قبلي وبعدي لكن اللي قدرته ماتغطيها السحاب خلت الأعمار تاقف والأيام تعدي أعرف أنك من تراب وماردك لتراب خلك اللي يخلق أنسان ويموت أجودي الوفا ف الحب مثل الأمانة في الرقاب ملتزم فيها سنافي وخاينها ردي وأنت حاول تحفظ الود ياسمح الجناب مثل ما بلادك تحفظ الجميل ل بلدي لاتغيرك الليالي ويغريك الغياب وتحداني والجفا منك حاديني حدي نبض قبلي يوم ودا ونبض قلبي يوم جاب مايقول إلا عسى الله يسامح ويهدي عد غلطاتك على يدك وأحسبها حساب إنسها ومسامحك وأذبح لنفسك فدي كود ذيك الغلطه اللي تعاب وتستعاب غلطةٍ ضيعت عمري وراها وجهدي طعنةٍ من سيف عنتر ومن شلفا ذياب تنتهي بين الضلوع القصار وتبتدي ماهقيتك يوم الأجساد تسترها الثياب بالجفا عريت صبري وعريت جسدي ليه وأن اللي عشانك تحديت الصعاب وفي دروبك متعب اقدام رجلي بالعدي إن ضواني الليل سريتها بليا ركاب وإن نويت سهيل وجهت وجهي للجدي من عذابي كل خطوه وخطوه من عذاب الليالي سرمديه ودربك سرمدي وين أيمم شوف عيني وأنا أخيلك سراب كل ماضميت زولك تلاشى من يدي مذهب حالي ب طاريك يامال الذهاب مابقى في القلب من سبتك عرق ندي إن نسيتك ف اعرف إني موارى ف التراب وإن تذكرتك عسى الله يسامح ويهدي وإن تعدتك المشاريه وأخطاك العتاب أعرف إن منت ب سنافي ولا انت اجودي - مطلق بن شويه

دامني وياك لا قامت الدنيا تدور قل لها دوري ولفي وقومي وأقعدي

يالله استرني بـ سترك يالعظيم الباري عن هروح الشامتين و شرهة المتشرّه البنادم دون سترك والله انه عااري لو يحسب الستر ثوب ٍ يلبسه و يزرّه نفسي الاماره أغواها ابليس اجباري والندم ينهش طوارف كبدي المحترّه تكثر اخطائي و يكثر بعدها استغفاري وارجع اخطي وارجع استغفرك ثاني مرّه :)