رونق المحاماة حساب احتياطي - الاستشارات القانونية

لمن يريد الاستشارة والمراسلة بالخاص وتعذر عليه ذلك فيمكنه متابعتنا وطلب الاستشارة بتغريدة إذا كان لا يستطيع إرسال رسالة وسنقوم بمراسلته في أقرب وقت باذن الله ولكن بشرط قيام المستفيد بمتابعتنا لدعم حسابنا. ونسأل التوفيق والسداد والإعانة وأن يكتب لنا الأجر x.com/messages/compo…

@Askmuhami قد يكون يرغب في رد العوض عند رفع الزوجة دعوى فسخ عقد زواج

من الخاص📩 السلام عليكم اختي لها سنه ونص عند بيت اهلي متفقه هي وزوجها على الانفصال لكن رافض يطلق يقول هي خلوها ترفع للطلاق بحجه انوا مو فاضي عندها ولدين وبنت مابين 19 و20 سنه عند ابوهم .. ايش الاجراء المتبع وليش يبغاها هي اللي ترفع بالطلاق

الأم لها نفقة الأبناء وهي أقل الكفاية لسد الحاجة وليست لأجل الإثراء و التوسع، و الأصل توفير مسكن لأجل الانتفاع طوعاً من المنفق ولا يمكن إلزامه بتسليم منزل معين يملكه وإنما طلب تسليم جزء من الإيجار بعد الطلاق وليس كاملاً عند عدم التوفير لأجل المحضون ورفع دعوى أجرة سكن عند وجود عقد إيجار إلكتروني باسم الحاضنة ويكون الأجرة للطفل المحضون فقط وليست للأم ولا تزيد عن ربع عقد الإيجار إذا كان لديها طفل واحد والغالب أقل من ذلك وإذا كانوا اثنان فأكثر فلا يزيد عن النصف غالبا ولا يتم دفع الأجرة إذا وفر السكن أحد لها و لأبنائها دون عقد رسمي باسمها مثل أهلها، ويتم رد الدعوى مادام لديها مسكن مملوك لها حسب نص المادة ١٩ من اللائحة التنفيذية النظام الأحوال الشخصية: لا يستحق الحاضن نفقة سكن للمحضون إذا كان أيٌّ منهما يقيم في سكنٍ مملوك أو مخصص له، أو كان الحاضن يسكن تبعاً لغيره. ويراعى فيما سبق مصلحة المحضون

من الخاص📩 السلام عليكم متزوجه وعندي ٣ اطفال راتب زوجي ١٣ الف وابغا اتطلق لاسباب كثير ( ابغا اعرف هل يستاجر شقه ويصرف عليهم ) ابغا اعرف حقوق اطفالي واللي لي واللي عليا

@Askmuhami لابد من علاجه و ننصح بإيداعه في مستشفى الأمل و الصحة النفسية "إرادة" من مصحات العلاج من الإدمان. ويمكن التواصل مع @Mokafha_SA على الرقم 995 واللجنة الوطنية لمكافحة المخدرات #نبراس @NebrasNCNC على الرقم 1955 . و استشارة المختصين في الإدمان و العلاج السلوكي و الارشاد الزواجي

من الخاص📩 السلام عليكم افيدوني يا محامين جزاكم الله خير بعد ماكان زوجي يشرب الكحول فقط ووقفت معاه وساعدته بالعلاج والحمدلله تركه فترة يمكن ٧ سنوات تقريبا وصار بيننا اصلاح رسمي بالمحكمه لاني طلبت انفصال وتعهد مايرجع له الان لي فترة شهرين اشك في تصرفاته واتصالات مسنمره هو واحد اخوانه ، فتحت جواله لقيت محادثة سناب بينهم يتعاطون حبوب لهم ٥ شهور ويتكلمو عن الجرعات مره ٢٥ مره ٥٠ ويغيبو عن البيت والحجه دوام انا لي ٢١ سنه متزوجه وعندي ٣ بنات وولد واكلت من الاذى لين امين عشت هاذي السنوات اصلا جهاد وقلق وادافع واحمي لانه عصبي لكن حاليا اي احد ينكشه يصير وحش ، هل انا متضرره لو ارسلت المقطع للشرطه او المحكمه لفسخ النكاح عشان صورت المحادثه لكن احتاج المقطع دليل

@Ask_Muhami إذا كان له جهد في ذلك و حسب الشروط الواردة في عقد أتعاب المحاماة

— من الخاص 🎙️ السلام عليكم إذا وقعت مع محامي على أتعاب محاماه بس باقي ماسويت الوكالة وانحلت القضيه ودياً حاليا المحامي له حق يطالبني بقيمة العقد ؟؟

@Ask_Muhami يحتاج عقد جلسة واحدة

— من الخاص 🎙️ السلام عليكم عندى حكم فى قضيه عماليه على ناجز ورفعت طلب تصحيح الحكم لان مبلغ الحكم فى غلط عند كتابته كتابيا أما الرقم صحيح هل الطلب بيتاخر فى التصحيح وهل هناك جلسات بحضرها لتصحيح الحكم ام لا

@Askmuhami دعوى القرض بخصوص استرداد التحويل مالم يتم إجراء المقاصة القضائية من المحكمة عند إقرار الزوج بالدين

من الخاص📩 السلام عليكم اختي تزوجت ولد عمي عن حب وهو كان توه عليه ايقاف خدمات ومشاكل ماليه اختي هي دفعت المهر وسجلته انه من ولد عمي كمهر ولكن بعد الزواج بشهور رفع ولد عمي قضيه طلاق لاختي وطلب المهر .. اختي كاتبه ورقه عند محاميه انها اعطت قرض لزوجها بقيمه ا 30 الف وموقع عليه الزوج .. هل الورقه كفيله انها تربح القضيه ؟ او فيه اجراءات افضل لأختي ؟

@Ask_Muhami سدايا @SDAIA_SA و الهيئة الوطنية للأمن السيبراني @NCA_KSA

— من الخاص 🎙️ السلام عليكم لدي بكالوريوس شريعة وماجستير قانون (قوانين سيبرانية )ابتعاث وخبرة في الشركات أربع سنوات قبل الماجستير المشكلة تخصصي جديد ونادر ولاأعرف وين اتجه اللي عنده معلومة يفيدني جزاكم الله خير

@Askmuhami لا يترتب على تكذيب الآخرين دعوى في الحق العام ولا تقبل النيابة العامة ذلك و يتم رفع دعوى تعويض فقط

من الخاص📩 السلام عليكم انا تناقشت مع واحد في x وقلت له أنت كذوب وقال اشتكيك رغم إني والله كان من باب طقطقة وحاولت اعتذر منه لكن قال موعدنا النيابة هل يترتب عليه شيء لو اشتكى بي

رفع شكوى نصب و احتيال مالي لدى مركز الشرطة بالحي، وتقديم صور الحوالة و المحادثات والحصول على الرقم الجنائي و رفع دعوى لدى المحكمة العامة وإرفاق رقم السجل المدني للمدعى عليه. ويلزم عدم الثقة بمن تدعي بأنها خاطبة " خطابة" في وسائل التواصل وعدم تسليمها مبالغ إلا بعد إنجاز المطلوب منها.

من الخاص📩 السلام عليكم حصلت في اضافات السناب اسم خطابه شيوخ ورجال اعمال كلمتها وقلت لها المواصفات وقالت طلبك موجود وحولي الحين الف ريال وبعدين الباقي اذا اتفقتو ، ارسلت لي رقم حساب في بنك محلي وتواصلت معي واتس باسم بنت انا طبعا مدري هل هي رجل او امرأه لان التواصل فقط بالسناب ، وبعد ماحولت سحبت علي وحذفت حسابها في السناب ،، انا طبعا مصوره المحادثات ورقم الحساب سواء في السناب او الواتس ، كيف ارجع فلوسي منها ، وهل ممكن تضرني بهالحواله ، وشكرا

هذه ليست وظيفة وهي من النصب و الاحتيال المالي، لأن الشركة لديها سجل تجاري ولا تحتاج استخراج السجل التجاري من الغير كما أن من الحالات المشابهة تلقي الحوالات المجهولة من أشخاص غير معروفين و تحويل المبالغ إلى حسابات أخرى تعتبر غسل أموال و قد يكون هناك نصب و احتيال ويترتب عليه عقوبات حسب نظام مكافحة الاحتيال المالي و خيانة الأمانة، و يلزم الحذر من مطالبة الأشخاص بأي حوالات تصل إلى الحساب المصرفي دون سبب مشروع و معروف. ويلزم مراجعة الشرطة وتقديم كل ما يثبت تعرضك للاحتيال و الاستغلال

من الخاص📩 السلام عليكم انا قدمت ع وظيفه من اعلان ف السناب والوظيفة عن بعد ورسلت كل معلوماتي لها لانها حلفت لي وبعدين تقولي اذ جاتك رساله صوريها لي المهم كل شوي يجيني كود وصراحه اعطيها بعدين جاني فتح محفظه في البنك باسمي وللعلم انا حسابي في بنك اخرى انا خايفه انهم نصابين ويلعبون من وراي ويدبسوني ف شي مالي صله فيه عشان كذا كيف اتاكد اذ يشتغلون باسمي او لا وكيف اعرف عن المحفظه؟ وادق ع الرقم الي مرسلين منه غير مستعمل ساعدوني الله يرضى عليكم.

@Askmuhami يتم رفع دعوى لدى لجنة المنازعات المصرفية

من الخاص📩 السلام عليكم عندي مبلغ محجوز في (المصرف الازرق) من 3 سنوات تقريباً ، بسبب بيع عملات رقميه (بيتكوين) ورافضين يرفعون الحجز عن المبلغ بسبب انه احتيال حسب كلام المصرف ، وبعد سنتين ونصف تاتي رساله من البنك ومفادها عزيزنا عميل المصرف: ونفيدكم ان المبالغ المحجوزة بناء على بلاغات احتيال أو مصدرها احتيال بعد التتبع سواء كانت واردة من حساب داخل المصرف أو حساب بنك محلي لايتم رفع الحجز عنها إلا بموجب أمر قضائي سعدنا بتواصلكم ونتشرف بخدمتك) السوال هل فيه محامي يرفع الحجز عنها واطالب بتعويض عن السنوات ؟

@bluehert @Askmuhami بمجرد عقد النكاح يتم رفع طلب لدى التأمينات و إرفاق عقد النكاح

@LawSplendor1 @Askmuhami يعني المفروض فوراً و في شهر العسل مراجعة الدوائر الحكومية للمطالبه بقطع راتب والدها المتوفى.

من الخاص📩 السلام عليكم انا كنت مستفيده من راتب تقاعد ابوي ، بعدها تزوجت و مازال الراتب يمشي ، بعدها ب سبع سنوات تم اشعاري بفاتوره علي يطالبوني بالمبالغ اللي كانت تصرف لي مع العلم ان زواجي مثبت في النظام و ما اخفيت اي معلومه و لا تلاعبت ، وش الحل لاني ما اقدر اسدد المبلغ ؟

@Askmuhami تظهر نتيجة رأي اللجنة الطبية في مسودة طلب الدعوى من ناجز

من الخاص📩 السلام عليكم انا رفعت شكوى على مستشفى خاص (خطا طبي) والموضوع اخذ اكثر من سنتين واخر تواصل معهم قبل شهرين قالوا لي ان تحولت لناجز مع انهم ماعلموني وش قرار اللجنة ولا احد تواصل معي ولا جاني شي من احد ولا ادري وش اللي بيصير الحين وهل الاجراء هذا صحيح اولا

@Askmuhami عند طلب الخلع أو فسخ النكاح فيتم سقوط المؤخر في العادة ولا يستحق مثل الطلاق

من الخاص📩 السلام عليكم الان المؤخر للزوجة متى يسقط عند خلع الزوجً او يبقى ثابت كما هو في عقد النكاح

يمكنك إنهاء طلب تنفيذ أجرة السكن لعدم الاستحقاق مادام لدى الحاضنة مسكن لها حسب نص المادة ١٩ من اللائحة التنفيذية النظام الأحوال الشخصية: لا يستحق الحاضن نفقة سكن للمحضون إذا كان أيٌّ منهما يقيم في سكنٍ مملوك أو مخصص له، أو كان الحاضن يسكن تبعاً لغيره. ويراعى فيما سبق مصلحة المحضون.

من الخاص📩 السلام عليكم انا مطلقه من سنوات ولدي ابنه صغيره وتدراس في الابتدائي قدمت نفقه من اربع سنوات ونص من ابوها وينفق عليه ونفقه على المسكن وانا الحين عندي بيت من الحكومه الاسكان اهل اقدر الغي نفقه السكن طبعا البيت الي من الحكومه ايجار والي كان ينفق عليه نفقت سكن كان ايجار على العموم انا ابي الغي نفقه المسكن ونفقه بنتي ومابي اخذ من ابوها فلوس استقطع انا مسجله بنتي معي بضمان وحساب المواطن وبصرف عليها منهم وابوها لو حب هو من نفسه يعطيها ولا كيفه كل هذا سويته لاني خايفه من الدين والذنب وعقاب ربي لاني انا اخذت من نفقت بنتي واعطيها منها بعد نتشارك النفقه لان ماعندي غير دعم الحكومه ونفقه وقلت بوقفها النفقه ودعم الحكومه حق بنتي بعطيها وحقي بجمعه وبرجعه لابوها على الي خذيته واذا كبرت بنتي بعطيها نفس المبلغ الي عطيته ابوها وكذا برتاح ماعليه دين اهل كذا وضعي كويس ولا بخذ ذنب اذا قطعت نفقه على البنت وادعولي ربي يجزاكم خير

@Askmuhami لو كانت إقامة العامل سارية فيمكن تقديم بلاغ تغيب عن العمل وعليك طباعة تقرير مقيم من الجوازات يحتوي على رقم هاتف العامل والتواصل معه لتسوية وضعه و منحه خروج نهائي بعد ذلك و توقيع مخالصة عمالية معه

من الخاص📩 السلام عليكم أنا طليقي قبل ما انفصل عنه بسنه كنت ألاحظ انه يأخذ شنطتي وبوكي قسم بالله ما شكيت انه بيدبسني بكفالة عامل بنجلاديشي وحتى يأخذ جوالي ويتعذر يشبك لي نت قسم بالله والله على ماقول شهيد ما شكيت اولاً ولد خالي ثانيا ابو ولدي بعد سنه من الانفصال بعد رسايل الطلاق ومطالبة النفقه والحضانه بالصدفه تو اشيك على ابشر تبعي تفاجأت عامل باسمي وكفالتي من سنه يعني قبل الانفصال والان عام ٢٠٢٦ إقامته منتهيه واتوقع لا زال في السعوديه السالفه عدى عليها ٥ سنوات وانا منفصله عنه دلني تكفى ماعندي حق محامين يساعدوني وش الطريقه حسبي الله ونعم الوكيل

@Askmuhami قد يكون تم الاعتراض لدى اللجنة العليا للاعتراضات على الحوادث و تم تغيير تقرير الحادث و نسبة الإدانة ويمكنك رفع دعوى تعديل النسبة ضد الطرف الآخر لدى الدوائر المرورية في المحكمة العامة

من الخاص📩 السلام عليكم انا صارلي حادث من ٤ شهور والغلط على الطرف الثاني ١٠٠ واستلمت التعويض وصلحت السياره وتفاجأت بشركة التامين تدق علي بعد ٤ شهور يبون فلوسهم لانو النسبه تعدلت دخلت نجم أشوف إلا فعلا صارت علي ١٠٠ طيب م كلموني ولا قالو انو في اعتراض ولجنه ولا سمعو أقوالي ولا شي ف كيف عدلو النسبه من عليه ١٠٠ إلى علي ١٠٠ ووش السواه مع شركة التامين ولمن أتوجه عشان النسبه مع العلم م يمديني ارفع اعتراض لانه مو على الحادث ٤ شهور

@Askmuhami عليك اللجوء إلى أخصائية في الارشاد الزواجي وعدم تكبير الأمور فمادام أعطاك هدية ثمينة فماهي الحاجة إلى مبلغ ١٠٠﷼! وقد تحتاجين إلى العلاج النفسي و السلوكي لتخطي الأزمة النفسية التي تعانين منها.

من الخاص📩 السلام عليكم اش رايكم في زوجي 18سنه وانا مخلصه ومحبه واولى اولوياتي ويشهدالله اني طيبه واتغاضى واتنازل عن كل شيء ومااقصرباي جهدولااي موقف يسانده وصاربينا في السنه الاخيره خلافات ومشاكل كبيره وتعبت وعانيت من اموركثيره معه الله وحده يعلمها لين تدمرت نفسيتي وصرت انسانه ثانيه وهوعايش دورالضحيه ويتهرب وينكر ويسولف مع واحدمن اخوياه وقاله جب لها طقم ذهب وبترضى وجاب لي طقم ب9000 وبعدها سويت عمليه ولاجاب حتى علبة عطر رغم انه مبسوط مادياً جداً وتناقشنا على موضوع وقلت له ماقدرت تجبرخاطري يوم سويت العمليه لو بمية ريال الشيء اللي مايجي في وقته ماابي والله لو اني انا لوكنت انسلفها او ابيع من ذهبي اني مااتاخر في المواقف اللي مثل كذا ولو ماعندك شيء عذرتك قال توي جايب لك هديه ولاكني جبت لك شيء وانصدمت انا انه يبغى شكروثناء وانسى اللي صار ربي يعلم كبرالمعاناه والالم والشيء اللي جاني قلت يعني ماجبته اعتذارالمفروض ماعدتجيب طاريه وحسيت اني اتالم وماهومدرك ولاحاس ولانادم على شيء وحولت له قيمته وحلفت منها وقلت والله ماابيه ولاابي اي شيء ربي بياخذ حقي منك المشكله يحاول يقلب الامورعليه ولاهوحاس بحجم الاموراللي صارت وكل مره

@SALIFATI9 عليك اللجوء إلى أخصائية في الارشاد الزواجي و تلقي الحلول للحزن و التوتر الذي لحق لك وكذلك طرق تقويم سلوك الزوج

#سالفتي اكتشفت أن زوجي يخونني مع وحده متزوجة وكان يرسل لها هدايا سبحان الله أراد الله أن يفضحه لي ترك جواله الثاني مع بنتي الصغيرة وفجأة جت اشعارات لما فتحتها اكتشفت بلاوي ما كنت أتخيلها أكثر شيء يقهرني أني طوال الفترة الماضية كنت ألتمس له الأعذار كنت أشوفه متغير علي وأقول أكيد مضغوط من الدوام وأحاول ما أطلب منه أي شيء مراعاة لظروفه وأنا ما أدري وش كان يسويه من وراي أقسم بالله إني في هم ما يعلم به إلا الله ابي أتكلم مع أي أحد لان احس داخلي مخنوق دعوت عليه وفوضت أمري لربي لكن إلى الآن أحس قلبي ما برد وما أدري وش أسوي كل يوم أبكي وكل هذا الألم كان بسببه وجهوني تكفون.

@Ask_Muhami المتضرر هو من يراجع مركز تقديرات الحوادث و يستخرج التقدير و يقدم المطالبة لدى شركة التأمين الخاصة بك

— من الخاص 🎙️ السلام عليكم انا صدمت والخطأ علي 100 % هل احتاج اروح تقدير الحوادث او لا تاميني شامل اصلاح ورش معتمدة نجم قال لي ما تحتاجين وانا صراحة معرف اول حادث لي ؟