Logos

لكل شخص مستجد بالجامعة أهم قاعدتين الاولى سكر فمك جبت فل مارك سكر فمك ذاكرت المنهج سكر فمك سويت انجاز سكر فمك خليك غامض مو الجميع يتمنى لك النجاح والثانية لا تسمح أحد يستغلك لا بمشروع ولا بواجب ولا بمذاكرة ولا بتطوع بالجامعة طاقتك اللي بتهدر هنا وهنا بدون استفادة انت اولى بها

لفتة جميله، من أكثر ما أراه في العيادة أن كثيرًا منا لا يحتاج إلى تغيير حياته بالكامل، بل إلى إيقاع بسيط يخفف فوضى اليوم. الروتين ليس قيدًا، ولا يعني أن تكون كل أيامك مثالية. لكنه يمنح العقل شيئًا يتمسك به عندما تزدحم الأفكار أو تقل الطاقة. حتى العادات الصغيرة التي نعود إليها كل يوم… قد تصنع فرقًا كبيرًا في شعورنا بالراحة والإنجاز، وتذكرنا بلطف أن نعتني بأنفسنا ✨👌🏻

الكاتب السعودي الكبير غازي القصيبي: المشكلة ليست في قسوة الحياة، بل في توقعاتنا الرومانسية عنها ." نحن لا نتألم لأن الحياة صعبة، بل لأننا رسمنا لها صورة غير حقيقية، تخيلنا أنها ستكافئ النوايا الطيبة فورًا، وأن الجهد سيُثمر دائمًا في موعده، وأن الناس سيتصرفون وفق ما نستحق لا وفق ما هم عليه، وعندما تصطدم الصورة بالواقع، تنكسر توقعاتنا. الحياة لم تعدنا بالعدل الفوري، ولا بالراحة الدائمة، ولا بالنهايات السعيدة المصممة خصيصًا لنا. هذه أفكار تسللت إلينا من القصص، ومن لحظات النجاح التي نراها دون أن نرى خلفها سنوات الفشل، ومن رغبتنا العميقة في أن يكون العالم أكثر لطفًا مما هو عليه. القيمة الحقيقية هنا أن النضج يبدأ حين نفصل بين "ما نتمناه" وبين "الحقائق". حين ندرك أن الألم جزء من المعادلة، وأن الخذلان احتمال وارد، وأن الطريق لا يمهّد نفسه لأحد، عندها فقط تتحول الصدمة إلى وعي، والشكوى إلى مسؤولية، والانكسار إلى صلابة. توقعاتك هي عدستك، إن كانت حالمة أكثر من اللازم، ستُضخّم الخيبات، وإن كانت واقعية، ستُحسن قراءة الأحداث ."

@xi99ol هههههههههههههههههههههههههههههههههههههه

طريقة انهاء النقاش بحركة وحدة غير متوقعه

كلامك عين الصواب، واسمحي لي بـ«اعتراف» شخصي: بعد تشخيصي المتأخر، ومع أول تركيز حقيقي على نفسي، صرت أحيانًا أحس إني طفل يتعلم من البداية. مو لأن التشخيص صغّرني؛ لأنه أعطاني لغة كانت غائبة عني. رجعت أشوف علاقاتي السابقة بأثر رجعي، وفهمت نمطًا ظل يتكرر، وفهمت حدّتي، وليه كنت أعطي فوق طاقتي ثم أخرج مستنزفًا. التشخيص المتأخر ما يضيف اسمًا إلى ملفك فقط؛ أحيانًا يعيد ترتيب سرديتك عن نفسك كلها. الماضي ما يتغيّر، لكن اللغة اللي تقرأه بها تتغيّر. كأن أحدًا سلّمني ترجمة حياتي بعدما قرأت معظمها بلغة ما كنت أفهمها. عشان كذا، من كم شهر أوقفت التواصل المباشر بكل صوره. ما كان كرهًا للناس ولا عقابًا لأحد؛ كان وقفة تدريب. صرت أصيغ لنفسي معايير جديدة: من يدخل حياتي؟ إلى أي مسافة؟ ومتى أقول: «هذا فوق طاقتي» من غير ذنب؟ لأن العودة بالأدوات القديمة تعني إعادة الحكايات نفسها، حتى لو تغيّرت الأسماء. وكل من سألني تقريبًا: «وين مختفي؟» ختم سؤاله بطلب. وقتها فهمت أن بعض الناس ما افتقدوني أنا؛ افتقدوا النسخة المتاحة مني، اللي ترد وتنجز وتحتوي مهما كان وضعها. وأنا متفق أن الإنسان كائن علائقي، وأن العزلة الطويلة ما تصلح وطنًا. لكن المسافة المختارة تختلف عن الوحدة المؤلمة. الحمد لله، أنا مو زعلان من وجودي وحدي: حفلة ما يكون معي فيها أحد، تمشية بسيارتي وأنا أسمع أغانيي، جلسة كتابة، مسلسل أو كتاب. هذه مو غرفة انتظار لين يجي أحد؛ هذه حياة كاملة أعرف أعيشها. ثلاثون سنة وأنا أُستنزف بلا بوصلة حقيقية لفهم طريقة عمل مخي. واليوم، بعد ما ذقت الراحة، ما راح أسمح لأي استنزاف يرجع إلا إذا كان عندي له حمل وطاقة، وبقراري. وبرجع للناس ولصداقاتي أكيد؛ لكن عبدالله اللي بيرجع هذه المرة يعرف أين ينتهي هو وأين يبدأ الآخر، ويعرف كيف يحب الناس من غير ما يهجر نفسه بينهم. #ADHD

@Sakinhub محمد انت عايش معنا ولا عايش بكوكب زمردة ولا تدور تفاعل ؟

عجزت افهم هوس الناس بالرواتب العالية وكأنها صارت معيار لنجاح الشخص من فشله دامك ساكن آكل شارب وبصحة جيدة ودخلك الشهري ماشي لا تربط نجاحك بالفلوس ❌ لأن النجاح الحقيقي بالأشياء التي لا تشترى!

@saleh_8z النوم والصحة يتعارضون ؟ هم شيء واحد الاهل كل يوم ساعة الى ساعتين ممتازه الدوام ايام الاسبوع والعلاقات تقدر تحافظ عليها وتطلع مع الاصدقاء نهاية الاسبوع كذا بتكون متوازن

بالغالب تخسر شي اذا تبي ذي كلها يا وقتك مع اهلك او صحتك او نومك او دوامك او علاقاتك الا لو لعبتها صح وخليت لكل يوم شغله معينه وقسمتها صح مثل ويكند اهل واصدقاء واياك الاسبوع نصها رياضه ونصها التزامات كذا ممكن تطلع باقل الخسائر

@Zvalc طيب فعلاً الهطوف حقين الابراج تعني لهم اللوحة

جنون ياحقين حراج. يدخل بأي اهتمامات وكل شيء بس عشان يقنعك ان لوحته تسوى

@Abdullah_kfupmm @STOK5k @Strictlyacurate ان شاءالله منت بذكاء واحد في بيتكم

@STOK5k @Strictlyacurate راتبه حول 500 الف وانت تقارنه بحساب المواطن 500 ريال وش المقارنة الغبية هذي

تراه شيء يضيق الصدر ليش مبسوطين ماعندنا غيره

@STOK5k @Strictlyacurate الله يرزقه 😂😂😂😂

@Strictlyacurate تنظرون الى الكاس الفارغ وتتركون المليان احمد الله انت لو قدمت على حساب المواطن والضمان يقبلك بس هو لو قدم ما يقبلونه فانظروا الى الكاس المليان وترك الفارغ ..من يدرك أن لديه ما يكفيه، فهو غني حقاً"

@roovbr جزاك الله خير… ايضاً لو تعلمينها كيف تخلي ولدها يبحث عن المصادر بنفسه عن طريق قروبات المناقشة في التليقرام عن اي اختبار بيدخله ويسأل هناك من سبقوه بحيث يكون قادر على البحث عن المعلومة بنفسه ( لا تعطِني سمكة، بل علّمني كيف أصطاد )

لو قضيت ثلاث أيام تعدل نومك مو خسارة وقت، يومك بعد التعديل بيصير يعادل ثلاث أيام.

@xi99ol شيء مخزي والله انها تلجأ للسواق ولا تلجأ لابوها

الحين صدق عليها مخالفة لو السيارة طفت من البنزين وكم ؟

@realjawadr اذا انت من النوع اللي يسّوف ومايذاكر الا تحت ضغط ادخل معهد ( لانهم يعطونك واجبات واختبارات… ) فتضطر تذاكر اما اذا تقدر تذاكر بشكل مستمر بدون ما تتعرض لضغط يخليك ماتسّوف فتعلم ذاتياً

يا اخوان بالله فيدوني اللي عنده إفادة 🙏🏽 اتعلم لغة ذاتيًّا ولا ادخل معهد؟ وليش؟ واللي عنده تجارب يرسلها لي وما ابي كنتاكي

@0qbdp0 @irevalx التقسيم ذا نظري وغير واقعي في اوقات ضايعة مثل ساعة عشان تتجهز وتروح الدوام وساعة عشان ترجع البيت وتسترجع طاقتك شوي يعني في اوقات غير مرتبطه لا بساعات العمل ولا النوم ولا وقت رفاهية لك

@irevalx ثمان ساعات شغل ثمان ساعات نوم ثمان ساعات وقت لك =24 ساعه نظموا اوقاتكم كل العالم يكرفون ولاقين وقت يعيشون فيه ويمارسون حياتهم ويجددون طاقتهم

الموظفين اللي يشتغلون ٨ ساعات كيف يلقون وقت للنوم الكافي-الرياضة-الإلتزامات الشخصية بدون مايطير الوقت وتنامون لليوم اللي بعده انا متدربة وقاعده انتظر اجازتي عشان اعيش

@fat3im5 @aljbyr71315 عليها رسوم ؟

@aljbyr71315 تقدر تطلب بطاقة جديدة وبتقدر تغيرها كذا

الابقريد الي صار لوجهي مو طبيعي المشكله ما أتوقع اقدر اغير صوره بطاقه الجامعه 🥲