National Democratic Movement

شمالی وزیرستان: نیشنل ڈیموکریٹک موومنٹ پختونخوا کے سیکرٹری اطلاعات جمال داوڑ نے گاوں حسوخیل کے مشران کیساتھ نشست کی۔ مذکورہ مشران دریا ٹوچی کے سیلابی ریلوں سے عوامی املاک کو بچانے کیلئے حفاظتی پشتوں کی تعمیر کیلئے میدان عمل میں ہیں۔ جمال داوڑ نے انکے کردار کو سراہا اور ہر ممکن تعاون کے ساتھ ساتھ بھر پور ساتھ دینے کی یقین دہانی کرائی۔ جس پر گاوں کے مشران نے پارٹی وفد کا شکریہ اور حمایت پر اطمینان کا اظہار کیا۔

ملي جمهوري غورځنګ سينيئر رهنما افراسياب خټک د شهيد استاد میر اکبر خيبر د ۴۸م تلين په مناسبت له افغانستان انټرنشنل سره مرکه. youtu.be/NG8t1HxXSq4?si

کوئٹہ: نیشنل ڈیموکریٹک موومنٹ کے صوبائی چیئرمین احمد جان خان نے بلوچستان اسمبلی میں اپوزیشن لیڈر میر یونس عزیز زھری کے چیمبر میں مائینز اینڈ منرلز ایکٹ 2025 کے خلاف نیشنل ڈیموکریٹک موومنٹ اور دیگر سیاسی پارٹیوں کا سیاسی اور عدالتی سطح پر جاری جدوجہد کے سلسلے میں منعقدہ اجلاس میں شرکت کی اور پارٹی کی جانب سے تجاویز پیش کی۔اجلاس میں فیصلہ کیا گیا کہ تمام سیاسی پارٹیوں کے قانونی ماہرین ایک مشترکہ ڈرافٹ تیار کرکے اسمبلی میں اپوزیشن پارٹیوں اور اپوزیشن لیڈر کے ذریعے حکومت کو پیش کرینگے اور اسی طرح عدالتی اور سیاسی و عوامی سطح پر اپنی جدوجہد جاری رکھیں گے۔

کراچی: نیشنل ڈیموکریٹک موومنٹ کے مرکزی چیئرمین محسن داوڑ کی سربراہی میں ایک وفد نے جمہوری وطن پارٹی کے صدر نوابزادہ شاہ زین بگٹی سے ان کے چچا نوابزادہ جمیل اکبر بگٹی کے انتقال پر تعزیت کی اور فاتحہ خوانی کی۔ وفد میں این ڈی ایم سندھ کے چیئرمین محمد شیر، مرکزی آرگنائزنگ کمیٹی کے اراکین ابراہیم خان اور اعجاز اسلم، جبکہ سندھ آرگنائزنگ کمیٹی کے اراکین نصیر احمد اور ایڈووکیٹ غفور شامل تھے۔

کراچی: نوجوانانِ مہاجر کے وفد نے چیئرمین زوہیب اعظم اور جنرل سیکرٹری عمیر مقصودی کی قیادت میں نیشنل ڈیموکریٹک موومنٹ کے چیئرمین محسن داوڑ سے ملاقات کی۔ ملاقات میں این ڈی ایم سندھ کے چیئرمین محمد شیر، مرکزی آرگنائزنگ کمیٹی کے اراکین ابراہیم خان اور اعجاز اسلم، جبکہ سندھ آرگنائزنگ کمیٹی کے اراکین نصیر احمد، ایڈووکیٹ غفور اور ابرار محسود شامل بھی موجود تھے۔ ملاقات میں موجود سیاسی صورتحال پر گفتگو ہوئی۔

پی پی پی (جنوبی وزیرستان لوئر) کے جنرل سیکرٹری عمران مخلص وزیر کا وانا سے اغوا انتہائی تشویشناک اور انتہائی قابل مذمت ہے۔ اس طرح کے تشویش ناک واقعات ریاست کی رٹ کے مکمل خاتمے کی عکاسی کرتے ہیں۔ حکام کو عمران مخلص وزیر کی فوری اور محفوظ بازیابی کو یقینی بنانا چاہیے۔

شمالی وزیرستان سے تعلق رکھنے والے ہمارے ساتھی سلمان لیاقت کے والد لیاقت مسیح کی وفات کی خبر سن کر رنج اور دکھ ہوا۔ ہم سلمان مسیح اور انکے خاندان سے تعزیت کا اظہار کرتے ہیں۔ ہماری دعائیں انکے ساتھ ہیں۔

ہم پشاور میں مفکورہ اور اس فورم سے جڑے سماجی شخصیات کے ساتھ ہونے والی ہراسگی اور حال میں حیات روغانی کی گرفتاری کی مذمت کرتے ہیں۔ سماجی اور کلچرل سرگرمیوں کا فروغ کسی بھی معاشرے کی ترقی کیلیے نہایت ضروری ہے۔ مفکورہ یہ اہم کام بہت ہی مشکل حالات میں سر انجام دے رہی ہے۔ ان کے خلاف بننے والے مقدمات اور ان کو ہراساں کرنے کا سلسلہ فوری طور پر ختم ہونا چاہیے۔ نیشنل ڈیموکریٹک موومنٹ مطالبہ کرتی ہے کہ صوبائی حکومت مفکورہ کو ملنے والی دھمکیوں کا فوری طور پر نوٹس لے اور ان کو تحفظ فراہم کرے۔

پشاور: نیشنل ڈیموکریٹک موومنٹ کے چیئرمین محسن داوڑ نے فرید طوفان کی زوجہ اور عوامی نیشنل پارٹی کے پختونخوا کے صوبائی جائنٹ سیکرٹری حامد طوفان کی والدہ کی فاتحہ خوانی کی اور انکی مغفرت کے لیے دعا کی۔

مسلم باغ: نیشنل ڈیموکریٹک موومنٹ کے صوبائی چیئرمین احمد جان خان، صوبائی آرگنائزنگ کمیٹی کے ممبر رحمت خان اور سلیم اولس یار، عثمان خان، حافظ عمر خان، نصیب اللہ نے پشتونخوا ملی عوامی پارٹی کے سابق صوبائی صدر شہید عثمان خان کاکڑ، زمان خان کاکڑ، منان خان کاکڑ، سلیمان خان کاکڑ، ڈاکٹر امان خان کاکڑ کی والدہ ماجدہ اور پشتونخوا نیشنل عوامی پارٹی کے چیئرمین، رکن قومی اسمبلی خوشحال خان کاکڑ کی دادی کے وفات پر تعزیت کرتے ہوئے مرحومہ کی مغفرت کیلئے دعا کی۔

کوئٹہ میں دہشت گردوں کے ہاتھوں بے گناہ ہزارہ محنت کشوں کو نشانہ بنانا گھناؤنا جرم ہے۔ انصاف کے مفاد میں اور مستقبل میں ایسے جرائم کی روک تھام کے لیے مجرموں کو کیفرکردار تک پہنچانا بہت ضروری ہے۔

کوئٹہ: نیشنل ڈیموکریٹک موومنٹ جنوبی پشتونخوا/بلوچستان کی صوبائی آرگنائزنگ کمیٹی کا اجلاس آرگنائزنگ کمیٹی کے چیئرمین احمد جان خان کی صدارت میں منعقد ھوا۔ اجلاس میں پارٹی کے مرکزی آرگنائزنگ کمیٹی کے جنرل سیکریٹری مزمل شاہ اور صوبائی آرگنائزنگ کمیٹی کے ممبران نے شرکت کی۔ اجلاس میں صوبے میں پارٹی کی سیاسی، جمہوری تنظیمی سرگرمیوں اور کارکردگی کی رپورٹ پیش کی گئی۔ جس پر اطمینان کا اظہار کرتے ہوئے آئندہ کے لائحہ عمل میں پارٹی کو مذید منظم اور فعال بنانے اور قومی، جمہوری، سیاسی، ثقافتی حقوق و اختیارات کے حصول اور پشتون، افغان ملت اور محکوم اقوام وعوام کو موجودہ اذیت ناک صورتحال اور تاریکی سے نجات کیلئے جدوجہد تیز تر کرنے کے سلسلے میں فیصلے کیے گئے۔ اجلاس میں پارٹی کے چیئرمین اور مرکزی قیادت کی ملکی سیاست، تاریخی افغانستان اور خطے کی صورتحال اور سیاست سے متعلق درست اصولی موقف اور جرات مندانہ کردار پر انہیں دادوتحسین اور مکمل اعتماد کا اظہار کرتے ہوئے کہا گیا کہ نیشنل ڈیموکریٹک موومنٹ اور اس کی قیادت کی اصولی سیاسی موقف اور جرات مندانہ کردار کی حقانیت ثابت ھوچکی ھے اور ملک، افغانستان اور خطے کی موجودہ صورتحال سے متعلق پارٹی کی درست سیاست اور موقف مذید واضح ھوئی ھے۔ اجلاس میں نیشنل ڈیموکریٹک موومنٹ کی ممبر سازی کیلئے مہم کا آغاز کرنے اور اس سلسلے میں کوئٹہ میں تقریب کے انعقاد اور اس میں پارٹی کے چیئرمین محسن داوڑ کی شرکت کا فیصلہ کیا گیا۔

بنوں: نیشنل ڈیموکریٹک موومنٹ کے صوبائی جنرل سیکرٹری ندیم عسکر، عمران وزیر اور رستم خان وزیر نے ڈرون کاپٹر حملے میں زخمی ہونے والا شمالی وزیرستان، میرعلی قوم خوشحالی سے تعلق رکھنے والا وکیل خان کی عیادت کی اور انکی صحت یابی کیلیے دعا کی۔

اعلامیہ این ڈی ایم صوبائی آرگنائزنگ کمیٹی کا اجلاس بشریٰ گوہر کی زیرِ صدارت منعقد ہوا جس میں قیادت نے شرکت کی۔ اجلاس میں ممبرشپ مہم کو تیز کرنے اور تنظیمی ڈھانچے کو مضبوط بنانے کا فیصلہ کیا گیا۔ صوبائی کابینہ کا انتخاب 25 تاریخ کو ہوگا۔

اسلام آباد: نیشنل ڈیموکریٹک موومنٹ کے سینئر رہنما افراسیاب خٹک نے عوامی ورکرز پارٹی کے زیراہتمام حق رہائش کانفرنس میں شرکت کی اور اپنے خیالات کا اظہار کیا۔ کانفرنس میں اسلام آباد میں کچی آبادیوں کو غیر قانونی طور پر بلڈوز کرنے کے خلاف آواز اٹھائی گئی۔

حالیہ بارشوں سے وزیرستان اور بالخصوص ودی شوال کے راستے بند ہو چکے ہیں۔ ہم عوامی نمائندے اور متعلقہ محکموں سے درخواست کرتے ہیں کہ ان راستوں کو فل فور قابل سفر بنانے میں اپنا بھرپور کردار ادا کریں۔

ایوب خان کے گھر پر دہشت گردانہ حملے کی شدید مذمت کرتے ہیں۔ ایسے حملوں کے ذریعے دہشت گرد اپنے پشتون دشمن کردار کو بے نقاب کرتے ہیں۔ یہ پشتون محبِ وطنوں کے خلاف گزشتہ 45 برس سے جاری دہشت گردی کی مہم کا تسلسل ہے، جس کا مقصد ان کی زمین اور قدرتی وسائل پر قبضہ کرنا ہے۔

سوات میں گزشتہ رات اے این پی کے رہنما ایوب خان کے گھر پر حملہ انتہائی قابل مذمت ہے۔ شکر ہے حملے میں کوئی جانی نقصان نہیں ہوا۔ پختونخوا میں لاقانونیت تیزی سے بڑھ رہی ہے۔ دہشت گردی نے ہماری سرزمین کو لپیٹ میں لے رکھا ہے۔

حالیہ شدید بارشوں اور سیلاب نے پختونخوا، خصوصاً ضم شدہ اضلاع میں حکومتی ناکامی اور ناقص کارکردگی کو بے نقاب کر دیا ہے۔ قیمتی جانوں کا ضیاع، گھروں کی تباہی اور متاثرہ آبادیوں کی مشکلات کے باوجود حکومتی ردعمل سست اور ناکافی رہا ہے۔ ریاست کی جانب سے مضبوط انفراسٹرکچر، قبل از وقت وارننگ سسٹمز اور مؤثر ایمرجنسی انتظامات کی عدم موجودگی سنگین غفلت ہے، جس نے قابلِ پیش گوئی موسمی حالات کو انسانی المیوں میں بدل دیا ہے۔ یہ صورتحال پہلے سے محروم اور نظرانداز شدہ علاقوں کی مسلسل پس ماندگی کو بھی ظاہر کرتی ہے، جو مفید پالیسی کی کمی اور سیاسی عزم کے فقدان کی نشاندہی کرتی ہے۔ ہم مطالبہ کرتے ہیں کہ متاثرہ خاندانوں کی فوری اور شفاف بحالی کو یقینی بنایا جائے، اور جانوں، گھروں، فصلوں اور روزگار کے نقصانات کا مناسب اور منصفانہ معاوضہ فراہم کیا جائے۔ ہم خیبر کے علاقوں میں سیلاب کے دوران افغان خاندانوں، خصوصاً خواتین اور بچوں کے ساتھ روا رکھے گئے مبینہ ناروا سلوک پر شدید تشویش کا اظہار کرتے ہیں۔ اس حوالے سے ذمہ داران کے خلاف تحقیقات ہونی چاہئیں۔ ہم بین الاقوامی انسانی ادارے، بالخصوص UNHCR سے مطالبہ کرتے ہیں کہ وہ ان واقعات کی تحقیقات کرے۔ ہم مطالبہ کرتے ہیں کہ ڈیزاسٹر کی تیاری اور ردعمل میں موجود خامیوں کی نشاندہی کے لیے ایک آزاد اور غیر جانبدار تحقیقاتی کمیشن قائم کیا جائے، تاکہ مستقبل میں اس قسم کی انسانی المیوں سے بچا جا سکے۔

نیشنل ڈیموکریٹک موومنٹ کے چیئرمین محسن داوڑ کی اعزاز سید کے ساتھ پختونخوا میں بڑھتی ہوئی بدامنی اور خطے کی موجودہ صورتحال پر گفتگو۔