देशभरि मच्याइएको डोजर आतंकले जनताको छाती मात्र होइन, उनीहरूको मुटु चिरेर रगत बगाएको छ ! आम नागरिकहरूलाई सडकमा अलपत्र पारेर उनीहरूको सपना, घरबार र जीवनलाई निर्मम रूपमा ध्वस्त बनाएको छ। रास्वपा र सरकार प्रमुख बालेन शाहको यो क्रूर, निर्दयी नीतिले गरिब, मजदुर र साना व्यापारीहरूको रगत र पसिनाले बनेको आश्रयलाई डोजरले कुल्चेर उनीहरूलाई नङ्ग्याएर सडकमा फालिदिएको छ। विकासको झुटो नाटक गर्दै बालेनले जनतालाई रोडमा ल्याएर अलपत्र छोड्ने र रास्वपाले यसलाई ताली बजाएर समर्थन गर्ने यो दृश्य अत्यन्त निन्दनीय, अमानवीय र फासिस्ट हो ! कुनै वैकल्पिक व्यवस्था, सूचना वा सहयोग बिना घरहरू भत्काउने यो काम मानवीय संवेदनाको हत्या हो। जनताको आँसु र व्यथालाई कुल्चेर सहर बनाउने अधिकार कसैलाई छैन ! रास्वपा र बालेनको यो डोजर अत्याचार जनतामाथिको खुल्ला युद्ध हो। यो नीतिले विकास होइन, विनाश, पीडा र निराशा मात्र बाँडिरहेको छ। हामी यसको घोर, तीव्र विरोध गर्दछौं ! तत्काल यो आतंक रोक्नुपर्छ, पीडितहरूलाई न्याय, क्षतिपूर्ति र पुनर्वास दिनुपर्छ। जनताको छातीमा डोजर चलाउने यी हत्याराहरूलाई इतिहासले कहिल्यै माफ गर्दैन !
