S.Qamar

لاہور میں آج اگر بھی کسی بزرگ، بچے یا راہ چلتے شخص سے کرشن نگر کا راستہ پوچھ لیا جائے تو وہ بغیر رکے بتا دے گا۔ چاہے نقشے میں وہاں اسلام پورہ لکھا ہو۔ دھرم پورہ اب بھی دھرم پورہ ہے، لکشمی چوک اب بھی لکشمی چوک۔ 19 مارچ 2026 کو وزیراعلیٰ پنجاب کے دفتر سے ایک پریس ریلیز جاری ہوئی جس میں کہا گیا کہ لاہور کے تاریخی علاقوں، سڑکوں اور بعض اداروں کے اصل نام بحال کیے جائیں گے۔ یہ واضح نہیں کیا گیا کہ یہ صرف اعلان ہے یا اس پر عملی کام بھی شروع ہو چکا ہے۔ خبر دلچسپ تھی مگر ہمارے ہاں اسے زیادہ توجہ نہیں ملی۔ شاید اس لیے کہ لاہور والوں کے لیے یہ کوئی نئی یا چونکانے والی بات نہیں۔ یہاں کئی علاقوں کے سرکاری نام دہائیوں سے بدل چکے ہیں مگر روزمرہ زندگی میں وہ کبھی رائج نہیں ہو سکے۔ مضحکہ خیز بات یہ ہے کہ بعض تبدیل شدہ نام خود لاہور والوں کو بھی معلوم نہیں۔ مجھے بھی اسی پریس ریلیز سے پتا چلا کہ لکشمی چوک کا سرکاری نام مولانا ظفر علی خان چوک رکھا گیا تھا۔ جین مندر کا نام بابری مسجد چوک ہے، یہ بھی ایک حالیہ دریافت ہے۔ اب اگر آپ یہ نام کسی رکشے والے کو بتا دیں تو عین ممکن ہے وہ چند لمحے آپ کو دیکھتا رہے کہ ’ایہہ پاغل تے نئیں‘۔ اب دو ماہ بعد یہی خبر انڈین میڈیا میں نمایاں انداز سے شائع ہوئی۔ وہاں اس کا زاویہ مختلف تھا۔ سرخیاں بنیں کہ پاکستان اسلام پورہ کو دوبارہ کرشن نگر اور مصطفیٰ آباد کو پھر دھرم پورہ بنا رہا ہے۔ گویا ایک ایسا ملک جس کی بنیاد مذہبی شناخت پر رکھی گئی تھی اب اپنے شہروں کے غیر مسلم ماضی کو دوبارہ تسلیم کر رہا ہے۔ انڈین میڈیا کے لیے یہ خبر حیران کن ضرور تھی کہ پاکستان میں تو الٹی گنگا بہہ رہی ہے۔ انڈیا میں گزشتہ برسوں میں متعدد شہروں، سڑکوں اور تاریخی مقامات کے نام تبدیل کیے گئے۔ کئی نام ایسے تھے جو مسلم ادوار سے وابستہ تھے۔ بعض تبدیلیاں مقامی زبانوں کی بنیاد پر ہوئیں، جیسے اڑیسہ کا اوڈیشہ بننا، مگر بہت سی تبدیلیوں میں سیاسی و مذہبی ترجیحات بھی نمایاں تھیں۔ اسی کارن اب سوشل میڈیا پر پاکستانی صارفین بھی یہی دو ماہ پرانی خبر پر حیرت کا اظہار کر رہے ہیں۔ وہی پرانی خبر جسے ہمارے میڈیا نے نظرانداز کیا۔ اس پس منظر میں لاہور کی خبر یقیناً غیر معمولی محسوس ہوتی ہے۔ مگر لاہور کو صرف مذہبی عینک سے دیکھنا ہمیشہ غلطی رہا ہے۔ یہ شہر مختلف ادوار کی تہذیبی تہوں سے بنا ہے۔ اس کے نام بھی اسی تاریخ کا حصہ ہیں۔ شہر کے نام محض شناختی تختیاں نہیں ہوتے۔ وہ اس بات کا ریکارڈ ہوتے ہیں کہ یہاں کون لوگ آباد رہے، کس زبان نے جنم لیا، کون سی ثقافت نے اثر ڈالا اور شہر نے کن زمانوں کو اپنے اندر جذب کیا۔ یہاں پاکستان میں مذہبی انتہا پسندی کے شدید مسائل رہے ہیں، مذہب کو سیاسی مقاصد کے لیے بھی استعمال کیا جاتا رہا ہے۔ لیکن اب وقت بدل رہا ہے۔ پنجاب کی شناخت بحال ہو رہی ہے اور اس کا دل لاہور پھر سے دھڑک رہا ہے! لاہور شاید اسی لیے اب بھی لاہور ہے!

حج اکبر کے موقعہ پر ملک گیر مذہبی منافرت کی منظم ہوا چلائی جارہی ہے۔روزانہ متفرق اضلاع سے نوٹیفکیشن دیکھنے کو مل رہے ہیں ہمیشہ کی طرح جماعت احمدیہ کو مذہبی مقدس ایام سے قبل ہی دیوار سے لگایا جارہاہے حالانکہ سپریم کورٹ سے 2022 کا فیصلہ موجود ہے

Be prepared, there is a small chance that our horrendous leadership could unknowingly lead us into World War III.