Safeer

سفیراللہ خان کے دست مبارک سے سفیر اللہ خان کے خود کے شعری مجموعے "دیے کی لو بچانا ہے" کا تحفہ کسی دعوت خاص یا پھر لسی ایوار ڈ سے کم نہیں۔ اور پھر پڑھنے کے بعد لگا کہ سفیر کی شاعری کیا ہے بس ایک بہتے دریا کی مسلسل لہریں یا پھر باد بہار کے مسلسل تازہ ہوا کے جھونکے۔ لیجئے انکی ایک نظم پڑھئے اور سر دھنیے۔ ایک سو چودہ صفحات کا یہ مختصر مجموعہ اگر آپ نے ابھی تک نہیں پڑھا نہیں، تو تازہ ہوا کے جھونکوں سے محروم ہیں۔ گیت مرتا نہیں گیت مرتا نہیں گیت کو کوئی بھی مار سکتا نہیں گیت مرتا نہیں، گیت کھو جاتا ہے آنکھ سے تھوڑا اوجھل ہوجاتا ہے جب کہیں شور توپوں کا چھا جاتا ہے کوئی فرعون منظر پہ آجاتا ہے گالیوں کے، دھماکوں کے اور سسکیوں کے کڑے شور میں احمقوں والے ڈبے کی اسکرین پر ہونے والے شور میں گیت ڈھے جاتا ہے گیت دب جاتا ہے، پر وہ مرتا نہیں شور مرجاتا ہے، شور بچتا نہیں بچ و سکتا نہیں اس نے مرجانا ہوتا ہے آخر کہیں گیت کی دھیمی لے، گیت کے میٹھے سر پھر سے اٹھتے ہیں اور اٹھ کے چھا جاتے ہیں پھر سے منظر پہ واپس آجاتے ہیں گیت مرتا نہیں گیت کو کوئی بھی مار سکتا نہیں۔