




Sushant Shelar
2.7K posts

@SushantAShelar
actor, Entertainer in Indian Marathi Film Industry.




















शिवसेना मुख्यनेते, उपमुख्यमंत्री मा.ना.श्री.एकनाथजी शिंदे साहेबांच्या मुख्य उपस्थितीत शिवसेना प्रणित “स्थानीय लोकाधिकार सेना महासंघ” स्थापना मेळावा आज मुंबई येथे मोठ्या उत्साहात पार पडला. यावेळी शिवसेनेचे ज्येष्ठ नेते, माजी खासदार श्री. गजानन किर्तीकर साहेबांची यावेळी महासंघाच्या अध्यक्षपदी नियुक्ती करण्यात आली. तर माझी कार्याध्यक्षपदी आणि श्री.अरुण मोरे यांची सरचिटणीसपदी नियुक्ती करण्यात आली. मराठी माणसाला रोजगार मिळवून देणे आणि त्यांच्या हक्कासाठी लढा देणे या हेतूने हिंदूहृदयसम्राट शिवसेनाप्रमुख बाळासाहेब ठाकरेंनी लोकाधिकार समितीची बीजे रोवली होती. हाच वारसा पुढे नेत ''स्थानीय लोकाधिकार सेना महासंघ” स्थापन करण्यात आला आहे. सर्व मराठी तरुणांना न्याय मिळवून देणारी, त्यांच्या हक्कांसाठी आवाज उठवणारी आणि रोजगारनिर्मितीसाठी मार्गदर्शक ठरणारी संघटना निर्माण करणे, हा यामागचा हेतू. आजच्या काळात शिक्षित मराठी तरुणांकडे अपार क्षमता असूनही त्यांना योग्य संधी आणि दिशा मिळत नाही. त्यामुळे लोकाधिकार संघाच्या माध्यमातून या तरुणांना रोजगाराच्या नव्या वाटा दाखविण्यासाठी प्रयत्नशील राहू. सरकारी क्षेत्रासोबतच खासगी क्षेत्रात देखील संधी उपलब्ध आहेत आयटी, एआय, उत्पादन उद्योग, आणि नवतंत्रज्ञानाच्या क्षेत्रात मराठी तरुणांना सक्षम स्थान मिळवून देण्यासाठी आपला महासंघ प्रयत्नशील राहील असा विश्वास यावेळी व्यक्त केला. मराठी कुटुंबांना त्यांच्या हक्काचे घर मुंबईत मिळवून देण्यासाठी सातत्याने संघर्ष केला आणि यशही मिळवले आहे. त्याच पद्धतीने, आता पुढील काळात मराठी युवकांच्या शिक्षण, रोजगार आणि हक्कांच्या लढ्यासाठी लोकाधिकार सेना कार्यरत राहील, असे मत यावेळी व्यक्त केले. तर कार्याध्यक्ष म्हणून माझा प्रयत्न असेल की, केंद्रीय यंत्रणा, आंतरराष्ट्रीय कंपन्या आणि विविध सरकारी-खासगी संस्थांमध्ये समन्वय साधून मराठी तरुणांसाठी नव्या संधी निर्माण करणे, उद्योग-व्यवसायाचे नवे दालन उघडणे आणि समाजात त्यांना सन्मानाचे स्थान मिळवून देणे, असेही सांगितले. उपमुख्यमंत्री महोदयांनी यावेळी उपस्थितांना संबोधित करताना सांगितले की स्थानीय लोकाधिकार सेना महासंघ ही केवळ एक संस्था नाही, तर ती आहे मराठी तरुणांच्या न्यायाची, स्वाभिमानाची आणि प्रगतीची चळवळ. या माध्यमातून आपण मराठी माणसाच्या हितासाठी, रोजगारासाठी, न्यायासाठी आणि स्वाभिमानासाठी कार्यरत राहू, असा ठाम विश्वास यावेळी व्यक्त केला. यावेळी विविध आस्थापना पदाधिकाऱ्यांची देखील नियुक्ती करण्यात आली. यावेळी पूरग्रस्त भागातील नागरिकांसाठी मदत वाहने देखील रवाना करण्यात आली. यावेळी शिवसेना ज्येष्ठ नेते, मंत्री, खासदार, आमदार, प्रवक्ते विविध खासगी आणि सरकारी आस्थापना संघटनेचे पदाधिकारी, कार्यकर्ते मोठ्या संख्येने उपस्थित होते. यावेळी पूरग्रस्त भागातील नागरिकांसाठी मदत वाहने देखील रवाना करण्यात आली. #Shivsena #DrShrikantEknathShinde

























