ThePawanUpdates

अप्रतिम🤩🤩🤩

पश्चिम आशियातील युद्धामुळे जागतिक इंधन पुरवठ्याच्या मुळावरच घाव बसला असून त्याचे थेट परिणाम पेट्रोल-डिझेल दरांवर उमटू लागले आहेत. होर्मुझ सामुद्रधुनीवरील तणाव वाढताच कच्च्या तेलाने झेप घेतली आणि त्यानंतर जगभरात इंधन दरांचा अक्षरशः दरस्फोट झाला आहे. ९५ देशांमध्ये पेट्रोल-डिझेल महागले असून, काही ठिकाणी तर ही दरवाढ ६८ टक्क्यांपर्यंत आहे. आकडेवारीनुसार, २३ फेब्रुवारी ते ११ मार्च या कालावधीत किमान ९५ देशांमध्ये पेट्रोल दर वाढले. काही बाजारांमध्ये ही वाढ जवळपास ७०% पर्यंत पोहोचली आहे, विशेषतः आयात-आधारित अर्थव्यवस्थांमध्ये ती अधिक तीव्र दिसून आली.

मध्यपूर्वेतील इराण आणि अमेरिका-इस्रायल संघर्षाने आता भीषण वळण घेतले आहे. इराणनेकतारमधील जगातील सर्वात मोठ्या गॅस निर्यात केंद्रांपैकी एक असलेल्या 'रास लफ्फान' एलएनजी प्रकल्पावर मिसाइल हल्ला केला आहे. या हल्ल्यामुळे कतारच्या गॅस क्षमतेत १७ टक्क्यांची मोठी घट झाली असून, या नुकसानीची भरपाई करण्यासाठी तब्बल ५ वर्षांचा कालावधी लागू शकतो, अशी धक्कादायक माहिती 'कतार एनर्जी'ने दिली आहे.

उद्धव ठाकरेंसाठी विधानपरिषदेची निवडणूक बिनविरोध होईल?? विधानसभा सदस्यांमधून विधान परिषदेवर निवडून द्यावयाच्या ९ जागांसाठी पुढील महिन्यात निवडणूक होण्याची शक्यता असून महायुतीला ८ तर महाविकास आघाडीला केवळ १ जागा मिळेल, असे आमदारांच्या संख्याबळावरून स्पष्टपणे दिसत आहे. उद्धवसेनेचे पक्षप्रमुख उद्धव ठाकरे पुन्हा विधान परिषदेवर जाण्याची शक्यता असली तरी मविआमध्ये एका जागेसाठी रस्सीखेच असेल. सर्व नऊ आमदारांचा कार्यकाळ येत्या मे मध्ये संपणार आहे. त्या आधी एप्रिलमध्ये निवडणूक होईल. राज्यसभेवेळी शरद पवार हे उमेदवार असल्याने निवडणूक बिनविरोध झाली होती. यावेळी उद्धव ठाकरे उमेदवार असल्यास निवडणूक बिनविरोध होण्याची शक्यता असेल. राज्यसभा निवडणुकीत मविआकडे एकच जागा आली होती. त्यावर तिन्ही पक्षांनी ज्येष्ठ नेते शरद पवार यांना संधी दिली. त्यामुळे विधान परिषदेची जागा शरद पवार यांच्या राष्ट्रवादीला दिली जाणार नाही हे स्पष्ट आहे. परिणामी आमदारकीचा कार्यकाळ संपत असलेले या पक्षाचे प्रदेशाध्यक्ष शशिकांत शिंदे यावेळी विधान परिषदेवर जाणार नाहीत, असे चित्र आहे. काँग्रेस एका जागेसाठी अडून बसली तर मविआत पेच निर्माण होईल. भाजप व राष्ट्रवादीकडे (अजित पवार) अतिरिक्त मतांच्या आधारे महायुतीची आठवी जागा निवडून येईल ती व आणखी एक अशा दोन जागा आपल्याला द्याव्यात असा आग्रह अजित पवार गट धरू शकतो. उद्धवसेनेचे २०, काँग्रेसचे १६ व राष्ट्रवादीचे (शरद पवार) १० असे एकूण ४६ आमदार आहेत. एक जागा जिंकण्यासाठी २९ चा कोटा आहे. काँग्रेस शिवायही उद्धवसेना-राष्ट्रवादी (शरद पवार) हे एकत्रित एक जागा जिंकू शकतात पण ते काठावरचे असेल.

मुंबई! HDFC बँकेच्या सीईओच्या तिसऱ्या कार्यकाळावरून आणि बोर्ड नियुक्त्यांवरून झालेले मतभेद उघड झाले असून, अंशकालीन अध्यक्ष अतनू चक्रवर्ती यांनी १८ मार्च रोजी राजीनामा दिला. बैठकीदरम्यान कार्यकारी संचालकांशी तीव्र वाद झाल्यानंतर हा निर्णय घेतल्याचे समजते. मिळालेल्या माहितीनुसार, चक्रवर्ती व काही कार्यकारी संचालकांमधील मतभेद मंगळवारपर्यंत तीव्र झाले होते. विशेषतः एमडी आणि सीईओ शशिधर जगदीशन यांच्या पुनर्नियुक्तीबाबत ते साशंक होते. ऑक्टोबर २०२३ पासून सुरू झालेल्या त्यांच्या कार्यकाळाचा आढावा न घेता मुदतवाढ देण्यास त्यांनी विरोध केला. बोर्ड नियुक्त्यांवरूनही वाद झाला. भावेश झवेरी यांच्या जागी जिमी टाटा यांच्या नियुक्तीबाबत चक्रवर्ती यांनी आक्षेप घेतला होता. दीर्घकाळ सेवा हे एकमेव निकष नसावेत, असे त्यांचे मत होते.

भोंदूबाबा अशोक खरात याने राजकीय मंडळी, प्रशासनातील बडे अधिकारी, तसेच सेलेब्रिटी यांना जाळ्यात ओढून २०० कोटींची अमाप माया जमविली असल्याची शक्यता पोलिसांनी व्यक्त केली आहे. नाशिक शहर, तसेच सिन्नर येथील आलिशान बंगले, मीरगाव (ता. सिन्नर) येथे आलिशान फार्महाउस, याशिवाय अनेक जमिनी, स्वतः तसेच कुटुंबीयांच्या नावे आहेत. सोने, चांदी अन् मौल्यवान वस्तू, दोन महागड्या कार अशा एकूण तब्बल २०० कोटींच्या संपत्तीचा मालक खरात हाच असल्याचा अंदाज आहे.

ब्रिटन, फ्रान्स, जर्मनी, इटली, नेदरलँड आणि जपान या सहा प्रमुख देशांनी संयुक्त निवेदन जारी करून इराणला कडक इशारा दिला आहे. होर्मुज सामुद्रधुनीतून जगातील कच्च्या तेलाचा आणि एलपीजीचा मोठा पुरवठा होतो. इराणच्या हल्ल्यांमुळे शेकडो जहाजे या मार्गाबाहेर अडकून पडली आहेत. याचा थेट परिणाम भारत, जपान आणि युरोपातील इंधन पुरवठ्यावर झाला आहे. या सहा देशांनी स्पष्ट केले आहे की, ऊर्जा पुरवठा साखळीतील हा अडथळा आंतरराष्ट्रीय शांतता आणि सुरक्षेसाठी थेट धोका आहे. रॉयटर्सच्या वृत्तानुसार, या देशांनी कतार आणि सौदी अरेबियातील तेल व गॅस प्रकल्पांवरील हल्ल्यांचा तीव्र निषेध केला आहे. 'कतार एनर्जी'ने आधीच स्पष्ट केले आहे की, त्यांच्या १७% एलएनजी निर्यात क्षमतेवर परिणाम झाला असून वार्षिक २० अब्ज डॉलर्सचा फटका बसणार आहे. या नुकसानीमुळे जागतिक बाजारात गॅसचे दर गगनाला भिडण्याची भीती निर्माण झाली आहे.

पुणे! येथे दारात मांजराने केलेल्या घाणीवरून दोन कुटुंबांमध्ये तुफान वाद होऊन तो थेट मारहाणीपर्यंत पोहोचल्याचा व नंतर या प्रकरणात पोलिस ठाणे गाठावे लागल्याचा प्रकार येरवड्यात घडला. याप्रकरणी कोमल भास्कर शिरसागर (वय 29, रा. यशवंतनगर, येरवडा) यांनी दिलेल्या तक्रारीवरून मुन्नी सलिम शेख आणि सिबा शेख (दोघी रा. यशवंतनगर) यांच्यावर येरवडा पोलिस ठाण्यात अदखलपात्र गुन्हा दाखल करण्यात आला आहे.

पुणे विमानतळावरून दरमहा सरासरी 10 ते 15 मेट्रिक टन आंतरराष्ट्रीय, तर साडेतीन ते साडेचार हजार मेट्रिक टन देशांतर्गत मालवाहतूक होते. वार्षिक विचार करता, आंतरराष्ट्रीय स्तरावर 123 टन आणि देशांतर्गत 40 ते 50 हजार टन अशी एकूण 50 ते 51 हजार टनांच्या घरात मालवाहतूक येथून यशस्वीपणे पार पडते.

सातारा जिल्हा परिषदेत परिवर्तन करून पहिल्यांदाच भाजपची सत्ता आणण्यासाठी भाजपने ऑपरेशन लोटस राबवले असून, शिवसेनेच्या व राष्ट्रवादी काँग्रेसच्या सदस्यांची फोडाफोडी सुरू केल्याने राष्ट्रवादी व शिवसेनेच्या तंबूत खळबळ उडून पळापळ सुरू झाली. रात्री उशिरापर्यंत सत्ता स्थापनेची मॅजिक फिगर एका सदस्यावर येऊन ठेपल्याने शुक्रवारी जिल्हा परिषदेच्या अध्यक्ष, उपाध्यक्ष पदाच्या निवडीत हायहोल्टेज ड्रामा दिसणार आहे. सार्वजनिक बांधकाम मंत्री शिवेंद्रराजे भोसले यांना सोबत घेऊन ग्रामविकास मंत्री जयकुमार गोरे कमालीचे ॲक्शन मोडवर आल्याने त्यांच्या आक्रमक चालींना पालकमंत्री शंभूराज देसाई व मदत व पुनर्वसन मंत्री मकरंदआबा पाटील प्रत्यक्ष अध्यक्ष, उपाध्यक्षपदाच्या लढाईत कसे उत्तर देणार? याविषयी महाराष्ट्राच्या राजकारणात उत्सुकता निर्माण झाली आहे. सातारा जिल्हा परिषदेवर सत्ता स्थापन करण्यासाठी गुढीपाडव्याच्या दिवशीच आक्रमक चाली सुरू झाल्या. ग्रामविकास मंत्री जयकुमार गोरे यांनी फ्रंटफूटवर येऊन भाजपला सत्तेत आणण्यासाठी सूत्रे हातात घेतली आहेत. वाई नगरपालिकेमध्ये उपनगराध्यक्षपदाच्या निवडणुकीत, फलटण पंचायत समिती सभापतिपदाच्या निवडणुकीत ज्या पद्धतीने जयकुमार गोरे यांनी रणनीती आखली व यशस्वी करून दाखवली तीच रणनीती त्यांनी जिल्हा परिषद अध्यक्ष, उपाध्यक्षपदाच्या निवडीतही आखल्याचे चित्र गुढीपाडव्या दिवशी दिसले.

गोव्याचे मुख्यमंत्री प्रमोद सावंत यांच्यावर पुण्यातील रूबी हॉल क्लिनिक येथे हृदयाची यशस्वी शस्त्रक्रिया करण्यात आली. काल दुपारी छातीत दुखू लागल्याने त्यांना तातडीने रुग्णालयात दाखल करण्यात आले होते. रुग्णालयात दाखल केल्यानंतर डॉक्टरांनी त्यांची अँजिओग्राफी केली. त्यानंतर ॲन्जिओप्लास्टी करण्याचा निर्णय घेण्यात आला. ही शस्त्रक्रिया हृदयरोग तज्ज्ञ डॉ. समिन शर्मा यांनी यशस्वीरित्या पार पाडली. डॉक्टरांच्या माहितीनुसार, सध्या प्रमोद सावंत यांची प्रकृती स्थिर असून त्यांना आयसीयूमध्ये निरीक्षणाखाली ठेवण्यात आले आहे.

पुणे शहरासह समाविष्ट गावांमधील भटक्या श्वानांची संख्या तीन लाखांपर्यंत पोहोचली असून, श्वानांची नसबंदी आणि लसीकरणासाठी महापालिकेतर्फे पाच वर्षांपूर्वी तीन संस्थांची नियुक्ती करण्यात आली. यापैकी एका खासगी संस्थेतर्फे गेल्या वर्षात 54 हजार श्वानांची नसबंदी आणि दीड लाख कुत्र्यांचे लसीकरण केल्याचा दावा आहे. इतर दोन संस्थांची आकडेवारी सध्या उपलब्ध नाही.

नाशिक! महापालिकेशी संबंधित खटल्यांची संख्या वाढतच असून, सध्या तब्बल २,६५१ दावे विविध न्यायालयांमध्ये प्रलंबित असल्याचे विधी विभागाच्या अहवालातून स्पष्ट झाले आहे. विशेष म्हणजे, गेल्या वर्षभरात लागलेल्या निकालांमध्ये मनपाच्या बाजूने निकाल लागण्याचे प्रमाण वाढले असले, तरी प्रलंबित खटल्यांचा आकडा मात्र चिंताजनक पातळीवर पोहोचला आहे. गेल्या वर्षभरात एकूण ४०८ खटल्यांचा निकाल लागला.

तेहरान! जानेवारी महिन्यात देशभरात झालेल्या आंदोलनादरम्यान अटक करण्यात आलेल्या तिघा जणांना फाशी देण्यात आल्याची घोषणा इराणने गुरुवारी केली. इराणमधील अशांततेच्या पार्श्वभूमीवर सर्वोच्च शिक्षा होण्याचे हे पहिलेच प्रकरण मानले जात आहे. मृत्युदंडाची शिक्षा झालेल्या तिघांमध्ये १९ वर्षीय राष्ट्रीय पदक विजेता कुस्तीपटू सालेह मोहम्मदी याचाही समावेश होता. तर मेहदी घासेमी आणि सईद दाव्वुदी अशी अन्य दोघा आंदोलकांची नावं आहेत. आंदोलनांच्या संदर्भात ज्यांना ताब्यात घेण्यात आले आहे, त्यांना मृत्युदंडाची शिक्षा होऊ शकते, असा इशारा अधिकाऱ्यांनी यापूर्वीच दिला होता.

२९ डिसेंबर २०२५ रोजी अशोक खरातने सिन्नरमधील वावी पोलीस ठाण्यात तक्रार दिली होती. या तक्रारीनुसार, पुण्याचा राजेंद्र जासूद आणि भायखळ्याचा दिनेश परब हे त्याला महिलांचे फोटो पाठवून ५ कोटी रुपयांची खंडणी मागत आहेत. पोलिसांनी गुन्ह्याची नोंद केली, मात्र तपासाची चक्रे फिरताच खरात स्वतःच संशयाच्या भोवऱ्यात आला. त्यानंतर १२ मार्च २०२६ रोजी खरातचा शिपाई नीरज जाधव याच्याविरोधात शिर्डीत गुन्हा दाखल झाला. एका युवतीचे अश्लील फोटो व्हायरल करण्याची धमकी दिल्याचा आरोप त्याच्यावर होता. प्रकरणाचे गांभीर्य ओळखून पोलिसांनी तपासाला वेग दिला. त्यानंतर १८ मार्च २०२६ रोजी नाशिक पोलिसांनी खरातला अटक केली. खरातने ज्या महिलांच्या फोटोंचा उल्लेख खंडणीसाठी केला होता, त्याच महिलांचे शोषण त्याने स्वतः केल्याचे प्राथमिक तपासात समोर येत असल्याने खळबळ उडाली आहे.

मुंबई! भायखळा येथील वीरमाता जिजाबाई भोसले वनस्पती उद्यान आणि प्राणिसंग्रहालयातील महापौर बंगल्यात नवनिर्वाचित महापौर रितू तावडे यांनी अद्याप प्रवेश केलेला नाही. नव्या महापौर येण्याआधीच या बंगल्याची बाह्य आणि अंतर्गत दुरुस्तीची कामे करण्यात आली होती. मात्र, आता महापौरांच्या सूचनेनुसार पुन्हा अंतर्गत दुरुस्ती व सजावटीची कामे केली जाणार आहेत. यासाठी मुंबई महापालिकेने एक कोटी ४८ लाख ११ हजार रुपयांची निविदा जारी केली आहे. दादरच्या शिवाजी पार्क येथील महापौर बंगल्यात दिवंगत शिवसेनाप्रमुख बाळासाहेब ठाकरे यांचे स्मारक होणार आहे. त्यामुळे २०१९मध्ये महापौर राहिलेले विश्वनाथ महाडेश्वर यांना हा बंगला सोडावा लागला होता. त्यांनी भायखळ्याच्या राणी बागेतील महापौर बंगल्यात प्रवेश केला होता. महापौर किशोरी पेडणेकर यांचे वास्तव्यही याच बंगल्यात होते. त्यानंतर प्रशासक काळ होता. प्रशासक काळात या बंगल्याचा वापर होत नसल्याने काही ठिकाणी वाळवी लागली, तर काही लाकडी फर्निचरचीही दुरवस्था झाली होती. त्यामुळे महापालिका निवडणुकीच्या काही महिने आधीच या बंगल्याच्या डागडुजीचे काम हाती घेण्यात आले. यासाठी निविदा काढून कंत्राटदार नेमण्यात आला. संरचनात्मक दुरुस्ती, कौलांच्या आधारलाकडाची दुरुस्ती, पेंटिंग व पॉलिशिंगची कामे, वाळवीप्रतिरोधक कामांसह अन्य कामे या कंत्राटदारांकडून करण्यात आली. मात्र, नव्या महापौरांनी बंगल्याची पाहणी केल्यानंतर त्यांच्या सूचनेनुसार आता अंतर्गत सजावटीसह अन्य दुरुस्त्या केल्या जाणार आहेत.

राष्ट्रवादीच्या नेत्या रुपाली पाटील-ठोंबरे यांनी फेसबुकवर "राज्य महिला आयोगाच्या रुपाली चाकणकर फरार... बजाव ताली!" अशी उपरोधिक पोस्ट केली आहे. नाशिकमधील खरात प्रकरणात चाकणकर यांचे नाव वारंवार घेतले जात असल्याने त्या जाणीवपूर्वक माध्यमांपासून दूर राहत असल्याचा दावा पाटील यांनी केला आहे.

गडचिरोली जिल्ह्यातील विविध दलम् मधल्या 11 जहाल नक्षलवाद्यांनी काल गडचिरोली पोलिसांसमोर शस्त्रं खाली ठेवली. या सर्वांवर 68 लाख रुपयांचं बक्षीस जाहीर करण्यात आलं होतं.

इराणच्या हल्ल्यादरम्यान अमेरिकेच्या एका एफ-३५ लढाऊ विमानावर निशाणा साधण्यात आला असून, त्याला मध्यपूर्वेतील एका लष्करी तळावर आपत्कालीन लँडिंग करावे लागले. इराणच्या ‘इस्लामिक रिव्होल्यूशनरी गार्ड कॉर्प्स’ने (IRGC) केलेला हा दावा खरा ठरल्यास, मध्यपूर्वेतील सुरू असलेल्या संघर्षात अमेरिकेच्या सर्वात प्रगत आणि महागड्या लढाऊ विमानांपैकी एकावर झालेला हा पहिलाच हल्ला ठरेल. याबद्दलची बातमी ‘सीएनएन’ने दिली आहे. एका निवेदनात IRGC ने म्हटले आहे की, पहाटे सुमारे २.५० वाजता (स्थानिक वेळेनुसार) या विमानावर हल्ला करण्यात आला आणि त्याला गंभीर नुकसान पोहोचले. विमानाचे नेमके काय झाले हे अद्याप स्पष्ट नसले तरी ते कोसळले असण्याची दाट शक्यता व्यक्त करण्यात आली आहे. आयआरजीसीने असेही सांगितले की, १२५ हून अधिक अमेरिकी-इस्रायली ड्रोन रोखल्यानंतर ही कारवाई करण्यात आली असून, ही इराणच्या सुधारित हवाई संरक्षण क्षमतेचे उदाहरण आहे.

@researchanand @OmkarsClicks 😑😑

@OmkarsClicks @ThePawanUpdates त्यांना थोडी समजणार व्होडका आहे म्हणून..🍸

Nothing can hyderate you as efficiently as this. Add some chat masala and its bliss 😋 #theme_pic_India_fruits