Osama Mohammad

ممكن رأيك يكون صحيح . بس خلنا نرجع كم سنة وراء ، ونشوف هل هذا الشيء اللي حاصل اليوم مع #الفضة ، تكرر من قبل؟ 🤔🪙📗 في نهاية السبعينات، وبالتحديد بين 1979 و1980، شهد سوق الفضة واحدة من أعنف القصص في تاريخ الأسواق المالية، والسبب كان شخصين معروفين باسم Hunt Brothers. الأخوان كانوا من أثرياء النفط في تكساس، وكان عندهم اعتقاد اقتصادي واضح: التضخم وقتها كان ينهش الدولار، الثقة بالعملة الورقية مهزوزة، والمعروض من الفضة محدود، فقرروا يحوّلون ثروتهم إلى فضة كوسيلة حفظ قيمة. طبعاً ةلنا نعرف الـ inflation أو التضخم يعني إن قيمة الفلوس تقل، وتحتاج مبلغ أكبر عشان تشتري نفس الشي. فا بهذا الجو، كثير مستثمرين يلجؤون للأصول الصلبة مثل الذهب والفضة لأنها ما تُطبع. الأخوان Hunt ما اكتفوا بشراء الفضة كاش، لكن دخلوا بقوة في سوق العقود الآجلة، واللي هو سوق تقدر فيه تتحكم بكمية ضخمة من السلعة مقابل مبلغ ضمان صغير نسبياً. مصطلح leverage أو الرافعة المالية، معناه إنك تكبر حجم استثمارك باستخدام ديون أو ضمانات، وهذا يضاعف الأرباح لكنه بنفس الوقت يضاعف المخاطر. بسبب هذا التراكم الهائل، ارتفع سعر الفضة من حدود 6$ إلى قريب 50$ للأونصة خلال فترة قصيرة جداً، وصار السوق شبه محتكر، وهنا بدأت الجهات التنظيمية تقلق. بورصة السلع رفعت متطلبات margin، والهامش هو مبلغ التأمين اللي لازم تحطه عشان تحافظ على عقدك مفتوح. لما يرفعونه، معناها لازم تزود كاش فوراً. هنا وقعت الكارثة. جاهم margin call، وهو طلب فوري بتغطية الضمانات بسبب تغير السعر. الأخوان ما قدروا يوفرون السيولة المطلوبة بالسرعة اللازمة، فاضطروا يبيعون، ومع بيعهم انهار السعر بشكل عنيف، وخسروا مليارات خلال أيام، وتحولت الفضة من نشوة صعود إلى انهيار تاريخي. طبعاً هذا مو رأي ولا نظرية، هذا موثق في سجلات البورصات، وتقارير الكونغرس الأمريكي، وكتب اقتصادية كلاسيكية تناولت الحدث كأحد أخطر أمثلة الرافعة المالية غير المنضبطة. الآن نرجع للحاضر. ناس كثيرين يقولون إن نفس السيناريو قاعد يلوح في الأفق، وهم يقصدون التشابه في البيئة مو التطابق في الأشخاص. اليوم عندك عجز مالي مزمن أو ما يسمى sticky deficits، يعني عجز ما يختفي مع الوقت بل يتراكم. وعندك فقدان ثقة بالسياسات النقدية بسبب طباعة الأموال وارتفاع الديون، وهذا يولد monetary distrust، أي شك الناس في قدرة العملة على حفظ قيمتها. أضف على ذلك إن سوق الفضة سوق صغير نسبياً مقارنة بالأسهم أو السندات، وهذا يخليه قابل للحركات العمودية السريعة، اللي نسميها vertical moves، يعني صعود حاد بسبب تدفقات مفاجئة أو مضاربات عالية. اخر شيء الـ Silver Squeeze، وهو ببساطة محاولة ضغط على السوق عبر شراء كميات كبيرة من الفضة أو عقودها بهدف تقليل المعروض المتاح ورفع السعر، وهو أيضاً مفهوم صار معروف بعد أحداث مشابهة في أسواق أخرى، لكنه مو سهل ولا آمن، وغالباً ينتهي إما بتدخل تنظيمي أو بانفجار سعري. قصة 1980 تعلمنا درس واضح: الفضة، مثل أي أصل، ممكن يطير بسرعة، لكن إذا كان الصعود مبني على رافعة مالية عالية وضغط صناعي على السوق، فالهبوط غالباً يكون بنفس العنف. اللي قاعد يصير اليوم يحتاج يُقرأ بعين واعية، لا بعين متحمسة ولا بعين خائفة، لأن التاريخ ما يكرر نفسه حرفياً، لكنه كثيراً ما يتشابه.

هذي الصفقة تم تسريبها على القروب العام على تلقرام! والحمدلله وصلت الهدف الاول وقريبة من الهدف الثاني جدا! حاليا راح انزل تحليل الذهب الفترة القادمة بعد الوصول لـ 5377$ على القروب فقط! لو مهتم برضو انا بنشر فيه تحليلات بشكل اسرع اكثر من تويتر واحيانا بنزل صفقات من القروب الخاص! الرابط هيكون في اول رد!