Waleed

ایران کے آہنی ہاتھ نے اسرائیلی انٹیلی جنس کی ریڑھ کی ہڈی توڑ دی ایران کی پاسدارانِ انقلاب نے وہ کارنامہ انجام دیا جس کا تصور بھی نہیں کیا جاسکتا تھا لیکن ایران نے یہ کر دکھایا ہے۔ ایرانی میزائلوں نے براہِ راست اسرائیل کی سب سے حساس انٹیلی جنس تنصیبات موساد، ملٹری انٹیلی جنس (امان) اور یونٹ 8200 کے کمپاؤنڈز کو نشانہ بنایا۔ تہران کی کارروائی ایک بڑی اسٹریٹیجک کامیابی ہے، جبکہ اسرائیل نے سبکی سے بچنے کیلئے اندرونِ ملک میڈیا پر سخت سنسر شپ نافذ کر دی ہے، جو خود اس بات کا ثبوت ہے کہ کچھ بڑا ضرور ہوا ہے جسے چھپایا جا رہا ہے۔ موساد، امان اور یونٹ 8200 اسرائیل کی انٹیلی جنس مشینری کے وہ بنیادی ستون ہیں جن پر پوری ریاستی طاقت کا توازن قائم ہے۔ موساد وہ ادارہ ہے جو بیرونِ ملک خفیہ کارروائیوں، ٹارگٹ کلنگ، سائبر جنگ اور سفارت کاری میں اسرائیل کو تلوار اور ڈھال فراہم کرتا ہے۔ امان کو اسرائیلی فوج کا دماغ کہا جاتا ہے، جو جنگی میدان سے لے کر اسٹریٹیجک پالیسی سازی تک ہر سطح پر انٹیلی جنس فراہم کرتا ہے۔ جبکہ یونٹ 8200 سگنلز انٹیلی جنس، کوڈ ڈیکرپشن اور سائبر وارفیئر کا مرکز ہے، جسے اسرائیل کا ’’NSA‘‘ بھی کہا جاتا ہے۔ یہ وہ یونٹ ہے جہاں اسٹکس نیٹ جیسے عالمی شہرت یافتہ سائبر حملے تیار کیے گئے۔ ان تینوں اداروں کو بیک وقت نشانہ بنایا جانا محض ایک فوجی کارروائی نہیں بلکہ اسرائیلی طاقت کے پورے اعصابی نظام پر کاری ضرب ہے، جس کا متبادل نہ صرف انتہائی مشکل بلکہ دہائیوں پر محیط محنت کا تقاضا کرتا ہے۔ ایران کے دعوے کے حق میں مضبوط دلائل👇