جزلآء 🇸🇦⚔️

مَ استوىٰ مسرا دليل البلْ مع مسرا الذليل ليـن ( جـزلاء ) نوّخـتْـهم عـند ركـبة عـمّـها خشفْ ريمٍ كـل ما ذآرت تحيّـز في الطويل سعْـد ابو من شَـمْ مفْـرقها وجَــوّد كُـمّـها

وان وصلنا للعزاوي حصل ذرف الدموع و قامت عظامه تنافض وتاتيه رٌعدا غير وجه صوب رجلً على جاره منوع وان نجيت مٌن العشا مانجيت مُن الغدا ويوم تحرق شمسها ثم يجتاح السطوع تنضر وجيه السعد من محبتك سعدا ودي اني ماعرف فـ النشاما غير نوع يحفظ لـ سرك ولو بينكم ضرب عقدا

الردا والذل عندي مشابه للركوع وماركعت الا لـ ربي وغيره لا بدا الغدر ماقد قربته ولا ناش الظلوع ولاحصل لو قد حداني من الدنيا حدا غلطة الشاطر ليا من كبا عندي رثوع وغلطة الجاهل ماتحسب ولا تحدث صدا والردي لامن نوا لك بـ زله جاك طوع ويتمزهل ويتوعد ليا شن العدا

ياحمد سم الموادع على مثلي جزوع مايخلي صافي البال يصبر ويهدا في حياتي ماتغيرت من حيث الطبوع لو عسرني ماعسرني على طول المدا الصحيح يعد مرقا ومعكاز الطلوع والكذب سكة طريقه تخالف للقدا عشت عمري باول القوم قسام الجموع ولا قبلت الرجل تمشي على درب الردا

انكر الاصوات عند الولي صوت الحمير وافضل الاصوات عندي ترزام الحوار لا ترزم بين روض الخزامى و الغدير و اختلط اعشابها من خضار و من حمار طيبها يسوى بخور العرايس والعبير لا طرقه النود له في فضاء الكون انتشار مدت الكف الكريمه على الكف الفقير قبل عجلات المقادير يطونّ العمار !

اذا انك نسيتيني بذكرك لا تنسين انا اللي حضن حبك و درب الخطر داسه و انا من تربيتي بحبه ثلاث سنين تحت ضفّة ايامه و حبره و قرطاسه ترا ماني بـ طارق ولاني صلاح الدين انا من يشوف انك له اقرب من انفاسه @FBH_590

ساس العلاقات إحترام ومبره ماهيب حيله وإضطرابات مرضى لاتحسب إن صاحبك " في كل مره " إحلف عليه وحب خشمه ويرضى !

قالت لنا ماشتقت قلت إلا لك اشتقت حتى وانا جنبك في الشوق غنااا لك صورةٍ في ناظري كل ماضقت وقمت اتمنا الضيـق وقمت اتمنااا .

آه ياقلبي اللـــي دايـم ٍ في ذهول والله إنه ثقيـلٍ لين جوه الثقال والذي ليلة الأسراء عرج بالرسول إن حبك لحـال وحب غيرك لحال كان قدمي حدٍ ف الحب راح مهبول والله اني خطيرٍ لايجيني .. هبال ! #سعد_بن_جدلان @saeedmoflih

الله يرحم أبوك وأمّك ويلحقك بهواك " كلنا للّي تقولين . . آذانٍ صاغيه " أنت مطغيك البها لين حدّد مستواك يعني أكبر مجرمة حب وأكبر طاغيه شوفتك للّي فؤاده حزينٍ في حراك جنّةٍ ما ينسمع في طرفها لاغيه وأنا يوم أجيك وأبيك وأدوّر رضاك باغيه نفسي ولا أدري وشنهي باغيه سعد بن جدلان

ليلٍ سرى ماغير أنا والهناديب لين السفر ذوب نجوم المجره ماجور ياليل الغرابه وتغريب ماجات كفك بالوصل والمسره أحرق مكاتيب وأطوي المكاتيب ولا زاد فالمكيال مثقال ذره حنا على الدنيا ضيوف ومعازيب والعسر مُر وحاجة " الحر مُررررّرره " @RashidAlqutima

من يعاملنا على حسب المزاج! نتركه مثل آخر البل فالهجيج و من يعاملنا بطيبه و ابتهاج! نحشمه حشمة مكه للحجيج .

أبعدت مالي غرض في ذل مقعادي ما دام يلعب لي الذعذاع والعب له ماني لعرفي مع اهل العرف مترادي لاشك كبدي من اللي شفت مندبله .

ياخوي انا مانيب مخطي ولانيب هضّام حقٍ لـ الرفيق الموالي راسي يفوح من العبر والتجاريب وقبل وبعد سود الليالي ليالي عندي يقين اني مانيب اعلم الغيب واللي جرى لـ الناس غيري جرالي اطمح لفعل الطيب ومزارق الطيب قبل اكتفي في طيب عمي وخالي . @alialdeaya

"من نظرتك وقفت كني مسمر والكبد كن داخلتها حزازه الرمش كنه من طوابير شمّر لاصفها عبدالعزيز الجنازه".

رفيقي اللي محد فالطيب يلحق مداه عاهدت نفسي ما أخالف فالدروب سنعّه مايجهل اللي وراي ولا أجهل اللي وراه وعلى كثر ما أتهاوش معه داااااااايم معه .

ابي شعر مثل ذيل الفرس لا طبت الميدان او الشلال لامن بات ليله بين الامتاني ابي جيد سوات ابريق فضه ناتق مليان وصدر كنه مرايه عليها طلع رماني ابي ظهر كما الجدول وقد مثل غصن البان وخصر مثل مجدول الاعلان وجسم روياني ابيها نابيه ردف وبطن ظامر جوعان ابيها مدمجة ساق وقدمها لسان ثعباني

مدخل : ياوجه الزمان أن زنت ولا ماقلنا زن تحت دبرة الله غير لا شنت ما شنّا. مخرج : مادام الأمور مسنعه ماعلينا باس لنا يازمن لا زانت أيامك مواجه.