لحالي ..

@_hdaj01 ابدعت

" كيف جرحك بالحنايا له قبول و إن لفى حتى جناحي أخفضه ". - الجارح المملوح -

@bo77_1 الله

يـ لذيذ العنـق لد العين ..( يمي ) ودي اهديلك من حروفي قصيده احسبنك مانت هم وصرت همي سامح الله ظن قلبي في ( وريده ) عاد " قلبي يجتلد ويفور .. دمي فيني من الشوق و اللهفه وقيده (خل) عيني ما تشوف الا تسمي كل مابانت لي وصوفٍ (جديده) الجسد من نابي الردف .. متنمي والنهد ساعي وانا ساعي ، بريده غير شيٍ ما يسميه ..( المسمي ) وغير قلبٍ لا هوى يفني رصيده لو تمد من الكفوف البيض سمي كيف اردك في طلبك الي تريده ؟ انت تامرني وانا اجيك ( متحمي ) لو تقول نموت قلت نموت سيده مقرن بن حربي

@Userwits ابدعت

أشوفك كل ما بان الظلام و هالبشرّ غافين طيوفٍ تشعل شمَّوع الحنين و تِعلن إحراقي عجزت أنسى تفاصيلٍ خذت روحي قبل عاميَّن و لين اليوم ذكرانا تحاصر غفوة أحداقي! مشاهدنا ،دعاوينَا ، نسيتي صرختك بـ آميَّن؟ سوالفنا و أمانينا مشاعر تسكن أورَاقي فقدت من الليالي صوت ما غيِّب صداه سنين سكن بين القصايد نغمةٍ تطرب لها آفاقي فقدت أنسّامك بـ صبحٍ هدوءه غاية المسّكين و وجهك كان عنوان الصَّباح و موعد إشرّاقي! أشوفك في وجيّه الناس من غبتي إلين ألحين ملامح ترسم الذِكرى طريق يزلزل أشواقي!

@woor0i الله

يا أوفى ويا أحبّ من بادر ومن واصل وأعزّ من شيمتي وأطيب من ظنوني وجودك يداوي جروحي .. ويستاصل الضيقه اللي تحجْب النور من دوني أحاااااول إنّه مايفصل بيننا فاصل حتى ولو ينفصل راسي من متوني أشّر على ماتبي واللي تبي حاصل حتّى ولو تطلب عيوني "من عيوني"

@m7tmm ابدعت

آتظاهر بـ العزيمة و أتصنع الابتسامة والوجيه من الفراق الموجع تطيح اقنعتها من نزول ادم من الجنة الى يوم القيامة ما شقت نفساً مثل نفسي بعد ما ودّعتها - رفعان العرجاني

@m477v الله

لاستانس الخافق ذكر من يحبه ورجع يراجع فى الوناسات مافات مكانك الصدر و لك القلب شبه بين الضلوع اللي فردها التنهات ولك بيرقٍ في القلب حبك يهبه شامخ ولا هزه من العذل غارات

@_3deem ابدعت

غر يا دهر وان قاله الله بتهون بلاك منت بداريٍ من تناحي عزومنا تقدح سعاطير وجنون وفي روسنا مثل النّعت والصياحي وان قالوا اعوان الدهر ما يقولون بنقول ماقاله حياة الرياحي هي اتعقب واللي تشمّت يعقبون ماحن بـ صيدٍ ينختل في المضاحي

@Userwits الله

«تغشّاك قلبي تحت جنح المسّّا وإنقاد كفيف، ولقى كفٍّ تداريه وتْدلّه ! نزع من تراب أرضه خيّام وعمَد وأوتاد لقى في ثراك أرضٍ، وفي حِلّتك؟ حِلّه على أنّي أباعد، وأتمرجّح؛ رضى وعْناد أدور رضى الأحلام . . ما أدوّر الزلّة! لا زالَّ القديم من الّليالي معاك جدَّاد إِلَّى شفت ظنك شك فـ محبّتي؟ قله تمر السنين وكل حاجة على المُعتاد هذا دربك أدله . . وذا بيتك ادلّه! ولا زال صدرك عن حنيّن الغريب؛ بلاد تبعدني ظروف العمر .. وأرَّجع لـ ظله توقف ملذات العمر بين شُرب، وزاد! ولا ألَّذ من صوتك إلى جاء على حله وتو العمُر، وأنا دروبي معَاك بعاد إلى من نشف ريقي؟ فـ جب ثغرّك وبله جعل كل يوم قد مضَّى لي معاك يعَاد أنا ما يكفيّني معك ما مضى كلّه!»

@ri7o9 الله

شلون قوى قلبك علي وبحبي خاطرت ما تذكر يوم قلبي من شرايين دمه عطاك؟ على حبك وصوتك وملقاك ياما سهرت وياما أضحكتك يوم غيري أبكاك ويومي سقيت صحراك ورد وأزهرت تكبرت ونسيت من كان نورك وضياك؟ خلاص دامك بيني وبين غيري احترت معاد قلبي يتمنى شوفك أو لقياك

@Qaf_96 الله

انا لاشفت الصوت ماعيّن صدى سجدت عن سهوي قبل تسليمتي على الردى ماني مجازيك بـ ردى تمنعني اخلاقي .. وتأبى شيمتي تكفيني الصدّه .. الى ماله مدى بكره يعلّمك الزمان بـ .. قيمتي - محمد جارالله

@hh19__ الله

ذخرتك طلقةٍ ترمى بصدر الصاحب الكذاب لعل سلاحي موجّه على صدري و شريانيّ وقفت ووقفتي صلبه ، بعد ما صفّوا الأغراب و جابوا لك حطب صدري و ولعت موقد أحزاني و أنا ورب الفلق والناس والأحقاف والأحزاب ما كنت أحسب حساب لساعةٍ يربط فيها لساني أعاتب من؟ و الدنيا بخطاها ماعليها عتاب مثل ما جابني درب الزعل .. لهناك ودّاني هناك لوين؟ مدري بس أعرف إن الطريق غياب غيابٍ كل ما طال الطريق ، تخف نيراني كسرت الباب أبو مزلاج حزن ولا بقى لي باب و دانيت الجفا حتى لو إني كنت ما أداني فمان الله ، و اللي بيننا يبقى ليوم حساب أخاف أسامحك يوم الحساب و أنجرح ثاني

@Userwits الله

تزور ّالقلب ما زرت الأماكن يا أطيّب الزوار تمشى فوق قلبي ما تمشّت خطوتك حدرّي سهیت و وين ما وليت وجهي شفت لك تذكارَّ! صبرت و ضحكتك مرّت عيوني و أنكسر صّبري سلامي بارد و قلبي سَّلامه وسط صدري حَار يا ليتك تقدر تشوف الضلُوع إلِّلي ورى صّدري!

@woor0i الله

نعوذ بك يالله من النَّكسه ومن ضيق الدُروب و من القهر والخوف والرَّجفه ومن شر السنين حنّا علينا ندعي لوجهك و نطلبْك الوجوب في ساعةٍ فيها ثلاث أرباع خلقك نايمين آمنت بك يالله وأنا مليان إلى راسي عُيوب و أنا أشهد أنه لا إله إلَّا أنت خير الراحمين

@Dll7n الله

عطيتك من بشوت الهقاوي ثلاث بشوت ولا فيه بشتٍ جا مقاسك ولا قدّك أحسبك من اللي لا دعيته يرد الصوت وأثاريك تسمعني وودّك ولا ودّك أنا والله المخطي خطا ما عليه ثبوت عطيتك سلاحٍ يرتعد في كنف يدك وذخرتك لو انك ما تنذخر في لعب بلوت وتقدمت بك حدٍ ماهو والله بحدك

@2z2GI الله

يا ضوح الليل و سدول النهار و ما حواه البير أنا ما أخون و لو أخون ما خنتك على فكرة مقصر إيه ، و أعلّم بتقصيري ولا لي غير معاذيرٍ تجيب اللي نبي و تذب ما نكره أنا مالي عليك إلا تسامحني على التقصير و إذا سامحتني عاتبني من اليوم إلى بكرة

@7duy_ الله

سيد البال ماجاد النصيب بوصالك أحبس الدمع لايجرح نواعم خدودك ليت لي قدرة أغير مصيري وأنا لك لين ترعى بعاريني وتارد عدودك مير الأقدار قالت منت لي لو أنا لك مستحيل أتبدل فيك وأنسى عهودك كنت الأوفر خصال وكنت الأكثر مهالك وكانت أحبك تخونك وتظهر بسودك وكنت تلبس لباس الثقل ون جيت بالك تبتسم ويتمايل بك سحابك ونودك يا علاج السقيم اللي نشب في حبالك ليت قلبك خذاله لين من لين عودك ليه ناديت قلبي في طريقك وجالك وليه وأنت الكريم ايشح نسناس جودك كنت تزعل على أدنى الدون وأزعل رضالك واحمدالله على لقياك وأكره صدودك لين جيتك وقلت القلب كله حلالك مملن بشتياقه مايحرك برودك جية الضايع اللي دل وفرة خصالك ليتني تهت ماعنيت رجلي حدودك أذكر أحبك اللي جات في كيف حالك كانت أخر سعادة عشتها في وجودك ماتوقعت يوم اتهل دمعك لحالك وماتوقعت من عامين تذبل ورودك يا عذابي بعد ما قام يدنو زوالك ليت يدنو مماتي قبل أكذب وعودك يا حبيبي عسى روحي وشعري فدالك ليتني قادر أنقص نص عمري وزودك راضي أموت دام إني بعيش بخيالك موتتي صدق لاشفت النوايب تسودك

@ufbigh6 الله

تقول خل القوافي فوق صدري نقوش لبسني احلى القصايد مثل لبس ذهبي عطني من اللي يكننّه انظاف الدشوش يلين ترجف قلوب البيض رجف كعبي نظراتك احد من حدة عيون الوحوش ومعنقك . . لا تلفتي . . معنق ظبي لبيه يا وجه لامن سلهمت بـ الرموش وجهه بدويه على شامي على مغربي

@dijavvo الله

حمدتك على خير و حمدتك على مكروه و سبحانك اللي لا ألتجى عبدك أنصفته أجي لك بـ وجهٍ ساير الناس ما شافوه على شأن وجهٍ ساير الناس — عارفته

@hh19__ ابدعت

كل ما وطيت راسك توطوك الرجال الرجال اللي عليهم تنص اللايحه الرياجيل استخفو وانا خابرهم ثقال يالله استر لاتطول علينا الجايحه ياكريم الوجه ترزقني الرزق الحلال لاتطيح حظي مع الحظوظ الطايحه القناعة والكرامة غناة وراس مال من ملكها مانشد وين بقعا رايحه

@2z2GI الله

شلون قوى قلبك علي وبحبي خاطرت ما تذكر يوم قلبي من شرايين دمه عطاك؟ على حبك وصوتك وملقاك ياما سهرت وياما أضحكتك يوم غيري أبكاك ويومي سقيت صحراك ورد وأزهرت تكبرت ونسيت من كان نورك وضياك؟ خلاص دامك بيني وبين غيري احترت معاد قلبي يتمنى شوفك أو لقياك