🐆
334 posts
من الخاص :
أحتاج رأيكم بصراحة.
أنا مخطوب لي تقريبًا 5 شهور، وأزور خطيبتي كل أسبوعين.
وفي كل زيارة كنت أحرص أجيب معي شي بسيط على قد ظروفي،
حدود 400–600 ريال.
قبل أسبوع لاحظت تغيّر عليها، وكانت متضايقة بدون سبب واضح.
حاولت أفهم منها لين تكلمت وقالت إن أمها وأخواتها وقرايبها
صاروا يقارنونها بغيرها،
ويعلّقون على الأشياء اللي أجيبها لها،
ويشوفونها أقل من اللي غيرها ينأخذ لهم.
بدأت تسرد مقارنات:
فلانة خطيبها جاب كذا،
وفلانة انجاب لها كذا…
سألتها بصراحة:
هل أنتِ مقتنعة بالكلام هذا؟
ردّت بكل وضوح: إيه،
وقالت إن اللي أجيبه قليل وما يفرّح ولا يشرّف قدّام أهلها.
الكلام هذا صَدّمني بقوة.
من وقتها وقفت كلام وما رديت عليها،
مع إنها تحاول تتواصل معي.
أنا الآن متجه إني ما أكمّل الخطوبة،
وحاسس قراري نهائي،
لكن قبل ما أقفل الصفحة تمامًا،
أبي أفهم:
هل اللي قالته كان لحظة ضغط وكلام عصبية؟
ولا هذا تفكير حقيقي كان مخفي وطلع؟
للتوضيح:
سبق إنها طلبت مني ملابس أو مكياج،
وكنت أرفض عشان ما يصير تعوّد،
وبعدها إذا قدرت، أجيب من نفسي.
أبي رأيكم بصراحة:
موقفي صحيح؟
ولا كان المفروض أعطي فرصة ثانية؟!
العربية
