αвɒυℓєℓℓαн

@7hrdl بحال ما التزموا مخالفه تنزل عليهم كم ١٠ الاف ؟ ووفر قيمه تأمين كم موظف لما يكون فيه مخالفه عليهم رادعه مبلغ فلكي يبطلون حركاتهم

وانا اتناقش عن موضوع التأمين الحين اكتشفت مؤخراً ان فيه ناس تشتغل في شركات بدون تأمين ! التأمين ابسط حق لك كا موظف الشركة اذا ما وفرت لك التأمين تعتبر مخالف لنظام العمل

@saudipanther خلوهم ينبسطون ولا شفت عميلك مستخدم شات جي بي تي او مستخدم للوسائل هذي وجاب العيد وجاء لعندك دبل عليه المبلغ عشان ينفعه الغباء الاصطناعي

@Toonzatt ردي عليه بما انك خبير بالحيوانات والي أكيد انك اخترت واحد مشابه لصفاتك فأعتقد انك اخترت أسد وبختار مثلك

كنت في مقابلة لوظيفة "محاسب"، والمقابلة جادة، وفجأة المدير سألني بابتسامة غريبة: (يا فلان، خلنا نطلع من الجو الرسمي.. لو خيروك تكون "حيوان"، وش تختار تكون؟ وليه؟). طالعت فيه بكل جدية وقلت له: (يا طويل العمر، أنا جاي هنا أقدم مهاراتي كـ "إنسان" وخبير في "المحاسبة"، مو كـ "حيوان".. لو حاب تعرف مهاراتي القيادية، اسألني عن موقف أدرت فيه فريق، ولو حاب تعرف صبري، اسألني عن مشكلة محاسبية معقدة حليتها.. أما أسئلة "الغابة" هذي، أعتقد ما راح تفيدك في معرفة هل أنا أستاهل الوظيفة ولا لا، صح؟). سكت المدير، ووجهه حمر، ورجع يقلب في السي في وقال: (فعلاً.. كلامك صحيح) لكن ما انقبلت بالوظيفة • وش ترد لو سألك مدير المقابلة سؤال ماله أي علاقة بالشغل، بس عشان يشوف ردة فعلك؟ لو أنتم مكاني.. (تجاوبون) على سؤاله؟ ولا (تردون) ردي وتوقفونه عند حده؟

@Toonzatt الامر بسيط عطه ع جوه وقل شرط عقدي يكون بدون فتره تجربه والتزم بساعات الدوام فيه خير يفصلك 😂

يا جماعة، كنت اليوم في مقابلة عمل لشركة كبيرة، والمقابلة كانت ماشية تمام.. فجأة المدير سألني سؤال "خبيث" وهو يبتسم: (يا فلان، حنا شركة "عائلة واحدة"، فهل عندك مشكلة تداوم ١٢ ساعة يومياً وبدون "أوفر تايم"؟ نبي ناس تضحي عشان الكيان!). يبغى يختبر "ولائي" بأسلوب استغلالي، ويبي يعرف هل أنا "صيدة سهلة" يكدني ليل نهار ببلاش ولا لا! طالعت فيه بكل هدوء وقلت له: (يا طويل العمر، بما إننا "عائلة واحدة" مثل ما تفضلت، فهل الشركة عندها مشكلة تعطيني "قرض بدون فوائد" أو "سيارة باسمي" من أول شهر؟ لأن العائلة دائماً توقف مع عيالها في الشدائد بدون مقابل.. ولا العائلة بس في الدوام، وفي الرواتب نرجع "غرباء"؟). سكت المدير، وبدأ يقلب في الأوراق وهو "متفشل"، وعرف إني ماني الموظف اللي يقدر يركب على ظهره! • وش ترد لو سألك المدير سؤال "استغلالي" في المقابلة عشان يشوفك صبور ولا لا؟ أنتم لو مكاني.. (تمشونها) عشان الوظيفة؟ ولا (تردون) وتطلعون بكرامتكم؟ ساعدوا هالمجهول

@Uhd لا عاد تفكر بشيء فيه رسوم

قبل شوي طرحت فكرة على العيال بعضهم زبد لي بس بقولها دامني فاضي قلت ليه ما نسوي تطبيق بالتعاون مع المرور ويكون تطبيق زي ويبوك والهدف منه تخفيف الزحمات بالشوارع الرئيسية والمعروفة، مثلًا التطبيق لمدينة الرياض تدخل التطبيق تحصل كذا ألوان وفيه 4 خيارات شرق غرب جنوب شمال، مثلًا بالرياض عندنا 25 شارع رئيسي مزدحمه جدًا بالويكند ونحتاج تخفيف للزحمه، تدخل تحجز انك تبي تدخل هالشارع مثلًا حجزت بشارع "التخصصي" يوم الجمعة الساعة 7:00 إلى 8:00 .. الحجز برسوم بسيطة جدًا، يكون فالشارع هذا كاميرات تصور كل السيارات إذا دخلت وأنت ماحجزت بيفرضون عليك رسوم مضاعفه يعني لو كان الحجز الطبيعي ب30 ريال بالويكند وأنت دخلت وماعندك حجز وصوروك بتنزل عليك مخالفة 60 ريال (مثلًا) .. - بالويكند السعر اعلى / أيام عادية سعر اقل - التنظيم هذا يشمل الشوارع الرئيسية فقط - فيه أوقات يكون الدخول للشارع مجاني وهي أوقات اللي مافيها زحمه آخر الليل مثلًا وهكذا زبده الموضوع تطبيق ينظم الدخول والخروج من الشوارع الرئيسية وفيها كاميرات تتاكد من اللي عنده حجز بشكل مباشر نفس كاميرات الجوال

@ahmedalsanie وجب العمل بمواد نظام العمل

شهدت الفترة الماضية تصاعدًا في الأصوات التي تنادي بأولوية توظيف السعوديين، وهو توجه مشروع ومهم. ومع ذلك، من الضروري أن يُبنى التوظيف في المناصب القيادية على معيار الكفاءة والقدرة والإبداع، بحيث تُمنح الفرص للأجدر، سواء كان سعوديًا أو غير سعودي، رجلًا أو امرأة.

@11hope111 وثيقه عمل حر وافتحي حساب تجاري ع وثيقتك بمسمى مشروعك

ابي افتح مشروع خدمات الكترونيه بس وقت الحواله مابي احد بالميديا يعرف اسمي الكامل ساعدوني بالله هل فيه طريقه تحفظ خصوصيتي ولا تظهر الاسم؟ بنكي الراجحي لكن عادي اذا فيه بنك اخر يوفر ميزه اخفاء الاسم افتح عندهم حساب مو مشكله

@7hrdl بالشعر الجاهلي يقولون : لقد أسمعتَ لو ناديتَ حيّـاً ... ولكن لا حياةَ لمن تنادي

شفتوا كيف فيصل نفضهم لدرجه حذفوا الخبرات و اخفوا انهم موظفين في هالمكان 😂 ؟ اللي يقولكم صوتكم مايوصل والله انه يوصل و ينفضهم و مايخليهم مرتاحين لو تشوفون غلط لا تسكتون عنه تكلموا هذا واجب علينا كلنا اما الجُبناء ما اقول غير الله حسيبهم ..

@Fahad_Y2 من المهام الوظيفية بالسي في طرد الفئران وتقليل نسبه الفزع والخوف 25% .... 😂😂😂😂 هالسوالف تجوز للأستقطاب

#لنكدان والواقع 😅

@abo8h6 عادي ارجع طف اللمبة وكمل 😂😂😂

للاسف هاذا سبب يخليني أكرهه المكسرات

@MuzunAlonezi الحاجة الله يقطعها ، ولا محد بيقبل بها اصلا

والله مقدرة الظروف المادية الي يمر فيها البعض بس كيف توافقون تشتغلون دوام كامل وشفتات براتب 1000 ريال 🥲

@1G_H20 الحمد لله بس نقلب الجوال ع وجهه يسكت 😂😂😂😂 وهذولا باقي تضغيط بالزر

أسوأ شي في الآيفون ياخي، أبي أعطيه مشغول لازم أرد يعني!!

@kholoudlawyer انا الحمد لله من بدري عارف انه فهم ومهارت بحث واستناد ، لأني بطبعي ملقوف اذكر فتره العطله الصيفيه لما كنت بالثانوي درعمت على محامي يمكن ٢٠١٠ تقريبا جلست اتعلم عنده ٣ شهور وكنت اقوله بتحفظ كل هالمكتبة الي وراك وذكر لي كيف وقتها ابحث الله يجزاه خير

مين زيي كان عنده اعتقاد يوم يتخصص قانون لازم يكون حافظ كل النصوص القانونية بكل الأنظمة زي اسمه وبيجي يسمعها كلها 😬

@moha_data والبعض يسوي مكس بين الأثنين بدال يوظف شخصين تشيل اليله كامله ووفر ع جيبه

والله مستحيل شلون الناس تعطي المسمى الوظيفي شي والمهام شي ثاني تماما هنا كانت مهام محلل بيانات المسمى "محلل اعمال" 🤦🏻‍♂️

@sweetsara_12 عادي لأنه سمح لمكاتب المحاماة الاجنبيه تفتح عندنا بالسعودية

@raidkaled1 هو فعلا ليس المهر انما تكاليف اقامه حفل الزفاف

المهر ليس سبب العزوف عن الزواج ‼️مو من عادتي أكتب عن موضوع اجتماعي و لكن شفت كثير يتكلمون عن الزواج والعزوف عنه ويقولون إن السبب هو المهر وهذا غير صحيح المهر ليس سبب عزوف الشباب عن الزواج كثير من الشباب قيمة سيارته أعلى بكثير من المهر يعني يشتري سيارة بـ150 ألف عادي ويقول المهر غالي مو منطقي أعتقد فيه اسباب أخرى أكبر من موضوع المهر وتحتاج إلى دراسة وحلول

@Fahad_Y2 متى تكون ٧٧% سعوديين و ٢٣% اجانب

سوق العمل بنهاية عام ٢٠٢٥ عدد المشتركين في التأمينات 13.67 مليون مشترك، يتوزعون كالتالي: مواطنين: 3.1 مليون وتمثل 23% أجانب: 10.6 مليون تمثل 77%

@Lawyer_Sfa12 والله العيب يا أخ سعود هو انه من ضمن قطاع المحامين ويقترح الإقتراح هذا لو أنه مو مؤهل قانونا وفقها بقول هجت معاه ، اتمنى وزارة العدل تلتفت له وتأخذ بشأنه اجراء

و الله عيب و الناس ظروف و هذا شي لم يأمر به ديننا و لا أنظمتنا الناس أحوال و ظروف النفقة تكون حسب قدرة الشخص وسعته ما فيه شي اسمه اقتطاع ٥٠ و ٦٠ بالمية هذا غير أن إذا الشخص عليه تنفيذ يتم اقتطاع نسبة معينة و محددة نظاماً و مطالبتك بأكثر من ذلك فيه ظلم و تعسف

@Mashari_al3yada انت صح ، معاك حق

يا جماعه ،، شلون تنهي نقاش مع شخص مو عاجبك ؟

@alharbi_hr والله ياخوي خالد اغلب القطاع الخاص كذا لا بغيت تقدم استقالتك فكروا يتسنعون معك ويوم انك تشتغل بذمه وضمير وهم شافطين حقوقك ويستلعنون لو بعدد لك قائمه من الي اعرفهم نفس الشيء صار معهم .. طيب دامك تشوفني كفاءة واستاهل يا مال العمى وراك ما تعطي ولما اعافك ع اساس بقبل عرضك الجديد

انتظروه الى ان استقال واكتشفوا انه كفاءة