Booom

أغلبنا يظن إنه كسول، والحقيقة إن ساعته البيولوجية بس "ملخبطة". ​عالم الأعصاب أندرو هوبيرمان يشرح كيف تبرمج جسمك على النشاط وتصير شخص صباحي في 3 أيام بس. ​السر في (الضوء، الحركة، وتوقيت الأكل). اسمع المقطع، بيغير نظرتك ليومك بالكامل. 👇

أبغاك تفكر معي بعقلك بهدوء بعيدا عن العواطف.. مجال الطب لم يعد كالسابق .. قبل ١٥ سنة وأكثر كان فيه ندرة في عدد الأطباء السعوديين في كل تخصصات الطب البشري، وهذا جعل التنافس محدود والوظائف كانت سهلة.. إضافة أنه الراتب كان مجزي مقارنة بالجهد المبذول.. لسببين: لأنه ما كان في تضخم كبير مثل الحاصل اليوم، والثاني أنه الفرص البديلة كانت محدودة أو حتى معدومة.. حرفيا ماكان في تخصص أفضل من الطب وقتها.. حاليا مع التضخم الحاصل أصبح الطب "كمصدر دخل" ومقارنة بالجهد والسنوات المبذولة غير مغري وغير مجدي.. بالإضافة إلى وجود فرص بديلة في هذا الزمن أكثر جدوى بالمقارنة.. زمن السوشيال ميديا، زمن المنتجات الرقمية والتجارة الالكترونية، زمن الذكاء الاصطناعي، زمن الأتمتة .. طيب يادكتور عبدالله قد أكثرت علينا الكلام فأتنا بالحل؟ الحل موجود في خيارين.. الخيار الأول: أنك تبذل جهد أكثر وتدخل تخصصات قوية وتبني سمعتك وخبرتك ومهاراتك وشهاداتك .. هذا اللي حيجيب لك راتب أعلى من متوسط الأطباء.. الخيار الثاني: أنك تتعلم مصادر دخل ثانية ولا تعتمد على الوظيفة بشكل حصري.. نعم تقدر تتعلم بس تحتاج تشتغل على نفسك.. دراسة الطب لم تعد معقدة مثل السابق، عندك الذكاء الاصطناعي وعندك قنوات اليوتيوب، وعندك قنوات التيليجرام وعندك أدوات كثيرة جدا تختصر عليك وقت وجهد المذاكرة.. استغلها لصالحك وتعلم أساليب التعلم الصحيحة.. ذاكر بذكاء في وقت أقل وبجهد أقل وحتلاقي وقت لتعلم مصادر الدخل الثانية. كثير من الأطباء حققو مصادر دخل ثانية من العقار والأسهم والتجارة وبدون تقصير في تخصصهم الطبي.. وانت ماينقصك شيء وتقدر تصير مثلهم

اليوم استقبلت مراجعين، بنت بالثلاثيات ورجل بالاربعين، وغيرهم كثير الاسابيع الماضية. قالوا صارلنا اسابيع نبي نحجز ما حصلنا اسمك! قلت عادي فيه اطباء غيري نفس الخبرة وافضل وفيه استشاريين بعد!؟ ليش تأخرتوا بالحجز قالوا لا نبي عندك انت مانبي غيرك!!! انا :🤔 انا استغربت، قلت ليش؟ قالوا لانك تسمع لنا وتشرح لنا تفاصيل وخطط علاجية ما حصلنا قدر الاهتمام ولطافة الاسلوب مع طبيب اخر "احب اشرح بالصور وافتح متصفح، وغير الورق الي ارسم عليه، وغير الاوراق الي اطبعها وأجهزها كخطط" كلها هدفها شيء واحد = *رسم وبيان توضيحي كأني اشرح لطلاب مو مراجعين* قلت لهم ترا هالمعلومات اي طبيب يقدمها.. وولا هو قصور فيني بس الصدق انا يوم احجز موعد احرص دايم انه مع استشاري عشان اضمن افضل رأي اكلينيكي 😅 ليش المراجعين فضلوني انا؟ وقتها اكتشفت ان خبرتك الاكلينيكية كفّه، واسلوبك وطرحك ورحابتك وطريقتك بإقناع المريض وتغيير حياته كفّه اخرى تماماً رغم قلت علمي وخبرتي الاكلينيكية مقارنة بالاستشاري، والمريض عارف هالشيء. قرر يترك الاستشاري ويجيك انت لانه يثق فيك، ويدري انك ماراح تقاطعه وبتسمع له. المريض يبغى يحس بالجلسة، وعمق النقاش والفائدة. نستثني بعض التخصصات الجراحية المبنية على جودة العملية وسمعت الاجراء الجراحي.

فيه شيء غلط لما طبيب ينصح الاطباء الباقيين بالعقار او البحث عن مصدر رزق آخر. في 2017 رجعت السعودية من استراليا وكان راتبي 40 الف ريال لما جيت انعرض علي 3 الاف ريال. الحين عدوى طب الاسنان اصاب الطب البشري. كالغرغرينا تنتقل ببطء من عضو لآخر. الحل ليس ان تغير تخصصك او تبحث عن وظيفة أخرى. الحل ان تطور نفسك في مجال تخصصك وترفع دخلك طبق النصائح التالية: الطبيب اللي دخله كله من التأمين. بنى بيته على أرض غيره. التأمين يدفع ما يبيه هو. مو ما تستاهله أنت. وأي قرار إداري يغير شبكته. يغير معه راتبك. الحل في أربع خطوات واضحة. الأول. ابنِ ذراع نقدي موازي. خدمات اختيارية ELECTIVE. برامج متابعة. حزم وقائية. أي شيء المريض يدفعه لأنه يثق فيك. مو لأن شركته وافقت. الثاني. افتح حساب واكتب. السوشيال ميديا مو دعاية. هي سيرتك الذاتية الحية. الطبيب اللي ما عنده حضور رقمي موجود. لكن غير مرئي. والمريض اليوم يختار طبيبه قبل ما يحجز بأسابيع. الثالث. اهتم بتجربة العميل النقدي أكثر. مريض التأمين جاء لأن شركته تدفع. مريض النقد جاء لأنه اختارك. الفرق في الولاء. في الالتزام بالخطة. في احتمال إنه يرجع ويجيب معه أهله. الرابع. اجعل اسمك أكبر من لافتة المكان اللي تشتغل فيه. لما مريضك يجي لأنك أنت. مو لأن العيادة قريبة من بيته. ما تكون رهينة أي قرار إداري. وما تحتاج تدور بديل كل ما تغير عليك شيء. الطبيب القوي مو اللي عنده أكثر مرضى. اللي عنده أكثر خيارات.

بداية النجاح بحياتك هي بداية إعتزالك عن السوشال ميديا أو حتى ولو تخفيف جلوسك عليها

روتين عالم عمره 89 عامًا: 🕌 أصلي الفجر. 🚶أمشي نصف ساعة. 🍳 أفطر الساعة السادسة. ✍️ أبدأ عملي الساعة السابعة إلى 12 الظهر. 🕰️ أكمل من الساعة الثانية ظهرًا وحتى السادسة. 🍽️ أتعشى وأنام بعدها.