عايد

✍🏻 رديّة - شيخة الجن حدثت في وقت ليس بالبعيد بيني وبين استاذي وحبيبي الشاعر الكبير #محمد_الدحيمي ، شفاه الله .. وقتا ممتعا .. 📍فهد الدحيمي يالدحيمي سلام الله ســلام يثّــنا (مالدحيمي يثنا) يالسفير الذي ما دّل درب السفاره ( وين درب السفاره) زور روضة رسول الله ولك ما تمنّا ( واطلب اللي تمنا) لاتزور القباب وجوفها من حجاره ( جوفها من حجاره) 📍محمد الدحيمي مرحبا مرحبا يالشاعر اللي تعنّا ( ولمكاني تعنّا) غير خوفي يجي ربحك معانا خساره ( مابنرضى الخساره) اثر ما كل روضه مثل روضة مهنّا ( مثل روضة مهنا) واثر ماكل بشت ٍ يستحق الاماره ( يستحق الاماره) 📍فهد الدحيمي جاور السعد تسعد وألبس البشت فنّا ( وألبس البشت فنا) ثوبك ليّا تهدرس ما بيشبك زرّاره ( مابيشبك زراره) نفخر بفعلنا وبغيرنا ما اشتحنّا ( غيرنا ماشحنا) مثل ماقيل كل ٍ قدر سلمه وكاره ( قدر سلمه وكاره ) 📍محمد الدحيمي ايه حنّا هل الطولات والمجد حنّا ( حن هل المجد حنا) وش يدري الغريب اللي بعيده دياره ( من بعيده دياره) لو يكون شامنا ماهو يقدر يمنّا ( مايقدر يمناّ) طبعنا نعطي البشت الحساوي وقاره ( واعط كل وقاره) 📍فهد الدحيمي قالوا الشنفرى لو ديرته شام عنّا ( ديرته شام عنا) كان حطّوا له السندس يمين ويساره ( عاليمين ويساره) شيخة الجن يبقى صيتها في وطنّا ( صيتها في وطنا) ولسليمان بن داوود معها الصداره ( دوم معها الصداره) 📍محمد الدحيمي يافهد لاتلوم الشنفرى يوم غنّا ( يافهد يوم غنّا) خابر الذيب ذيبٍ والنماره نماره ( ياسليل النماره) شيخة الجن قد كتفتها يامعنّا (شوفها يامعنا) ماعرف للتجاره غير راعي التجاره ( يدري اهل التجاره) 📍فهد الدحيمي جعل مايلحق بليهان شرهة زمنّا ( لو تردى زمنّا) السكاكين حدوها يبون انكساره ( مابنرضى انكساره) كان دارت رحاة القوم جيت وطحنّا ( كل حب طحنا) أجدبت الارض مابه حَبّ يملى الغِرَارَه ( حب يملى الغراره) 📍محمد الدحيمي لو تدور الدواير حَبَنا ما غَبنّا ( حبنا ماغبنا) علم اللي لبس جوخ وبنى له عماره (وابتنى له عماره) لا نَصونا العرب منا ومنا ومنا ( اييه منا ومنا) عادة الحُّــرّ يفهم يافهد بالاشاره ( يافهد بالاشاره) #مناشدة_لعلاج_الشاعر_محمد_الدحيمي