m7

- مين اللي وقف مع شيرين فعلاً في أزمتها ووداها المستشفى؟ = الوحيد واللي بقولهولك على مسؤوليتي اللي وقف مع شيرين في الفترة الأخيرة ووداها المستشفى هو أحمد سعد. هو اللي خد موقف وجيه خطـ ـفها من بيتها ووداها المستـ.ـشفى، وربنا يكتبله ده في ميزان حسناته. مش زينة ولا أخت زينة ولا غيرهم، كل دول رسايل 'قلبي معاكي' وخلاص. - شيرين فين دلوقتي وحالتها إيه؟ = شيرين موجودة في مصر وبتتعالج في مصر مش في سويسرا زي ما اتقال، وصدقوني اتحسنت، بس لسه ما وصلتش (للتعافي التام) لكن إحنا في انتظارها. - إيه رأيك في الهـ.ـجوم اللي اتعرضتله منى زكي بسبب فيلم "الست"؟ = منى زكي ممثلة شاطرة وموهوبة ، بتعرف تمثل بس ما تعرفش 'تتقمص'. التقمص ده حاجة تانية خالص، ومكنتش مع إنها تعمل دور السـت (أم كلثوم) لا في طريقة الكلام ولا تون الصوت. - إيه مشكلتك مع الفيلم نفسه والمؤلف أحمد مراد؟ = الفيلم ده أجندة خارجية لسحب البساط من القوى الناعمة المصرية. أحمد مراد مش عارف يكتب سيناريو، دي اسكتشات ومواقف مفتعلة، وصدر .. أم كلثوم شيطانة مش سيرتها الذاتية. طلعها مستبدة وحقودة وبخيلة وبتعامل فرقتها وحش.. إيه القرف ده؟ معقولة دي أم كلثوم؟ - والماكياج اللي اتعمل لمنى زكي في الفيلم؟ = ما تقتنعيش بيه أبداً. الماكيير جابوه من أمريكا وهو ما يعرفش مين أم كلثوم أصلاً ولا شافها، وما قدروش يوصلوا لجسم أم كلثوم ولا ريحتها في سن الكبر. - شفتي إزاي اعتذار بيومي فؤاد لمحمد سلام في الفترة الأخيرة؟ = بيومي فؤاد بيمشي أموره، لقى إن الموضوع لسه الناس بتتكلم فيه والجمهور ما كانش متعاطف معاه خالص، والجمهور متعاطف جداً مع محمد سلام.. فقال لك بقى لسه في رغي، فنقفل على الموضوع وأعتذر له ونخلص. بس عايزة أسال بيومي فؤاد سؤال : إنت عملت مسرحيات كتيرة جداً في موسم الرياض، وأفلام كتيرة إنتاج وتوزيع سعودي.. إنت ليه مش بتتكرم في الـ Joy Awards؟ هم ليه مش بيكرموك؟ الناقدة مها متبولي برنامج كشف حساب 📺