EC

خاص "بيروت تايم": 📌 كشف رئيس الحكومة نواف سلام خلال جلسة مجلس الوزراء اليوم أن المواقع التي استهدفها الجيش الإسرائيلي أمس في بيروت هي أماكن يُخزّن فيها حزب الـ/ـله السـ/ـلاح أو يتواجد فيها مسؤولون في الحزب 📌 اعترض وزير الصحة ركان نصرالدين على هذا الكلام، معتبرًا أنه لا دليل عليه، ليعود سلام ويؤكد أنه لا مجال لحماية بيروت إلا بنزع السـ/ـلاح من داخلها ومن بين المدنيين 📌 أصرّ سلام على إصدار قرار يطلب من الجيش والقوى الأمنية تعزيز بسط سيطرة الدولة على محافظة بيروت، وحصر السـ/ـلاح بالقوى الشرعية وحدها، والتشدّد في تطبيق القوانين واتخاذ التدابير بحق المطلوبين، وإحالتهم إلى القضاء 📌 حاول وزير المال ياسين جابر التدخل لمنع صدور القرار، معتبرًا أنه قد يمنح ذريعة للإسرائيليين ويبرّر قصفهم لبيروت، مطالبًا بتأجيله 📌 إلا أن سلام تمسّك بقراره ما أدى إلى مناوشة بينه وبين جابر، تدخل خلالها رئيس الجمهورية جوزيف عون لتهدئة الأجواء 📌 وخلال النقاش، ذكّر جابر سلام بأنه دعم جميع قرارات الحكومة السابقة، بما فيها حظر الأنشطة العسكرية لحزب الـ/ـله وانتشار الجيش، إلا أنه اعتبر أن توقيت هذا القرار غير مناسب 📌 في المقابل، بقي سلام متمسكًا بطرحه، وطلب من المعترضين تسجيل تحفظهم، وهو ما أكده رئيس الجمهورية عبر الدعوة إلى التصويت 📌 في النتيجة، صوّت جابر ووزيرة البيئة تمارا الزين (المحسوبة على "أمل" أيضا) مع قرار سلام، فيما تحفّظ الوزيران ركان نصرالدين ومحمد حيدر على القرار #بيروت_تايم

اللبنانيين لازم يوقفوا يكذّبوا على حالن. هالبلد مش “عالِق” بحرب إقليمية، ومش ضحية صدفة أو سوء حظ. الحقيقة أبسط وأقسى: لبنان واقع تحت احتلال إيراني، وهيدا هو السبب الحقيقي ليش عم يتحوّل لساحة قتل. الحرس الثوري الإيراني وحزب الله عم يستخدموا اللبنانيين، كل اللبنانيين، كدروع بشرية. هيدا مش شعار. مش مبالغة. هيدا الواقع. أكتر من مية غارة إسرائيلية على لبنان لازم تكون جرس إنذار. بيتك مش آمن، حيّك مش آمن، ومنطقتك مش آمنة—مش لأنو هيك القدر، بل لأنو في ناس قررت تستخدم هالمساحات المدنية لمشاريعها: تخبّي سلاحها، تعمل اجتماعاتها، تدير شبكاتها، وتخزّن مصاريها بين العالم و تلتقي بعشيقاتهم. إنت مش محمي. إنت مكشوف و انت ميت اوعى حدن بقلك غير هيك. قبل بساعات من ما تنكسر سكينة بيروت بالقنابل، حزب الله ما كان عم يجهّز لتهدئة ولا لحل. كان عم يثبّت سيطرته—سياسية وعسكرية- شي بيشبه انقلاب تدريجي، متغطي بشعار “النصر الإلهي”. وهيدا الشعار عملياً بيعطيه الحق يسكّت أي معارض، يهدّد، وإذا لزم، يقتلوا. هيدا مش مقاومة. هيدا زعرنة. صح، القنابل اللي نزلت على بيروت رح تترك جروح. بس بيروت تعوّدت تداوي جروحها وترجع تقوم. اللي ما رح يطيب هو شي تاني: استمرار هالمنطق الطائفي السام، اللي حوّل اللبنانيين -وخاصة الشيعة- لأدوات بمشروع أكبر منن. مشروع ما بيسألهم، وما بيمثّلهم، بس بيطلب منن يدفعوا الثمن. هيك منطق حوّل لبنان لبلد تهجير دائم. ناس بتتهجّر، بترجع، وبتتهجّر من جديد. وكل مرة بينقالها “اصبروا”. هيدا مش صمود. هيدا انهيار بطيء. وإذا ضلّ هيك، النتيجة واضحة: انفجار من جوّا. النجاة اليوم ما بتيجي بالشعارات. بتيجي بفعل بسيط: إنك تدافع عن حياتك. عن ولادك. عن أهلك. وما تسمح لحدا يقنعك إنو هيدا الواقع طبيعي أو لازم تتقبّلو. حزب الله ما رح يوقف. لأنو بقاءه مرتبط بهيدا الواقع، حتى لو كان الثمن البلد كلو. وهون السؤال الحقيقي: يا بتكمّلوا تعيشوا بمنظومة عم تحوّل بيوتكم لأهداف، يا بتبلّشوا تسترجعوا بلدكم—الدولة، الشارع، ومعنى إنو تكون مواطن. وإذا في سلاح، أو عناصر، أو شبكات عم تشتغل من بين البيوت، المسؤولية مش إنك تتجاهل أو تتأقلم. المسؤولية إنك ترفض، تفضح، وتطالب بمعالجة هيدا الواقع ضمن القانون وبشكل جماعي و اذا و لا بد ما بيحك ظفرك الأ جلدك. أي شي أقل من هيك هوي هبل و الهبل بيقتل