فيصل غلاب الشيباني

أخذ و عطا مع « سميّ الزعفران » @medghem

بين الشعور الهام والشعر الإلهام متى بـ يجتاح الحنايا .. حنينك ؟ اشتقت لك حتى لو اخذتك الايام ولو تاقف " الاقدار " بيني وبينك اشتقت لك كثر مااشوفك بالاحلام وكثر ما مر الدمع . . عيني وعينك وكثر ما جابتك .. الهبايب والانسام ونشدت عنك الصبح والليل وينك ؟

@_Bader_1 صح بدنك ي صديقي 🙏🏻

@f_gulab_ يا سسسلام عليك يا ابو غلاب ، صح لسانك و احساسك 👋🏻

@Aadl_15 @_Bader_1 لا عدمتك يالامير 🙏🏻

@f_gulab_ @_Bader_1 وكثر ما جابتك .. الهبايب والانسام ونشدت عنك الصبح والليل وينك ؟ الله الله لين بكره كبير يابو غلاب

@9e_You وعليك وصح بدنك ي نجمنا المبدع 🙏🏻

@f_gulab_ الله عليييك وصح لسانك يامبدع :)

@Ei_ll11 وعليك 🙏🏻

@f_gulab_ اشتقت لك حتى لو اخذتك الايام ولو تاقف " الاقدار " بيني وبينك الله علييك ي بن مشيب👏🏻.

يا ساكنٍ بين الضلوع المحاديب نصيبك من الحب عاده نصيبك لو ان حظي يخطي احيان ويصيب يكفيني اني يا حبيبي « حبيبك » @f_gulab_

ما عاد للضحك طعم .. وللفرح خانه الظاهر ان الشقى مكتوب لي حصري ولا كسر « قلبي » .. وْلا زعزع آمانه الا حنيني لـ ( عصرٍ ) ماهو بـ عصري والظالم ان زاد في : ظلمه وبهتانه ما نزّل من : الطويل المعتلي قصري ينصرني اللي نصر يوسف على اخوانه فـ الساعه اللي .. محد متوقعٍ نصري !!

الجديد أتمنى ينال على إعجابكم 🙏🏻🙏🏻

يا اللي معنّيني معك فالمعاناه لا تحسب إن أقدار ربي فـجيبي سلم عليك وسلّم الأمر لله نصيبي انك ما تجي من نصيبي الوقت دوراته مافيها مداراه فيها الحبايب تفترق يا حبيبي ياقو جوره فالرياجيل قواه ماعاد يقدر فيه حتى العتيبي

غير الصدف ما عاد باقي مواعيد لا وقفة - ولا لفتة - ولا إلتفاتة تبدّدت واللي بقى لي على البيد مغادرٍ .. ما ( غادرَت ) ذكرياته إي والله انّي فاقدك ياآبـعد بعيد فقدٍ على الله « كيّته وعْبراته » لا زال حولي من معه يكمل العيد بس أنت كنت بعيني العيد ذاته

الله على العيد يوم العيد عيدين فلة حجاج وغزل فـ عيون فلوه عهدي بها قبل عام او قبل عامين ومن يومها مبتلي بالصد بلوه ماعاد غنّيت فـ ألوان الفساتين وماعاد لي في غرام الغيد سلوه آثاري اللون ماله شغل فالزين اللون ماكان حلو،، البنت حلوه

كسر خاطري ليل الفراق .. بـ معاناته وحرّك شعوري شخص ماهوب متواجد وانا العاشق اللي نبرة الحزن فـ ابياته تسلّط على المهموم .. وتثوّر الهاجد اعرف الهواء بـ دموعه وبـ ابتساماته ولا أعرف لذة عمري .. ألا وانا ساجد ترى كل شي .. ما ترضي الله بداياته نهاياته أبشع من بداياته .. بـ وااجد.

@KAlSaery @aRwOiSheD ما عليك زود يا خالد ووجهك ابيض

@f_gulab_ @aRwOiSheD ونعم فيهم والله يبارك لهم ويجزاهم خير على حسن التعامل بيض وجيهم

عامل يشتغل عند أحد الأشخاص، تعلّق بوالده كثيرًا، وعند اقتراب سفره غدًا إلى أهله بكى يقول: أفكر فيه. حسن التعامل يصنع أثرًا كبيرًا في القلوب.

ما عليك زود يابو رائد وجعلنا عند حسن ظنك وظن الطيبين اللي مثلك وشرواك 🙏🏻

@aRwOiSheD @KAlSaery الله يحفظه ويرده بالسلامه

@KAlSaery هذا عامل غلاب الشيباني والد الشاعر فيصل غلاب @f_gulab_

هذا العامل كفيله غلاب هادي الشيباني والد الشاعر فيصل غلاب وغلاب وابناءه من عاشرهم يحبهم اياً كانت جنسيته والله ونعم فيهم @f_gulab_

عامل الإبل لدى عمي : غلاب بن هادي الشيباني اليوم رحلته إلى بلاده وكل سفره يسافرها يوصي أبناء عمي ان ينتبهون لاباهم من حبه له ولأبناء عمي.. وهو يعمل منذو 15 عام بكل صدق وأمانه ومن الجاليه #الهنديه 🇮🇳 موقف دمعة منه عيني الله يسعده وداعاً يازهير. #افطار_العشر___الاواخر_بالحرم

ينصرني اللي نصر يوسف على اخوانه فـ الساعه اللي محد متوقعٍ نصري !!