Smiley

اللهم تيسير لأمور رغبها القلب كثيرآ🌹♥️ القارئ: كورتش

@rakan200711 @Askmuhami شف اللي ردو عليك تلقاهم زي شاكلتها ولكن مهب حرام طالما كان فيه عذر معين ..عموما اشكرك ع تعليقك خليت السلق ينبحن😂

الحل الوحيد الاب يقدم على انقاص النفقه وبيحكم له القاضي بدال خمسه الاف الفين ريال ٠٠وبعد مايكبرون ويصير سنه عشرين قادر على التكسب يسقط النفقه عنه كامله ٠٠٠وكل ساقي يسقى بما سقى ٠٠ اولها مخلوعه وهاذا تتحاسبين عند الله وبعدها النفقه الي تصرفينها على نفسك واهلك وتاركه الاولاد ثم التحريض

من الخاص📩 السلام عليكم خلعت نفسي من زوجي قبل فترة طويله وعندي منه بنت وولدين وعند انفصلنا كانو العيال صغار و بحضانتي إلى الآن الحين كبروا واعمارهم 15 17 13 وكان ابوهم يقطر علينا بالقطارة بالنفقة شهر يعطينا وشهرين لا وشهر يعطي و ثلاثة شهور لا واشتكيته في المحكمة وأخذنا إستقطاع من راتبه النفقة والإيجار5 الف شامله كل شي و يوم كبرو العيال كلمته يزود النفقة عشان العيال كبروا وزادت طلابتهم ورفض كلموه عياله ورفض والعيال رفضو زيارتة حاولت فيهم ورفضو الزيارة فهو ارسل لي في الواتس وقلت له العيال عيوا عن الزيارة حاولت فيه أن يعطيهم لو شي قليل عشان يوافقون ولكنه رفض وقدم شكوى علي يتهمني بتحريض عياله على عقوقة وعلى قطع الارحام ويعلم الله اني ماحرضتهم هم للي عيوا بانفسهم وهم مو صغار عشان احضرهم وعياله كبار وأنا براء السالفة وهو مصمل على اني انا السبب والجلسة بعد حوالي أسبوعين ما أدري وش أقول في الجلسة ووش بيصير وش بيحكم القاضي وهل القاضي بيطلب عيالي مع العلم ما عنده إثباتات إلى عندة رسائل الواتس اللي قلت فيها عيالك رفضوا ورسائل لعياله وهو يتواصل معهم على الواتس ويقلون مانبي نجيك انصحوني وش اسوي

@MAMG966 @Askmuhami دايم التظليل الداخلي سوه عند محترفين زي جيو شيلد وغيرها لان هذولي حريصين ع سمعتهم ..اما التظليل الخارجي ف خله عند اي محل لان مصيرها ست شهور وتغيرها مع هالشمس

@Askmuhami حصل معي نفس المشكله من تظليل الزجاج الامامي والسياره صينيه ماشيه ١١ الف والسبب وقت تظليل الزجاج الامامي يرشون مويه كثير وتدخل من فتحات الطبلون للكمبيوتر الي ينظم كهرباء السياره واسمه BCM (Body Control Model) والمحلات الي شغلهم ماهو احترافي مايغطون الفتحات وخليت صاحب المحل يعوضني

من الخاص📩 السلام عليكم اخوي طلع سياره صينيه ويعلم الله ظروفه مرره صعبه المهم بعد ماطلعها من اول يوم ظلل السياره وجاء يشغلها مااشتغلت نهائيا رجع لشركة السياره قالهم السياره اليوم اخذتها ورحت ظللتها ومااشتغلت قالو مالنا شغل السبب انت خربتها وربي من اول يوم تعطلت والان لها شهر قالو الكمبيوتر خربان ومنقهر ومغبون متسلف ومطلع قرض وفوق كذا السياره خربان تسلف وصلح الكمبيوتر ب2500 قالو له انتظر يجي واحد يسويها لك من نفس الشركه ولازال ينتظر احسهم يلعبون عليه وودي ياخذ حقه منهم لكن ماندري كيف وماديا مانقدر نوكل محامي عطونا حل تكفون منقهره على اخوي

@Yasser_g4 @Askmuhami الله يبيض وجهك ع وقفتك وفعلك للخير ينحسب لك يالاجودي

@Askmuhami أنا صاحب القصة و الحادثة هذي صار لها حول السنة تقريبًا، و الرجل في سجن مسرة في الطايف حاليًا - و لله الحمد - أرسلت السؤال لحساب اسأل محامي وقتها و أفادوني الأخوان الله يعافيهم، و مدري ليه رجع ينزل السؤال مرة ثانية !

من الخاص📩 السلام عليكم عندي عمارة توي مخلصها الحمد لله ، و فيها ملحق دوبلوكس آجرته لعريس ب 26 ألف بعد شهرين جاني قال انفصلت من وظيفتي و أبيك تصبر علي قلت على خشمي لك سنة كاملة مجانًا لين ربي ييسر أمورك تفاجأت بعد فترة ان فيه عائلة غير اللي مؤجر له الملحق ينزلون دايمًا من الملحق و ما حبيت أكلمه ، لكن استغربت منهم لأن عددهم كبير و اضطريت أسأله قال أهلي و جايين من الديرة بيجلسون عندي لين يلقون بيت قلت الله يحييهم و معذور المهم بعد فترة اللي مستآجر مني ما عاد أشوفه و استغربت ، و جيت بيوم بعد صلاة العصر لقيت الشايب اللي أشوفه ينزل من البيت دايمًا و سألته قلت عسى ما شر إن شاء الله أمور ولدك زانت لأن له فترة مختفي قال مو ولدي ولا أعرفه ؛ هذا صاحب العمارة و أنا مستآجر الملحق منه ب 35 ألف سلمتها له دفعة وحدة و انصدمت حاولت أتواصل مع الرجال حاظرني واتساب و إتصال ، و أتصل عليه من أرقام ثانية شكله يبحث و يعرف انهم يعرفوني و يحظرها الآن أنا بطلع اللي مستآجر الشقة و بحاسب اللي كان مستآجر مني ، وين أشتكيه و آيش الإجراءات بالضبط ؟ شكرًا لكم و يعطيكم العافية

@AbtTrend تقولك فيراري ب ١٦ مليون 🤣🤣

د. عمر الحماد: احد الورثه من البنات جتني قالت 70 مليون ضاعت في سنه! ما بقى منها ريال سألتها وين ضاعت الفلوس؟ تقول سافرنا 15 سفره ما نطلع الا فرست كلاس او طيارة خاصه، و شريت لولدي بـ 16 مليون سياره فيراري و خاتم الماس لبنتي بـ 3 مليون!

@AskCFO راتبك ١١ ومايبقى منه شي؟؟ اجل لو راتبك ٥ وش بتسوي وقتها

— من الخاص 🎙️ انا رجل وعايش بالرياض لحالي عمري ٢٣ وراتبي ١١ الف وماعندي التزامات ولاديون ايجار سكني فقط ٢٤٠٠ ماني قادر اوفر اي ريال من راتبي وش تنصحوني اسوي ؟ #استمتع_بالرحلة

@Askmuhami متزوجه وعندها عيال وفوقها رخيصه ياساتر الله لايبلانا

من الخاص📩 السلام عليكم اكتشفت محادثات بين زوجتي ورجال بالعمل رساله غرام سترت عليها و طلقتها ولاجبت ل احد طاري بالموضوع وعندي منها طفلين وحارمتني منهم اشوفهم فقط ساعات بالاسبوع ورافضه اي تتدخل وقفلت الخط بوجه والدي اقدر اسحب الحضانه منها اذا طلعت اثباتات الرسايل وهي عندها اختها لها قضيه فيها حكم شرعي؟ هل تؤثر قضيتها في اثبات عدم اهليتها للحضانه ؟

@Askmuhami بتستقل وبتصير نفس الكلام اللي قالوه عنها .. عمر الاستقلال ماكان حل

من الخاص📩 السلام عليكم أنا سيدة عمري فوق ٣٠ وموظفه أرغب بالاستقلال عن الاهل في سكن خاص مع معارضتهم السبب المنع من الخروج حتى في الويكند والاجازات واذا طلعت سب وشتم ودعاوي وتصل للقذف احيانا تعبت نفسيتي مره، ماني قادره انفس من ضغط الدوام صرت اكره الويكند وافضل الدوام بسبب افعالهم هذي، ابي رأيكم.. سؤال للمحامين اذا تعرضت لمضايقه او تهديد من الاهل مالاجراء المناسب؟ وشكراً

@alhazza_abdul @Askmuhami الله يباركله

@Askmuhami في واحد صار معاه مثلك بالضبط لكن حولت لزوجها قبل الطلاق ما مجموعه 200 الف بعد ما طلقها رفعت قضية وكسبتها قام طليقها عمل مثلها وحمع كل الحوالات لحسابها قبل الطلاق طلعت 300 ألف ورفع عليها قضية واستردها

من الخاص📩 السلام عليكم انا على وشك الانفصال من زوجي ، وبيننا سابقا حوالات بنكيه . كنت احول على حسابه البنكي من سنتين ونصف تقريباً ، حوالات متفرقه بين وقت ووقت ، ومجموع هذه الحوالات 70 الف ريال طبعا هو ماطلبني بس كنت احول له الان ابي استردها كلها عن طريق رفع دعوى . هل بامكاني استراد المبلغ كامل ؟

@raidkaled1 يرجال البلا مهب بالمهر البلا في الزواج نفسه تكاليفه زادت بشكل كبير والمواد والكهرب .. يعني سابقا راتب ٦ تقدر تتزوج به حاليا ماتقدر تتزوج الا من ٩ وطالع واذا اقل من هالمبلغ بيقدر يفتح بيت بس بتكون الماده جدا ضيقه

المهر ليس سبب العزوف عن الزواج ‼️مو من عادتي أكتب عن موضوع اجتماعي و لكن شفت كثير يتكلمون عن الزواج والعزوف عنه ويقولون إن السبب هو المهر وهذا غير صحيح المهر ليس سبب عزوف الشباب عن الزواج كثير من الشباب قيمة سيارته أعلى بكثير من المهر يعني يشتري سيارة بـ150 ألف عادي ويقول المهر غالي مو منطقي أعتقد فيه اسباب أخرى أكبر من موضوع المهر وتحتاج إلى دراسة وحلول

@AskCFO ماشاءالله ..اغبطك جدا

— من الخاص 🎙️ انا ضابط حديث تخرج راتبي ١٥٦٧٠ تعينت مع الاسف بعيد عن اهلي والسكن متوفر لي من جهة دوامي والاعاشه واروح اسبوعين وارجع الرياض اسبوعين ولا اصرف واجد افكر اخذ لي قرض عقاري واطلع لي فيلا وفيها شقة واجرهم الاثنين كلهم الفيلا والشقة تصير تسدد نفسها بنفسها ويمكن يزود لي بعد عشان لا رزقني الله نقل يكون السكن عندي جاهز ابي الحق قبل لا يطير العقار زود بالرياض #استمتع_بالرحلة

@Mbk8g ماني اتشمت لكن و الله اني استمتع لما اشوف واحد يتبهذل بحياته عشان وصخ دنيا وعشان ظلم مسلم واكل شي مو من حقه ..ف الحمدلله على العداله الربانيه و الله لايبلانا ما بليت به

من الخاص ✉️ انقذوني فجرت ايوه حلفت عندي القاضي وانا كاذب يمين السالفة اشترى مني شخص سيارة واعطيته مهلة ٦ اشهر واخذت اوراق واثباتات وبعد ٦ اشهر سددني المبلغ المتفق عليها ١٤٠ الف كاش لان طلبتها كاش وبعد فترة بعد ماستلمت حقي رفعت عليه قضيه وقدمت الأوراق وحكم لي الشيخ باليمين وحلفت واخذت ١٤٠ الف ثانيه وبعد شهر توفى ولدي الكبير وبعد ٤ اشهر توفى ولدي الوسط وبعد ٧ اشهر احترق محلي وجاني سكر وضغط وكرهت الحياة الان انا توبت وابي ارجع حقه قسم بالله ماعرف انام الليل انقذوني بالحل كيف الطريقة

@AskCFO ماشاءالله تبارك الله اغبطك

— من الخاص 🎙️ الله يرزق كل من نصحني من واسع فضله يارب راتبي 13,300 + بونص سنوي 50 الف متزوج وعندي ولد معي كاش 117 الف 65 ألف أسهم اقساط 1500 باقي منها سنة ونص اجار شقة 2500 الباقي مصاريف سيارتي قديمة افكر اشتري سيارة جديدة اقساط او نظام خمسين خمسين رأيكم أو اذا فيه أي اقتراح تشوفونه مناسب #استمتع_بالرحلة

@algoot911 @RM_H77 في عشان كذا من الاساس لاتهديها شي ليين يتم الوضع اما شغل هدايا ومبالغ في الخطبه واخرتها رفض ..هنا انت المخطي

@RM_H77 هل النساء في الزمن هذا اصبحو يحللون سرقتهم لناس عن طريق عذر الرجوله؟؟؟! الرجال عطاك الهدايا في اطار و مشروعية الزواج عشان توافقين عليه و اذا لم يحصل ذالك من حقه انه يسترجع كلشي دفعه عليك عشان الزواج غريبين بنات ذا الزمن فيهم شر و كيد لا يوصف تستغلك حتى لو منت بحلالها

الرجوله تصيح بالزاويه 💁🏻‍♀️

@faassil259 @rtr557 @Askmuhami عز الله😂😂😂

@de_20l @rtr557 @Askmuhami الحراميه السراقين يدافعون عن بعض

من الخاص📩 السلام عليكم ولدي تملك على بنت وهذه البنت تؤجل الزواج وخلال السنتين تأجيل بحجة الدراسه واعطاها المهر 50 الف ثم بعدها حدد الزواج رفضت وقدمت فسخ وطلقها وحكم القاضي بارجاع المهر كاملا هل سوف ترجع المهر كاملا هي تقول ماعندي امهلني وانا ابي اعف ولدي

@iTzExit7 سبحان الله.. واللي ماعنده القدره ماديا للزواج تلقاه متقطع عالزواج ويبي يعف نفسه

واحد معنا بالأستراحة لنا سنوات نحاول نقنعه بفكرة الزواج لأن عمره وصل 34 وهو باقي ما تزوج طبعا حالته المادية كويسه ووظيفته كويسه ووضع العائلة المادي برضوا كويس وباقي رافض الفكرة رفض قطعي والله إني دايم اتسأل دامك شخص تقدر تتزوج وكل شيء متيسير لك ليش تفضل العزوبية ليش

@SALIFATI9 انت منتب صاحي الله يرفع عنك

#سالفتي هل عادي الزوجة تغير ملابسها الداخلية قدام زوجها أنا زوجتي تغير قدامي قلت لها حنا خلاص كبرنا ما ينفع تغيرين قدامي معك الحمام ادخل غيري واطلعي زعلت وراحت بيت أهلها علما أعمارنا 55 هل أنا غلطان بهذا التصرف لاني استحي صراحة

@prop_solu قولي له لو فيك خير كان صرفت ع مرتك اللي ساحبه عليك سنتين ولاعطتك وجه لان المرجله كايده ومهيب لأي واحد

السلام عليكم اخوي مبهذلني كل ماشافني قال خطيبك ماعنده شنب وبس يطقطق ع الرجال وانا احاول امسك نفسي م اقول شي خطيبي رجال كفو ومافيه شي وعاجبني بس هذا يحاول يكرهني فيه مع انه هو مافيه خير لزوجته صار لها سنتين عند اهلها مو قادر يصرف عليها ومع ذلك شايف نفسه على الناس عشان شويتين شعر عنده يفكر الشنب مقياس للرجوله ابي اوقفه عند حده بدون مايصير زعل اقترحوا علي

@Reda_Alidarous هذا اسمه هطف ونعيمي ولاهوب كفو للمسؤوليه انه يولي زوجته مسؤولية البيت والمال كامله

هل يعقل ان يكون هناك سعودي او خليجي يعطي راتبه كاملاً لزوجته لتدير مصاريف البيت.. ما رأيك بهذه الفكرة؟ ممكن تطبقها..

@dhasshi0bt @sioos17 انت لاحظ هي ماتدري وش تبي اصلا ويقالها سوت موضوع وكذا 😂

@sioos17 إرجعي لتغريدتك و اقريها زين….

المهر قبل 37 سنه لما كان في رجال الحين 60 ألف ويتبكبكون المهور عاليه ما قدرنا نتزوج

@Abdullah1164164 @Reda_Alidarous انت اهم شي لو بتجي تتزوج احسب حساب كل شي وخذ من البيت الكفو لاتاخذ من الخمام اللي تشوف كذا منطوقها

@Maahaa87 @Reda_Alidarous دايم لما اشوف تعليقات أشكالك استاذه مها اعرف انه قبل نتزوج نحسب حساب ١٠٠ مره يمكن صديقتك وصخه ام ربحه ماتهتم بنفسها تقطع بصل وتنام مع زوجها لكن المراه كفو توقف مع زوجها وانتي وصديقتك عله على المجتمع

من الخاص زوجي قاعد يبني لنا بيت بقرض عقاري وشخصي وتسلف من اخوياه وجماعته ولا يصفى له الا ٤٠٠ ريال بعد سداد القروض والسلف والله اننا اصبحنا فقراء و البيت صار جاهز بس مقدرنا نأثثه هو عنده قروض وانا كمان عندي قروض بس عندي ذهب يجيب لي ٤٠٠ الف تنصحني ابيعه و أثث البيت واوقعه سند لآمر