سواق تكسي

@abduilaziz_ عزيزي الذي تاخر بالزواج وتمنى لو تزوج مبكرا احب اقولك اننا تزوجنا مبكرا واكلنا هوا خلك زي منت وعيش طبعا المدرعم تنتظر مني اقول العزوبية سعادة عشان تنبرش علي صح؟ لا تطمن العزوبية سيئة لكن الزواج أسوأ منها

أهم ما يقوله من تأخر في الزواج بأنه تمنى لو تزوج مبكراً. - لو لم تكن متزوجاً حاول أن تعد نفسك سريعاً للزواج. هذه سنة الله في الأرض واختر من يعينك على دينك ودنياك.

@zkhwaiter نتمنى ان تكون عقوبتهم يسجن في نفس الفتحة وتكون مقفلة بشبك كل من مر يشوفه ويعطيه المقسوم

اجرام في وضح النهار . يسرقون الغطيان ويعرضون السيارات للوقوع فيها . مات رجل وابنه لما سقطوا فيها قبل يومين في الشفا . متى نسمع تطبيق شرع الله بتطبيق جريمة الحرابه فيهم ؟؟؟

@MAlbsimi ما يدخلون في مجال فيه فلوس الا وتجدهم يحتلون المركز الاول في النصب والاحتيال والفهلوة الا من رحم ربي منهم انا عن نفسي اي شركة اشوفها توظفهم بكثرة ادري ان ذا الشركة وراها لعب لين السماء ما اعمم طبعا

الاحتيال وصل مراحل!! هذي قصة هالأسبوع صارت لأحد معارفي من سكان حي الخليج في الرياض اتصل فيه مندوب مبيعات من جنسية عربية يقول إن يمثل أحد شركات الاتصال  في السعودية، المصيبة أن هالمندوب مش فقط يعرف اسم و رقم صاحبي، بل يعرف هويته أيضا! قال له انت اكيد ملاحظ إن اتصال الانترنت صار سيء مؤخرا، و حبيت أبشرك إن الحي بالكامل خلاص بتطلع منه شركة الاتصال A و تجي مكانها شركة الاتصال B. طبعا صاحبي انلخم، و قال له ما عمري واجهت مشاكل مع النت، فرد عليه و قال له الا كل الحي يواجهون مشاكل و لهم فترة يشتكون. و قال له الحين بيتواصلون معاك الشركة و لا تجيب لهم سيرة عن تغيير الخط، و قول بس أبي أسس خط جديد، و أنا بكون عندك بعد ساعة أركب المودم صاحبي قال الموضوع فيه ان، اتصل على الشركتين عشان يتأكد، و كلهم قالوا له هالكلام مش صحيح إطلاقا طبعا أثناء الاتصال فيهم كان المندوب يتواصل معاه بشكل متكرر و بدأ ينفعل ليش ما يرد عليه، و يقول له أنا جايك عشان أركب المودم المهم صاحبي رد عليه أخيرا، و قال له أنا اتصلت على الشركتين، المندوب ارتبك، و لما قال له انهم كلهم انكروا السالفة حقته قفل الخط و لا عاد اتصل طبعا للملاحظة المندوب اتصل من 4 أرقام مختلفة خلال السالفة هذي كلها المستفاد، هذول المناديب ياخذون عمولات على كل عميل يجيبونه، و كما يبدو جالسين يحتالون عالناس بانهم يختلقون قصص عجيبة مثل ان الحي بالكامل بيغير خط أو تطلع منه شركة معينة و لازم تغير خطك الاحتيال مش دايم سرقة فلوس مباشرة، أحيانا يكون على شكل مبيعات أو تدبيسك بعقود و اشتراكات انت مش بحاجتها فاحذروا بقوة من هالأمور!!

@moshehri1 طبيعي تورس

يا كثر ذا العينات في شوارعنا يحسسك انه يلعب قراند مو يسوق في طريق رئيسي وفيه بشر ‼️ معقولة رايح لاحر اليسار وانت تبي تلف يمين ؟ وش رأيكم في ذا العالم🤦🏻‍♂️

@alrasdksa المرور وينه عن هذي التصرفات اشوف سيارات مسطحين قبعات التخرج فوق السيارات بطريقة غير امنه وممكن تكون سبب في حوادث ولا اشوف المرور يوقفهم لوسيارة وراها تمشي 120 فيزيائيا لو طارت القبعة هذي حتى لو كانت خفيفه مع قياس السرعة لو طارت على السيارة اللي وراها بتتسبب بحوادث واضرار كبيرة

هبة الحريم بحفلات التخرج اللي تحط قماش على كبوت السيارة انتبهي ممكن يسبب لك حريق بالسيارة

@AbtTrend بالغت الله يسعدك

لا ترمي الطرود الفارغة "كراتين التوصيل" الا بعد إزاله بوليصه الشحن.

@NOWTRND مرة وحده حسابها 9.31 قلت حسابك 9 ريال عشان مشوار اقول 9 و 31 هللة فاختصرت الموضوع لان الهلل مب مستاهلة يوم درت اني نقصت زبدت لي ليش تنقص تتصدق علي انت من بعدها صرت اطلب المبلغ هللة هللة

ترند " مقطع متداول " فتاة تنتقد: قبل فترة صقعت بالرصيف وانفقع الكفر في واحد الله يجزاه خير وقف لي وقال انا بروح للمحطة اجيب العامل رجع والعامل معه وثلاث من اخوياه ركبوا الكفر وطلع الحساب ٣٠ ريال قال حاسبت واعتبريه دفعة بلاء، ايش دفعة بلاء انت تتصدق علي!

@FahdAlbogami لا تشوفون داخل مستودعات شركات الشحن طبعا مب كلهم لكن غالبيتهم وضع مزري للاسف

هذي جديدة ولا سبقهم عليها أحد… احد الإخوان مرسل لي الصور هذي… طالب من صيدلية معروفه وطلبه قيمته 1800 ريال واللي موصل له الطلب مندوب على ددسن لشركة مكافحة حشرات ومليان كراتين طلبات…!! قمة الإستهتار أدوية ومنتجات طبيه في سيارة بالشكل هذا وبدون أدنى مسؤولية ولا معايير سلامة

@badereidalanzi طييعي لاندكروزر

دخل المول بالسيارة ويصدم المحلات !

@arqhtn واللي جنبه واللي جنبه والخ كلهم يبي يطلبون اعفاء

المصلحة العامة تقتضي هذه المشاريع لكن حقيقية ان يتحمل المستفيد الاخير الضرر لوحده مشكلة اقترح مثلا : إعفاؤه من كل الرسوم الحكومية الى انتهاء المشروع فتتحمل الجهات الحكومية معه جزء ان يُعفى من الايجار ويتحمل صاحب العقار أيضاً جزء من ضرر المصلحة العامة يُعفى من الضريبة والزكاة مؤقتاً

@NOWTRND هذي الحركة تستفزني بغيت اصدم في دينه بسبب واحد ثاني سيارته جيب لانه زعل على راعي الدينه وراح قدامه وفرمل في وجهة يعني الغبي زعلان على الدينة ويفرمل في وجه والضحية كل الناس اللي وراه هو والدينه والله اني حقدت واستفزني الموقف ولولا ان عيالي معي كان وقفت راعي الجيب اتفاهم معه

ترند " مقطع متداول " فتاة توثق: الاجنبي قاعد يستقوي علي وانا ماسويت شيء! بس نخوة وفزعة عيالنا لهم نقاش ثاني معاه اخذوا حقي، الكامري ما قصر معاااااه 🇸🇦❤️!

@T5yll_ كلها ما تنفع معي ولا تمنع ولا تسد

كصيدلي: العرق فعلًا ماله أي ريحة! الريحة تطلع بسبب بكتيريا طبيعية تعيش على الجلد، تتغذى على العرق وتفرز هالأشياء.. - الفرق بين منتجات العناية: ١- الديودرنت (Deodorant - مزيل الرائحة): ما يمنع خروج العرق، بل يحتوي على مواد تقتل البكتيريا أو عطور تغطي على الرائحة. ٢- مضاد التعرق (Antiperspirant): يحتوي على مركبات (غالباً ألومنيوم) تسد مسام الغدد العرقية وتمنع التعرق أساسًا. ٣- "الشبة" ؟ تعمل كـ (مزيل رائحة/ديودرنت). تغير حموضة الجلد وتجعل البيئة غير صالحة لعيش البكتيريا، فبالتالي تختفي الرائحة تماماً. الشبة كيميائياً تحتوي على ألومنيوم بعد.. أتوقع واضح لكم وش أكثر خيار آمن🤣

@sult3n666 طبعا المسكين ييروح يدور اللي اشتغل له و مب لاقيه دايما احذر ايضا لا تتعامل مع واحد غير معروف بالسوق او واحد مجرد تشوف له رقم بالسوشال ويقعد يقول تعالج وترمم ونسوي ولدينا رخصة وموثقين كل الكلام كلن يقدر يقوله لا تتعامل مع احد ماله محل موجود تقدر ترجع له لو مارد على اتصالاتكم

الحذر الحذر ‼️ ليس كل مايروج له في وسائل التواصل صحيح مثل هذا الفيديو مرفوض كلياً وطريقة معالجه خاطئة ،

@SilentVale0 الاماكن اللي مثل كذا قليل يجيها سكان نفس المدينة بشكل متكرر غالبا زوارها سياح الداخل او السياح من خارج السعودية كل الدول فيه نفس الموضوع اتوقع مثلا دبي قليل تشوف اماراتيين في الاماكن السياحية لانهم طفشوا منها

هذي مشكلتنا ياهل الرياض ولازم صدق نعالجها ولا فيه اماكن صدق بنسحب عليهم مب طبيعي نشوف مكان له ٣ سنين فاتح خلاص قديم ونبي شي جديد طيب واذا رحنا له كل شوي وشفيها هذولي حقين جده ماطفشو من الممشى الي عند البحر ولا اهل الشرقيه ماطفشو من سولت بس حنا لو قهوه تقعد سنتين بس خلاص نشوفها قديمه ولازم نسحب عليها الي اخترع هذي الفكره تعال بتفاهم معاك

@b1b5000 كل الجسور اللي يتم انشاءها هي بديل أكبر واسهل للمحاور القديمة يعني كلها اما تنقلك من الملك فهد للدائري شرق والا غرب او تنقلك من الدائري الى الملك فهد شمال او جنوب

هذا الجسر مقابل المركز المالي هل بيكون دور ثاني للدائري الشمالي في هذا الميدان ؟

@PassionOfMotors لكزس كامري تورس كلهم يتصفون بنفس الصفة دايهم عليهم شطحات وملاحظات غريبة عجيبة

السبب للوقوف بهذا الوضع ‼️ X: ahad_za3

@SirFaaris @GoldenDose من راسي يعني 750 من اللي راتبه 5000 و1500 من اللي راتبه 10 الاف اشوفها رقم مقبول كقيمة للسيارة شهريا اما اذا كان اكثر من كذا بتدخل في ضغوطات لان قدامك مصاريف اخرى بيت وفواتير وغيره والا وش رايك؟

@gmail227 @GoldenDose ليش قلت 15% ؟

نيف السيد عن معاناته مع البورش: الله يعين على ذا السيارة يعني مدري صراحة السيارة مكينتها ورا يعني المفروض اخاف إني بصدم الناس الحين صرت اخاف أن الناس يصدموني راح تنباع يعني راح تنباع غير كذا إذا جيت اعبي بنزين انسى وين الفتحة.

@missdior456 عندنا لو ينفع السيارة ترقى الجدارن رقوها

تتفقون معي ولا .. دليل على أن مشاكل المرور تتعلق في الغالب بالسلوك وليس بالطرق يعمل دمج المسارات عندما يستخدم السائقون كلا المسارين بالكامل حتى نقطة الدمج، ثم يتناوبون على الدخول، تمامًا مثل أسنان السحاب. يُظهر السائقون الصينيون انضباطًا عاليًا في المسارات، وسرعات ثابتة، وسلوكا تعاونيًا، مما يقلل من الكبح المفاجئ، ويخفف الاختناقات المرورية، ويحسن من انسيابية حركة المرور بشكل عام. هذا يدل على أن انسيابية حركة المرور الفعالة تعتمد بشكل أكبر على تنسيق السائقين وتوقيتهم أكثر من اعتمادها على عرض الطريق أو البنية التحتية ..

@zytaa_300 @shamsalsanusiu @marsdnews24 ايش؟؟... جسمهم يطلع منه دود 😂😂😂😂😂😂😂😂😂😂 افلام كرتون موب انسان ذا 😂😂😂

@gmail227 @shamsalsanusiu @marsdnews24 كيف عرفت أن صحتهم جيده خشيت أنت بجسمهم🤣😭 ياخي الكذب مشكله فلناس وباب مخرج ماشفت لهم مقاطع ريحتهم خايسه وجسدهم يطلع منه دود اكل الخبائث عمره ماكان شي صحي شكلك تاجر بيض وزعلان

بالفيديو.. الدكتور فهد الخضيري يرد على مزاعم أضرار البيض ويكشف فوائده *** صحيفة المرصد: أكد الدكتور فهد الخضيري أن ما يُثار حول أضرار البيض لا يستند إلى جهات علمية أو أبحاث طبية موثوقة، وإنما إلى «آراء شاذة وغريبة». وأوضح أن أحدث الدراسات أثبتت فوائد متعددة للبيض، من بينها المساهمة في نمو الأطفال وتقوية العظام، إضافة إلى المساعدة في زيادة الطول وفق دراسات منشورة. وأضاف أن بعض الدراسات أشارت إلى أن تناول البيض قد يساهم في تقليل خطر الإصابة بمرض الزهايمر لدى كبار السن بنسبة تصل إلى 27%. كما أشار إلى أن البيض يُعد من الأطعمة المناسبة لمرضى السكري، موضحًا أنه يساعد في الحد من ارتفاع سكر الدم، وقد يفيد في خفض السكر التراكمي والوزن عند تناوله بطرق صحية مناسبة. ولفت إلى وجود طرق سريعة وسهلة لإعداد البيض خلال دقائق دون التسبب في رفع مستويات السكر في الدم.

@Nas_i0 ههههههههههه رغم انه كذاب بس ضحكني او واضح انه يطقطق على الهبيده اللي يقولون نطلع فلوس من اوبر اللي بيصدقونه فكر شوي بس وش ذا العملاء اللي ما يدفعون الا خمسميات وهو شكله شايل معه درج كاشير يرجع لهم الباقي

اما اوبر يطلع ذي الارباح؟