ٰ

يالليل الوله من حولي انفضو الجلاس وانا لا دله صدري ولا غمضت عيني لو الحبر ما يرسم همومي على القرطاس ويكتب معاناتي ويغتال روتيني ما عرضت واهج حزني لـ بارد النسناس ولا صفقو على جروحي محبيني تظاهرت بالصدر الشمالي وقو الباس على شان ماتفرح بضعفي معاديني اركاب الوصال عطاش وحياضها يباس ولاهوب حر الهجر مزع شراييني وقوفي على الاطلال ورسومها الدرّاس هو اللي معى ماضي حياتي معنيني وهج ذكرياتس جر ونه ودوية راس وبعدتس يبعدني وطيفتس يقهويني احاول على تحرير روحي من الاتعاس لامنه تمثنى رمح صدتس ضلاعيني ترى الكلمه الي عالقه داخل الاقواس هي الفاصل اللي حايل بينتس وبيني لا تستنطقين الصمت والشاعر الحساس وهو ملتزم فـ العرّف والوازع الديني ياكبري بعين اللي مايدرون عن الاحساس وياصغري لا طحت من الوله واحتويتيني هزمت الهوى والنفس وعيونتس النعّاس لولا سلهمت رمشينها ماهزمتيني انا العاقل اللي متزن مع جميع الناس لاكن معتس ،، خِـبلٍ ،، ما معي مايلهيني