M imran Thiraj

اگر آپ مجھ سے احترام، سنجیدگی اور ذمہ داری کے ساتھ بات کریں گے تو یقین مانیں، ہمارے درمیان شاید ہی کسی معاملے پر ایسا اختلاف باقی رہے جو حل نہ ہو سکے۔ انسان کو حکم، دھونس اور گالی سے نہیں بلکہ عزت، دلیل اور خلوص سے جیتا جاتا ہے۔ میری نفسیات کو سمجھنے کی کوشش کریں۔ میں اُن لوگوں میں سے نہیں جو دباؤ یا کردار کشی سے مرعوب ہو جائیں، البتہ عزت دینے والے کو ہمیشہ عزت دیتا ہوں۔ سخت ترین اختلاف بھی مہذب انداز میں ختم ہو سکتا ہے، مگر جب گفتگو کی جگہ ٹرولنگ، تمسخر اور بہتان لے لیں تو فاصلے بڑھ جاتے ہیں۔ میں آج بھی سمجھتا ہوں کہ سیاست اور تعلقات دونوں کا حسن برداشت، مکالمے اور احترام میں ہے۔ اگر آپ ایک قدم احترام کے ساتھ بڑھائیں گے تو میں دو قدم آگے بڑھ کر جواب دوں گا۔ مگر اگر ہر سوال کا جواب گالی اور ہر اختلاف کا جواب کردار کشی ہوگا تو پھر ردِعمل بھی ویسا ہی سخت اور بے رحم ہوگا جس کی شکایت بعد میں خود آپ کو رہے گی۔ کبھی کبھی انسان کو ہرانے کے لیے شور نہیں، صرف عزت کافی ہوتی ہے۔ ایک بار یہ راستہ بھی آزما کر دیکھ لیجیے۔