Ajith

மக்கள் தீர்ப்பைத் தலைவணங்கி ஏற்கிறோம். வெற்றி பெற்றவர்களுக்கு வாழ்த்துகள்! கடந்த ஐந்தாண்டு காலத்தில் ஏராளமான திட்டங்களை உருவாக்கி, தமிழ்நாட்டு மக்களுக்கு நல்லாட்சியை வழங்கினோம். தமிழ்நாட்டை அனைத்து வகையிலும் உயர்த்தினோம். தேர்தல் களத்தில் எங்களது சாதனைகளைச் சொல்லியே வாக்குகளைக் கேட்டோம். மக்களுக்குச் செய்து கொடுத்த நலத்திட்டங்கள் தொடருவதற்கு வாக்கு கேட்டு நாங்கள் பரப்புரை செய்தோம். திராவிட முன்னேற்றக் கழகத்தின் தலைமையிலான மதச்சார்பற்ற முற்போக்குக் கூட்டணியை ஆதரித்து வாக்களித்த தமிழ்நாட்டு மக்கள் அனைவருக்கும் நான் எனது மனமார்ந்த நன்றியைத் தெரிவித்துக் கொள்கிறேன். வாக்களித்தவர்களுக்கு மட்டுமல்ல, வாக்களிக்க மறந்தவர்களுக்கும் சேர்த்தே ஆட்சி நடத்தினேன். அனைத்து மக்களுக்கும் உண்மையாக இருந்தேன். நான் எனது மனச்சாட்சிப்படியே செயல்பட்டேன். நான் எனது சக்தியை மீறி உழைத்தேன். என்னைப் போன்றே களத்தில் உழைத்த என் உயிரோடு கலந்திருக்கும் தலைவர் கலைஞரின் அன்பு உடன்பிறப்புகள் அனைவருக்கும் எனது நெஞ்சார்ந்த நன்றி! எங்களோடு தோளோடு தோள் நின்ற தோழமை இயக்கத் தலைவர்கள், நிர்வாகிகள், தொண்டர்கள் அனைவருக்கும் நன்றி ! எனது அரசியல் பொதுவாழ்வில் அதிகப்படியான வெற்றியையும் பார்த்துள்ளேன்; தோல்விகளையும் சந்தித்துள்ளேன். எனவே இலட்சியமும் கொள்கையும்தான் முக்கியமே தவிர, வெற்றி தோல்விகள் மட்டுமல்ல என்று செயல்படக் கூடியவன் நான். அதனால் திராவிட முன்னேற்றக் கழகத்தின் அரசியல் பயணம் தொய்வில்லாமல் தொடரும். இதுவரை மக்களுக்காகச் சிறப்பான ஆளும்கட்சியாகச் செயல்பட்ட தி.மு.க. - இனி சிறப்பான எதிர்க்கட்சியாகச் செயல்படும்.

தற்போதைய தேர்தல் முடிவுகளின்படி, தமிழக வெற்றிக் கழகத்திற்குத் தனி மெஜாரிட்டி கிடைக்காதது ஒரு பின்னடைவு எனச் சிலர் கூறுகின்றனர். ஆனால், அரசு அமைப்பதில் விஜய்க்கு சட்டரீதியாக எந்தச் சிக்கலும் இருப்பதாகத் தெரியவில்லை. சட்டமன்றத்தில் ஒரு கட்சிக்குத் தனிப்பெரும்பான்மை கிடைக்காத பட்சத்தில், தனிப்பெரும் கட்சியாக (Single Largest Party) உருவெடுத்திருக்கும் கட்சியின் தலைவரை ஆட்சி அமைக்க அழைப்பது ஆளுநரின் கடமை. அந்த அடிப்படையில், விஜய் முதலமைச்சராகப் பொறுப்பேற்பதில் எந்த சிக்கலும் இல்லை. ஆனால் விஜய் அரசுக்கு ஏற்படக்கூடிய ஒரே சவாலாக 'நம்பிக்கையில்லாத் தீர்மானம்' மட்டுமே. அதை தி.மு.க மற்றும் அ.தி.மு.க ஆகிய இரு கட்சிகளும் ஒன்றிணைந்து இத்தகைய தீர்மானத்தைக் கொண்டு வர வேண்டும். ஆனால், பாரம்பரிய அரசியல் எதிரிகளாக இருக்கும் இவர்கள் இருவரும் கைகோர்ப்பது என்பது நடைமுறையில் சாத்தியமில்லாத ஒன்று. ஒருவேளை தி.மு.க மற்றும் அ.தி.மு.க கைகோர்த்தாலும், மாற்றுத் தலைவராக யாரை முன்னிறுத்துவார்கள் என்ற கேள்வி எழும். மேலும், இத்தகைய அரசியல் நகர்வுகள் மக்கள் மத்தியில் விஜய் அவர்களுக்கு மிகப்பெரிய அனுதாப அலையையே உருவாக்கும். எனவே, எவ்வித இடையூறுமின்றி அடுத்த ஐந்து ஆண்டுகளுக்கு விஜய் அவர்கள் முதலமைச்சராகத் தொடர்வார்!

தேர்தல் முடிவ ஏமாற்றத்தை தருகிறது.. ‌ஆனா இதுதான் மக்கள் முடிவு என்றால் அதை ஏற்றுக்கொண்டு தான் ஆகவேண்டும். எதிர்கட்சியாக மறுபடியும் திமுக தீவிரமாக பணியாற்றிடவே போகுது, அது மாறப்போவதில்லை.. தவெகவினர் இனி ஆளும் கட்சியாக எப்படி செயல்படுகின்றனர் என பார்க்கலாம்.