نرجس الحربي

يعجبني الشخص المميز اللي عارف انه مميز لكنه ما يستقصد اعجاب الناس ولا يسعى له يا ساتر يالجاذبية

اصدقائي الاعزاء تأجيل الأستمتاع بالحياة من أجل النضال لتحسينها ما هو إلا موتاّ اكلينكياً.

الرياضة 🌺🌷🌸💐🌼 للأبد أقف معجبة مندهشة من تأثيرها، مو بس نفسيًا وصحيًا وشكليًا، إنما على حياتي بالكامل، أصير أهتم بجودة غذائي وتعرضي للشمس وشربي للمويا وتنفسي ووقفتي وقعدتي حتى إتصالي بجسمي يكون بأفضل حالاته وأستشعر طول الوقت نعمة كل جزء بجسمي. أحبها

هلا حبيبتي ممكن تشرحين لنا ليه جهازك العصبي مايعرف الفرق بين انك تغلطين غلطة بدوامك وبين ان احد يهددك بمسدس وليه يعامل الموقفين بنفس المشاعر

ابوي مسمينا اسامي تاريخيه وهو اول من يذب علينا :

الياباني زعلان من تواجد المحجبات لانه ما يقدر يصور تحت تنانيرهن بالسر

if your thoughts get too big, go somewhere you feel small.

من وجهة نظري: أكثر عقليتين ممكن يحسنوا جودة حياة اي انسان وممكن يخرجوا الانسان من الظلمات الى النور: ١- تقليل استخدام الجوال ٢- عقلية او اسلوب minimalism او تقليل الاستهلاك انا بدأت في اسلوب تقليل الاستهلاك/ والتخلي عن الاكتناز بفضل الله ثم ((احمد الشقيري)) ايام خواطر، يعني من ايام ماكنت بالمدرسة.. وتطورت في التخلي لين ماصار عندي اي مشكلة اتخلى عن اي قطعة امتلكها وبككككل رضا وبدون اي جهد. لين ماصرت اكره اكره اكره اكره اكره اكره الاكتناز! واكره الخزائن المليانة، واكره البيوت المليانة عفش وكراكيب تخنقني و تجيب لي اكتئاب واحس طاقتها طاقة فقر مهما كانوا الاشخاص اثرياء. لأنه يُقال: "كثرة الاستهلاك تؤدي للهلاك" وقيل: "استهلك حتى هلك" ولو جينا للدراسات: معدلات الاستهلاك في امريكا عام 1930 كان معدل الاستهلاك (5) ومؤشر السعادة (70). في 2010 زاد الاستهلاك لـ (100) ونقصت السعادة لأقل من (20) الغريب ان معدل الاستهلاك يتناسب عكسيا مع السعادة يعني احنا نتوقع اذا اشترينا اكثر نصير سعداء اكثر والحقيقة العكس تماما كل ما امتلكت اشياء كثيرة كل ماتعلقت وكل ماتعلقت كل ماكنت عبد لما تمتلك ويقول الامام الشافعي: "إذا ما كنت ذا قلب قنوعٍ.. فأنت ومالك الدنيا سواءُ" طيب ايش القوانين اللي ممكن تساعدك تقلل استهلاك كبداية؟ ١- احذف كل تطبيقات التسوق ٢- اي مشاهير كل محتواهم اعلانات احذفوهم ٣- قانوني الخاص: اي شيء اشتريه اطلع بداله شيء! يعني اذا اشتريت فستان جديد، ماادخله الدولاب الا بعد مااطلع فستان ،، واللي اطلعه اما اعطيه لاخواتي/صديقاتي او اتصدق فيه. وهالشيء يخليني مااتهور ويمنعني من الشراء العشوائي لأني اعرف اني راح اتخلى عن شيء ٤- اكافئ نفسي بشيء غااالي وذا قيمة اذا احتجت او انجزت. يعني بدل ٥ عبايات كلها بجودة مقرفة، ورخيصة، اشتري عباية بجودة ممتازة حتى لو سعرها غالي لأني اعرف راح تقعد عندي سنة. ٥- اي شيء مااستخدمته اخر ٦ شهور على طول اصرفه. ٦- الاكسسوارات: عني شخصيا من سنوات قررت مااشتري اكسسوارات ابدا (يا ذهب يا بلاش) ٧- مكياجي اي شيء اشتريه اطلع بداله شيء، فصرت افكر الف مرة قبل اشتري اي قطعة (وفعلا مكياجي عبارة عن شنطة صغيرة بحجم اليد كل شيء فيها استخدمه وجودته عالية) ٨- منتجات البشرة من سنوات نفس روتيني بل ونااادر ادخل شيء لروتيني الا بعد قراءة مكثفة. لكن.. هذا مايعني انه ممنوع نشتري سخافات وهذا مايعني اننا نحرم انفسنا بالعكس، لمن تكون واعي بمشترياتك ولمن مايكون عندك شراء عاطفي يكون التسوق له متتتتتتتعة وله طعم وفعلا يكون مصدر للسعادة بدل مايكون مصدر للذة والفرق كبيرررررر بين السعادة واللذة في ناس راح يقولوا لي طيب احنا نمل ونحب نغير! بقولكم: ( ان مل الانسان مال عن الحق ) طيب ايش اثار تقليل الاستهلاك؟ ١- بركة وزيادة كبيرة في المال، والله بدون مبالغة، راح تحسين انك ملكة، لأن استهلاكك ورغباتك تحت سيطرتك وليس العكس ٢- راح يختفي عندك الشراء العاطفي تماااما تمااما بل وراح تختفي عندك نظرة الحرمان والشفاحة لأن بيصير تدخلين السوق وانتي مقتنعة داخليا ان ٩٩.٩٩ ٪ من الاشياء المعروضة ماتحتاجينها وتكونين مقتنعة داخليا، انك اذا احتجتي شيء ( احتياج حقيقي) راح تشترين الشيء اللي تستاهليه مهما كان سعره ٣- راح تكوني اكثر اناقة واكثر ترتيب.. دراسات كثيرة تربط كثرة الخيارات وكثرة الممتلكات بسوء الاختيار لان هالشيء يسبب ارهاق في اتخاذ القرار (Decision fatigue) يصير عقلك يبغى يختار اي شيء بس عشان يفتك من الحيرة ٤- زيادة على ذلك، كل ماكثرت الاشياء كل ما صار صعب ترتيبها وصار صعب عليك تشوفينها كلها قدام عينك بعكس لمن يكون عندك قطع محدودة بجودة عالية وكلها مرتبة قدام عينك بيكون سهل عليك التنسيق والاختيار عندي قناعة ان اي شيء مايُستخدم فهو قيمة وطاقة مهدرة.. على طول اتصدق فيه او اعطيه احد. والاهم من كل هذا، قلة الممتلكات ⬅️ بيئة مرتبة ⬅️ عقل هادئ لان العقل اذا شاف كراكيب يتعب وياخذ جهد وطاقة عشان يفكفكها ويحللها ويلا خذلك، تزيد عقولنا اجهاد وضعف فوق تعفنها