يامنوة الروح يوم ان الحشا ضمش
تلي حشا القلب تل ورزي القامه
يافتنة الغيد يوم ان الغلا زمش
سمي على القلب من خلفه وقدامه
ويا تلعة الجيد لامن قلتي بفمش
ودعتك الله حبٍ يذبح هيامه
روفي بأبو زيد قبل يموت مالمش
وهزي قوامٍ لاهندم كن هندامه
من لا يحس بقيمتك وأنت موجود
ماهوب ناشد عنك لا صرت غايب
حاول تفرق بيض الأيام والسود
يا قلب ما كل الحبايب، " حبايب "
اللي يبيك يجيك لو دونك قيود
يكسر على شانك خشوم الصعايب
واللي يبي فرقاك لو دروبك ورود
ما جاك لو أنك من أدنى القرايب
"على غيرَها تفرق بالاسلوب والمنطوق
مع زين خد وخشم .. وشفيّةٍ ذبله
شعرها على الردفين متثنيٍ من فوق
طويلٍ معنقها و مع زينها قبله
عين اشقرٍ شاف الحباري وقام يتوق
لمحها هريب مقفيات مع العبله
وحش فارسي مابعد حَط فيه سبوق
من الماكر اللي راع الصنف يتعب له♥️"
يا فتنة الجيل يا غاية منى المستهيض
اللي كتب لك طروق الشعر ولحونها
انتي جمالك .مثير وللعذارى .نقيض
جادل ..وفستانها مأخوذ ..من لونها
فستانك الـ خلّا كل ذكرى تفيض
ترسم على عيني البسمه وفي نونها
انا اشهد اني كسبت العمر واني حظيظ
ما باقي ..الأجنان الخلد ..وعيونها
البارحه ماكني الا على نار.
وقلب الشجاع البارحه زاد خوفه.
كله سبب طيفٍ تقل يطلبن ثار .
ان نمت ولا قمت عيني تشوفه .
طيف الحبيب اللي دوت فيه الاقدار.
حبيبي اللي نادراتٍ آوصوفه .
كنت المحب الصادق اللي بها بار.
بر الولد ب امه اليا راح شوفه.
وآقفت وله ب القلب حبٍ ومقدار
