📷 గల్ఫ్లో ఈ రోజు గోల్డ్ రేట్లు (Today Update) మీరు గోల్డ్ కొనాలనుకుంటున్నారా? లేదా ఇన్వెస్ట్ చేయాలనుకుంటున్నారా? 📷 తాజా Gold Prices in Gulf (UAE) ఇక్కడ చూడండి. 📷 #GoldUpdateMaa #MaaGulf #MaaGulfNews
@maagulf
తెలుగు
Maa Gulf
50.6K posts
Maa Gulf
@maagulf
A non-profit online news portal for Telugu community residing in GULF.
Katılım Nisan 2015
1.2K Takip Edilen3.8K Takipçiler
నకిలీ ట్రావెల్ ఆఫర్ల పై దుబాయ్ పోలీసుల హెచ్చరిక
వేసవి సెలవుల సీజన్లో ఆన్లైన్ మోసాలపై అప్రమత్తంగా ఉండాలని సూచన
దుబాయ్: వేసవి సెలవులు, హాలిడే సీజన్ను లక్ష్యంగా చేసుకుని పెరుగుతున్న నకిలీ ట్రావెల్ ఆఫర్లు, ఫేక్ బుకింగ్ మోసాలపై దుబాయ్ పోలీసులు ప్రజలను అప్రమత్తం చేశారు. “బీ అవేర్ ఆఫ్ ఫ్రాడ్” ప్రచార కార్యక్రమంలో భాగంగా ఈ హెచ్చరికలు జారీ చేశారు.
దుబాయ్ పోలీసుల క్రిమినల్ ఇన్వెస్టిగేషన్ విభాగంలోని యాంటీ-ఫ్రాడ్ సెంటర్ తెలిపిన వివరాల ప్రకారం, మోసగాళ్లు నకిలీ వెబ్సైట్లు, ఫేక్ సోషల్ మీడియా ఖాతాలు సృష్టించి అంతర్జాతీయ టూరిస్టు ప్రాంతాలకు తక్కువ ధరల్లో ట్రావెల్ ప్యాకేజీలు, హోటల్ బుకింగ్లు, విమాన టికెట్లు అందిస్తున్నట్లు ప్రకటనలు ఇస్తున్నారు.
మార్కెట్ ధరల కంటే చాలా తక్కువ ధరలు చూపిస్తూ ప్రజలను ఆకర్షించి, వెంటనే డబ్బులు పంపించాలని ఒత్తిడి తెస్తున్నారని పోలీసులు తెలిపారు. కొన్ని మోసగాళ్లు ప్రముఖ టూరిజం కంపెనీలు, లైసెన్స్ పొందిన ట్రావెల్ ఏజెన్సీల పేర్లు, లోగోలు ఉపయోగించి తమ ప్రకటనలకు నమ్మకాన్ని కల్పించే ప్రయత్నం చేస్తున్నారని వెల్లడించారు.
వాట్సాప్, ఫోన్ కాల్స్ ద్వారా “సీట్లు పరిమితం”, “కొద్ది గంటల్లో ఆఫర్ ముగుస్తుంది” అంటూ బాధితులను త్వరగా బుకింగ్ చేయాలని ఒత్తిడి చేస్తున్నట్లు గుర్తించారు.
డబ్బులు వ్యక్తిగత ఖాతాలకు లేదా అనుమానాస్పద లింక్లకు పంపిన తర్వాత చాలా మంది బాధితులు టికెట్లు, హోటల్ బుకింగ్లు అసలే లేవని తెలుసుకుంటున్నారని పోలీసులు పేర్కొన్నారు. దీంతో ఆర్థిక నష్టం మాత్రమే కాకుండా కుటుంబ విహారయాత్రల ప్రణాళికలు కూడా దెబ్బతింటున్నాయని తెలిపారు.
ప్రజలు అనుమానాస్పద ప్రకటనలు, అసాధారణంగా తక్కువ ధరల ఆఫర్లకు ఆకర్షితులు కాకూడదని పోలీసులు సూచించారు. కేవలం లైసెన్స్ పొందిన, అధికారికంగా గుర్తింపు ఉన్న ట్రావెల్ కంపెనీలు, విశ్వసనీయ ఆన్లైన్ వేదికల ద్వారానే బుకింగ్లు చేసుకోవాలని సూచించారు.
ఆన్లైన్ చెల్లింపుల ముందు వెబ్సైట్ లింక్ నిజస్వరూపాన్ని తప్పనిసరిగా తనిఖీ చేయాలని, కొన్ని నకిలీ వెబ్సైట్లు అసలైన వెబ్సైట్ల మాదిరిగానే ఉండే అవకాశముందని హెచ్చరించారు.
అలాగే వ్యక్తిగత బ్యాంక్ ఖాతాలకు డబ్బులు పంపకూడదని, బ్యాంక్ కార్డ్ వివరాలు, పాస్వర్డ్లు, సెక్యూరిటీ కోడ్లు ఎవరితోనూ పంచుకోవద్దని సూచించారు. మోసాలకు సంబంధించిన సమాచారం లేదా అనుమానాస్పద వెబ్సైట్లపై “ఈ-క్రైమ్” ప్లాట్ఫామ్ లేదా అత్యవసరం కాని ఫిర్యాదుల కోసం 901 నంబర్ ద్వారా పోలీసులకు సమాచారం ఇవ్వాలని దుబాయ్ పోలీసులు కోరారు.
#Dubai #UAE #MaaGulf @maagulf @DubaiPoliceHQ
తెలుగు
ఫుజైరాలో తొలి ప్రయాణికుల రైల్వే స్టేషన్ పూర్తి చేసిన ఎతిహాద్ రైల్
2026లో సేవలు ప్రారంభించేందుకు సన్నాహాలు
ఫుజైరా: యూఏఈ జాతీయ రైల్వే ప్రాజెక్ట్ అయిన ఎతిహాద్ రైల్, ఫుజైరాలో తన తొలి ప్రయాణికుల రైల్వే స్టేషన్ నిర్మాణాన్ని విజయవంతంగా పూర్తి చేసింది. ఈ ఏడాది చివర్లో దశలవారీగా ప్రయాణికుల రైలు సేవలను ప్రారంభించనున్న నేపథ్యంలో ఈ స్టేషన్ను సిద్ధం చేశారు.
ఫుజైరాలోని మదీనత్ అల్ హిలాల్ ప్రాంతంలో నిర్మించిన ఈ స్టేషన్ 51,900 చదరపు మీటర్ల విస్తీర్ణంలో ఏర్పాటు చేశారు. ఎతిహాద్ రైల్ కమర్షియల్ ఎగ్జిక్యూటివ్ డైరెక్టర్ అధ్రా అల్ మన్సూరి మాట్లాడుతూ, ఈ స్టేషన్ ఫుజైరాలోని ప్రధాన పర్యాటక, వాణిజ్య ప్రాంతాలకు సమీపంలో వ్యూహాత్మకంగా నిర్మించబడిందని తెలిపారు.
ఫుజైరా అంతర్జాతీయ విమానాశ్రయానికి సుమారు 12 నిమిషాల దూరంలో, అంబ్రెల్లా బీచ్ కార్నిష్కు 6 నిమిషాలు, సకమ్కమ్ కోటకు 5 నిమిషాల దూరంలో ఈ స్టేషన్ ఉందన్నారు.
ఈ రైల్వే సేవల ద్వారా ఫుజైరా, దుబాయ్, అబుదాబి నగరాల మధ్య రవాణా వ్యవస్థలో కీలక మార్పులు చోటుచేసుకుంటాయని, పలు రంగాల్లో పెట్టుబడి అవకాశాలు పెరుగుతాయని పేర్కొన్నారు. ఫుజైరా నుంచి అబుదాబికి ప్రయాణ సమయం కేవలం 105 నిమిషాలకే పరిమితం కానుంది.
గంటకు 200 కిలోమీటర్ల వేగంతో నడిచే ఈ రైళ్లలో ఒకేసారి 400 మంది ప్రయాణికులు ప్రయాణించగలుగుతారు. జాతీయ రైల్వే నెట్వర్క్ నిర్మాణంలో ఉపయోగించిన సామగ్రిలో 70 శాతం దేశీయంగా 97 స్థానిక సరఫరాదారుల నుంచి సేకరించినట్లు అధికారులు తెలిపారు.
మొదటి దశలో అబుదాబి, దుబాయ్, ఫుజైరాలను అనుసంధానించే మూడు ప్రధాన మార్గాలను ఒకేసారి ప్రారంభించనున్నట్లు వెల్లడించారు. రైళ్ల సమయ పట్టికలను సేవలు ప్రారంభానికి సమీపంలో అధికారికంగా ప్రకటించనున్నారు.
ప్రయాణికులకు అత్యాధునిక సదుపాయాలు కల్పించనున్నట్లు ఎతిహాద్ రైల్ తెలిపింది. స్టేషన్లో రిటైల్ షాపులు, వీఐపీ లౌంజ్, హైస్పీడ్ వైఫై, ప్రత్యేక డైనింగ్ కారేజీలు, ఆటోమేటెడ్ టికెట్ చెల్లింపు యంత్రాలు, విశ్రాంతి ప్రాంతాలు, ప్రయాణికుల సేవా కేంద్రాలు ఏర్పాటు చేశారు.
ఈ ఆధునిక సదుపాయాలతో యూఏఈలో రైల్వే ప్రయాణాన్ని మరింత సౌకర్యవంతంగా, వేగవంతంగా మార్చడమే లక్ష్యమని అధికారులు పేర్కొన్నారు.
#Fujairah #UAE @maagulf #MaaGulf @Etihad_Rail
తెలుగు
ప్రారంభమైన కైలాస్ మానససరోవర్ యాత్ర
హిందువుల అత్యంత పవిత్ర ఆధ్యాత్మిక యాత్రల్లో ఒకటైన కైలాస్ మానససరోవర్ యాత్ర ప్రారంభమైంది. భారత్, రష్యా, బ్రిటన్ దేశాలకు చెందిన సుమారు 300 మంది యాత్రికులు చైనా సరిహద్దుల్లోకి ప్రవేశించినట్లు అధికారులు తెలిపారు.
నేపాల్-చైనా రసూవాగధి కారిడార్ మార్గంగా టిబెటన్ పీఠభూమి గుండా ఈ యాత్ర కొనసాగనుంది. కఠిన వాతావరణ పరిస్థితులు, ఎత్తైన పర్వత ప్రాంతాల మధ్య యాత్రికులు ప్రత్యేక భద్రతా ఏర్పాట్లతో ప్రయాణం చేస్తున్నారు.
హిమాలయ పర్వతాల్లో ఉన్న పవిత్ర కైలాస్ పర్వతం, మానససరోవర్ సరస్సును దర్శించడం హిందూ, బౌద్ధ, జైన మతాలకు అత్యంత ఆధ్యాత్మిక ప్రాధాన్యత కలిగినదిగా భావిస్తారు.
అధికారుల సమాచారం ప్రకారం, ఈ పవిత్ర యాత్ర పూర్తికావడానికి సుమారు 10 నుంచి 14 రోజుల సమయం పడుతుంది. యాత్రికుల కోసం అవసరమైన వైద్య, భద్రతా, వసతి ఏర్పాట్లు చేసినట్లు సంబంధిత అధికారులు వెల్లడించారు.
#MaaGulf @maagulf #KailasManasarovar #indiaa
తెలుగు
సౌదీ, యూఏఈలపై డ్రోన్ దాడులను ఖండించిన ఎంపీలు..!!
#SaudiArabia #UAE #MaaGulf @maagulf #Drones
Read more>>maagulf.com/view/115841/la…
తెలుగు
పవిత్ర స్థలాల్లో పర్యటించిన మక్కా డిప్యూటీ ఎమిర్..!!
#MaaGulf @maagulf #SaudiArabia #Riyadh
Read more>>maagulf.com/view/115839/la…
తెలుగు
కువైట్-సౌదీ రైలు మార్గానికి ఆమోదం..!!
#MaaGulf @maagulf #Kuwait #SaudiArabia
Read more>>maagulf.com/view/115836/la…
తెలుగు
సీబీఎస్ఈ 12వ తరగతి ఫలితాలు.. భారత్, జీసీసీ దేశాల్లో ఆందోళన..!!
#MaaGulf @maagulf #Education #CBSE #Gulf #GCC
Read more>>maagulf.com/view/115827/la…
తెలుగు
సౌదీ అరేబియాలో 5 హెల్త్ సెంటర్లు సీజ్, 130 సెంటర్లకు నోటీసులు..!!
#SaudiArabia #Riyadh #MaaGulf @maagulf #Health
Read more>>maagulf.com/view/115826/la…
తెలుగు
దుబాయ్లో 13 కమ్యూనిటీ క్లబ్లను ప్రారంభించిన AES
#MaaGulf @maagulf #Dubai #UAE #Community #AES #Clubs
దుబాయ్: ఆయేషా షేక్ స్థాపించిన AES ఎడ్యూ మార్కెటింగ్ ఈవెంట్స్ నెట్వర్క్ FZE ఆధ్వర్యంలో “బిల్డింగ్ విత్ ది కమ్యూనిటీ” అనే థీమ్తో AES అంబాసిడర్స్ పిన్నింగ్ సెరిమనీ 2026 మరియు 13 AES కమ్యూనిటీ క్లబ్ల ప్రారంభోత్సవ కార్యక్రమం మే 17, 2026న దుబాయ్లోని ఫిర్కీ రెస్టారెంట్లో ఘనంగా నిర్వహించారు.
ఈ కార్యక్రమంలో మొత్తం 39 మంది AES అంబాసిడర్లను అధికారికంగా నియమించారు. వ్యాపారం, మహిళా సాధికారత, విద్య, సమానత్వం, సంస్కృతి, కమ్యూనిటీ సేవ, ఆరోగ్యం, ఫిట్నెస్, పర్యావరణ పరిరక్షణ, యువ నాయకత్వం, పేరెంటింగ్, సృజనాత్మకత, పఠనం వంటి రంగాల్లో కమ్యూనిటీ సేవా కార్యక్రమాలను ముందుకు తీసుకెళ్లేందుకు ఈ క్లబ్లు పనిచేయనున్నాయి.
ఈ కార్యక్రమానికి ముఖ్య అతిథిగా యూఏఈ మాజీ రాయబారి, యూఏఈ జాతీయ పతాక రూపకర్త హిజ్ ఎక్సలెన్సీ అబ్దుల్లా అల్ మైనాహ్ హాజరయ్యారు. కేవలం 19 ఏళ్ల వయసులో యూఏఈ జాతీయ జెండాను రూపకల్పన చేసిన ఆయన సమక్షం కార్యక్రమానికి ప్రత్యేక ఆకర్షణగా నిలిచింది.
ప్రారంభించిన క్లబ్లలో AES బిజినెస్ క్లబ్, విమెన్ ఎంపవర్మెంట్ క్లబ్, ఎడ్యుకేషన్ క్లబ్, ఇన్క్లూసివ్ క్లబ్, ఫెస్టివల్ & కల్చర్ క్లబ్, కమ్యూనిటీ కేర్ క్లబ్, హెల్త్ క్లబ్, ఫిట్నెస్ క్లబ్, ఎన్విరాన్మెంట్ & సస్టైనబిలిటీ క్లబ్, యూత్ & స్టూడెంట్ లీడర్షిప్ క్లబ్, పేరెంటింగ్ & ఫ్యామిలీ క్లబ్, ఆర్ట్స్, క్రియేటివిటీ & టాలెంట్ క్లబ్ మరియు రీడింగ్ క్లబ్ ఉన్నాయి.
AES అంబాసిడర్లుగా నియమితులైన వారిలో పీయూష్ బియాని, రాబియా తారిక్, అనీసా మొహమ్మద్, వందనా జోస్, ప్రియా భేడి, కవిత శ్రీరామ్, లవీనా చౌహాన్, ఉర్వశి పమ్నాని, ప్రతిమ వర్మ, నీనా రైనా, నిషా టాండన్, వరుణ్ రైనా, అనౌష్కా టాండన్, సరికా నేహల్ పారిఖ్, ఫుర్కాన్ మొహమ్మద్ అఖ్తర్, ధమోదరన్ రామమూర్తి, సయ్యద్ షాకిర్ రసూల్ షరీఫ్, షాహిన్ షేక్, డాక్టర్ ఈవా ప్రధాన్, డాక్టర్ సమన్ ఉరూజ్ జీషాన్, హృత్విక హేమంత్, కోచ్ హోయామ్ జహెల్రసూల్ మొహమ్మద్, కోచ్ మొహమ్మద్ హస్నైన్ షేక్, అనూషా సీరం, నేహా మెహతా, వక్వాసుద్దీన్ విక్కీ, లుబ్నా నిషాత్, డాక్టర్ పాయల్ శెవానీ, ఏంజెలినా మరియం అజయ్ వైద్యన్, ఆయాన్ అహ్మద్, ప్రణతి మజుందర్, డాక్టర్ దీపా ఖేమాని, అమినా నుబ్లా నిజార్, మనసి అభిజిత్ దేవధర్, పెనాజ్ బార్డోలివాలా, ధరా షా, సూబికా ఫవాద్, వందనా జోస్ మరియు సంసిత ప్రదీప్ ఉన్నారు.
ఈ కార్యక్రమానికి Maa Gulf, ది లెమన్ స్టూడియో బై రమేష్, మక్సూద్ అహ్మద్, ధారవ్య ఫోటోగ్రఫీ, బ్లాక్ ట్యులిప్ ఫ్లవర్స్, నక్శ్ బై రాబీ, బియాని జువెల్స్, సూబికా ఫవాద్ ఆర్ట్ అండ్ డిజైన్, హై ఛాయిస్ అడ్వర్టైజింగ్, మ్యూనిక్ గ్రోసరీ మరియు ఫిర్కీ రెస్టారెంట్ సంస్థలు భాగస్వాములుగా సహకరించాయి.
ఈ సందర్భంగా AES వ్యవస్థాపకురాలు ఆయేషా షేక్ మాట్లాడుతూ, సమాజ సేవ పట్ల ఆసక్తి ఉన్న వ్యక్తులను ఒక వేదికపైకి తీసుకువచ్చి, అర్థవంతమైన కమ్యూనిటీ కార్యక్రమాలను నిర్మించడమే AES అంబాసిడర్ ప్రోగ్రామ్ లక్ష్యమని తెలిపారు. ప్రతి క్లబ్ సమాజంలో సానుకూల మార్పు తీసుకురావడంలో కీలక పాత్ర పోషిస్తుందని ఆమె ఆశాభావం వ్యక్తం చేశారు.
తెలుగు
నక్సల్స్ రహిత తెలంగాణను తీర్చిదిద్దిన పోలీస్ అధికారులకు సన్మానం..!
#MaaGulf @maagulf #Telangana #Hyderabad @TelanganaDGP @CVAnandIPS @MalkajgiriCop @SumathiIPS
ఛత్తీస్గఢ్: దేశంలో వామపక్ష తీవ్రవాదానికి ముగింపు పలికి, నక్సలిజం రహిత సమాజాన్ని నిర్మించడమే కేంద్ర ప్రభుత్వ సంకల్పమని కేంద్ర హోం మంత్రి అమిత్ షా (Amit Shah) అన్నారు. ఛత్తీస్గఢ్లోని జగదల్పూర్లో సోమవారం తీవ్రవాద ప్రభావిత ప్రాంతాల్లో మావోయిస్టుల నిర్మూలనకు కృషి చేసిన పోలీస్ అధికారులను సన్మానించారు. తెలంగాణ రాష్ట్రంలో నక్సలిజాన్ని సమూలంగా అణచివేసి, రాష్ట్రాన్ని నక్సల్స్ రహితంగా తీర్చిదిద్దడంలో ప్రతిభ కనబరిచిన తెలంగాణ పోలీస్ ఉన్నతాధికారులను హోం మంత్రి సన్మానించారు.
మావోయిస్టుల నిర్మూలనకు కృషి చేసిన పోలీసు అధికారులకు సన్మానం సందర్భంగా హోం మంత్రి అమిత్ షా తెలంగాణ రాష్ట్రం గురించి ప్రత్యేకంగా ప్రస్తావించారు. తెలంగాణ డైరెక్టర్ జనరల్ ఆఫ్ పోలీస్ సీవీ ఆనంద్, రాష్ట్ర భద్రతా సలహాదారు, మాజీ డీజీపీ బి.శివధర్ రెడ్డి, డీజీపీ ఆపరేషన్స్ (ఆక్టోపస్ & గ్రేహౌండ్స్) అనిల్ కుమార్, మల్కాజ్గిరి కమిషనర్ & మాజీ ఎస్ఐబీ ఐజీపీ సుమతితో పాటు ఆమె నేతృత్వంలోని ఎస్ఐబీ బృందాన్ని అమిత్ షా సత్కరించి, వారి విశేష సేవలను అభినందించారు.
అనంతరం హోం మంత్రి మాట్లాడుతూ.. 2024 జనవరిలో ఒక అంతర్గత సమావేశంలో 2026 మార్చి 31 నాటికి దేశంలో నక్సలిజాన్ని పూర్తిగా తుడిచిపెట్టాలని తాము కాలపరిమితిని నిర్దేశించుకున్నట్లు వెల్లడించారు. “మావోయిస్టులు పూర్తిగా నిర్మూలిస్తామని మేం నిర్ణయం తీసుకున్నప్పుడు చాలామంది ప్రైవేట్ చర్చల్లో ఇది సాధ్యం కాదంటూ సందేహాలు వ్యక్తం చేశారు. కానీ మేం స్పష్టమైన ప్రణాళికతో, పక్కా వ్యూహంతో ముందుకు సాగాం. మా దంతేశ్వరి అమ్మవారి ఆశీస్సులతో ఈ రోజు బస్తర్ ప్రాంతాన్ని నక్సల్స్ రహితంగా ప్రకటించడం ఎంతో సంతోషంగా ఉంది” అని అమిత్ షా పేర్కొన్నారు. ఛత్తీస్గఢ్ ఇప్పుడు నక్సలిజం మహమ్మారి నుంచి విముక్తి పొందిందని, వామపక్ష తీవ్రవాదానికి వ్యతిరేకంగా సాగిన సుదీర్ఘ పోరాటంలో ఇదొక చరిత్రాత్మక మైలురాయి అని ఆయన కొనియాడారు.
1970వ దశకం నుంచి 2026 మార్చి 31వరకు దాదాపు మూడు తరాల పాటు దేశ ప్రజలు నక్సలిజం అనే ఒక పీడకలను చవిచూశారని అమిత్ షా ఆవేదన వ్యక్తం చేశారు. నక్సల్స్ ప్రభావిత ప్రాంతాల్లో తీవ్ర రక్తపాతం, అభివృద్ధి నిలిచిపోవడం, యువత భవిష్యత్తు అంధకారమవ్వడం వంటి పరిస్థితులు ఉండేవని ఆయన గుర్తుచేశారు. నక్సలిజం నిర్మూలన పోరాటంలో దేశంలోని దాదాపు అన్ని రాష్ట్రాలకు చెందిన జవాన్లు ప్రాణ త్యాగం చేశారని, వారి బలిదానాల వల్లే నేడు ఈ విజయం సాధ్యమైందని హోం మంత్రి అన్నారు.
నక్సలిజం కేవలం ఒక ప్రాంతానికి పరిమితమైన సమస్య కాదని, తన సొంత రాష్ట్రమైన గుజరాత్తో పాటు దేశవ్యాప్తంగా దీనిపై ఆందోళన ఉండేదని షా తెలిపారు. ఒక జీవిత కాలంలో సాధించలేమనుకున్న అసాధ్యమైన లక్ష్యాన్ని భద్రతా దళాల సమన్వయం, పట్టుదలతో సాకారం చేశామని అమిత్ షా హర్షం వ్యక్తం చేశారు. ఈ కార్యక్రమంలో పలువురు కేంద్ర, రాష్ట్ర ప్రభుత్వ ఉన్నతాధికారులు, భద్రతా దళాల ప్రతినిధులు పాల్గొన్నారు.
తెలుగు
కమల్ హాసన్ స్ఫూర్తిదాయక నిర్ణయం-సోషల్ మీడియాలో ప్రశంసల వెల్లువ
సినిమా పరిశ్రమ క్లిష్ట పరిస్థితులను ఎదుర్కొంటున్న ఈ సమయంలో యూనివర్సల్ స్టార్ కమల్ హాసన్ తీసుకున్న ఒక నిర్ణయం ఇప్పుడు అందరి ప్రశంసలు అందుకుంటోంది.
ప్రైవేట్ చార్టర్స్, లగ్జరీ ట్రావెల్స్ను పక్కన పెట్టి సాధారణ ఎకానమీ ఫ్లైట్లో ప్రయాణిస్తూ నేరుగా షూటింగ్ సెట్స్కు వెళ్లిన కమల్ హాసన్ సింప్లీసిటీ స్ఫూర్తిగా నిలిచింది.
ఎంత స్టార్ డమ్ ఉన్నప్పటికీ సినిమాపై ప్రేమ, బాధ్యత ముఖ్యమని కమల్ హాసన్ మరోసారి నిరూపించారు.
ప్రస్తుతం సినీ పరిశ్రమ కొత్త ఆలోచనల వైపు అడుగులు వేస్తున్న సమయంలో ఆయన తీసుకున్న ఈ నిర్ణయం ఇండస్ట్రీకి ఒక స్ఫూర్తిదాయకమైన సందేశంగా మారింది.
పరిశ్రమ కోసం మార్పు మన నుంచే మొదలుకావాలనే కమల్ హాసన్ తీసుకున్న చొరవకు సోషల్ మీడియాలో ప్రశంసలు అందుతున్నాయి.
సినిమా రంగంలో జరగబోయే గొప్ప మార్పులకు ఇది తొలి అడుగు కానుంది.
#MaaGulf @maagulf #Movies @ikamalhaasan
తెలుగు