MANAL ..⚖️

نظراً لوجود بعض العقليات الغريبة ، فإن أي حساب وهمي جديد يأتي لتفريغ أمر.اضه النف.سية عندي ، أو حساب يعارض ما أكتب دفاعاً عن الف.ساد ، أو يرد ردود سخيفة فسيتم حظره بدون رد.👍🏻

كل الأبواب التي تراقبها لرزقك ستشغلك وتحزنك لأن رزق الله سيأتيك من أماكن لا تخطر ببالك

أنتِ فقط من تصور الأمر و من دون أن يمسك غضبتِ فهل تظنين الطرف الثاني سيكون سعيداً بالتشرطات ؟!! طبعاً لا ، المقصود أن هذه فتح باب التشرطات ليس محموداً على إطلاقه ، كما أن طريقة بعضهن في الشرط ليست حسنة ، علاوةً على كل ذلك هناك عدوى نسو،...،ية منتشرة وهي الاستحقاق العالي جداً بلا واقع يبرر ذلك الاستحقاق المرتفع ، لهذا كان لابد من لفت نظرها ونظرة للواقع و أن المسألة ليست تجارة لابد فيها من الربح أو يغلق المشروع ، بل مسألة الزواج فيها ربح وخسارة وشدة و رخاء و وفرة وقلة وقوة وضعف بمجموعها تمثل أرباح الزواج ، لابد يكون لديك إدراك أسمى للموضوع ، لابد تعرفين أن الزواج من واجباتك تجاه مجتمعك و وطنك و أمتك ، لهذا أردت أن ألفت نظر صاحبة الموضوع وغيرها جانباً آخر يغفلن عنه ، و أن لا يعاملن الزواج من منظور الفردانية و التمحور حول الذات لأنها نظرة علمانية صرفة ، و المفترض كمسلمين نتعامل مع مؤسسة الزواج تعامل شرعي يتخلله الكثير من الإحسان.

@manallallsayff @FdFdHME أنا أشوف شروطها أهون من الشروط المقابلة اللي صفيتيها ، السكن المستقل والمصروف رغم انها حددت مبلغ بس بشكل عام مطلب كل بنت ،ومايتزوج عليها حقها والحج ممكن يكون صعب لأول سنتين صحيح أما يشرط اهلها مايدخلوا لبيته وماتتواصل معهم ليش ما خذها سبيه! وتطبخ لضيوفه باي وقت وين جالسين جكاره !

#فضفضه أنا فتاه عمري ٢٢ تقدم لي شاب وقلت بأمن نفسي واشرط التالي : بيت مستقل بعيد عن الأهل ،مصروف شهري ٢٠٠٠ ريال ،الحج اول سنتين ،عدم الزواج بأخرى ،مايمنعني من اي حق شرعي وقانوني ،بس أهلي رافضين إني اشترط شيء أتمنى الرد يكون باحترام واخلاق لان من حقي اضمن نفسي ووضعي وشكرا.

@Samer_Wafaa2 @FdFdHME أعرف أن كل هذا من حقه بدون شروط ، و لكن أردت لفت نظرها إلى أن ما تشترطه ماذا لو كان من الطرف الثاني نفس ما تطلبه هل سترضى؟! ، وعموماً أنا مع أنه يشترط حتى لو كان من حقه لكي لا يقع في متفزلك لا يخاف الله مستقبلاً.

@Sabuu4989 @FdFdHME من تقصد ؟

@manallallsayff @FdFdHME سبحانك ربي بلاوي ماتجي الا منكم كالعاده

@ASTIFSARI @FdFdHME طيب و إذا كان لا يرغب بالزواج منك أو ممن تعمل في نفس مهنتك ماذا سيكون موقفك ؟! ، لا تعتقدين كل الناس سيكون تفكيرهم مثل تفكيرك فما هو عادي عندك ربما لا يكون كذلك لدى غيرك ، احفظي دينك وكرامتك ونفسك خيرٌ لك.

#سالفتي أنا بنت عمري ٢٦ اشتغل في مستشفى وجا احد المراجعين وانا كنت ماسكه الحاله الولد تبارك الرحمن كل شي في كامل من اخلاق وشكل وكل شي عجزت اتخطاه أبدا اخذت رقمه من السستم وكل مره افكر ارسل له أتراجع اخاف يفكرني ان قليله ادب وانا والله اني ابي طريق الحلال ويمكن يكون هو الزوج المستقبلي وانا بنت ناس ومحترمه وفي دوامي كثير انخطب من زملاء العمل بس ارفض لاني اعرف اخلاقهم من قبل رمضان اخذت رقمه والى الان ماعندي جرأه اني ارسل له اخاف يفكرني بطريقه غلط ابي رأيكم هل اكلمه واصارحه ولا ممكن يفكرني شي ثاني ؟ علما واللله ان كل رمضان كنت ادعي انه يكون من نصيبي

بريحك كل حب أو توافق متوهم ينشأ قبل الزواج في غالب الأحيان لا يصمد ، لأنكما ستخرجان أفضل شكل و أداء لديكما بشكل مثالي ثم إذا تزوجتما مع تعايشكما في الواقع ستظهر الصورة الحقيقية الغير مثالية وحينها تتصدع علاقتكما و تكثر مشاكلكم ، وربما تنتهون للطلاق ، لهذا لا يوجد طريق أفضل من الطريق الذي سنه الله لخلقه في الزواج.

#فضفضه انا بنت في بداية العشرين مواصفاتي حلوه الحمدلله ويجوني خطاب لكن مو قادره أتقبل ودي أتزوج عن تعارف بس مابغى أدخل طريق العلاقات المحرمة ولاأعرف كيف ممكن يتم ذا التعارف بطريقة جاده وواضحه وبحدود الشرع دون تجاوزات وبفتره بسيطة اقدر اكون تصور عنه واكون مرتاحة نيتي سليمه ولا أبغى غير نعرف الأساسيات عن بعض ونشوف إذا بينا توافق أعطيه رقم أهلي وجهوني تكفون. احتاج نصيحة وحل منكم .

@FdFdHME هو الحسد ما يجيك إلا من الأقارب والمعارف و من يمتهنون مهنتك ، أما عامة الناس فلا يهتمون لك رحت و لا جيت ، فاستر نعمتك عن الناس و أقصي حوايجك بالكتمان.

#فضفضه كيف اتعامل مع الشخص اللي يكون قريب مني ومن لحمي ودمي ويغار مني ويحسدني مع انه يحبني وبيننا صله ويشوف اني اتعب ومايغير حياته للافضل لا اشوف فرحي بعينه حزن.

أخرجيه من ضغوطه ، إذا دخل البيت فلا تذكري عنده أي شيء يكدره سواء طلبات أو أموال أو أي شيء إلا الأشياء الضرورية التي لابد من ذكرها و هذه كذلك أختاري لها الوقت المناسب ، بالنسبة للمسائل الخاصة فلا تكوني تقليدية في تناولها بل بادري بطرق مبتكرة ، و أكثري من مدحه و الثناء عليه و لاطفيه بألقاب تملؤه فخراً و زهواً حتى و لو خجل منها وهذه مجرد اقتراحات وأنتِ أعرف بما ينفع مع زوجك.

#فضفضه حابه اسأل الى أي مدى التفكير بشيء أو ضغوطات نفسية تأثر في الرجل جنسياً ماله نفس خاصه اذا كنا عرسان والعمر صغير ؟

@FdFdHME انفصلي ، أو نافسي على قلبه بالمبادرة بالعناية والاهتمام بطرق لم يسبق أن سلكتيها معه ، وسيتغير معك.

#فضفضه زوجي تزوج من سنتين ورضيت بقدر الله وكملت حياتي معاه وصبرت حالي بحكاية مجرد زوجه ثانيه لغرض في نفسه ماراح يغيره شي علي مرت الشهور وبدا ينفر مني وصار جلوسه مع اطفاله ينعد ع الاصابع يجي بعد ١٢ عشان ينام ويصحى عشان يفطر ويمشي مااخذنا من وقته انا واطفاله الا الساعه اللي كلها استعجال كنه جالس على نار وكل ماحس فيني عدم رضا او انزعاج حتى لو مااتكلم ضغطني مادياً يبدا يضيق علي حاولت اتصبر واقول راح تفرج لكني انتهيت نفسياً لاتقولون انبسطي وانسيه لأنه مو مخلي لي فرصه اكون سعيده انا بعيده عن اهلي وصاحباتي اللي ينعدون ع الاصابع بدو يتهربون من كثر مااتعذر لانه ب العافيه يخليني اروح اغير جوعندهم والزواجات والمناسبات لي ١٢ سنه مادخلت زواج بسبب تعقيده بهاالموضوع العيد اعيد الحيطان من الوحده اهلي بعيد وعيد عنده وعيد عندهم العيد اللي مو عندهم هذا حالي ذبحتني الوحشة وقلة الانس والناس غير عن ظلم الزوج وتقصيره بحقوقي العاطفيه ياخذ ب الشهر والنص شهر مايقرب مني في حالة تأهب بوجوده عشان مايشوف شي يعصب عليه ومع هذا ينفعل من اي تصرف لو تافه حاولت ابرر له انه رجل مايحب البيت وجلسة البيت وللاسف اكتشفت انه من لما يطلع من عندي لليوم الثاني وهو متكي ب البيت الثاني .. الحياه معاه اشبه ب الموت البطيء هل يحق لي الانفصال خاصه اني بعيده عن اهلي يعني لاكسبت اهلي وصاحباتي والناس اللي اتسلى معاهم عشان تمشي الحياه ولاكسبت الزوج اللي خلاني اترك كل هذا واجي معه.

@FdFdHME المجتمع غالبيته هكذا ، ولهذا هو غارق في الهشاشة النفـ،....،ـسية ، فرقي بين حب أهلك ، و بين القبول بما يقولون من باطل ، و الزمي أمر الله ونهيه دون التفات لأراء الآخرين.

#فضفضه انا مجروحة من اهلي وخاطري مكسور اذا عجبهم شي فيني مايمدحوني والعكس تماما يحاولو يحبطوني ويحطموني ويشوهو صورتي عن نفسي كنت اتأثر لاني مااتخيل السوء منهم خسرت نفسي كثير وكنت اشكك في نفسي بسبب تعليقاتهم مره اتضايق لاني ما قد عاملتهم بهالاسلوب و دايما اعزز لهم وادعمهم صارحتهم بأني اتضايق من تعليقاتهم ويوم تكلمت كلهم كانو ضدي انكسرت وتأذيت نفسيا معد اثق فيهم غصب عني اخبي نفسي عنهم احس كأني في سجن دايما مقيدة نفسي احس اني تحملت كثير مابي اكره نفسي اكثر ولا اكرههم كيف احمي نفسي من هالشعور والاستنزاف وانا وسطهم

@FdFdHME إبحث عن الطرف الثالث.

#فضفضه متزوج من 20 سنه وبيننا اولاد من 3 سنوات زوجتي تغيرت وما صارت تهتم وحصلت مشكله وراحت لاهلها ورفضت ترجع وبعد محاولات رجعت ب مبلغ 30 الف وشرط شراء بيت بعد 3 سنوات علما عندنا بيت ملك في منطقه قريب قبلت الشروط لاجل لمّ الاسرة وتركت البيت وأستاجرنا بمكان ثاني لكن ماتغيرت متضايقه ع طول والحق الشرعي ترفض وصابر لعل تتعدل لا احد يجي يقولي تراكمات انا عارف وش مقدم لها وكان بيننا حب واحترام و مكرم اهلها وش الحل معها.

@ASTIFSARI @FdFdHME أهرب.

#استفساري هل لو تزوجت بكر عمرها 45 إلى 50 الطبيعي انه تقدر تحمل أو يعتبر سن اليأس ؟

@FdFdHME يوم شاف الانواع و الأشكال الأخرى درى أنه استعجل وتوهق بك ، لهذا قال الحق عمري أحسن الاختيار ، وأنتِ قمتِ بدورك كتصبيرة وانتهت صلاحيتك.

#فضفضه من وحنا اطفال احب واحد بيننا وفجأة قرر ينهي التواصل وتكون علاقتنا بدون تواصل لين يصير بيننا شيء رسمي ولقيته يدخل بثوث مع بنات وبينهم سوالف وميانه مضايقني هالشيء يقول انه اتدخل ف خصوصياته ويشوف اني مكبره الموضوع ويقول عادي بس بث وطقطقه ينتهي البث ينتهون معه ؟

@FdFdHME ما بعد شور أبوك شور.

#فضفضه خطبني شخص قريب عندنا بالحاره قبل سنتين وعلى أساس الزواج بعد عيد الأضحى اتصل على ابوي لتحديد وقت العرس وبعدين قعد يتنرفز ويعاتب ويصيح على ابوي ويقوله اذا ماانت ناوي تزوجنا رجع لي خبر بدري على الرغم من انه قد أعطى ابوي المهر وقعد يصيح عليه ابوي ومن وقته زعل ورد له فلوسه وكلم خطيبي يدور له نصيب هل ابوي تصرفه صحيح مع العلم اني مع تصرفه وقلت ابي شوركم بارك الله فيكم

لا تُرهق عقلك بالقلق وكثرة التفكير فإن الله بلطفه كتب لك المخرج قبل أن يولد همك

﴿ وَمَن يَتَوَكَّل عَلَى اللَّهِ فَهُوَ حَسبُه ﴾ كل مخاوف الدنيا لا تساوي شيئاً عند التوكل عليه

لا تُضخم المواقف .. فأغلب ما تخاف منه لن يحدث ، وإن حدث بالفعل فلن يكون بالحجم الذي رسمه لك خوفك ..

قد تكون بعض الخسارات أرباح مؤجلة والله يعلم وأنتم لاتعلمون

-سُبحان الله - الحمدلله - لا إله إلا الله - الله أكبر - أستغفرُ الله وأتوب إليه - لا حَول و لا قوة إلا بالله - سُبحان الله و بِحمده - سُبحان الله العَظيم - اللهم صلِ وسلم على نبينا محمد.