..

الايام الماضية كثير وصلتهم رسالـة من #التأمينات_الإجتماعية بهذا المحتوى👇 عزيزي المشترك، نحيطكم بأن عدم التزام المنشأة بسداد الاشتراكات لمدة 6 أشهر يؤدي إلى تعليق احتساب مدد الاشتراك، مما قد يؤثر على التغطية التأمينية والمنافع المرتبطة بها. هالرسالة ضروري تتعامل معاها بجدية سواء كنت صاحب منشأة او حتى موظف وبالتغريدة بقولك ليش بشكل مختصر 😎 التسجيل في التأمينات الاجتماعية ،، طبعاً الزامي وفيه نسبة تتحملها المنشأة ونسبة يتحمل الموظف/ـة بشكل شهري لسداد قيمة الإشتراك. وطبعاً المنشأة هي المسؤولة عن سداد فاتورة الاشتراك الي توصلها من #التأمينات_الإجتماعية ،، واذا ما تم السداد هنا بحسب نظام التأمينات الجديد بتكون في آلية ومراحل يتعاملون فيها وهي كـالتالي: 🔸المرحلة الأولى (اذا كان التأخير في السداد لمدة اقل من ٦ شهور): 🔹 بالنسبة للموظف/ـة: أمورك بتكون طيبة لأن مدة الاشتراك بتكون فعالة وما تتأثر. 👍 🔹بالنسبة للمنشأة: ملزمة بالسداد + بتكون عليك غرامات التأخير 😑 🔸المرحلة الثانية (اذا كان التأخير في السداد لمدة تزيد عن ٦ شهور): هنا الموضوع مختلف خصوصًا للموظف/ـة لأن مدة الاشتراك بتكون معلقة وغير محسوبة ضمن فترة اشتراكك ولا راح تحسب لك التقاعد إلين يتم سداد المديونية والغرامات من المنشأة 😶 الموضوع يعتبر مهم وما ينفع التساهل فيه ابداً عشان لا يروح عمرك ع الفاضي🥲