مسامر

@2976ggbs @Askmuhami من يحافظ على صلاته لايمكن يكون متعاطي.. لا يستقيم الأمر ابدا الصحبة أيضا تبين الكثير فالطيور على اشباهها تقع

@mosamer1980 @Askmuhami والمخدرات ؟

من الخاص📩 السلام عليكم جاء خطيب لاختي ووافقو الطرفين والامور تمام لكن وصلتني معلومه عنه انه يمشي مع ناس خربانه وودي اتاكد هل في فحص الزواج راح يبين اذا انه متعاطي ام لا ؟

@Askmuhami واضح عندك شيء مخبيه عيالك لا تبخل عليهم اذا كنت تريدهم سند لك إذا تقدم بك العمر سيذكرون كل شيء

من الخاص📩 السلام عليكم سؤال من المختصين بخصوص دعاوي النفقة رفعت انقاص نفقة لزيادة التزاماتي الشهرية الالتزامات في الشهر 20300 ريال مابين قرض البيت وقرض سكني وعاملة سائق علما انه في ولدين يعيشوا عندي الكبير والصغير بحكم المحكمة امه تنازلت عنه وعندي زوجة وهي عندها 5 ونفقة كل منهم 1050 شامل السكن والان عندها حساب مواطن وضمان اجتماعي والغريب أنها قالت انه عندي عقارات مأجرة ورديت الطلب والقاضي سالها عندك بينة قالت لا خليهم يحلفوا وحول القضية للجنة الخبراء وطلب حضوري من المحامي وإذا ماحضرت يعتبر نكول الان سوالي هل من حق القاضي انه يطلب اليمين فيما أملك خاصة انه لجنة الخبراء عملت بحث عني في البنك المركزي ومالقوا عندي اي شي

@FdFdHME لايوجد شيء اسمه عدم توافق.. اذا فيه مشاكل يبلغونكم وانتم احرار في الاكمال او التراجع

#فضفضه حابة أستفسر من البنات باقي لي كم يوم على فحص ما قبل الزواج وحاسة بخوف شوي لو طلعت النتيجة غير متوافقين تحسون إنه شيء طبيعي أو يخوف؟

@FdFdHME لازلت اجنبية وحتى لو تمادى يفترض منك عكسه تماما الحياء زينة البنت وكمال جمالها.. ومن حيائها قلة كلامها وهدوء صوتها وعدم انجرافها وراء كل فكرة

#فضفضه خطيبي ( لم نعقد القران بعد ) جدا رسمي في التعامل ولا يكلمني الا مرتين في الاسبوع ولا يسألني اسألة شخصيا فقط عامة هل هذا طبيعي ؟

@Askmuhami تقدم لامارة المحافظة باعتدائه على ملكك.. أبرز صك الملكية.. يستدعى ويوقف وتحول للمحكمة

من الخاص📩 السلام عليكم صك زراعي فيه ممر بينا وبين الجار وانحسب متر بجانب أرضنا والمتر الثاني الجار بنى داخله. هل يُلزم بترك الممر؟ وايضا بنى بأجزاء داخل أرضنا وكسر جدارنا وفتح باب على المزرعه وشال التركيز والعلامات، فما التكييف النظامي للمطالبة؟

@Askmuhami انتي معك ولاية عليها. تقدمي للمحكمة بذلك..

من الخاص📩 السلام عليكم .. أنا أم لطفلة يتيمة عمرها أربع سنوات توفى زوجي ( الله يرحمه ويغفرله ويبرد عليه بقبره ) منذ عامين تقريبًا وتقسم الورث بعد سنة بسبب مشاكل وقضايا مع أهله . نصيب طفلتي صار عند ( هيئة أموال القصّر ) وأنا الولية ، سؤالي انا سألت واستفسرت اصحاب الخبرة وكثير ناس بخصوص استثمار اموالها وناوية بإذن الله اشتري لها عقار لكن احتاج معرفة الاجراءات حيث ان الاموال مع الهيئة . كيف اقدم على هذا الاجراء؟ حصلت لها العقار لكن كيف ارفع طلب وتقديمه للجهة المعنية بأموالها ؟ ومتى تجي الموافقة؟ الله يرضى عليكم ما اقدر اوكل محامي وانا لي خلفية بالمحاكم والقضايا ، لكن احتاج فقط طريقة الاجراءات حتى اتمكن من السير بالموضوع واتمامه بعد توفيق من الله . شاكرة لكم .

@Askmuhami يجب اولا كتابة عقد مبايعة موضح فيه كامل الشروط ويكتبه لك محامي متمكن. وفيه طريقة تضمن بإذن الله ان تستلم البيت قبل الدفع للبنك.

من الخاص📩 السلام عليكم ياليت اجابه حصلت بيت عليه مديونه عقاري من البنك ١.٤ مليون وصاحب البيت طالب زياده ١ مليون والسعر جيد ماهي اليه التنازل مباشره لي وانا أقوم بتسديد البنك ؟ هل يوجد في نظام التمويل العقاري تنازل ؟ وماهي الضمانات لو كان التسديد من صاحب البيت والفلوس من عندي ؟

@ask_riyadh1 لايوجد فرق مغري خلك في محلك وبين اهلك افضل بكثير طور عملك الحر افضل

📌 من الخاص 📩 : انا حالياً راتبي 8 الاف بالدمام ومع الأهل والمصاريف ماتتعدى 3 الاف شهريا شاملة كل شي والحمدلله موظف عمل حر يدر علي شهريا 4 الاف يصفا لي 8 الى 9 شهرياً جاني عرض في الرياض ب 15 ومع السكن والمصاريف والإتزامات حسبتها تكون 5 الاف شهريا والعمل الحر راح استمر فيه فهل الانتقال يعتبر ميزة ام عقبة الشركة جدا ممتازة واسمها قوي ، ولكن الشركة الحالية لللي انا فيها مافي افضل من بيئتها ومديري اطيب من العود رجال طيب وكريم تخاف تخسره

@Askmuhami الحلول أن تنقلي على كفيل.. وهذا يتطلب منك عقد عمل مع جهة ما الحل الثاني تتزوجي وهذا قسمة ونصيب

من الخاص📩 السلام عليكم أنا بنت عمري 21 مقيمة بالسعودية ومن مواليدها وضعي حالياً صعب جداً مع أهلي فيه عنف ومنع تام من الخروج وحتى الدراسة أو الشغل رافضينها بشكل كامل إقامتي على أبوي وما عندي أي فكرة عن حقوقي أو كيف أقدر أستقل بشكل نظامي وآمن بعيد عنهم حاسة إني محبوسة وما عندي أي حل أو جهة أرجع لها ياليت أي محامي أو شخص فاهم بالنظام يفيدني وش أقدر أسوي؟ وهل فيه طريقة أطلع من وضعي هذا بشكل قانوني وآمن

@FdFdHME ابدا هذي خلق الرحمن.. وما ادراك أن الطبيب مخطيء.. وقد يكون فقط مكان الكلية متغير

#فضفضه انا انولدت بكلية واحده وماعندي اي مشاكل اخرى وعايشه في قرية ومن النوع الكثيرين الكلام وكل شي يتناقل بينهم وياخذونه على لسانهم جايني خاطب هل بعد الشوفه والقبول يتواصل معه والدي ويقوله اني بكلية واحدة او كيف الطريقه ؟

@Askmuhami هل هو يتعاطى شيء؟؟ يشرب خمر؟ حبوب؟ من صفات المدمنين هي الشك الدائم. يمكن لك رفع قضية قذف ضده لكن قد يطلقك.. قدمي بلاغ على العنف الأسري لعله يكون فيه حل

من الخاص📩 السلام عليكم زوجي اتهمني اني اقابل واحد لا طلع وان بنتي الكبيرة تغطي علي وتهجم علي واخذ جوالي وتدخلوا اولادي الكبار ويقولون لاتردين عليه اسكتي وتحملي زي ماكنتي ساكتة ودايم يتهمني بشرفي دايم من عرفته وصابرة اشتكيت لامي قالت الي يشك يحبك ترا وصبرت ولا ابي احمل اهلي همي والان صار بزود منبوذ من اهله لاتقولون كلمي اهله ولا اهلك وش الحل ؟؟ يتهمني بشرفي بعده يجي اليوم الثاني يطلب حقه الشرعي ولا كنه قايل شي امس شي ويقولي انتي خبيثه انتي ملعونة انتي سبب دمار عيالي وعيالي كبار الله يحفظهم انا رافضه حقه الشرعي ولا ابيه ونفسي ماعاد تطقيه ولا اقدر اطلع من البيت واخلي بناتي الصغار كل يوم اقول بتغير الا يزيد اقول لولدي الكبير عالجه احتمال يتغير ويرفض

@Askmuhami شف العقد تلاقي انك المستأجر ماعليه تأمين.. ارفع عليهم قضية اذا لم يستجيبو لطلبك

من الخاص📩 السلام عليكم عندي عقد تمويل سيارة منتهي ب التمليك مع البنك الازرق ومر على الاقساط 52 قسط والمتبقي هو 80 اللف موجوده ف التطبيق ولما جيت اسوي شراء مديونيه لبنك اخر و يشتري السياره رفعت طلب للسداد المبكر و ارسلو لي رساله المبلغ هو 133 اللف و سألتهم وش سبب الزياده قالو تسوية تأمينيه بقيمة 53 اللف ورفعت ع البنك المركزي علماً اني ما سويت اي حوادث خلال ال 4 سنوات إلا حادث واحد بسيط و انا الي صلحت سيارتي بنفسي وعلى حسابي ارجوكم ابغا حل واضح لأن ماني قادر اسوي شراء مديونيه لبنك اخر بسبب زيادة المبلغ

@Askmuhami ارفعي عضل..

من الخاص📩 السلام عليكم احنا ٣بنات الكبيره ٣٠ والصغيرة ٢٥ يعني كلنا بلغنا سن الرشد وامي وابوي منفصلين وعايشين مع امي وابوي لا ينفق علينا وكل ماتقدم لنا احد يرفض او يشترط انه ياخذ ١٠الاف من المهر هل اقدر ارفع قضية بصك الولايه يكون لأخوي انا عندي خبر عن برفع قضية عضل وحال رفض في المحكمة يوكلون اخوي في أمور الزواج لكن اذا كذا لازم كل وحده اذا تقدم لها شخص ترفع وصعب سؤالي مافيه قضيه ارفعها انه يكون صك الولاية لاخوي بكل شي من زواج وغيرة واقدر ارفع نفقه لنا وكم تكون النفقة علينا

@Askmuhami اولا من 1407 مضى 40سنة كيف تثبت أن الأثر النفسي منها؟ ثانيا كن متصالحا باحثا عن الأجر فما مضى من عمرك قد لاتعيش مثله تذكر (من عفا وأصلح فأجره على الله) اذا عفوت طمعا فيما عند الله.. ترتاح نفسك ويهدا مافيك.. فاعفو واصفح تكن مرتاح البال.. في الاخير كل أبناء جيلك تعرضو لشيء من هذا

من الخاص📩 السلام عليكم انا رجل تجاوز عمري الان الخمسين عام وفي عام 1407 تقريبا كنت طالب صغير في المرحلة المتوسطة ولقد تعرضت الى اشد انواع الضرب المبرح واشد انواع الاهانات الفضية من احد المدرسين في المدرسة مما تسبب لي في امراض نفسية وما زالت .. والهروب من المدرسة بسبب هذا المدرس المتسلط .. السؤال هل يوجد طريقة في النظام لرفع دعوى ضد هذا المدرس ..؟؟

@Askmuhami ارسلي شكوى وخلي اسمك يجي.. مايعيبك بشيء بل بالعكس شرف لك وتكسبي الأجر في كف اذاه عن غيرك

من الخاص📩 السلام عليكم كلمت عامل مكيفات من موقع ( ح ) على الواتس اب وسالته عن السعر وانتهت المحادثه فجاه رسل لي صور غير لائقة ، هل يمديني اتخذ اجراء بدون مااروح القسم او ابلغ عليه بدون مايتسجل عندي باابشر؟ لانو قهرني الله يقهره

@Askmuhami هذي بعض افكار البنات يقولون لها ارفعي للمحكمة يحكم لك اكثر.. انصح أي مطلق تناكفه طليقته بالنفقة أن يجعلها تتوجه للقضاء كي يحكم لها واذا أعطاها زيادة فهو تفضل منه

من الخاص📩 السلام عليكم طلقت زوجتي وعندي منها طفلين وكنت احول لها النفقة شهرياً على حسابها لمدة 4 شهور بدون اي تواصل بيني وبينها فجاءة رفعت علي قضية بالمحكمة تطلب نفقة و رفضت الصلح في النفقة تقول مابي شي ودي منك وتحولت للقاضي وحكم باقل من المبلغ اللي احوله وبعد صدور الحكم وقفت التحويل لها ( لان عندها صك حكم خلاص المفروض هي ترفع للتنفيذ وتستقطعها لانها ماتبيها ودياً ) ولنا الان 3 شهور ما قدمت على التنفيذ وانا ماعاد حولت لها هل ممكن يضرني هذا الشي وش موقفي القانوني ؟

@Askmuhami لا تستطيع بهذا السن لا تجبر ابدا.. ادعو لها بالهداية

من الخاص📩 السلام عليكم اختي هربت من سنه عمرها ٢٦ وماكانت معنفه ولا عندها اي مشكله هربت "تغيبت" بسبب انها تبي تستقل مع صديقاتها واهلي تعبو من الموضوع كيف ممكن نرجعها عن طريق القضاء او القانون واذا نقدر رشحو لي مكاتب محاماه مختصه في القضايا هذي

@Askmuhami انت ماتبي بنتك لأنها بنتك وتحبها.. انت تبي خدامة لك وبس. لاتستطيع اخذ الحضانة لأنها قادرة على التعبير ورفضك عند القاضي ولان القاضي يحكم لمصلحة المحضون. سؤال : ليش قبلتها بهذه الطريقة؟ هل طبيعي هذا عندك؟ او تريد الغير أن يراه طبيعي؟!!!!!

من الخاص📩 السلام عليكم انا رجل مطلق اريد حضانة بنتي الكبيره لاسباب صحيه مريض سكر وعملية قصدره وبالطبع ضعيف جنسيا .. لا استطيع الزواج وابدأ من جديد عايش لوحدي . زوجتي منعتني من رؤية بناتي ٢ لا مكالمات ولا رسائل والسبب لما بغيت اودعهن قبلتهن مع فمهن ومشيت ... حرماني من مكالمتهن وشوفتهن متعبني بالمره .. هل يحق لي حظانه بنتي البالغه ١٦ سنه . تراعيني وتهتم بي انا اخاف اموت ماحد درى عني . وشكرا لكم

@Ai12asa @Askmuhami لم ترفض.. طلبت منه بيت مستقر وهو بيتزوح بشقة مفروشة.. هي ترفض طريقته في إدارة الأمر. خطأها أنها تقدمت بطلب فسخ..

@mosamer1980 @Askmuhami هي الي رفضت الزواج كيف تثبت العكس ههههههههههههههههههههههههههههههههههههههههههه

من الخاص📩 السلام عليكم في فترة الملكة - حصل خلوه بدون دخول - تغير مكان عمله وطلب انه نسكن في شقة مفروشة حتى يستقر - وطلبت تأجيل الزواج حتى يستقر في مكان ويؤثث شقة لكنه رفض ويقول رجعوا لي مهري وانه ما ابغى آطلق انتم اللي قدموا على الفسخ - وقدمت على الفسخ هل يحق له كامل المهر ؟